ᠥᠯᠥᠭᠡᠢ ᠲᠡᠢ ᠠᠩᠭᠢ ᠶ᠋ᠢᠨ ᠬᠢᠨ - ᠳ᠋ᠠᠨᠢᠭᠠ ᠶ᠋ᠢᠨ ᠳᠠᠸᠠᠨᠢᠮᠠӨлгийтэй ангийнхан
1095 ᠳ᠋ᠠᠨᠢᠭᠠ ᠶ᠋ᠢᠨ ᠳᠠᠸᠠᠨᠢᠮᠠ
ᠥᠯᠥᠭᠡᠢ ᠲᠡᠢ ᠠᠩᠭᠢ ᠶ᠋ᠢᠨ ᠬᠢᠨ ᠠᠵᠢᠯ ᠶᠡᠬᠡᠲᠡᠢ
ᠥᠷᠯᠥᠭᠡ ᠢᠷᠡᠩᠭᠦᠲᠡ ᠪᠡᠨ ᠤᠬᠢᠯᠠᠬᠤ ᠶ᠋ᠢ ᠦᠵᠡᠭᠦᠯᠦᠨᠡ᠂
ᠡᠳᠦᠷᠵᠢᠨ ᠲᠡᠳᠡ ᠠᠯᠪᠠ ᠶᠡᠬᠡᠲᠡᠢ
ᠥᠯᠥᠰᠬᠦ ᠯᠡ ᠶᠦᠮ ᠪᠣᠯ ᠤᠬᠢᠯᠠᠬᠤ ᠶ᠋ᠢ ᠬᠠᠷᠠᠭᠤᠯᠤᠨᠠ᠃
ᠥᠨᠥ ᠬᠢᠷᠢ ᠨᠢ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠪᠡᠨ
ᠥᠪᠡᠷᠰᠡᠳ ᠢ᠋ᠶ᠋ᠡᠨ ᠲᠡᠳᠡ ᠮᠡᠳᠡᠳᠡᠭ ᠦᠭᠡᠢ ᠶᠦᠮ᠂
ᠥᠩᠭᠡᠪᠴᠢᠨ ᠬᠠᠷᠠᠬᠤ ᠳ᠋ᠤ᠌ ᠢᠯᠭᠠᠷᠠᠬᠤ ᠴᠤ᠌ ᠦᠭᠡᠢ
ᠥᠯᠥᠭᠡᠢ ᠶ᠋ᠢ ᠵᠠᠳᠠᠯᠪᠠᠯ ᠮᠡᠳᠡᠭᠳᠡᠳᠡᠭ ᠶᠦᠮ᠃
ᠥᠯᠥᠭᠡᠢ ᠲᠡᠢ ᠠᠩᠭᠢ ᠶ᠋ᠢᠨ ᠬᠢᠨ ᠠᠭᠠᠰᠢ ᠰᠠᠢᠲᠠᠢ
ᠥᠮᠥᠯᠵᠡᠵᠦ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠢᠨᠢᠶᠡᠵᠦ ᠭᠠᠷᠤᠨᠠ᠂
ᠦᠭᠡᠯᠡᠬᠦ ᠶᠠᠭᠤᠮᠠ ᠦᠭᠡᠢ ᠣᠢ ᠰᠠᠢᠲᠠᠢ
ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠡᠵᠢ ᠶ᠋ᠢ ᠠᠨᠳᠠᠬᠤ ᠦᠭᠡᠢ ᠲᠠᠨᠢᠨᠠ᠂
ᠡᠳᠦᠷ ᠬᠣᠨᠣᠭ ᠢ᠋ᠶ᠋ᠠᠷ ᠠᠰᠢᠭᠦᠢ ᠲᠡᠳᠡᠨ ᠳ᠋ᠦ᠍
ᠥᠯᠥᠭᠡᠢ ᠨᠢ ᠪᠦᠷ ᠪᠠᠭᠠᠳᠠᠭᠠᠳ ᠢᠷᠡᠯᠡ᠃
ᠥᠭᠡᠳᠡᠰᠥᠬᠡᠨ ᠬᠥᠯ ᠦ᠋ᠳ ᠨᠢ ᠴᠤᠬᠤᠢᠳᠠᠭ ᠪᠣᠯᠵᠤ
ᠥᠯᠥᠭᠡᠢ ᠲᠡᠢ ᠠᠩᠭᠢ ᠶ᠋ᠢᠨ ᠬᠢᠨ ᠮᠠᠨᠳᠤᠲᠤᠭᠠᠢ!
1986 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠥᠯᠵᠡᠢᠪᠠᠭᠠᠳᠤᠷ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