ᠠᠯᠲᠠᠨ ᠨᠠᠮᠤᠷ – ᠪᠠᠳᠠᠷᠠ (ᠰᠢᠨᠵᠢᠶᠠᠩ) Алтан намар – Бадра (Шиньжян)
1177ᠠᠯᠲᠠᠨ ᠨᠠᠮᠤᠷ
ᠠᠯᠠᠭ ᠬᠣᠷᠸᠠ ᠶ᠋ᠢᠨ ᠬᠡᠰᠢᠭ ᠪᠤᠶᠠᠨ ᠢᠶᠠᠷ ᠳᠦᠭᠦᠷᠡᠩ ᠠᠯᠲᠠᠨ ᠨᠠᠮᠤᠷ
ᠠᠷᠠᠳ ᠣᠯᠠᠨ ᠤ᠋ ᠰᠡᠳᠬᠢᠯ ᠪᠠᠶᠠᠰᠤᠯ ᠢᠶᠠᠷ ᠳᠦᠭᠦᠷᠡᠩ ᠠᠯᠲᠠᠨ ᠨᠠᠮᠤᠷ
ᠠᠪᠤ ᠡᠵᠢ ᠶ᠋ᠢᠨ ᠢᠷᠦᠭᠡᠯ ᠬᠠᠢᠷᠠ ᠪᠠᠷ ᠳᠦᠭᠦᠷᠡᠩ ᠠᠯᠲᠠᠨ ᠨᠠᠮᠤᠷ
ᠠᠮᠠᠷᠠᠭ ᠬᠣᠣᠰ ᠤ᠋ᠨ ᠠᠮᠢᠳᠤᠷᠠᠯ ᠵᠢᠷᠭᠠᠯ ᠢᠶᠠᠷ ᠳᠦᠭᠦᠷᠡᠩ ᠠᠯᠲᠠᠨ ᠨᠠᠮᠤᠷ
ᠠᠶᠠᠯᠭᠤ ᠳᠠᠭᠤᠤ ᠪᠠᠶᠠᠷ ᠴᠡᠩᠭᠡᠯ ᠢᠶᠠᠷ ᠳᠦᠭᠦᠷᠡᠩ ᠠᠯᠲᠠᠨ ᠨᠠᠮᠤᠷ
ᠠᠢᠷᠠᠭ ᠴᠡᠭᠡ ᠠᠶᠠᠭᠠ ᠰᠠᠪᠠ ᠪᠠᠷ ᠳᠦᠭᠦᠷᠡᠩ ᠠᠯᠲᠠᠨ ᠨᠠᠮᠤᠷ
ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠲᠠᠯᠠ ᠪᠠᠷ ᠳᠦᠭᠦᠷᠡᠩ ᠠᠯᠲᠠᠨ ᠨᠠᠮᠤᠷ
ᠲᠠᠩᠰᠤᠭ ᠮᠣᠩᠭᠣᠯ ᠨᠤᠲᠤᠭ ᠮᠢᠨᠢ ᠬᠥᠭᠵᠢᠯ ᠪᠠᠳᠠᠷᠠᠯ ᠢᠶᠠᠷ ᠳᠦᠭᠦᠷᠡᠩ ᠠᠯᠲᠠᠨ ᠨᠠᠮᠤᠷ
ᠠᠯᠢᠮᠠ ᠱᠠᠪᠳᠠᠯᠠ ᠶ᠋ᠢᠨ ᠦᠨᠦᠷ ᠬᠠᠩᠬᠤᠯᠠᠭᠰᠠᠡ ᠠᠯᠲᠠᠨ ᠨᠠᠮᠤᠷ
ᠠᠯᠢᠶᠠ ᠬᠡᠦᠬᠡᠳ ᠦ᠋ᠨ ᠴᠢᠷᠠᠢ ᠢᠨᠢᠶᠡᠳᠦ ᠪᠢᠯᠬᠠᠭᠰᠠᠨ ᠠᠯᠲᠠᠨ ᠨᠠᠮᠤᠷ
ᠬᠢᠴᠢᠶᠡᠯ ᠦ᠋ᠨ ᠲᠠᠩᠬᠢᠮ ᠳ᠋ᠤ᠌ ᠰᠢᠯᠦᠭ ᠨᠠᠢᠷᠠᠭ ᠴᠤᠤᠷᠢᠶᠠᠲᠤᠭᠰᠠᠨ ᠠᠯᠲᠠᠨ ᠨᠠᠮᠤᠷ
ᠡᠷᠳᠡᠮ ᠰᠣᠶᠣᠯ ᠤ᠋ᠨ ᠰᠦᠮᠪᠦᠷ ᠠᠭᠤᠯᠠ ᠤᠷᠤᠭᠤ ᠲᠠᠪᠰᠢᠭᠰᠠᠨ ᠠᠯᠲᠠᠨ ᠨᠠᠮᠤᠷ
ᠠᠷᠢᠭᠤᠨ ᠬᠠᠢᠷᠠ ᠶ᠋ᠢᠨ ᠮᠥᠩᠬᠡ ᠶ᠋ᠢᠨ ᠪᠠᠷᠢᠯᠳᠤᠯᠭᠠ ᠲᠣᠭᠲᠠᠭᠰᠠᠨ ᠠᠯᠲᠠᠨ ᠨᠠᠮᠤᠷ
ᠤᠳᠤᠮ ᠤᠭᠰᠠᠭᠠ ᠶ᠋ᠢᠨ ᠭᠣᠯᠣᠮᠲᠠ ᠶ᠋ᠢᠨ ᠭᠠᠯ ᠪᠠᠳᠠᠷᠠᠨ ᠠᠰᠠᠭᠰᠠᠨ ᠠᠯᠲᠠᠨ ᠨᠠᠮᠤᠷ
ᠬᠦᠰᠡᠯ ᠮᠥᠷᠥᠭᠡᠳᠦᠯ ᠦ᠋ᠨ ᠡᠷᠴᠢ ᠬᠦᠴᠦ ᠢᠲᠡᠭᠡᠯ ᠵᠣᠷᠢᠭ ᠡᠷᠴᠢᠯᠡᠭᠰᠡᠨ ᠠᠯᠲᠠᠨ ᠨᠠᠮᠤᠷ
ᠬᠥᠮᠦᠨ ᠦ᠌ ᠰᠠᠢᠬᠠᠨ ᠬᠤᠪᠢ ᠵᠠᠶᠠᠭᠠ ᠳᠦᠭᠦᠷᠡᠩ ᠳᠡᠯᠭᠡᠷᠡᠭᠰᠡᠨ ᠠᠯᠲᠠᠨ ᠨᠠᠮᠤᠷ᠃
ᠰᠢᠨᠵᠢᠶᠠᠩ ᠤ᠋ᠨ ᠪᠠᠶᠠᠨᠭᠤᠤᠯ ᠵᠧᠦ
ᠶ᠋ᠢᠨ ᠾᠸᠵᠢᠩ ᠰᠢᠶᠠᠨ ᠠ᠋ᠴᠠ
2024 · 8 ·31