ᠲᠤᠢᠯᠪᠤᠷᠢᠲᠠᠢ ᠳᠠᠰᠤᠷᠬᠠᠢ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Туйлбартай тасархай – Ёндоны Билиг - Баатар
163 ᠲᠠᠩᠬᠠᠢ ᠣᠶᠤᠨ ᠤᠬᠠᠭᠠᠨᠲᠠᠳ ᠯᠠ ᠰᠠᠶᠢ
ᠲᠠᠰᠤᠷᠬᠠᠢ ᠦᠨᠡᠨᠴᠢ ᠠᠮᠢᠳᠤᠷᠠᠭᠰᠠᠳ ᠶᠤᠮ
ᠲᠠ ᠬᠡᠷᠪᠡ ᠶᠠᠭ ᠡᠢᠮᠦ ᠬᠥᠮᠦᠨ ᠶᠦᠮ ᠪᠣᠯ
ᠲᠠᠨ ᠳ᠋ᠤ᠌ ᠪᠠᠶᠠᠷ ᠬᠦᠷᠭᠡᠬᠦ ᠯᠡ ᠶᠣᠰᠣᠲᠠᠢ᠂
ᠡᠢᠮᠦ ᠬᠥᠮᠦᠨ ᠮᠠᠰᠢ ᠬᠡᠢᠮᠦᠷᠢᠲᠡᠢ ᠭᠠᠩᠭᠠᠩ
ᠡᠢᠮᠦ ᠬᠥᠮᠦᠨ ᠬᠠᠮᠤᠭ ᠠ᠋ᠴᠠ ᠠᠢᠬᠤᠪᠳᠤᠷ᠂
ᠡᠢᠮᠦ ᠬᠥᠮᠦᠨ ᠳᠡᠩᠳᠡᠭᠦᠦ ᠰᠢᠯᠤᠭᠤᠨ ᠰᠢᠭ᠋ !
ᠡᠢᠮᠦ ᠬᠥᠮᠦᠨ ᠬᠡᠲᠦᠷᠬᠡᠢ ᠴᠠᠭᠠᠪᠤᠷ ᠶᠤᠮ ᠰᠢᠭ᠋
ᠦᠨᠡᠨᠳᠡᠭᠡᠨ ᠡᠢᠮᠦ ᠬᠥᠮᠦᠰ ᠢᠯᠡ ᠤᠬᠠᠭᠠᠨ
ᠦᠷᠭᠦᠯᠵᠢ ᠪᠡᠶᠡ ᠳ᠋ᠡᠭᠡᠨ ᠢᠲᠡᠭᠡᠯ ᠲᠡᠭᠦᠰ
ᠪᠤᠰᠤᠷᠮᠠᠭ ᠦᠭᠡᠢ ᠴᠢᠩ ᠦᠨᠡᠨᠴᠢ ᠪᠡᠷ !
ᠪᠣᠰᠤᠣᠳ ᠲᠤ᠌ ᠬᠠᠨᠳᠤᠬᠤ ᠨᠢ ᠨᠠᠷᠢᠯᠢᠭ ᠤᠷᠠᠯᠢᠭ
ᠠᠯᠢ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠨᠢᠭᠤᠯ ᠦᠭᠡᠢ ᠪᠡᠷ
ᠠᠭᠤᠳᠠᠯᠤᠭᠠᠳ ᠬᠥᠳᠦᠷᠴᠢᠬᠡᠳᠡᠭ ᠬᠥᠮᠦᠨ ᠦ᠌
ᠠᠯᠤᠰ ᠴᠠᠭᠠᠨᠠ ᠨᠢ ᠠᠨᠠᠪᠠᠳ ᠳᠠᠯᠠᠢ ᠲᠠᠢ
ᠠᠷᠤ ᠬᠣᠢᠨᠠ ᠨᠢ ᠠᠯᠲᠠᠨ ᠠᠭᠤᠯᠠᠰ ᠲᠠᠢ
ᠲᠠᠲᠠᠭᠤᠰ ᠬᠡᠨ ᠴᠦ᠍ ᠡᠴᠡ ᠠᠶᠤᠳᠠᠭ ᠦᠭᠡᠢ
