ᠲᠠᠤᠯᠠᠢ ᠵᠠᠷᠠᠭᠠ ᠬᠣᠶᠠᠷ-ᠮᠣᠩᠭᠣᠯ ᠠᠷᠠᠳ ᠤᠨ ᠦᠯᠢᠭᠡᠷМонгол Ардын үлгэр Туулай зараа хоёрTuulai zaraa khoyor
1238ᠲᠠᠤᠯᠠᠢ ᠵᠠᠷᠠᠭᠠ ᠬᠣᠶᠠᠷ
ᠲᠠᠤᠯᠠᠢ ᠶᠠᠪᠤᠵᠤ ᠪᠠᠢᠭᠠᠳ ᠵᠠᠷᠠᠭᠠ ᠲᠠᠢ ᠲᠠᠭᠠᠷᠠᠯᠠ᠃ 《ᠴᠢ ᠤᠭ ᠨᠢ ᠣᠪᠣᠭᠠ ᠵᠢᠰᠦ ᠴᠢᠷᠠᠢ ᠲᠠᠢ ᠠᠮᠢᠲᠠᠨ ᠶᠤᠮ᠃ ᠲᠡᠭᠡᠬᠦ ᠳ᠋ᠦ᠍ ᠪᠡᠨ ᠴᠢᠮᠠ ᠶ᠋ᠢ ᠨᠠᠭᠠᠳᠤᠬᠢ ᠳᠤᠭᠤᠢ ᠬᠥᠯ ᠴᠢᠨᠢ ᠭᠤᠲᠤᠭᠠᠵᠤ ᠪᠠᠢᠨᠠ ᠳᠠ!》 ᠭᠡᠵᠦ ᠳᠠᠭᠤᠷᠬᠠᠬᠤ ᠳ᠋ᠤ᠌ ᠵᠠᠷᠠᠭᠠ ᠳᠥᠷᠰᠥᠭᠡᠨᠡᠨ ᠠᠭᠤᠷᠯᠠᠵᠤ᠄《ᠴᠢ ᠨᠠᠮᠠ ᠶ᠋ᠢ ᠳᠣᠷᠣᠮᠵᠢᠯᠠᠵᠤ ᠪᠠᠢᠨᠠ ᠤᠤ? ᠪᠢ ᠮᠤᠷᠤᠢ ᠬᠥᠯ ᠲᠡᠢ ᠴᠦ᠍ ᠲᠡᠭᠰᠢ ᠬᠥᠯ ᠲᠡᠢ ᠴᠢᠮᠠ ᠠ᠋ᠴᠠ ᠢᠯᠡᠭᠦᠦ ᠬᠤᠷᠳᠤᠨ ᠳᠠᠪᠬᠢᠳᠠᠭ᠃ ᠪᠢ ᠭᠡᠷ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠣᠷᠣᠭᠠᠳ ᠭᠠᠷᠤᠶᠠ᠃ ᠲᠡᠭᠡᠭᠡᠳ ᠬᠡᠨ ᠨᠢ ᠬᠤᠷᠳᠤᠨ ᠭᠦᠶᠦᠳᠡᠭ ᠢ᠋ᠶ᠋ᠡᠨ ᠤᠷᠤᠯᠳᠤᠵᠤ ᠦᠵᠡᠬᠦ ᠤᠤ?》 ᠭᠡᠰᠡᠨ ᠰᠠᠨᠠᠯ ᠭᠠᠷᠭᠠᠬᠤ ᠳ᠋ᠤ᠌ ᠣᠩᠭᠢᠷᠠᠭᠠ ᠲᠠᠤᠯᠠᠢ ᠵᠥᠪᠰᠢᠶᠡᠷᠡᠵᠦ ᠭᠡᠨᠡ᠃
