ᠪᠤᠷᠬᠠᠨ ᠤ ᠪᠦᠷᠢᠯᠸᠠ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Бурхны бүрлва – Ёндоны Билиг - Баатар
165ᠪᠤᠷᠬᠠᠨ ᠤ ᠪᠦᠷᠢᠯᠸᠠ
ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠪᠤᠷᠬᠠᠨ ᠤ᠋ ᠪᠦᠷᠢᠯᠸᠠ ᠶᠤᠮ
ᠪᠦᠷᠢᠮᠦᠰᠦᠨ ᠲᠣᠢᠯᠪᠤᠷᠢᠲᠠᠢ ᠲᠣᠢᠯᠳᠠᠭᠠᠳ ᠯᠠ
ᠪᠥᠬᠡᠴᠢᠨ ᠰᠢᠭ ᠳᠡᠪᠢᠵᠦ ᠪᠣᠰᠤᠠᠰᠠᠨ ᠡᠷᠡ
ᠪᠦᠷᠭᠦᠳ ᠰᠢᠭ ᠣᠭᠲᠠᠷᠭᠤᠢ ᠶ᠋ᠢ ᠡᠵᠡᠩᠨᠡᠭᠰᠡᠨ
ᠪᠦᠬᠦᠨ ᠦ᠌ ᠮᠠᠩᠯᠠᠢ ᠳᠠᠰᠤᠷᠬᠠᠢ ᠬᠥᠮᠦᠨ ᠶᠦ᠍ᠮ!
ᠠᠰᠬᠠ ᠶ᠋ᠢᠨ ᠢᠷᠮᠡᠭ ᠠ᠋ᠴᠠ ᠬᠠᠯᠲᠤᠷᠢᠭᠠᠳ
ᠠᠩᠭᠠᠯ ᠬᠠᠷᠠᠩᠭᠤᠢ ᠶ᠋ᠢᠨ ᠢᠷᠣᠭᠠᠷ ᠠ᠋ᠴᠠ ᠪᠠᠨ
ᠠᠭᠲᠠ ᠶ᠋ᠢᠨ ᠦᠣᠷᠰᠡᠯ ᠳ᠋ᠦ᠍ ᠬᠠᠷᠠᠢᠭᠠᠳ ᠯᠠ
ᠠᠯᠲᠠᠨ ᠨᠠᠷᠠ ᠵᠠᠢ ᠰᠢᠭᠦᠷᠡᠭᠰᠡᠨ ᠭᠠᠯ ᠪᠠᠭᠠᠲᠤᠷ
ᠠᠬᠢᠭᠠᠳ ᠬᠡᠵᠢᠶᠡ ᠴᠦ᠍ ᠭᠠᠵᠠᠷ ᠤ᠋ᠨ ᠠᠩ ᠢ᠋
ᠠᠯᠠᠭ ᠮᠡᠯᠮᠡᠢ ᠪᠡᠷ ᠢ᠋ᠶ᠋ᠡᠨ ᠣᠯᠢᠬᠤ ᠦᠭᠡᠢ ᠠ᠋
ᠬᠦᠴᠢᠷ ᠪᠡᠷᠬᠡᠰᠢᠶᠡᠯ ᠡᠴᠡ ᠬᠤᠴᠠᠨ ᠳᠤᠲᠠᠭᠠᠬᠤ
ᠬᠦᠨᠳᠦ ᠶ᠋ᠢᠨ ᠵᠢᠩ ᠦᠭᠡᠢ ᠪᠡᠷᠲᠡᠭᠴᠢᠳ ᠯᠠ
ᠬᠣᠨᠢᠨ ᠤ᠋ ᠬᠣᠷᠭᠣᠯ ᠳ᠋ᠤ᠌ ᠨᠢᠴᠠ ᠳᠠᠷᠤᠭᠳᠠᠭᠠᠳ
ᠬᠣᠢᠳᠤ ᠲᠥᠷᠥᠯ ᠳ᠋ᠡᠭᠡᠨ ᠬᠤᠯᠤᠭᠠᠨᠠ ᠪᠣᠯᠤᠮᠤ
ᠶᠠᠭᠠᠬᠢᠵᠤ ᠭᠠᠴᠢᠭᠳᠠᠭᠰᠠᠨ ᠴᠤ᠌ ᠬᠥᠮᠦᠰ ᠮᠢᠨᠢ
ᠶᠠᠭ ᠥᠪᠡᠷ ᠦ᠋ᠨ ᠬᠢ ᠪᠡᠷ ᠢ᠋ᠶ᠋ᠡᠨ ᠠᠮᠢᠳᠤᠷᠠ᠃
᠁ ᠁ ᠁
ᠪᠣᠭᠳᠠ ᠡᠵᠡᠨ ᠴᠢᠩᠭᠢᠰ᠂ ᠪᠤᠷᠬᠠᠨ ᠱᠠᠭᠵᠠᠮᠤᠨᠢ
ᠪᠤᠷᠤᠭᠤ ᠶᠠᠭᠤᠮᠠ ᠯᠠ ᠵᠢᠭᠠᠬᠤ ᠦᠭᠡᠢ ᠠ᠋
ᠪᠤᠷᠤᠭᠤᠳᠠᠭᠰᠠᠨ ᠯᠠ ᠪᠣᠯ ᠥᠪᠡᠷ ᠡᠴᠡ ᠪᠡᠨ
ᠪᠤᠬᠠᠨ ᠤ᠋ ᠡᠪᠡᠷ ᠮᠤᠰᠬᠢᠵᠦ ᠰᠠᠢᠲᠤᠷ ᠠᠰᠠᠭᠤ !
