ᠳᠠᠯᠠᠨ ᠬᠤᠳᠠᠯᠴᠢ ᠶ᠋ᠢᠨ ᠦᠯᠢᠭᠡᠷ ᠡᠴᠡ01Далан худалчийн үлгэрээсDalan khudalchiin ülgerees
1753ᠳᠠᠯᠠᠨ ᠬᠤᠳᠠᠯᠴᠢ ᠶ᠋ᠢᠨ ᠦᠯᠢᠭᠡᠷ ᠡᠴᠡ
ᠡᠷᠲᠡ ᠤᠷᠢᠳᠤ ᠴᠠᠭ ᠲᠤ᠌ ᠪᠢ ᠥᠪᠡᠷ ᠦ᠋ᠨ ᠡᠴᠢᠭᠡ ᠶ᠋ᠢ ᠭᠠᠷᠤᠭᠠ ᠦᠭᠡᠢ ᠪᠠᠢᠬᠤ ᠳ᠋ᠤ᠌ ᠡᠪᠦᠭᠡᠨ ᠡᠴᠢᠭᠡ ᠶ᠋ᠢᠨ ᠲᠡᠮᠡᠭᠡ ᠶ᠋ᠢ ᠬᠠᠷᠢᠭᠤᠯᠤᠭᠠᠳ ᠶᠠᠪᠤᠵᠤ ᠪᠠᠢᠪᠠ ᠃ ᠲᠡᠭᠡᠭᠰᠡᠨ ᠴᠢᠨᠢ ᠨᠢᠭᠡ ᠨᠢ ᠰᠢᠯᠢᠷᠡᠭᠡᠳ ᠠᠯᠠᠭᠠ ᠪᠣᠯᠴᠢᠬᠠᠵᠠᠢ ᠃ ᠢᠩᠭᠢᠭᠡᠳ ᠰᠢᠯᠢᠷᠡᠭᠦᠯᠵᠦ ᠠᠯᠳᠠᠴᠢᠬᠠᠭᠠᠳ ᠡᠷᠢᠭᠡᠳ ᠰᠡᠷᠢᠭᠦᠨ ᠪᠤᠯᠠᠭ ᠤ᠋ᠨ ᠳᠡᠨᠵᠢ ᠶ᠋ᠢ ᠤᠷᠤᠭᠤᠳᠠᠭᠠᠳ ᠰᠡᠷᠡᠢᠭᠰᠡᠨ ᠲᠣᠷᠣᠢᠭᠰᠠᠨ ᠶᠠᠭᠤ ᠪᠠᠢᠨᠠ ᠤᠤ? ᠭᠡᠳ ᠯᠡ ᠶᠠᠪᠤᠵᠤ ᠪᠠᠢᠭᠰᠠᠨ ᠴᠢᠨᠢ ᠲᠡᠷᠲᠡᠭᠡ ᠠᠭᠤᠯᠠ ᠶ᠋ᠢᠨ ᠪᠠᠷᠠᠭᠤᠨ ᠬᠠᠵᠠᠭᠤ ᠳᠡᠭᠡᠷᠡ ᠨᠢᠭᠡ ᠬᠡᠰᠡᠭ ᠴᠠᠭᠠᠨ ᠬᠣᠨᠢ ᠢᠷᠠᠢᠵᠤ ᠪᠠᠢᠬᠤ ᠶᠤᠮ ᠃ ᠳᠠᠪᠬᠢᠭᠠᠳ ᠬᠦᠷᠴᠦ ᠣᠴᠢᠭᠰᠠᠨ ᠴᠢᠨᠢ ᠲᠠᠨᠢᠳᠠᠭ ᠬᠡᠦᠬᠡᠨ ᠳᠡᠵᠢᠳᠮᠡ ᠮᠠᠨᠢ ᠪᠠᠢᠵᠤ ᠪᠠᠢᠳᠠᠭ ᠶᠤᠮ ᠪᠠᠢᠨᠠ ᠃ ᠳᠡᠵᠢᠳᠮᠡ ᠬᠡᠦᠬᠡᠨ ᠲᠡᠢ ᠪᠡᠨ ᠳᠡᠮᠡᠢ ᠪᠠᠯᠠᠢ ᠳᠣᠩᠭᠣᠰᠴᠤ ᠪᠠᠢᠭᠠᠳ ᠣᠷᠣᠢ ᠭᠡᠷ ᠲᠦ᠍ ᠨᠢ ᠣᠴᠢᠭᠠᠳ ᠤᠨᠲᠠᠴᠢᠬᠠᠯᠠ ᠃ ᠲᠡᠭᠡᠭᠰᠡᠨ ᠴᠢᠨᠢ ᠬᠠᠷᠢᠨ ᠥᠷᠯᠥᠭᠡ ᠪᠣᠰᠤᠭᠰᠠᠨ ᠴᠢᠨᠢ ᠲᠣᠯᠣᠭᠠᠢ ᠮᠠᠨᠢ ᠪᠠᠢᠳᠠᠭ ᠦᠭᠡᠢ ᠃ ᠡᠨᠡ ᠲᠣᠯᠣᠭᠠᠢ ᠶᠠᠭᠠᠬᠢᠴᠢᠬᠠᠳᠠᠭ ᠪᠢᠯᠡ? ᠭᠡᠳ ᠯᠡ ᠮᠣᠷᠢᠨ ᠤ᠋ ᠠᠷᠭᠠᠮᠵᠢᠶᠠ ᠤᠷᠤᠭᠤ ᠬᠦᠷᠦᠭᠡᠳ ᠣᠴᠢᠭᠰᠠᠨ ᠴᠢᠨᠢ ᠰᠡᠭᠦᠳᠡᠷ ᠲᠠᠯᠠ ᠨᠢ ᠰᠦᠮᠡᠯᠵᠡᠭᠡᠳ ᠂ ᠨᠠᠷᠠᠨ ᠲᠠᠯᠠ ᠨᠢ ᠨᠠᠮᠢᠯᠵᠠᠭᠠᠳ ᠨᠠᠮᠠ ᠶ᠋ᠢ ᠬᠠᠷᠠᠭᠠᠳ ᠮᠠᠭᠠᠰᠠᠭᠠᠨᠠᠭᠠᠳ ᠪᠠᠢᠵᠤ ᠪᠠᠢᠳᠠᠭ ᠶᠤᠮ ᠪᠠᠢᠨᠠ ᠃ ᠲᠣᠯᠣᠭᠠᠢ ᠪᠠᠨ ᠠᠪᠴᠤ ᠬᠢᠴᠢᠬᠡᠭᠡᠳ ᠴᠠᠭᠠᠰᠢ ᠪᠠᠨ ᠭᠠᠷᠤᠭᠠᠳ ᠶᠠᠪᠤᠭᠰᠠᠨ ᠴᠢᠨᠢ ᠲᠡᠮᠡᠭᠡ ᠪᠡᠨ ᠣᠯᠤᠭᠰᠠᠨ ᠦᠭᠡᠢ ᠃ ᠢᠩᠭᠢᠵᠦ ᠶᠠᠪᠤᠬᠤ ᠴᠢᠨᠢ ᠳᠡᠮᠡᠢ ᠶᠦᠮ ᠪᠠᠢᠨᠠ ᠃ ᠵᠠᠬᠠ ᠴᠠᠢᠳᠠᠮ ᠢ᠋ᠶ᠋ᠠᠷ ᠣᠷᠣᠵᠤ ᠂ ᠵᠠᠪᠬᠠᠢ ᠵᠠᠢᠳᠠᠩ ᠶᠠᠭᠤᠮᠠ ᠡᠷᠭᠢᠭᠦᠯᠳᠡᠭ ᠶᠦᠮ ᠪᠠᠢᠭᠠ ᠭᠡᠵᠦ ᠪᠣᠳᠣᠬᠤ ᠮᠥᠷᠲᠡᠭᠡᠨ ᠵᠠᠬᠠ ᠳᠡᠭᠡᠭᠦᠷ ᠣᠴᠢᠭᠠᠳ ᠶᠠᠪᠤᠵᠤ ᠪᠠᠢᠭᠰᠠᠨ ᠴᠢᠨᠢ ᠲᠠᠯᠤᠨ ᠳᠡᠭᠡᠭᠦᠷ ᠲᠠᠰᠤ ᠬᠢᠲᠡᠯᠡ ᠠᠯᠠᠭᠠᠳᠠᠭᠠᠳ ᠠᠪᠤᠯᠠ ᠃ ᠳᠠᠪ ᠬᠢᠭᠡᠳ ᠯᠡ ᠡᠷᠭᠢᠭᠡᠳ ᠬᠠᠷᠠᠭᠰᠠᠨ ᠴᠢᠨᠢ ᠬᠠᠷᠢᠨ ᠲᠠᠨᠢᠳᠠᠭ ᠯᠠᠮᠠ ᠮᠠᠨᠢ ᠪᠠᠢᠵᠤ ᠪᠠᠢᠨᠠ ᠃《ᠴᠢ ᠶᠠᠭᠤ ᠪᠣᠯᠪᠠ? ᠨᠠᠮᠠ ᠶ᠋ᠢ ᠶᠠᠭᠠᠬᠢᠭᠠᠳ ᠠᠯᠠᠭᠠᠳᠠᠪᠠ? 