ᠬᠡᠯᠲᠡᠭᠡᠢ ᠬᠠᠢᠷᠠ-ᠬᠣ᠊ · ᠲᠦᠪᠰᠢᠨХэлтгий хайр-Х ·Төвшин
819ᠬᠡᠯᠲᠡᠭᠡᠢ ᠬᠠᠢᠷᠠ
ᠬᠣ᠊ · ᠲᠦᠪᠰᠢᠨ ᠡᠮᠬᠢᠳᠬᠡᠪᠡ
ᠡᠷᠲᠡ ᠤᠷᠢᠳᠤ ᠴᠠᠭ ᠲᠤ ᠪᠠᠯᠳᠠᠨ ᠭᠡᠳᠡᠭ ᠬᠥᠮᠦᠨ ᠡᠬᠡᠨᠡᠷ ᠥᠪᠡᠷ ᠦ᠋ᠨ ᠡᠵᠢ ᠪᠠ ᠬᠠᠳᠠᠮ ᠡᠵᠢ ᠲᠡᠢ ᠪᠡᠨ ᠳᠥᠷᠪᠡᠭᠦᠯᠡ ᠠᠮᠢᠳᠤᠷᠠᠵᠤ ᠪᠠᠢᠲᠠᠯᠠ ᠣᠷᠳᠣᠨ ᠠ᠋ᠴᠠ ᠲᠠᠬᠠᠷᠠ ᠢᠷᠡᠵᠦ ᠪᠠᠯᠳᠠᠨ ᠢ᠋ ᠭᠤᠷᠪᠠᠨ ᠵᠢᠯ ᠦ᠋ᠨ ᠴᠡᠷᠢᠭ ᠦ᠋ᠨ ᠠᠯᠪᠠ ᠬᠠᠰᠢᠬᠤ ᠪᠢᠴᠢᠭ ᠥᠭᠴᠡᠢ᠃ ᠪᠠᠯᠳᠠᠨ ᠶᠠᠭ ᠴᠡᠷᠢᠭ ᠲᠦ᠍ ᠶᠠᠪᠤᠬᠤ ᠶ᠋ᠢᠨ ᠡᠮᠦᠨᠡ ᠰᠥᠨᠢ ᠨᠢ ᠤᠨᠲᠠᠵᠤ ᠪᠠᠢᠭᠠᠳ ᠶᠡᠬᠡ ᠥᠨᠳᠥᠷ ᠳᠠᠭᠤᠨ ᠢ᠋ᠶ᠋ᠠᠷ ᠰᠠᠨᠠᠭᠠ ᠠᠯᠳᠠᠭᠰᠠᠨ ᠳ᠋ᠤ᠌ ᠡᠬᠡᠨᠡᠷ ᠨᠢ ᠭᠠᠢᠬᠠᠨ᠄《ᠶᠠᠭᠤᠨ ᠳ᠋ᠤ᠌ ᠤᠨᠲᠠᠵᠤ ᠪᠠᠢᠭᠠᠳ ᠶᠡᠬᠡ ᠰᠠᠨᠠᠭᠠ ᠠᠯᠳᠠᠬᠤ ᠪᠢᠯᠡ?》 ᠭᠡᠪᠡᠯ ᠪᠠᠯᠳᠠᠨ᠄《ᠭᠠᠯᠵᠠᠭᠤ ᠰᠢᠷᠠ ᠮᠥᠷᠡᠨ ᠳ᠋ᠦ᠍ ᠶᠠᠪᠤᠵᠤ ᠴᠡᠷᠢᠭ ᠦ᠋ᠨ ᠠᠯᠪᠠ ᠬᠠᠰᠢᠬᠤ ᠭᠠᠢ ᠵᠣᠪᠠᠯᠠᠩ ᠴᠤ᠌ ᠲᠡᠢᠮᠦ ᠯᠡ ᠪᠠᠢᠨᠠ᠃ ᠭᠠᠭᠴᠠᠬᠦ ᠭᠠᠵᠠᠷ ᠤ᠋ᠨ ᠳᠡᠭᠡᠷᠡᠬᠢ ᠬᠣᠶᠠᠷ ᠨᠠᠰᠤᠲᠠᠢ ᠡᠵᠢ ᠪᠡᠨ ᠣᠷᠬᠢᠵᠤ ᠲᠦᠪᠳᠡᠬᠦ ᠦᠭᠡᠢ ᠰᠡᠳᠬᠢᠯ ᠵᠣᠪᠠᠵᠤ ᠪᠠᠢᠨᠠ᠃ ᠡᠵᠢ ᠴᠢᠨᠢ ᠨᠠᠰᠤ ᠳᠥᠭᠥᠭᠰᠡᠨ᠂ ᠴᠢ ᠵᠥᠭᠡᠯᠡᠨ ᠡᠯᠢᠭᠡ ᠠᠭᠤᠰᠬᠢ ᠪᠡᠷ ᠲᠡᠵᠢᠭᠡᠵᠦ ᠪᠠᠢ᠃ ᠮᠢᠨᠦ ᠡᠵᠢ ᠴᠤ᠌ ᠶᠠᠭᠠᠬᠢᠬᠤᠪ᠂ ᠴᠢ ᠦᠰᠦ ᠲᠡᠢ ᠭᠦᠵᠡᠭᠡ ᠶ᠋ᠢ ᠲᠣᠭᠣᠭᠠ ᠲᠠᠢ ᠮᠢᠬᠠᠨ ᠤ᠋ ᠪᠤᠴᠠᠯᠬᠤ ᠦᠭᠡᠢ ᠲᠠᠯᠠ ᠳ᠋ᠤ᠌ ᠨᠢ ᠬᠢᠭᠡᠳ ᠲᠡᠵᠢᠭᠡᠵᠦ ᠪᠠᠢ》 ᠭᠡᠵᠦ ᠵᠠᠬᠢᠵᠤ ᠭᠡᠨᠡ᠃ ᠪᠦᠰᠡᠭᠦᠢ ᠨᠢ ᠳᠣᠲᠣᠷᠠ ᠪᠠᠨ《ᠮᠢᠨᠦ ᠨᠥᠬᠥᠷ ᠨᠠᠳᠠᠳᠤ ᠦᠨᠡᠨ ᠰᠠᠢᠨ᠂ ᠮᠢᠨᠦ ᠡᠵᠢ ᠶ᠋ᠢ ᠥᠪᠡᠷ ᠦ᠋ᠨ ᠡᠵᠢ ᠡᠴᠡ ᠪᠡᠨ ᠢᠯᠡᠭᠦᠦ ᠬᠠᠢᠷᠠᠯᠠᠨ ᠬᠠᠷᠠᠭᠠᠯᠵᠠᠵᠤ ᠵᠥᠭᠡᠯᠡᠨ ᠬᠣᠭᠣᠯᠠ ᠥᠭᠴᠦ ᠪᠠᠢ ᠭᠡᠨᠡ》 ᠭᠡᠵᠦ ᠶᠡᠬᠡᠳᠡ ᠪᠠᠶᠠᠷᠯᠠᠨ᠂ ᠭᠤᠷᠪᠠᠨ ᠵᠢᠯ ᠡᠨᠡ ᠵᠠᠬᠢᠶᠠ ᠪᠠᠷ ᠬᠣᠶᠠᠷ ᠡᠵᠢ ᠪᠡᠨ ᠠᠰᠠᠷᠠᠵᠤ ᠭᠡᠨᠡ᠃
ᠪᠠᠯᠳᠠᠨ ᠭᠤᠷᠪᠠᠨ ᠵᠢᠯ ᠶᠠᠪᠤᠭᠠᠳ ᠢᠷᠡᠬᠦ ᠳ᠋ᠦ᠍ ᠬᠠᠳᠠᠮ ᠡᠵᠢ ᠨᠢ ᠲᠤᠷᠠᠵᠤ ᠢᠴᠢᠭᠡᠳ ᠨᠠᠰᠤᠨ ᠲᠠᠭᠠᠯᠠᠯ ᠪᠣᠯᠵᠤ᠂ ᠥᠪᠡᠷ ᠦ᠋ᠨ ᠡᠵᠢ ᠨᠢ ᠬᠠᠷᠢᠨ ᠲᠤᠩ ᠴᠤ᠌ ᠲᠠᠷᠭᠤᠨ ᠴᠠᠳᠬᠤᠯᠠᠩ ᠪᠠᠢᠵᠠᠢ᠃
