ᠬᠤᠯᠤᠭᠠᠨᠠ ᠶ᠋ᠢᠨ ᠵᠤᠯᠵᠠᠭᠠ ᠵᠤᠭᠠᠯᠠᠭᠰᠠᠨ ᠨᠢХулганын зулзага зугаалсан ньKhulganyn zulzaga zugaalsan ni
832ᠬᠤᠯᠤᠭᠠᠨᠠ ᠶ᠋ᠢᠨ ᠵᠤᠯᠵᠠᠭᠠ ᠵᠤᠭᠠᠯᠠᠭᠰᠠᠨ ᠨᠢ
ᠳᠠᠭᠤᠨ ᠤ᠋ ᠢᠨᠵᠧᠨᠧᠷ᠄ ᠪᠠᠶᠠᠰᠬᠤᠯᠠᠩᠲᠡᠬᠦᠰ
ᠵᠢᠷᠤᠭᠠᠴᠢ᠄ ᠭ· ᠲᠥᠷᠦᠪᠠᠲᠤ
ᠦᠯᠢᠭᠡᠷ ᠤᠩᠰᠢᠭᠰᠠᠨ ᠵᠥᠴᠥᠭᠡᠴᠢᠳ᠄ ᠴ· ᠮᠥᠩᠬᠡᠨᠠᠰᠤᠨ᠂ ᠴ· ᠲᠤᠩᠭᠠᠮᠠ
ᠨᠢᠭᠡᠨ ᠬᠤᠯᠤᠭᠠᠨᠠ ᠶ᠋ᠢᠨ ᠵᠤᠯᠵᠠᠭᠠ ᠵᠤᠭᠠᠯᠠᠬᠤ ᠪᠠᠷ ᠭᠠᠳᠠᠭᠰᠢ ᠭᠠᠷᠴᠠᠢ᠃ ᠲᠡᠷᠡ ᠡᠳᠦᠷᠵᠢᠨ ᠶᠠᠪᠤᠵᠤ ᠶᠠᠪᠤᠵᠤ ᠶᠠᠪᠤᠵᠤ ᠡᠵᠢ ᠳ᠋ᠦ᠍ ᠪᠡᠨ ᠡᠷᠭᠢᠵᠦ ᠢᠷᠡᠭᠡᠳ ᠢᠩᠭᠢᠵᠦ ᠬᠡᠯᠡᠵᠡᠢ ᠭᠡᠨᠡ᠃《ᠡᠵᠢ ᠠ᠋᠂ ᠪᠢ ᠥᠨᠥᠳᠥᠷ ᠬᠣᠶᠠᠷ ᠠᠷᠢᠶᠠᠲᠠᠨ ᠲᠠᠢ ᠤᠴᠠᠷᠠᠯᠠ᠃》 ᠭᠡᠰᠡᠨ ᠳ᠋ᠦ᠍ ᠡᠵᠢ ᠨᠢ《ᠵᠠ᠂ ᠶᠠᠮᠠᠷ ᠬᠣᠶᠠᠷ ᠠᠷᠢᠶᠠᠲᠠᠨ ᠲᠠᠢ ᠤᠴᠠᠷᠠᠪᠠ? ᠶᠠᠷᠢ᠂ ᠶᠠᠷᠢ ᠮᠢᠨᠦ ᠬᠦᠦ 》 ᠭᠡᠪᠡ᠃《ᠨᠢᠭᠡ ᠨᠢ ᠶᠣᠰᠣᠲᠠᠢ ᠶᠡᠬᠡ ᠠᠶᠤᠮᠠᠷ ᠠ᠋᠃ ᠲᠣᠯᠣᠭᠠᠢ ᠳᠡᠭᠡᠷᠡ ᠪᠡᠨ ᠲᠣᠮᠣ ᠭᠡᠭᠴᠢ ᠤᠯᠠᠭᠠᠨ ᠶᠠᠭᠤᠮᠠ ᠲᠠᠢ᠂ ᠬᠣᠰᠢᠭᠤ ᠨᠢ ᠮᠠᠬᠢᠷ ᠬᠠᠷᠠ ᠳᠡᠭᠡᠭᠡ ᠰᠢᠭ᠂ ᠬᠥᠯ ᠨᠢ ᠰᠠᠷᠪᠠᠭᠠᠷ ᠲᠣᠮᠣ ᠬᠠᠷᠠ᠃ ᠨᠠᠮᠠ ᠶ᠋ᠢ ᠳᠡᠷᠭᠡᠳᠡᠭᠦᠷ ᠨᠢ ᠥᠩᠭᠡᠷᠡᠭᠰᠡᠨ ᠴᠢᠨᠢ ᠪᠠᠢᠨᠠ ᠤᠤ? ᠬᠥᠯ ᠢ᠋ᠶ᠋ᠡᠨ ᠡᠷᠭᠦᠭᠡᠳ〈ᠭᠣᠭ᠁ ᠭᠣᠭ᠁〉ᠭᠡᠳ ᠳᠤᠤᠭᠠᠷᠤᠭᠠᠳ ᠪᠠᠢᠨᠠ ᠯᠠ 》᠃《ᠠᠢ ᠳᠠ! ᠦᠷᠡ ᠮᠢᠨᠢ ᠳᠡ᠂ ᠬᠠ᠁ ᠬᠠ᠁ ᠲᠡᠭᠦᠨ ᠳ᠋ᠦ᠍ ᠠᠶᠤᠮᠠᠷ ᠶᠠᠪᠤᠳᠠᠯ ᠪᠠᠢᠬᠤ ᠦᠭᠡᠢ᠃ ᠡᠷᠡ ᠲᠠᠬᠢᠶᠠ ᠭᠡᠳᠡᠭ ᠪᠠᠢᠬᠤ ᠦᠭᠡᠢ ᠤᠤ ᠳᠠ! ᠨᠥᠭᠦᠭᠡ ᠬᠢᠨᠢ ᠶᠠᠮᠠᠷ ᠠᠮᠢᠲᠠᠨ ᠪᠣᠢ? ᠶᠠᠷᠢ᠂ ᠶᠠᠷᠢ ! ᠮᠢᠨᠦ ᠬᠦᠦ᠃ ᠬᠢ᠁ ᠬᠢ᠁ 》《ᠨᠥᠭᠦᠭᠡ ᠬᠢᠨᠢ ᠶᠣᠰᠣᠲᠠᠢ ᠶᠡᠬᠡ ᠬᠥᠭᠡᠷᠦᠬᠦᠨ᠂ ᠭᠠᠳᠠᠭᠠ ᠬᠠᠰᠢᠶᠠᠨ ᠤ᠋ ᠪᠠᠨᠵᠠᠨ ᠳᠡᠭᠡᠷᠡ ᠨᠠᠷᠠᠯᠠᠭᠠᠳ ᠤᠨᠲᠠᠵᠤ ᠪᠠᠢᠨᠠ ᠳᠠ᠃ ᠬᠦᠵᠦᠭᠦᠦ ᠨᠢ ᠴᠠᠭᠠᠨ᠂ ᠴᠡᠭᠡᠵᠢ ᠨᠢ ᠬᠦᠷᠵᠢᠭᠢᠨᠡᠵᠦ ᠳᠤᠤᠭᠠᠷᠤᠭᠠᠳ᠂ ᠰᠡᠭᠦᠯ ᠢ᠋ᠶ᠋ᠡᠨ ᠬᠠᠶᠠ ᠮᠡᠳᠡᠭ᠂ ᠮᠡᠳᠡᠭ ᠭᠡᠵᠦ ᠬᠥᠳᠡᠯᠭᠡᠭᠡᠳ ᠬᠢ᠁ ᠬᠢ ᠁ ᠨᠠᠮᠠ ᠶ᠋ᠢ ᠳᠡᠷᠭᠡᠳᠡᠭᠦᠷ ᠨᠢ ᠥᠩᠭᠡᠷᠡᠭᠰᠡᠨ ᠴᠢᠨᠢ ᠮᠢᠶᠣᠤ᠁ ᠮᠢᠶᠣᠤ᠁ ᠭᠡᠳ ᠳᠤᠤᠭᠠᠷᠤᠭᠠᠳ ᠪᠠᠢᠳᠠᠭ ᠶᠤᠮ᠃ ᠬᠢ᠁ ᠬᠢ᠁ 》《ᠠᠢ ᠳᠠ! ᠦᠷᠡ ᠮᠢᠨᠢ ᠳᠡ᠂ ᠦᠭᠡᠢ᠂ ᠴᠢ ᠴᠢᠨᠢ ᠶᠠᠮᠠᠷ ᠭᠡᠨᠡᠨ ᠲᠣᠮᠣᠭᠠ ᠦᠭᠡᠢ ᠶᠦᠮ ᠪᠣᠢ? ᠲᠡᠷᠡ ᠴᠢᠨᠢ ᠨᠥᠭᠦᠭᠡ ᠪᠢᠳᠡᠨ ᠦ᠌ ᠳᠠᠢᠰᠤᠨ ᠭᠠᠢᠬᠠᠯᠳᠤ ᠮᠤᠤᠷ ᠴᠢᠨᠢ ᠪᠠᠢᠬᠤ ᠦᠭᠡᠢ ᠤᠤ?》 ᠭᠡᠵᠡᠢ ᠭᠡᠨᠡ ᠃
※ ᠬᠡᠦᠬᠡᠳ ᠠ᠋᠂ ᠬᠠᠷᠠᠬᠤ ᠳ᠋ᠤ᠌ ᠠᠶᠤᠮᠠᠷ ᠬᠠᠨᠢᠯᠠᠵᠤ ᠨᠠᠢᠵᠠᠯᠠᠬᠤ ᠳ᠋ᠤ᠌ ᠨᠥᠬᠥᠷ ᠪᠣᠯᠵᠤ ᠪᠣᠯᠳᠠᠭ ᠪᠣᠯ ᠬᠠᠷᠠᠬᠤ ᠳ᠋ᠤ᠌ ᠬᠥᠭᠵᠢᠯᠲᠡᠢ ᠴᠤ᠌ ᠭᠡᠰᠡᠨ ᠬᠠᠯᠠᠭᠠᠲᠠᠢ ᠨᠥᠬᠥᠷ ᠪᠠᠢᠳᠠᠭ ᠶᠤᠮ ᠪᠠᠢᠨᠠ ᠳᠠ᠃
※ ᠰᠣᠶᠣᠯ ᠤ᠋ᠨ ᠶᠠᠮᠤ
ᠴᠠᠬᠢᠮ ᠣᠷᠴᠢᠨ ᠳ᠋ᠤ᠌ ᠰᠣᠶᠣᠯ ᠲᠦᠭᠡᠭᠡᠶᠡ
ᠦᠰᠦᠭ ᠠᠮᠢᠯᠠᠭᠤᠯᠤᠨ ᠬᠠᠳᠠᠭᠴᠢ᠄ ᠵᠡᠷᠮᠦᠳ ᠸ· ᠥᠯᠵᠡᠢ
ᠦᠰᠦᠭ ᠬᠢᠨᠠᠭᠴᠢ᠄ ᠭᠠᠸᠠ᠂ ᠳᠡᠯᠭᠡᠷ