ᠲᠡᠳᠡᠨᠦᠰ ᠶᠠᠭᠤᠨ ᠳ᠋ᠤ᠌ ᠴᠤ᠌ ᠪᠡᠯᠡᠬᠡᠨ ᠪᠠᠢᠳᠠᠭ
ᠲᠣᠶᠢᠯᠪᠤᠷᠢᠲᠠᠢ ᠲᠠᠰᠤᠷᠬᠠᠢ ᠡᠢᠮᠦ ᠬᠥᠮᠦᠰ ᠢ᠋
ᠲᠤᠢᠯ ᠤ᠋ᠨ ᠲᠤᠶᠠᠭᠠ ᠭᠡᠢᠭᠦᠯᠵᠦ ᠰᠠᠴᠤᠷᠠᠳᠠᠭ
ᠲᠤᠩ ᠴᠤ᠌ ᠣᠯᠠᠨ ᠡᠨ᠋ᠸᠷᠬᠢ ᠶ᠋ᠢᠨ ᠴᠠᠭᠠᠷᠢᠭ
ᠲᠣᠭᠣᠷᠢᠭᠠᠳ ᠲᠡᠳᠡᠨᠦᠰ ᠢ᠋ ᠳᠠᠭᠠᠵᠤ ᠪᠠᠢᠳᠠᠭ
ᠰᠤᠷ ᠪᠣᠯᠤᠭᠰᠠᠨ ᠡᠷᠳᠡᠮᠲᠡᠳ ᠪᠠᠭᠠᠲᠤᠳ ᠢ᠋
ᠰᠣᠷᠢᠨᠵᠢᠨ ᠴᠢᠨᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠲᠠᠲᠠᠵᠤ ᠪᠠᠢᠳᠠᠭ
ᠣᠨᠴᠠᠭᠠᠢ ᠡᠢᠮᠦ ᠬᠥᠮᠦᠰ ᠦ᠋ᠨ ᠣᠯᠠᠩᠬᠢ ᠠᠨᠤ
ᠣᠮᠣᠭᠯᠠᠩ ᠳᠠᠷᠤᠳᠬᠠᠨ ᠤ᠋ ᠳᠤᠮᠳᠠ ᠣᠷᠣᠰᠢᠮᠤ
ᠡᠳᠡᠨᠦᠰ ᠠᠨᠤ ᠦᠯᠦ ᠲᠤᠢᠯᠰᠢᠷᠠᠬᠤ ᠬᠠᠤᠯᠢ !
ᠡᠳᠡᠨᠦᠰ ᠠᠨᠤ ᠡᠷᠡᠰ ᠢᠯᠠᠬᠤ ᠶ᠋ᠢᠨ ᠲᠤᠭ !
ᠡᠳᠡᠨᠦᠰ ᠢᠨᠤ ᠳᠠᠭᠠᠭᠠᠮᠠᠭᠠᠢ ᠲᠡᠪᠴᠢᠶᠡᠷᠢᠲᠡᠢ ᠭᠠᠯ
ᠡᠳᠡᠨᠦᠰ ᠢᠨᠤ ᠬᠦᠯᠢᠴᠡᠩᠭᠦᠢ ᠭᠢᠷᠬᠠᠢ ᠵᠣᠬᠢᠴᠠᠯ
᠁ ᠁ ᠁
ᠪᠦᠭᠦᠳᠡ ᠪᠦᠭᠦᠳᠡᠭᠡᠷ ᠬᠠᠭᠤᠷᠮᠠᠭ ᠪᠠᠭ ᠲᠠᠢ᠂
ᠪᠦᠭᠴᠢᠮ ᠰᠡᠵᠢᠭ ᠲᠡᠢ ᠡᠳᠦᠭᠡ ᠴᠠᠭ ᠲᠤᠷ
ᠰᠢᠭᠤᠷᠬᠠᠢ ᠡᠷᠡᠯᠬᠡᠭ ᠦᠨᠡᠨᠴᠢ ᠠᠮᠢᠳᠤᠷᠠ ᠠ᠋
ᠰᠦᠨ ᠰᠦᠨᠡᠰᠦ ᠲᠠᠨᠢ ᠬᠬᠢᠷᠲᠦᠬᠦ ᠦᠭᠡᠢ ᠠ᠋
2024᠂ 08 ᠂ 25᠂ 10᠄ 29 ᠮᠢᠨᠦ᠋ᠲ᠃
ᠬᠥᠬᠡᠬᠣᠲᠠᠨᠠ ᠬᠢᠴᠢᠶᠡᠩᠭᠦᠢ ᠪᠦᠲᠦᠭᠡᠪᠡᠢ᠃