》 ᠭᠡᠬᠦ ᠳ᠋ᠦ᠍᠄《ᠴᠢᠨᠦ ᠨᠥᠭᠦᠭᠡ ᠴᠡᠩᠬᠡᠷ ᠪᠣᠷᠣ ᠮᠣᠷᠢ ᠴᠢᠨᠢ ᠠᠯᠠᠭᠠ ᠪᠣᠯᠴᠢᠬᠠᠭᠰᠠᠨ!》 ᠭᠡᠳᠡᠭ ᠶᠦᠮ ᠪᠠᠢᠨᠠ ᠃《ᠵᠠ᠂ ᠬᠥᠶᠢ᠂ ᠲᠡᠭᠦᠨ ᠢ᠋ ᠴᠢᠨᠢ ᠡᠷᠢᠳᠡᠭ ᠶᠦᠮ ᠪᠠᠢᠨᠠ!》 ᠭᠡᠵᠦ ᠪᠣᠳᠣᠭᠠᠳ ᠴᠡᠷᠢᠭ ᠦ᠋ᠨ ᠮᠠᠢᠬᠠᠨ ᠰᠢᠭ᠋ ᠪᠡᠶᠡ ᠲᠡᠢ ᠴᠡᠩᠬᠡᠷ ᠪᠣᠷᠣ ᠮᠣᠷᠢ ᠨᠢᠭᠡ ᠶ᠋ᠢ ᠬᠤᠳᠠᠯᠳᠤᠵᠤ ᠠᠪᠬᠤ ᠮᠥᠷᠲᠡᠭᠡᠨ ᠰᠡᠷᠢᠭᠦᠨ ᠪᠤᠯᠠᠭ ᠤ᠋ᠨ ᠳᠡᠨᠵᠢ ᠶ᠋ᠢ ᠤᠷᠤᠭᠤᠳᠠᠭᠠᠳ ᠰᠡᠷᠡᠢᠭᠰᠡᠨ ᠲᠣᠷᠣᠢᠭᠰᠠᠨ ᠶᠠᠭᠤ ᠪᠠᠢᠨᠠ ᠪᠣᠢ ᠭᠡᠳ ᠶᠠᠪᠤᠵᠤ ᠪᠠᠢᠲᠠᠯᠠ ᠲᠡᠷᠲᠡᠭᠡ ᠬᠥᠨᠳᠡᠢ ᠳ᠋ᠦ᠍ ᠨᠢᠭᠡ ᠪᠣᠷᠣ ᠭᠡᠷ ᠬᠠᠷᠠᠭᠳᠠᠵᠤ ᠪᠠᠢᠳᠠᠭ ᠶᠤᠮ ᠪᠠᠢᠨᠠ ᠃ ᠲᠡᠭᠦᠨ ᠡᠴᠡ ᠣᠴᠢᠭᠠᠳ ᠰᠤᠷᠠᠭᠯᠠᠳᠠᠭ ᠭᠡᠳ ᠣᠴᠢᠲᠠᠯᠠ᠄《ᠳᠠᠯᠤᠤ ᠦᠯᠦᠦ ᠪᠤᠵᠢᠭᠢᠷ ᠂ ᠬᠥᠨᠳᠡᠢ ᠭᠤᠷᠪᠠᠨ ᠵᠢᠷᠭᠤᠭᠠ ᠂ ᠶᠢᠰᠦᠨ ᠪᠣᠭᠣᠯ ᠬᠢᠵᠦ ᠪᠠᠢᠨᠠ ᠴᠢ ᠮᠢᠨᠢ》 ᠲᠡᠭᠡᠬᠦᠯᠡᠷ ᠨᠢ ᠪᠠᠬᠠᠨ ᠲᠣᠭᠯᠠᠵᠤ ᠲᠣᠭᠯᠠᠴᠢᠬᠠᠭᠠᠳ ᠠᠯᠳᠠᠭᠠ ᠬᠣᠨᠵᠢᠶᠠ ᠪᠠᠨ ᠪᠣᠳᠣᠭᠰᠠᠨ ᠴᠢᠨᠢ ᠭᠡᠷ ᠦ᠋ᠨ ᠴᠢᠨᠡᠭᠡᠨ ᠴᠠᠭᠠᠨ ᠠᠯᠲᠠ ᠬᠣᠨᠵᠢᠭᠠᠳ ᠵᠠᠭᠤᠨ ᠲᠠᠪᠢᠨ ᠯᠠᠩ ᠠᠯᠲᠠ ᠬᠠᠶᠠᠴᠢᠬᠠᠵᠠᠢ ᠃ ᠲᠡᠭᠡᠭᠡᠳ ᠶᠠᠪᠤᠬᠤ ᠪᠣᠯᠤᠭᠰᠠᠨ ᠴᠢᠨᠢ᠄《ᠬᠥᠮᠦᠨ ᠦ᠌ ᠶᠠᠭᠤᠮᠠ ᠶ᠋ᠢ ᠬᠣᠨᠵᠢᠴᠢᠬᠠᠭᠠᠳ ᠶᠠᠪᠤᠬᠤ ᠭᠡᠨᠡ? ᠳᠠᠬᠢᠭᠠᠳ ᠲᠣᠭᠯᠠᠵᠤ ᠪᠠᠢᠭᠠᠳ ᠶᠠᠪᠤ!》 ᠭᠡᠳ ᠪᠣᠯᠳᠠᠭ ᠦᠭᠡᠢ ᠃ᠳᠠᠬᠢᠭᠠᠳ ᠲᠣᠭᠯᠠᠭᠠᠳ ᠠᠯᠳᠠᠭᠠ ᠬᠣᠨᠵᠢᠶᠠ ᠪᠠᠨ ᠪᠣᠳᠣᠭᠰᠠᠨ ᠴᠢᠨᠢ ᠪᠠᠢᠳᠠᠭ ᠦᠭᠡᠢ᠂ ᠬᠠᠷᠢᠨ ᠪᠠᠯᠠᠷᠠᠵᠤ ᠣᠷᠬᠢᠵᠠᠢ᠃ ᠵᠠᠭᠤᠨ ᠲᠠᠪᠢᠨ ᠯᠠᠩ ᠤᠯᠠᠭᠠᠨ ᠠᠯᠲᠠ ᠪᠠᠨ ᠬᠣᠨᠵᠢᠭᠠᠳ ᠭᠡᠷ ᠦ᠋ᠨ ᠴᠢᠨᠡᠭᠡᠨ ᠴᠠᠭᠠᠨ ᠠᠯᠲᠠ ᠠᠯᠳᠠᠴᠢᠬᠠᠭᠠᠳ ᠳᠡᠭᠡᠷᠡ ᠨᠢ ᠡᠳᠦᠢ ᠲᠡᠳᠦᠢ ᠶᠠᠭᠤᠮᠠ ᠪᠠᠰᠠ ᠠᠯᠳᠠᠴᠢᠬᠠᠵᠠᠢ ᠃ ᠲᠡᠭᠡᠬᠦ ᠪᠡᠷ ᠨᠢ᠄《ᠵᠠ᠂ ᠶᠠᠭᠠᠬᠢᠬᠤ ᠪᠣᠢ? ᠮᠠᠨ ᠤ᠋ ᠳ᠋ᠤ᠌ ᠣᠴᠢᠭᠠᠳ ᠠᠪᠤᠭᠠᠷᠠᠢ!》 ᠭᠡᠵᠦ ᠬᠡᠯᠡᠭᠡᠳ ᠠᠯᠠᠭᠠ ᠪᠣᠯᠪᠠ ᠃ ᠭᠡᠷ ᠲᠦ᠍ ᠪᠡᠨ ᠬᠦᠷᠴᠦ ᠢᠷᠡᠴᠢᠬᠡᠭᠡᠳ ᠪᠠᠢᠵᠤ ᠪᠠᠢᠬᠤ ᠳ᠋ᠤ᠌ ᠨᠥᠭᠥᠭᠡᠳᠦᠭᠦᠯᠡ ᠴᠦ᠍ ᠳᠠᠪᠬᠢᠭᠠᠳ ᠢᠷᠡᠳᠡᠭ ᠶᠠᠭᠤᠮᠠ ᠪᠠᠢᠨᠠ ᠃ ᠪᠠᠢᠳᠠᠭ ᠬᠣᠨᠢ ᠪᠠᠨ ᠬᠣᠯᠪᠣᠵᠤ ᠲᠣᠭᠠᠯᠠᠵᠤ ᠦᠭᠴᠢᠬᠡᠭᠡᠳ ᠬᠤᠨᠳᠠᠨ ᠦᠬᠡᠷ ᠢ᠋ᠶ᠋ᠡᠨ ᠵᠢᠭᠠᠵᠤ ᠥᠭᠭᠦᠭᠰᠡᠭᠡᠷ ᠡᠴᠦᠰ ᠰᠡᠭᠦᠯ ᠳ᠋ᠦ᠍ ᠨᠢ ᠭᠠᠭᠴᠠ ᠰᠢᠷᠠ ᠬᠠᠯᠵᠠᠨ ᠡᠷᠡ ᠬᠣᠨᠢ ᠲᠠᠢ ᠪᠠᠨ ᠦᠯᠡᠳᠡᠪᠡ ᠃ ᠠ ᠂ ᠲᠡᠭᠡᠭᠡᠳ ᠪᠠᠢᠳᠠᠭ ᠢ᠋ ᠪᠡᠨ ᠪᠠᠷᠠᠵᠤ ᠦᠭᠴᠢᠬᠡᠭᠡᠳ ᠪᠠᠢᠵᠤ ᠪᠠᠢᠲᠠᠯᠠ᠄《ᠮᠠᠯ ᠲᠣᠭᠠᠯᠠᠨᠠ!》 