ᠤᠤᠯ ᠨᠢ ᠲᠣᠭᠣᠭᠠ ᠲᠠᠢ ᠮᠢᠬᠠᠨ ᠤ᠋ ᠪᠤᠴᠠᠯᠬᠤ ᠦᠭᠡᠢ ᠭᠠᠵᠠᠷ ᠨᠢ ᠪᠦᠬᠦᠢ ᠲᠣᠰᠣ ᠨᠢ ᠲᠤᠨᠵᠤ᠂ ᠦᠰᠦ ᠲᠡᠢ ᠭᠦᠵᠡᠭᠡ ᠬᠠᠮᠤᠭ ᠲᠣᠰᠣ ᠰᠢᠮᠡ ᠶ᠋ᠢ ᠰᠢᠩᠭᠡᠨ ᠠᠪᠤᠭᠰᠠᠨ ᠢ᠋ᠶ᠋ᠠᠷ ᠡᠵᠢ ᠨᠢ ᠰᠢᠮᠡ ᠲᠡᠢ ᠬᠣᠭᠣᠯᠠ ᠢᠳᠡᠵᠦ ᠪᠠᠢᠭᠰᠠᠨ ᠢ᠋ᠶ᠋ᠠᠷ ᠲᠠᠷᠭᠤᠨ ᠴᠠᠳᠬᠤᠯᠠᠩ ᠪᠠᠢᠵᠤ᠂ ᠬᠠᠳᠠᠮ ᠡᠵᠢ ᠨᠢ ᠰᠢᠮᠡ ᠦᠭᠡᠢ ᠶᠠᠭᠤᠮᠠ ᠢᠳᠡᠭᠰᠡᠨ ᠢ᠋ᠶ᠋ᠡᠷ ᠲᠤᠷᠠᠵᠤ ᠦᠬᠦᠭᠰᠡᠨ ᠢ᠋ ᠬᠥᠭᠡᠷᠦᠬᠦᠢᠯᠡᠯᠲᠡᠢ ᠪᠦᠰᠡᠭᠦᠢ ᠨᠢ ᠮᠡᠳᠡᠭᠰᠡᠨ ᠦᠭᠡᠢ ᠠᠵᠠᠢ᠃ ᠡᠨᠡ ᠨᠢ ᠦᠨᠡᠨᠳᠡᠭᠡᠨ ᠥᠪᠡᠷ ᠦ᠋ᠨ ᠡᠵᠢ ᠪᠡᠨ ᠬᠡᠯᠲᠡᠭᠡᠢ ᠬᠠᠢᠷᠠᠯᠠᠭᠰᠠᠨ ᠶᠤᠮ ᠪᠠᠢᠵᠠᠢ᠃
《ᠠᠷᠠᠳ ᠤ᠋ᠨ ᠠᠮᠠᠨ ᠦᠯᠢᠭᠡᠷ》 ᠨᠣᠮ ᠠ᠋ᠴᠠ
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠴᠢ᠊· ᠣᠷᠠᠨᠴᠡᠴᠡᠭ
ᠬᠢᠨᠠᠯᠲᠠ ᠪᠠᠭᠰᠢ᠄ ᠰᠡᠬᠡᠭᠡᠷᠡᠯ