ᠵᠠᠷᠠᠭᠠ ᠭᠡᠷ ᠲᠦ᠍ ᠪᠡᠨ ᠣᠷᠣᠵᠤ ᠢᠷᠡᠭᠡᠳ ᠡᠬᠡᠨᠡᠷ ᠲᠦ᠍ ᠪᠡᠨ ᠬᠠᠨᠳᠤᠵᠤ ᠄《ᠲᠠᠤᠯᠠᠢ ᠨᠠᠮᠠ ᠶ᠋ᠢ ᠳᠤᠭᠤᠢ ᠬᠥᠯ ᠲᠡᠢ ᠭᠡᠵᠦ ᠳᠣᠷᠣᠮᠵᠢᠯᠠᠬᠤ ᠪᠠᠷ ᠨᠢ ᠪᠢ ᠲᠡᠭᠦᠨ ᠲᠡᠢ ᠤᠷᠤᠯᠳᠤᠵᠤ ᠂ ᠬᠡᠨ ᠨᠢ ᠱᠠᠯᠠᠮᠠᠭᠠᠢ ᠬᠤᠷᠳᠤᠨ ᠭᠦᠶᠦᠬᠦ ᠪᠡᠨ ᠦᠵᠡᠬᠦ ᠪᠡᠷ ᠪᠣᠯᠤᠯᠠ 》 ᠭᠡᠬᠦ ᠳ᠋ᠦ᠍ ᠡᠬᠡᠨᠡᠷ ᠨᠢ ᠬᠠᠷᠢᠭᠤ ᠳ᠋ᠤ᠌ ᠨᠢ ᠄《ᠴᠢ ᠴᠢᠨᠢ ᠠᠷᠠᠢ ᠰᠣᠯᠢᠶᠠᠷᠠᠴᠢᠬᠠ ᠦᠭᠡᠢ ᠪᠢᠵᠡ? ᠲᠠᠤᠯᠠᠢ ᠲᠠᠢ ᠣᠷᠣᠯᠳᠣᠨᠠ ᠭᠡᠨᠡ? ᠴᠢ ᠬᠤᠷᠳᠤᠨ ᠭᠦᠶᠦᠳᠡᠭ ᠲᠠᠤᠯᠠᠢ ᠲᠠᠢ ᠶᠠᠭᠠᠬᠢᠵᠤ ᠥᠷᠢᠰᠦᠯᠳᠦᠬᠦ ᠶᠦᠮ ᠪᠣᠢ? ᠪᠣᠯᠵᠤ ᠦᠵᠡ! 》 ᠭᠡᠳ ᠶᠡᠷᠦ ᠲᠣᠭᠣᠭᠰᠠᠨ ᠦᠭᠡᠢ᠃
ᠵᠠᠷᠠᠭᠠ ᠭᠡᠷᠭᠡᠢ ᠪᠡᠨ ᠢᠳᠬᠠᠵᠤ᠄《ᠲᠠᠤᠯᠠᠢ ᠬᠥᠯ ᠬᠤᠷᠳᠤᠨ ᠴᠤ᠌ ᠮᠢᠨᠦ ᠤᠬᠠᠭᠠᠨ ᠲᠡᠭᠦᠨ ᠡᠴᠡ ᠴᠦ᠍ ᠢᠯᠡᠭᠦᠦ᠃ ᠵᠠ ᠬᠣᠶᠠᠭᠤᠯᠠ ᠪᠠᠨ ᠲᠠᠯᠠ ᠤᠷᠤᠭᠤ ᠪᠠᠨ ᠬᠠᠮᠲᠤ ᠣᠴᠢᠶᠠ᠃ ᠪᠢ ᠲᠡᠨᠳᠡ ᠣᠴᠢᠭᠠᠳ ᠴᠢᠮᠠ ᠳ᠋ᠤ᠌ ᠪᠦᠬᠦ ᠨᠢᠭᠤᠴᠠ ᠪᠠᠨ ᠳᠡᠯᠭᠡᠨᠡ》 ᠭᠡᠵᠡᠢ ᠭᠡᠨᠡ᠃
ᠲᠡᠭᠡᠭᠡᠳ ᠲᠠᠯᠠ ᠳ᠋ᠤ᠌ ᠢᠷᠡᠭᠡᠳ᠄《ᠴᠢ ᠡᠨᠳᠡ ᠨᠢᠭᠤᠭᠳᠠ ᠪᠢ ᠨᠥᠭᠦᠭᠡ ᠲᠠᠯᠠ ᠠ᠋ᠴᠠ ᠲᠠᠤᠯᠠᠢ ᠲᠠᠢ ᠣᠷᠣᠯᠳᠣᠨᠠ᠃ ᠭᠠᠷᠤᠭᠠᠨ ᠠ᠋ᠴᠠ ᠭᠠᠷᠤᠮᠠᠭᠴᠠ ᠪᠢ ᠲᠡᠨᠳᠡ ᠬᠣᠴᠣᠷᠤᠨᠠ᠃ ᠬᠠᠷᠢᠨ ᠴᠢ ᠲᠠᠤᠯᠠᠢ ᠡᠨᠳᠡ ᠢᠷᠡᠬᠦ ᠡᠴᠡ ᠡᠮᠦᠨᠡ ᠢᠯᠡ ᠭᠠᠷᠴᠢᠬᠠᠭᠠᠳ〈ᠪᠢ ᠠᠯᠢ ᠬᠡᠳᠦᠢᠨ ᠡᠨᠳᠡ ᠢᠷᠡᠴᠢᠬᠡᠭᠰᠡᠨ〉 ᠭᠡᠵᠦ ᠬᠡᠯᠡᠭᠡᠷᠡᠢ ᠃ ᠲᠡᠷᠡ ᠴᠢᠮᠠ ᠶ᠋ᠢ ᠨᠠᠳᠠ ᠠ᠋ᠴᠠ ᠶᠡᠷᠦ ᠢᠯᠭᠠᠬᠤ ᠦᠭᠡᠢ》 ᠭᠡᠵᠦ ᠨᠢᠭᠤᠴᠠ ᠠᠷᠭᠠ ᠪᠠᠨ ᠬᠡᠯᠡᠵᠡᠢ ᠭᠡᠨᠡ᠃
ᠵᠠᠷᠠᠭᠠᠨ ᠤ᠋ ᠡᠬᠡᠨᠡᠷ ᠵᠢᠭᠠᠭᠰᠠᠨ ᠶᠣᠰᠣᠭᠠᠷ ᠪᠤᠲᠠᠨ ᠤ᠋ ᠠᠷᠤ ᠳ᠋ᠤ᠌ ᠣᠷᠣᠵᠤ ᠨᠢᠭᠤᠭᠳᠠᠪᠠ᠃ ᠵᠠᠷᠠᠭᠠ ᠲᠠᠤᠯᠠᠢ ᠬᠣᠶᠠᠷ᠂ ᠲᠠᠯᠠ ᠶ᠋ᠢᠨ ᠨᠥᠭᠦᠭᠡ ᠲᠠᠯᠠ ᠠ᠋ᠴᠠ ᠣᠷᠣᠯᠳᠣᠬᠤ ᠪᠠᠷ ᠵᠡᠷᠭᠡ ᠭᠠᠷᠤᠯᠠ᠃ ᠡᠷᠡ ᠵᠠᠷᠠᠭᠠ ᠲᠠᠤᠯᠠᠢ ᠭᠦᠶᠦᠮᠡᠭᠴᠡ ᠠᠷᠤ ᠳ᠋ᠤ᠌ ᠨᠢ ᠬᠣᠴᠣᠷᠴᠤ ᠨᠢᠭᠤᠭᠳᠠᠵᠠᠢ ᠭᠡᠨᠡ᠃ ᠲᠠᠤᠯᠠᠢ ᠬᠠᠮᠤᠭ ᠬᠤᠷᠳᠤ ᠪᠠᠷ ᠭᠦᠶᠦᠭᠰᠡᠭᠡᠷ ᠢᠷᠡᠬᠦ ᠳ᠋ᠦ᠍ ᠡᠮᠡ ᠵᠠᠷᠠᠭᠠ ᠢᠯᠡ ᠭᠠᠷᠴᠢᠬᠠᠭᠰᠠᠨ ᠄《ᠪᠢ ᠴᠢᠮᠠ ᠠ᠋ᠴᠠ ᠬᠤᠷᠳᠤᠨ ᠪᠠᠢᠭᠠ ᠪᠢᠵᠡ ᠳᠡ!》 ᠭᠡᠵᠦ ᠲᠣᠬᠣᠭᠤᠷᠠᠬᠤ ᠳ᠋ᠤ᠌ ᠲᠠᠤᠯᠠᠢ ᠡᠮᠡ ᠵᠠᠷᠠᠭᠠ ᠶ᠋ᠢ ᠲᠠᠨᠢᠭᠰᠠᠨ ᠦᠭᠡᠢ ᠃ 《ᠶᠠᠮᠠᠷ ᠬᠠᠴᠢᠨ ᠶᠤᠮ ᠪᠣᠢ? ᠨᠠᠳᠠ ᠠ᠋ᠴᠠ ᠢᠯᠡᠭᠦᠦ ᠬᠤᠷᠳᠤᠨ ᠶᠤᠮ ᠪᠠᠢᠬᠤ ᠳᠠ! 