ᠭᠡᠳ ᠢᠷᠡᠳᠡᠭ ᠶᠦᠮ ᠪᠠᠢᠨᠠ ᠃ ᠲᠡᠭᠡᠭᠰᠡᠨ ᠴᠢᠨᠢ᠄《ᠵᠠ᠂ ᠮᠠᠯ ᠠᠮᠢᠳᠤ ᠪᠦᠷᠢᠨ ᠰᠠᠢᠬᠠᠨ ᠤᠤ?》 ᠭᠡᠳᠡᠭ ᠶᠦᠮ ᠪᠠᠢᠨᠠ ᠃《ᠮᠡᠨᠳᠦ ᠪᠦᠷᠢᠨ ᠰᠠᠢᠬᠠᠨ!》᠂《ᠮᠡᠨᠳᠦ ᠪᠦᠷᠢᠨ ᠰᠠᠢᠬᠠᠨ ᠤᠤ?》 ᠭᠡᠵᠦ ᠬᠡᠯᠡᠭᠡᠳ ᠰᠠᠭᠤᠵᠠᠭᠠᠯᠠ ᠃《ᠣᠳᠣ ᠬᠤᠷᠢᠶᠠᠭᠠᠳ ᠢᠷᠡ! ᠲᠣᠭᠠᠯᠠᠨᠠ ᠭᠡᠳᠡᠭ》 ᠶᠦᠮ ᠪᠠᠢᠨᠠ ᠃ ᠬᠡᠯᠡᠬᠦ ᠦᠭᠡ ᠴᠦ᠍ ᠣᠯᠳᠠᠭᠰᠠᠨ ᠦᠭᠡᠢ ᠴᠢ ᠮᠢᠨᠢ᠃《ᠵᠠ᠂ ᠶᠠᠳᠠᠬᠤ ᠴᠤ᠌ ᠶᠠᠭᠤ ᠪᠠᠢᠬᠤ ᠪᠣᠢ? ᠠᠮᠠ ᠪᠠᠷ ᠲᠣᠭᠠ ᠥᠭᠴᠢᠬᠡᠬᠦ ᠳ᠋ᠦ᠍ ᠪᠡᠯᠡᠨ ᠯᠡ ᠪᠠᠢᠨᠠ》 ᠭᠡᠯᠡ ᠰᠢᠦ ᠃《ᠵᠠ᠂ ᠬᠤᠳᠠᠯ ᠬᠡᠯᠡᠭᠡᠳ ᠯᠡ ᠪᠠᠢ!》 ᠭᠡᠨᠡ᠃《ᠵᠤᠳ ᠲᠤ᠌ ᠵᠢᠷᠭᠤᠭᠠ ᠨᠢ ᠦᠬᠦᠭᠰᠡᠨ᠂ ᠵᠤᠯᠪᠤᠵᠤ ᠨᠠᠢ᠍ᠮᠠ ᠨᠢ ᠦᠬᠦᠭᠰᠡᠨ᠂ ᠡᠪᠡᠷ ᠢ᠋ᠶ᠋ᠡᠨ ᠳᠠᠭᠠᠭᠠᠬᠤ ᠦᠭᠡᠢ ᠨᠢᠭᠡ ᠨᠢ ᠦᠬᠦᠭᠰᠡᠨ᠂ ᠡᠷᠲᠡᠭᠦᠯᠡ ᠨᠢᠭᠡ ᠪᠡᠷ ᠨᠢ ᠱᠥᠯᠥ ᠬᠢᠴᠢᠬᠡᠭᠰᠡᠨ᠂ ᠭᠠᠭᠴᠠᠬᠠᠨ ᠬᠤᠪᠠ ᠰᠢᠷᠠ ᠬᠠᠯᠵᠠᠨ ᠬᠣᠨᠢ ᠦᠯᠡᠲᠡᠯᠡ ᠃ ᠲᠠ ᠨᠠᠷ ᠲᠤ᠌ ᠰᠢᠭᠦᠰᠦ ᠬᠢᠬᠦ ᠭᠡᠵᠦ ᠪᠠᠢᠭᠠ ᠨᠢ ᠡᠨᠡ! 