ᠵᠡᠭᠦᠳᠦ-ᠲᠠᠸᠠᠰᠥ᠋ᠷᠦᠩ ᠦ᠋ᠨ ᠴᠢᠩᠵᠣᠷᠢᠭЗүүд-Давасүрэнгийн Чанзориг
266 ᠲᠠᠸᠠᠰᠥ᠋ᠷᠦᠩ ᠦ᠋ᠨ ᠴᠢᠩᠵᠣᠷᠢᠭ
ᠪᠦᠷᠦᠩᠬᠦᠢ ᠪᠣᠯᠵᠤ
ᠣᠳᠣᠳ ᠲᠦᠭᠡᠬᠦ ᠳ᠋ᠦ᠍
ᠪᠦᠭᠦᠳᠡ ᠯᠡ ᠯᠠᠪ
ᠵᠡᠭᠦᠳᠦᠯᠡᠳᠡᠭ ᠪᠠᠢᠬᠠ
ᠠᠪᠤ ᠨᠠᠷ ᠯᠠᠪ
ᠰᠣᠨᠢᠨ ᠤᠩᠰᠢᠵᠤ ᠪᠠᠢᠨᠠ ᠭᠡᠵᠦ
ᠵᠡᠭᠦᠳᠦᠯᠡᠳᠡᠭ ᠪᠠᠢᠬᠠ
ᠡᠵᠢ ᠨᠠᠷ ᠬᠠᠷᠢᠨ
ᠬᠣᠭᠣᠯᠠ ᠬᠢᠵᠦ ᠪᠠᠢᠨᠠ ᠭᠡᠵᠦ ᠵᠡᠭᠦᠳᠦᠯᠡᠳᠡᠭ ᠪᠠᠢᠬᠠ
ᠡᠪᠦᠭᠡ ᠠᠪᠤ
ᠠᠳᠤᠭᠤ ᠮᠠᠨᠠᠵᠤ ᠪᠠᠢᠨᠠ ᠭᠡᠵᠦ
ᠵᠡᠭᠦᠳᠦᠯᠡᠳᠡᠭ ᠪᠠᠢᠬᠠ
ᠡᠮᠡᠭᠡ ᠡᠵᠢ
ᠦᠨᠢᠶᠡ ᠪᠡᠨ ᠰᠠᠭᠠᠵᠤ ᠪᠠᠢᠨᠠ ᠭᠡᠵᠦ
ᠵᠡᠭᠦᠳᠦᠯᠡᠳᠡᠭ ᠪᠠᠢᠬᠠ
ᠪᠠᠶᠠᠷᠠ ᠨᠠᠢᠵᠠ ᠮᠢᠨᠢ
ᠪᠥᠮᠪᠥᠭᠡ ᠢᠰᠬᠦᠯᠵᠦ ᠪᠠᠢᠨᠠ ᠭᠡᠵᠦ
ᠵᠡᠭᠦᠳᠦᠯᠡᠳᠡᠭ ᠪᠠᠢᠬᠠ
ᠣᠶᠣᠨᠠ ᠥᠬᠢᠨ
《ᠣᠨᠴᠠ》 ᠠᠪᠤᠯᠠ ᠭᠡᠵᠦ
ᠵᠡᠭᠦᠳᠦᠯᠡᠳᠡᠭ ᠪᠠᠢᠬᠠ᠃
ᠠᠮᠢᠲᠠᠳ ᠬᠠᠷᠢᠨ
ᠠᠮᠤᠭᠤᠯᠠᠩ ᠨᠣᠢᠷ ᠲᠠᠭᠠᠨ
ᠶᠠᠭᠤ ᠵᠡᠭᠦᠳᠦᠯᠡᠳᠡᠭ ᠪᠣᠯ?
ᠰᠠᠷᠠᠯ ᠴᠢᠨᠣᠠ ᠯᠠ ᠯᠠᠪ
ᠰᠡᠷᠭᠦᠯᠡᠩ ᠲᠠᠤᠯᠠᠢ ᠶ᠋ᠢ
ᠪᠠᠷᠢᠯᠠ ᠭᠡᠵᠦ ᠵᠡᠭᠦᠳᠦᠯᠡᠳᠡᠭ ᠪᠠᠢᠬᠠ
ᠬᠦᠷᠡᠩ ᠪᠠᠭᠠᠪᠠᠭᠠᠢ
ᠵᠥᠭᠡᠢ ᠶ᠋ᠢᠨ ᠪᠠᠯ
ᠢᠳᠡᠵᠦ ᠪᠠᠢᠨᠠ ᠭᠡᠵᠦ ᠵᠡᠭᠦᠳᠦᠯᠡᠳᠡᠭ ᠪᠠᠢᠬᠠ
ᠵᠡᠭᠡᠷᠳᠡ ᠤᠨᠠᠭᠠ ᠬᠠᠷᠢᠨ
ᠨᠠᠭᠠᠳᠤᠮ ᠳ᠋ᠤ᠌ ᠲᠡᠷᠢᠭᠦᠯᠡᠯᠡ ᠭᠡᠵᠦ
ᠵᠡᠭᠦᠳᠦᠯᠡᠳᠡᠭ ᠪᠠᠢᠬᠠ᠃
ᠪᠦᠷᠦᠢ ᠪᠣᠯᠵᠤ
ᠣᠳᠣᠳ ᠲᠦᠭᠡᠮᠡᠭᠴᠡ
ᠪᠦᠬᠦᠢᠯᠡ ᠠᠮᠢᠲᠠᠨ
ᠵᠡᠭᠦᠳᠦᠯᠡᠳᠡᠭ ᠪᠠᠢᠬᠠ᠂
ᠬᠠᠷᠢᠨ ᠪᠢ
ᠶᠠᠭᠤ ᠵᠡᠭᠦᠳᠦᠯᠡᠳᠡᠭ ᠪᠣᠯ?
1984 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠱᠠᠭᠰᠠᠯ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