ᠥᠪᠡᠷᠪᠢ ᠪᠡᠨ ᠬᠦᠵᠡᠭᠡᠢ ᠲᠠᠨᠢᠬᠤ ᠦᠭᠡᠢ ᠪᠣᠯ
ᠦᠩᠭᠡᠪᠴᠢ ᠬᠣᠷᠸᠠ ᠠ᠋ᠴᠠ ᠠᠷᠢᠯᠵᠤ ᠤ᠌ᠳ
ᠦᠨᠡᠨ ᠤ ᠬᠣᠷᠸᠠ ᠨᠢᠷᠤᠭᠤ ᠨᠢ ᠠᠮᠠᠷᠠᠭ ᠡ
ᠦᠶᠡ ᠶ᠋ᠢᠨ ᠬᠥᠮᠦᠰ ᠲᠠᠨᠢ ᠤᠷᠲᠤ ᠨᠠᠰᠤᠯᠠᠭ
ᠥᠭᠡᠷᠡ ᠰᠣᠩᠭᠤᠯᠲᠠ ᠴᠢᠮᠠᠲᠤ ᠦᠭᠡᠢ!
ᠦᠬᠦᠯ ᠪᠣᠯ ᠬᠠᠮᠤᠭ ᠭᠣᠶᠣ ᠦᠵᠡᠮᠵᠢ ᠪᠥᠯᠥᠭᠡ᠂
ᠵᠣᠪᠠᠬᠤ ᠦᠭᠡᠢ ᠪᠡᠷ ᠪᠡᠯᠡᠨ ᠪᠤᠳᠠᠭᠠ ᠪᠠᠷ
ᠵᠣᠯ ᠵᠦᠭᠡᠷ ᠵᠢᠷᠭᠠᠳᠠᠭ ᠶᠣᠰᠣᠨ ᠦᠭᠡᠢ ᠠ᠋
ᠵᠤᠳ ᠭᠠᠩ ᠢ᠋ ᠦᠵᠡᠭᠡ ᠦᠭᠡᠢ ᠮᠠᠯ ᠤᠳ
ᠵᠤᠨ ᠨᠠᠮᠤᠷ ᠢ᠋ ᠦᠵᠡᠳᠡᠭ ᠬᠠᠤᠯᠢ ᠦᠭᠡᠢ
ᠶᠡᠬᠡ ᠳᠠᠷᠤᠯᠲᠠ ᠬᠠᠪᠴᠢᠯᠲᠠ ᠠ᠋ᠴᠠ ᠯᠠ
ᠶᠡᠬᠡ ᠳᠠᠯᠪᠠᠷᠡᠯᠲᠡ ᠡᠭᠦᠰᠳᠡᠭ ᠶᠦ᠍ᠮ ᠭᠡᠮᠡᠨ
ᠬᠣᠷᠢᠭᠠᠳ ᠵᠢᠯ ᠦ᠋ᠨ ᠡᠮᠤᠨᠡ ᠴᠡᠴᠡᠯᠡᠭᠰᠡᠨ
ᠮᠢᠨᠦ ᠦᠭᠡ ᠶ᠋ᠢ ᠪᠦᠭᠦᠳᠡ ᠯᠡ ᠮᠠᠷᠲᠠᠵᠠᠢ᠃
ᠮᠠᠷᠲᠠᠲᠤᠭᠠᠢ ! ᠲᠣᠢᠯᠪᠤᠷᠢᠳᠠᠢ ᠮᠠᠷᠲᠠᠲᠤᠭᠠᠢ
ᠮᠠᠨᠳᠤᠳᠤᠭᠠᠢ ᠠ᠋ᠴᠠ ᠪᠤᠰᠤᠳ ᠢ᠋ ᠮᠠᠷᠲᠠᠭᠰᠠᠨ
ᠮᠠᠨ ᠤ᠋ ᠮᠣᠩᠭᠣᠯᠴᠤᠳ ᠮᠠᠰᠢ ᠮᠠᠷᠲᠠᠮᠠᠳᠠᠭᠠᠢ!
ᠮᠠᠭᠠᠳ ᠨᠢᠭᠡ ᠡᠳᠦᠷ ᠱᠠᠯ ᠳᠤᠷᠠᠲᠠᠢ ᠪᠣᠯ !
ᠮᠠᠨᠳᠤᠬᠤ ᠶ᠋ᠢ ᠴᠢᠨᠢ ᠪᠠᠢᠭ ᠭᠡᠬᠦ ᠦᠭᠡᠢ ᠰᠢᠦ
ᠮᠠᠭᠰᠢᠬᠤ ᠶ᠋ᠢ ᠴᠢᠨᠢ ᠴᠤ᠌ ᠪᠠᠢᠭ ᠭᠡᠬᠦ ᠦᠭᠡᠢ!
ᠬᠡᠨ ᠢ᠋ ᠴᠦ᠍ ᠪᠢᠲᠡᠭᠡᠢ ᠡᠭᠦᠷᠢᠳᠡ ᠮᠠᠷᠲᠠᠭᠠᠷᠠᠢ᠃
ᠭᠠᠭᠴᠠᠬᠠᠨ ᠨᠠᠮᠠ ᠶ᠋ᠢ ᠯᠡ ᠡᠷᠡᠰ ᠮᠠᠷᠲᠠᠭᠠᠷᠠᠢ
ᠤᠴᠢᠷ ᠨᠢ! ᠪᠢ ᠱᠠᠯ ᠬᠡᠷᠡᠭ ᠦᠭᠡᠢ!
2024᠂ 08᠂ 23᠂ 18᠄ 21 ᠮᠢᠨᠦ᠋ᠲ
ᠬᠥᠬᠡᠬᠤᠲᠡᠨᠡ ᠬᠢᠴᠢᠶᠡᠩᠭᠦᠢ ᠪᠦᠲᠦᠭᠡᠪᠡᠢ᠃