ᠵᠢᠮᠪᠦᠷ- ᠰᠠᠩᠵᠠᠢ ᠶ᠋ᠢᠨ ᠰᠠᠨᠲᠠᠭᠳᠣᠷᠵᠢЖимбүүр- Санжаагийн Сандагдорж
365 ᠰᠠᠩᠵᠠᠢ ᠶ᠋ᠢᠨ ᠰᠠᠨᠲᠠᠭᠳᠣᠷᠵᠢ
ᠳᠣᠯᠣᠩᠲᠤᠭᠰᠠᠨ ᠬᠣᠯᠲᠣᠰᠣ ᠰᠤᠭᠤᠯᠵᠤ
ᠳᠣᠯᠣᠭᠠᠨ ᠨᠦᠬᠡ ᠭᠠᠷᠭᠠᠭᠠᠳ
ᠵᠢᠭ ᠵᠣᠭ ᠳᠠᠭᠤ ᠲᠠᠢ
ᠵᠢᠮᠪᠦᠷ ᠬᠥᠭᠵᠢᠮ ᠬᠢᠪᠡ᠃
ᠠᠷᠤ ᠥᠪᠥᠷ ᠦ᠋ᠨ ᠠᠭᠤᠯᠠᠨ ᠳ᠋ᠤ᠌
ᠠᠶᠠᠯᠭᠤᠲᠤ ᠵᠢᠮᠪᠦᠷ ᠵᠢᠩᠭᠢᠨᠡᠵᠦ
ᠬᠣᠨᠢᠴᠢᠨ ᠬᠦᠦ ᠴᠠᠩᠲᠠ ᠶ᠋ᠢᠨ
ᠬᠣᠶᠠᠷ ᠬᠠᠴᠠᠷ ᠪᠥᠮᠪᠥᠢᠪᠡ᠃
ᠳᠡᠷᠡᠰᠦᠨ ᠳᠤᠮᠳᠠ ᠠ᠋ᠴᠠ ᠳᠡᠭᠳᠡᠭᠰᠡᠨ
ᠳᠡᠯᠳᠡᠩ ᠲᠠᠤᠯᠠᠢ ᠰᠠᠭᠤᠭᠠᠳ
ᠤᠷᠲᠤ ᠴᠢᠬᠢ ᠪᠡᠨ ᠰᠣᠯᠪᠢᠭᠤᠯᠤᠨ
ᠤᠶᠠᠬᠠᠨ ᠠᠶᠠᠯᠭᠤ ᠰᠣᠨᠣᠰᠤᠨᠠ᠃
ᠲᠠᠷᠭᠤᠨ ᠵᠤᠷᠠᠮᠠ ᠤᠨᠤᠭᠰᠠᠨ
ᠲᠠᠩᠬᠠᠢ ᠴᠣᠭᠴᠠᠭᠢ ᠢᠰᠬᠡᠷᠴᠦ
ᠵᠢᠵᠢᠭ ᠰᠢᠷᠭᠠ ᠪᠠᠨ ᠤᠨᠤᠭᠰᠠᠨ
ᠵᠢᠮᠪᠦᠷᠲᠦ ᠬᠦᠦ ᠨᠢ ᠳᠠᠭᠤᠷᠢᠶᠠᠨᠠ᠃
ᠬᠠᠷᠠᠵᠠ ᠤᠰᠤ ᠤᠤᠭᠤᠳᠠᠭ ᠦᠭᠡᠢ
ᠬᠠᠭᠳᠠ ᠡᠪᠡᠰᠦ ᠢᠳᠡᠳᠡᠭ ᠦᠭᠡᠢ
ᠬᠠᠷᠪᠢᠩ ᠶᠡᠬᠡᠲᠦ ᠲᠠᠷᠪᠠᠭᠠ
ᠬᠠᠷᠠᠨ ᠬᠠᠷᠠᠨ ᠬᠣᠰᠬᠢᠷᠠᠨᠠ᠃
ᠣᠢ ᠶ᠋ᠢᠨ ᠥᠷᠭᠡᠨ ᠴᠢᠯᠥᠭᠡᠨ ᠳ᠋ᠦ᠍
ᠣᠭᠳᠤᠷ ᠰᠡᠭᠦᠯ ᠨᠢ ᠴᠠᠢᠷᠠᠭᠰᠠᠨ
ᠬᠥᠪᠴᠢ ᠶ᠋ᠢᠨ ᠪᠣᠷᠣ ᠭᠥᠷᠥᠭᠡᠰᠦ
ᠬᠥᠭ ᠢ᠋ ᠨᠢ ᠰᠣᠨᠣᠰᠤᠭᠠᠳ ᠵᠣᠭ ᠲᠤᠰᠤᠨᠠ᠃
ᠱᠣᠪᠬᠣ ᠥᠨᠳᠥᠷ ᠦ᠋ᠨ ᠲᠤᠷᠤᠭ
ᠱᠣᠷᠣᠩ ᠡᠪᠡᠷᠲᠦ ᠶᠠᠩᠭᠤᠳᠠᠢ
ᠬᠠᠷᠠᠩᠭᠤᠢ ᠶᠡᠬᠡ ᠬᠥᠪᠴᠢ ᠡᠴᠡ
ᠬᠠᠷᠢᠭᠤ ᠳ᠋ᠤᠨᠢ ᠪᠠᠰᠠ ᠤᠷᠤᠮᠳᠠᠨᠠ᠃
ᠠᠷᠤ ᠥᠪᠥᠷ ᠦ᠋ᠨ ᠠᠭᠤᠯᠠᠨ ᠳ᠋ᠤ᠌
ᠠᠶᠠᠯᠭᠤᠲᠤ ᠵᠢᠮᠪᠦᠷ ᠡᠭᠡᠰᠢᠭᠯᠡᠵᠦ
ᠬᠣᠨᠢᠴᠢᠨ ᠬᠦᠦ ᠴᠠᠩᠳᠠ ᠶ᠋ᠢᠨ
ᠬᠣᠶᠠᠷ ᠬᠠᠴᠠᠷ ᠪᠥᠮᠪᠥᠢᠨᠡ
1961 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠱᠠᠭᠰᠠᠯ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