ᠪᠢᠴᠢᠬᠠᠨ ᠰᠠᠮᠵᠠ ᠡᠷᠳᠡᠮ ᠰᠤᠷᠤᠭᠰᠠᠨ ᠨᠢБяцхан самж эрдэм сорсон ньByatskhan samj erdem sorson ni
824ᠪᠢᠴᠢᠬᠠᠨ ᠰᠠᠮᠵᠠ ᠡᠷᠳᠡᠮ ᠰᠤᠷᠤᠭᠰᠠᠨ ᠨᠢ
ᠤᠯᠠᠭᠠᠨ ᠳᠠᠪᠠᠭᠠ ᠶ᠋ᠢᠨ ᠪᠤᠷᠭᠠᠰᠤᠨ ᠳᠣᠲᠣᠷᠠ ᠣᠯᠠᠨ ᠠᠮᠢᠲᠠᠨ ᠠᠮᠢᠳᠤᠷᠠᠵᠤ ᠪᠠᠢᠵᠠᠢ᠃
ᠨᠢᠭᠡᠨ ᠡᠳᠦᠷ ᠪᠢᠴᠢᠬᠠᠨ ᠰᠠᠮᠵᠠ ᠨᠠᠭᠠᠳᠤᠨ ᠭᠦᠶᠦᠭᠰᠡᠭᠡᠷ ᠪᠠᠢᠭᠠᠳ ᠮᠤᠤᠷ ᠤ᠋ᠨ ᠵᠤᠯᠵᠠᠭᠠ ᠬᠤᠯᠤᠭᠠᠨᠠ ᠪᠠᠷᠢᠵᠤ ᠨᠠᠭᠠᠳᠴᠤ ᠪᠠᠢᠬᠤ ᠲᠠᠢ ᠲᠠᠭᠠᠷᠠᠯᠳᠤᠪᠠ᠃ ᠲᠡᠭᠡᠭᠡᠳ ᠲᠡᠷᠡ ᠮᠤᠤᠷ ᠤ᠋ᠨ ᠵᠤᠯᠵᠠᠭᠠ ᠶ᠋ᠢᠨ ᠬᠤᠯᠤᠭᠠᠨᠠ ᠪᠠᠷᠢᠬᠤ ᠮᠡᠷᠭᠡᠵᠢᠯ ᠢ᠋ ᠲᠤᠩ ᠪᠢᠰᠢᠷᠡᠵᠦ ᠲᠡᠭᠦᠨ ᠡᠴᠡ᠄《ᠬᠦᠢ᠂ ᠮᠤᠤᠷ ᠨᠠᠢᠵᠠ ᠠ᠋! ᠬᠤᠯᠤᠭᠠᠨᠠ ᠪᠠᠷᠢᠬᠤ ᠮᠡᠷᠭᠡᠵᠢᠯ ᠢ᠋ᠶ᠋ᠡᠨ ᠨᠠᠳᠠ ᠳ᠋ᠤ᠌ ᠵᠢᠭᠠᠵᠤ ᠥᠭᠭᠦᠨᠡ ᠤᠤ?》 ᠭᠡᠵᠦ ᠭᠤᠶᠤᠵᠠᠢ᠃ ᠮᠤᠤᠷ ᠤ᠋ᠨ ᠵᠤᠯᠵᠠᠭᠠ ᠲᠣᠯᠣᠭᠠᠢ ᠳᠣᠬᠢᠨ ᠵᠥᠪᠰᠢᠶᠡᠷᠡᠪᠡ᠃ ᠮᠤᠤᠷ ᠤ᠋ᠨ ᠵᠤᠯᠵᠠᠭᠠ ᠬᠤᠯᠤᠭᠠᠨᠠ ᠶ᠋ᠢᠨ ᠨᠦᠬᠡᠨ ᠦ᠌ ᠠᠮᠠᠰᠠᠷ ᠳᠤ ᠣᠴᠣᠢᠨ ᠬᠤᠯᠤᠭᠠᠨᠠ ᠶ᠋ᠢ ᠬᠡᠷᠬᠢᠨ ᠮᠢᠷᠢᠶᠠᠵᠤ ᠭᠡᠲᠡᠬᠦ ᠶ᠋ᠢ ᠵᠢᠭᠠᠵᠤ ᠥᠭᠪᠡ᠃ ᠪᠢᠴᠢᠬᠠᠨ ᠰᠠᠮᠵᠠ ᠲᠥᠷᠥᠯᠬᠢ ᠵᠠᠩ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠠᠢᠨ ᠪᠠᠢᠨ ᠬᠠᠴᠠᠷ ᠢ᠋ᠶ᠋ᠠᠨ ᠮᠠᠭᠠᠵᠢᠨ᠂ ᠪᠠᠢᠨ ᠪᠠᠢᠨ ᠡᠢᠰᠢ ᠲᠡᠢᠰᠢ ᠳᠡᠯᠳᠡᠭᠡᠨᠡᠭᠡᠳ ᠤᠳᠠᠭᠠᠨ ᠣᠴᠣᠢᠨ ᠰᠠᠭᠤᠵᠤ ᠳᠡᠢᠯᠬᠦ ᠦᠭᠡᠢ ᠪᠣᠯᠬᠣᠷ ᠡᠨᠡ ᠬᠦ᠌ ᠮᠡᠷᠭᠡᠵᠢᠯ ᠢ᠋ ᠡᠵᠡᠮᠰᠢᠵᠦ ᠴᠢᠳᠠᠭᠰᠠᠨ ᠦᠭᠡᠢ᠃ ᠲᠡᠭᠡᠬᠦ ᠳ᠋ᠦ᠍ ᠮᠤᠤᠷ ᠤ᠋ᠨ ᠵᠤᠯᠵᠠᠭᠠ ᠲᠡᠭᠦᠨ ᠳ᠋ᠦ᠍ ᠳᠠᠬᠢᠨ ᠳᠠᠪᠲᠠᠨ ᠬᠤᠯᠤᠭᠠᠨᠠ ᠳ᠋ᠤ᠌ ᠮᠢᠷᠢᠶᠠᠬᠤ ᠲᠤᠬᠠᠢ ᠨᠠᠷᠢᠨ ᠨᠢᠮᠪᠠᠢ ᠲᠠᠢᠯᠪᠤᠷᠢ ᠬᠢᠵᠦ ᠥᠭᠪᠡ᠃ ᠪᠢᠴᠢᠬᠠᠨ ᠰᠠᠮᠵᠠ ᠰᠣᠨᠣᠰᠴᠤ ᠰᠣᠨᠣᠰᠤᠭᠠᠳ᠄《ᠵᠠ᠂ ᠵᠠ᠂ ᠪᠢ ᠲᠡᠢᠮᠦ ᠤᠳᠠᠭᠠᠨ ᠵᠦᠭᠡᠷ ᠰᠠᠭᠤᠭᠠᠳ ᠮᠢᠷᠢᠶᠠᠵᠤ ᠳᠡᠢᠯᠬᠦ ᠦᠭᠡᠢ᠃ ᠡᠨᠡ ᠡᠷᠳᠡᠮ ᠢ᠋ ᠴᠢᠨᠢ ᠰᠤᠷᠴᠤ ᠳᠡᠢᠯᠬᠦ ᠦᠭᠡᠢ》 ᠭᠡᠳ ᠴᠢᠨᠠᠭᠰᠢ ᠶᠠᠪᠤᠪᠠ᠃
ᠪᠢᠴᠢᠬᠠᠨ ᠰᠠᠮᠵᠠ ᠭᠥᠯᠥᠭᠡ ᠪᠡᠷ ᠪᠥᠵᠥᠩ ᠢ᠋ ᠵᠠᠭᠤᠬᠤ᠂ ᠬᠠᠷᠠᠢᠬᠤ ᠮᠡᠷᠭᠡᠵᠢᠯ ᠢ᠋ ᠵᠢᠭᠠᠯᠭᠠᠭᠰᠠᠨ ᠪᠣᠯᠪᠠᠴᠤ ᠮᠥᠨ ᠯᠡ ᠰᠠᠢᠨ ᠠᠩᠬᠠᠷᠤᠭᠰᠠᠨ ᠦᠭᠡᠢ ᠮᠥᠷᠲᠡᠭᠡᠨ ᠳᠠᠩᠴᠤ ᠬᠦᠴᠢᠷ ᠲᠡᠢ ᠭᠡᠳ ᠰᠤᠷᠤᠭᠰᠠᠨ ᠦᠭᠡᠢ᠃ ᠣᠷᠣᠢ ᠪᠣᠯᠬᠤ ᠳ᠋ᠤ᠌ ᠠᠷᠭᠠ ᠪᠤᠰᠤ ᠭᠡᠷ ᠲᠦ᠍ ᠪᠡᠨ ᠭᠣᠩᠰᠣᠢᠨ ᠬᠠᠷᠢᠵᠠᠢ᠃
ᠢᠷᠡᠯᠲᠡ᠄
ᠪᠠᠭᠠᠴᠤᠳ ᠬᠡᠦᠬᠡᠳ ᠦ᠋ᠨ ᠰᠣᠨᠢᠷᠬᠠᠯᠲᠤ ᠦᠯᠢᠭᠡᠷ
ᠪ· ᠴᠠᠭᠠᠨᠬᠡᠦᠬᠡᠨ
ᠠ᠊· ᠲᠤᠨᠠᠯᠭᠤᠤᠡ ᠨᠠᠢᠷᠠᠭᠤᠯᠤᠨ ᠵᠣᠬᠢᠶᠠᠪᠠ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠭᠡᠷᠡᠯ
ᠬᠢᠨᠠᠭᠴᠢ ᠪᠠᠭᠰᠢ᠄ ᠤᠷᠠᠨᠲᠠᠨᠠ᠂ ᠣᠳᠬᠠᠨᠰᠣᠠ