ᠲᠠᠪᠤᠨ ᠰᠡᠭᠦᠯ ᠲᠡᠢ ᠮᠤᠤᠷ-ᠯᠣᠪᠰᠠᠩᠴᠠᠩᠳᠠ ᠶ᠋ᠢᠨ ᠪᠠᠶᠠᠰᠬᠤᠯᠠᠩ Таван сүүлтэй муур-лувсанцандын баясгалан
619 ᠯᠣᠪᠰᠠᠩᠴᠠᠩᠳᠠ ᠶ᠋ᠢᠨ ᠪᠠᠶᠠᠰᠬᠤᠯᠠᠩ
ᠬᠠᠢᠷᠠᠲᠠᠢ ᠮᠤᠤᠷ ᠢ᠋ᠶ᠋ᠠᠨ
ᠬᠠᠷᠠᠭᠠᠳ ᠵᠢᠷᠤᠴᠢᠬᠠᠯᠠ᠂
ᠰᠡᠭᠦᠯ ᠨᠢ ᠠᠷᠠᠢ ᠯᠠ
ᠰᠦᠷ ᠦᠭᠡᠢ ᠰᠠᠨᠠᠭᠳᠠᠯᠠ᠃
ᠠᠮᠢᠲᠠᠨ ᠤ᠋ ᠵᠢᠷᠤᠭ ᠲᠠᠢ
ᠨᠣᠮ ᠢ᠋ᠶ᠋ᠠᠨ ᠰᠡᠬᠦᠯᠡ᠂
ᠠᠶᠠᠲᠠᠢᠬᠠᠨ ᠰᠡᠭᠦᠯ
ᠵᠥᠩᠳᠡᠭᠡᠨ ᠪᠠᠢᠯᠠ᠃
ᠬᠡᠨ ᠳ᠋ᠦ᠍ ᠴᠦ᠍ ᠰᠣᠨᠢᠨ
ᠬᠠᠷᠠᠭᠳᠠᠨᠠ ᠭᠡᠳ
ᠬᠡᠷᠡᠮᠦ ᠶ᠋ᠢᠨ ᠰᠡᠭᠦᠯ
ᠨᠡᠮᠡᠨ ᠵᠢᠷᠤᠯᠠ᠃
ᠦᠷᠭᠦᠯᠵᠢ ᠭᠠᠩᠭᠠᠩ
ᠦᠵᠡᠭᠳᠡᠨᠡ ᠭᠡᠳ
ᠦᠨᠡᠭᠡᠨ ᠦ᠌ ᠰᠡᠭᠦᠯ
ᠵᠠᠯᠭᠠᠨ ᠵᠢᠷᠤᠯᠠ᠃
ᠴᠣᠬᠣᠮ ᠬᠡᠢᠮᠣᠷᠢᠯᠢᠭ
ᠠᠮᠢᠲᠠᠨ ᠤ᠋ ᠬᠢ ᠭᠡᠳ
ᠴᠢᠨᠣᠠ ᠶ᠋ᠢᠨ ᠰᠡᠭᠦᠯ
ᠳᠠᠬᠢᠨ ᠨᠡᠮᠡᠯᠡ᠃
ᠪᠠᠢᠩᠭᠤ ᠬᠦᠴᠦᠲᠡᠢ
ᠠᠷᠢᠶᠠᠲᠠᠨ ᠤ᠋ ᠬᠢ ᠭᠡᠳ
ᠪᠠᠷᠰ ᠤ᠋ᠨ ᠰᠡᠭᠦᠯ
ᠪᠠᠰᠠ ᠯᠠ ᠨᠡᠮᠡᠯᠡ᠃
《ᠠᠯᠢ ᠰᠡᠭᠦᠯ ᠨᠢ
ᠭᠣᠶᠣ ᠪᠣᠢ?》 ᠭᠡᠰᠡᠨ
ᠠᠰᠠᠭᠤᠯᠲᠠ ᠶ᠋ᠢ ᠪᠢ
ᠠᠬᠠ ᠳ᠋ᠠᠭᠠᠨ ᠲᠠᠯᠪᠢᠯᠠ᠃
ᠲᠠᠪᠤᠨ ᠰᠡᠭᠦᠯ ᠢ᠋
ᠬᠠᠷᠠᠭᠰᠠᠨ ᠢ᠋ᠶ᠋ᠠᠨ ᠠᠬᠠ
《ᠲᠠᠭᠠᠷᠠᠭᠰᠠᠨ ᠰᠡᠭᠦᠯ ᠨᠢ
ᠳᠡᠭᠡᠷᠡ ᠳᠡ!》 ᠭᠡᠯᠡ᠃
ᠬᠠᠷᠢᠨ ᠲᠡᠭᠡᠲᠡᠯᠡ ᠪᠢ
ᠠᠩᠬᠠᠯᠠᠨ ᠵᠢᠷᠤᠭᠰᠠᠨ
ᠬᠠᠢᠷᠠᠲᠠᠢ ᠮᠤᠤᠷ ᠤ᠋ᠨ ᠢ᠋ᠶ᠋ᠠᠨ
ᠰᠡᠭᠦᠯ ᠢ᠋ ᠲᠠᠨᠢᠭᠰᠠᠨ ᠦᠭᠡᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠭᠡᠷᠡᠯ
ᠬᠢᠨᠠᠭᠴᠢ ᠪᠠᠭᠰᠢ᠄ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