》 ᠭᠡᠵᠦ ᠳᠣᠲᠣᠷᠠ ᠪᠠᠨ ᠪᠣᠳᠣᠭᠰᠠᠨ ᠢ᠋ᠶ᠋ᠠᠨ᠄《ᠬᠣᠶᠠᠭᠤᠯᠠ ᠪᠠᠨ ᠳᠠᠬᠢᠭᠠᠳ ᠣᠷᠣᠯᠳᠣᠶᠠ ᠳᠠ?》 ᠭᠡᠵᠦ ᠬᠡᠯᠡᠬᠦ ᠳ᠋ᠦ᠍ ᠡᠮᠡ ᠵᠠᠷᠠᠭᠠ ᠶᠡᠬᠡᠳᠡ ᠰᠠᠢᠷᠬᠠᠵᠤ ᠶᠠᠩᠵᠤ ᠶ᠋ᠢ ᠨᠢ ᠦᠵᠡᠭᠰᠡᠨ ᠢ᠋ᠶ᠋ᠡᠨ ᠳᠠᠷᠠᠭᠠ ᠳ᠋ᠤ᠌ ᠨᠢ ᠵᠥᠪᠰᠢᠶᠡᠷᠡᠪᠡ᠃ ᠲᠠᠤᠯᠠᠢ ᠬᠠᠷᠠ ᠬᠤᠷᠳᠤ ᠪᠠᠷ ᠢ᠋ᠶ᠋ᠠᠨ ᠳᠠᠪᠬᠢᠭᠰᠠᠭᠠᠷ ᠢᠷᠡᠬᠦ ᠳ᠋ᠦ᠍ ᠡᠷᠡ ᠵᠠᠷᠠᠭᠠ ᠢᠯᠡ ᠭᠠᠷᠴᠢᠬᠠᠭᠰᠠᠨ᠄《ᠵᠠ᠂ ᠬᠡᠨ ᠨᠢ ᠢᠯᠡᠭᠦᠦ ᠬᠤᠷᠳᠤᠨ ᠪᠠᠢᠨᠠ ᠳᠠ! ᠪᠢ ᠳᠤᠭᠤᠢ ᠬᠥᠯ ᠲᠡᠢ ᠴᠦ᠍ ᠭᠡᠰᠡᠨ ᠲᠡᠭᠰᠢ ᠬᠥᠯ ᠲᠡᠢ ᠴᠢᠮᠠ ᠠ᠋ᠴᠠ ᠢᠯᠡᠭᠦᠦ ᠱᠠᠯᠠᠮᠠᠭᠠᠢ ᠪᠠᠢᠭᠠ ᠪᠢᠵᠡ ᠳᠡ! ᠳᠠᠬᠢᠨ ᠨᠠᠮᠠ ᠶ᠋ᠢ ᠪᠤᠤ ᠭᠣᠣᠴᠢᠯᠠᠭᠠᠷᠠᠢ! ᠲᠠᠤᠯᠠᠢ ᠮᠢᠨᠢ》 ᠭᠡᠯᠡ᠃ ᠲᠠᠤᠯᠠᠢ ᠠᠮᠢᠰᠬᠤᠯ ᠢ᠋ᠶ᠋ᠠᠨ ᠳᠠᠷᠤᠵᠤ ᠶᠠᠳᠠᠨ᠄《ᠦ ᠁ ᠦ! ᠪᠢ ᠁ ᠪᠢ ᠪᠠᠭᠤᠵᠤ ᠥᠭᠭᠦᠯᠡ᠃ ᠴᠢ ᠨᠠᠳᠠ ᠠ᠋ᠴᠠ ᠬᠤᠷᠳᠤᠨ ᠶᠤᠮ ᠪᠠᠢᠨᠠ》 ᠭᠡᠵᠦ ᠨᠣᠮᠣᠬᠠᠷᠠᠵᠤ ᠭᠡᠨᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠨ ᠬᠠᠳᠠᠭᠴᠢ᠄ ᠵᠡᠷᠮᠦᠳ ᠸ· ᠥᠯᠵᠡᠢ
ᠦᠰᠦᠭ ᠬᠢᠨᠠᠭᠴᠢ᠄ ᠭᠠᠸᠠ᠂ ᠳᠡᠯᠭᠡᠷ