》 ᠭᠡᠵᠦ ᠬᠡᠯᠡᠭᠡᠳ ᠰᠢᠷᠠ ᠬᠠᠯᠵᠠᠨ ᠬᠣᠨᠢ ᠪᠠᠷ ᠢ᠋ᠶ᠋ᠠᠨ ᠰᠢᠭᠦᠰᠦ ᠬᠢᠵᠦ ᠦᠭᠴᠢᠬᠡᠭᠡᠳ ᠭᠠᠷᠤᠭᠠᠳ ᠶᠠᠪᠤᠴᠢᠬᠠᠪᠠ ᠃ ᠢᠩᠭᠢᠵᠦ ᠪᠠᠢᠳᠠᠭ ᠴᠢᠨᠢ ᠶᠡᠷᠦ ᠨᠢ ᠳᠡᠮᠡᠢ ᠶᠦᠮ ᠪᠠᠢᠨᠠ ᠭᠡᠵᠦ ᠪᠣᠳᠣᠭᠠᠳ ᠬᠦᠷᠢᠶᠡ ᠬᠡᠢᠳ ᠦ᠋ᠨ ᠭᠠᠵᠠᠷ ᠣᠴᠢᠪᠠᠯ ᠳᠡᠭᠡᠷᠡ ᠶᠦᠮ ᠪᠠᠢᠨᠠ ᠃ ᠬᠤᠷᠠᠯ ᠨᠣᠮ ᠲᠠᠢ ᠭᠠᠵᠠᠷ ᠣᠴᠢᠪᠠᠯ ᠴᠤ᠌ ᠳᠡᠭᠡᠷᠡ ᠶᠦᠮ ᠪᠠᠢᠨᠠ ᠭᠡᠵᠦ ᠪᠣᠳᠣᠭᠠᠳ ᠣᠴᠢᠵᠤ ᠳᠡᠭᠡᠳᠦ ᠬᠡᠦᠬᠡᠨ ᠳ᠋ᠦ᠍ ᠳᠡᠪᠡᠯ ᠦ᠋ᠨ ᠥᠩᠭᠡ ᠲᠣᠷᠭᠠ᠂ ᠳᠤᠮᠳᠠ ᠬᠡᠦᠬᠡᠨ ᠳ᠋ᠦ᠍ ᠳᠤᠷᠳᠤᠩ ᠠᠯᠴᠢᠭᠤᠷ ᠥᠭᠴᠦ ᠪᠠᠢᠭᠰᠠᠨ ᠴᠢᠨᠢ ᠨᠢᠭᠡ ᠮᠡᠳᠡᠭᠰᠡᠨ ᠴᠢᠨᠢ ᠪᠤᠷᠤᠭᠤᠳᠠᠭᠠᠳ ᠪᠠᠰᠠ ᠬᠥᠭᠡᠭᠡᠭᠳᠡᠪᠡ ᠃ ᠵᠠ ᠂ ᠢᠩᠭᠢᠭᠡᠳ ᠪᠠᠰᠠ ᠪᠠᠢᠵᠤ ᠪᠠᠢᠭᠰᠠᠨ ᠴᠢᠨᠢ ᠶᠡᠷᠦ ᠨᠢ ᠨᠥᠭᠦᠭᠡ ᠠᠯᠳᠠᠭᠰᠠᠨ ᠢᠩᠭᠡ ᠪᠡᠨ ᠣᠯᠵᠤ ᠠᠪᠤᠶᠠ᠃ ᠡᠭᠦᠨ ᠡᠴᠡ ᠴᠢᠨᠢ ᠶᠡᠷᠦ ᠳᠡᠭᠡᠷᠡ ᠪᠠᠢᠬᠠ᠃ ᠣᠯᠠᠨ ᠲᠡᠮᠡᠭᠡ ᠲᠡᠢ ᠪᠣᠯᠵᠤ ᠪᠣᠲᠣᠭᠣᠯᠠᠭᠤᠯᠵᠤ ᠪᠠᠢᠭᠠᠳ ᠢᠩᠭᠡᠨ ᠦ᠌ ᠰᠦ ᠬᠥᠭᠡᠷᠦᠭᠦᠯᠵᠦ ᠢᠳᠡᠵᠦ ᠤᠤᠭᠤᠭᠠᠳ ᠭᠠᠭᠴᠠ ᠨᠠᠷᠭᠢᠵᠤ ᠴᠡᠩᠭᠡᠵᠦ ᠥᠭᠭᠦᠶᠡ ᠭᠡᠳ ᠭᠠᠷᠲᠠᠯᠠ ᠥᠭᠡᠳᠡ ᠡᠴᠡ ᠨᠢᠭᠡ ᠬᠥᠮᠦᠨ ᠲᠠᠭᠠᠷᠠᠯᠳᠤᠳᠠᠭ ᠶᠤᠮ ᠪᠠᠢᠨᠠ ᠃ ᠥᠨᠥ ᠬᠥᠮᠦᠨ ᠡᠴᠡ ᠠᠰᠠᠭᠤᠭᠠᠳ ᠴᠠᠭᠠᠰᠢ ᠡᠷᠢᠭᠡᠳ ᠶᠠᠪᠤᠵᠤ ᠪᠠᠢᠲᠠᠯᠠ ᠬᠠᠷᠢᠨ ᠥᠨᠥ ᠮᠠᠭᠤ ᠢᠩᠭᠡ ᠮᠠᠨᠢ ᠪᠣᠲᠣᠭᠣᠯᠠᠴᠢᠬᠠᠭᠰᠠᠨ ᠪᠠᠢᠳᠠᠭ ᠶᠤᠮ ᠳᠠ ᠃ ᠥᠨᠥᠳᠦᠬᠢ ᠪᠡᠨ ᠠᠪᠤᠭᠠᠳ ᠶᠠᠪᠤᠶᠠ ᠭᠡᠰᠡᠨ ᠴᠢᠨᠢ ᠪᠣᠯᠤᠭᠰᠠᠨ ᠦᠭᠡᠢ ᠣᠷᠣᠢ ᠪᠣᠯᠴᠢᠬᠠᠳᠠᠭ ᠶᠤᠮ ᠪᠠᠢᠨᠠ ᠃ ᠢᠩᠭᠢᠭᠡᠳ ᠶᠠᠪᠤᠵᠤ ᠪᠠᠢᠲᠠᠯᠠ ᠨᠢᠭᠡ ᠠᠢᠯ ᠳ᠋ᠤ᠌ ᠬᠣᠨᠣᠯᠠ᠃ ᠬᠣᠶᠠᠷ ᠮᠣᠷᠢ ᠪᠠᠨ ᠬᠣᠯᠪᠣᠵᠤ ᠲᠠᠯᠪᠢᠭᠠᠳ ᠠᠷᠭᠠᠮᠵᠢᠪᠠᠯ ᠳᠡᠭᠡᠷᠡ ᠦᠭᠡᠢ ᠤᠤ? ᠭᠡᠲᠡᠯᠡ᠄《ᠦ᠂ ᠮᠢᠨᠦ ᠮᠣᠷᠢ ᠶ᠋ᠢ ᠬᠡᠨ ᠠᠪᠬᠤ ᠪᠣᠢ?》 ᠭᠡᠳ ᠲᠠᠯᠪᠢᠴᠢᠬᠠᠯᠠ ᠃ ᠥᠷᠯᠥᠭᠡ ᠪᠣᠰᠤᠭᠠᠳ ᠬᠠᠷᠠᠭᠰᠠᠨ ᠴᠢᠨᠢ ᠬᠣᠶᠠᠷ ᠮᠣᠷᠢ ᠮᠢᠨᠢ ᠠᠯᠠᠭᠠ ᠃ ᠡᠨᠡ ᠴᠢᠨᠢ ᠶᠠᠭᠠᠬᠢᠴᠢᠬᠠᠳᠠᠭ ᠶᠤᠮ ᠪᠣᠯ ᠭᠡᠳ ᠡᠷᠢᠭᠡᠳ ᠭᠦᠶᠦᠵᠦ ᠶᠠᠪᠤᠭᠰᠠᠨ ᠴᠢᠨᠢ ᠬᠣᠶᠠᠷ ᠪᠣᠣᠬᠠᠢ ᠵᠤᠯᠭᠠᠭᠠᠴᠢᠬᠠᠭᠰᠠᠨ᠂ ᠬᠣᠶᠠᠷ ᠬᠡᠷᠢᠶᠡ ᠳᠤᠩᠰᠢᠴᠢᠬᠠᠭᠰᠠᠨ ᠪᠠᠢᠵᠤ ᠪᠠᠢᠨᠠ ᠃ ᠢᠩᠭᠢᠬᠦ ᠪᠡᠷ ᠵᠠ᠂ ᠡᠨᠡ ᠴᠦ᠍ ᠳᠡᠮᠡᠢ ᠪᠣᠯᠵᠠᠢ ᠭᠡᠵᠦ ᠪᠣᠳᠣᠭᠠᠳ ᠴᠠᠭᠠᠰᠢ ᠪᠠᠨ ᠭᠠᠷᠤᠭᠠᠳ ᠬᠡᠰᠦᠵᠦ ᠪᠠᠢᠭᠰᠠᠨ ᠃ ᠥᠨᠥ ᠮᠠᠭᠤ ᠢᠩᠭᠡ ᠮᠢᠨᠢ ᠣᠯᠳᠠᠳᠠᠭ ᠦᠭᠡᠢ ᠃ ᠡᠷᠢᠭᠡᠳ ᠶᠠᠪᠤᠵᠤ ᠪᠠᠢᠭᠰᠠᠨ ᠂ ᠪᠠᠰᠠ ᠥᠭᠡᠷᠡ ᠨᠢᠭᠡ ᠭᠠᠵᠠᠷ ᠪᠠᠢᠵᠤ ᠪᠠᠢᠳᠠᠭ ᠶᠤᠮ ᠪᠠᠢᠨᠠ ᠃《ᠠ᠂ ᠣᠳᠣ ᠢᠩᠭᠡ ᠪᠡᠨ ᠣᠯᠵᠤ ᠠᠪᠤᠭᠰᠠᠨ ᠤ᠋ ᠬᠢ᠃ ᠣᠯᠠᠨ ᠣᠷᠬᠢᠪᠠᠯ ᠠᠯᠳᠠᠴᠢᠬᠠᠬᠤ ᠶᠤᠮ ᠪᠠᠢᠨᠠ》 ᠭᠡᠳ ᠡᠬᠡ ᠶ᠋ᠢ ᠨᠢ ᠤᠨᠤᠭᠠᠳ ᠪᠣᠲᠣᠭᠣ ᠶ᠋ᠢ ᠨᠢ ᠳᠡᠭᠦᠷᠬᠦ ᠭᠡᠲᠡᠯᠡ ᠳᠠᠭᠠᠭᠠᠳᠠᠭ ᠦᠭᠡᠢ ᠃ ᠲᠡᠭᠡᠭᠡᠳ ᠳᠡᠷᠡᠰᠦᠨ ᠳ᠋ᠦ᠍ ᠨᠢ ᠶᠠᠪᠤᠭᠰᠠᠨ ᠳ᠋ᠤ᠌ ᠳᠠᠷᠠᠰᠤ ᠬᠤᠭᠤᠴᠢᠭᠠᠳ᠂ ᠬᠠᠳᠠᠨ ᠳ᠋ᠤ᠌ ᠨᠢ ᠶᠠᠪᠤᠭᠰᠠᠨ ᠳ᠋ᠤ᠌ ᠬᠠᠳᠠ ᠬᠠᠭᠠᠴᠢᠭᠠᠳ ᠪᠣᠯᠳᠠᠭ ᠦᠭᠡᠢ ᠃ ᠠᠷᠭᠠ ᠪᠠᠨ ᠪᠠᠷᠠᠭᠳᠠᠭᠠᠳ ᠭᠠᠢᠬᠠᠰᠢ ᠪᠠᠨ ᠪᠠᠷᠢᠵᠤ ᠪᠠᠢᠲᠠᠯᠠ ᠪᠣᠲᠣᠭᠣ ᠶ᠋ᠢ ᠨᠢ ᠤᠨᠤᠭᠠᠳ ᠡᠬᠡ ᠶ᠋ᠢ ᠨᠢ ᠳᠦᠭᠦᠷᠴᠢᠬᠡᠭᠰᠡᠨ ᠴᠢᠨᠢ ᠲᠡᠩᠬᠡᠨ ᠳᠠᠩᠬᠠᠨ᠂ ᠲᠡᠩᠬᠡᠨ ᠳᠠᠩᠬᠠᠨ ᠭᠡᠳ ᠬᠠᠷᠢᠴᠢᠬᠠᠵᠤ ᠪᠢᠯᠡ ᠃
※ ᠲᠠ ᠲᠠᠤᠯᠠᠢ ᠶ᠋ᠢᠨ ᠡᠪᠡᠷᠳᠡᠢ ᠫᠣᠳ᠋ᠺᠠᠰᠲ ᠢ᠋ ᠰᠣᠨᠣᠰᠤᠯᠠ ᠃ ᠰᠤᠪᠠᠭ ᠢ᠋ ᠮᠠᠨᠢ ᠳᠡᠮᠵᠢᠭᠡᠳ ᠰᠣᠪᠰᠺᠷᠢᠳ᠋ ᠲᠣᠪᠴᠢ ᠪᠠᠨ ᠳᠠᠷᠤᠵᠤ ᠬᠣᠩᠬᠣ ᠪᠠᠨ ᠢᠳᠡᠪᠬᠢᠵᠢᠭᠦᠯᠦᠭᠡᠷᠡᠢ! ᠮᠥᠨ ᠹᠸᠢᠢᠰᠪᠥ᠋ᠺ ᠳᠡᠭᠡᠷᠡ ᠲᠠᠤᠯᠠᠢ ᠶ᠋ᠢᠨ ᠡᠪᠡᠷᠳᠡᠢ ᠬᠠᠭᠤᠳᠠᠰᠤ ᠶ᠋ᠢ ᠳᠠᠭᠠᠭᠠᠷᠠᠢ! ᠲᠠᠨ ᠳ᠋ᠤ᠌ ᠡᠷᠡᠭᠦᠯ ᠡᠩᠬᠡ᠂ ᠰᠠᠢᠨ ᠰᠠᠢᠬᠠᠨ ᠪᠦᠬᠦᠨ ᠢ᠋ ᠬᠦᠰᠡᠶᠡ!
ᠦᠰᠦᠭ ᠠᠮᠢᠯᠠᠭᠤᠯᠤᠨ ᠬᠠᠳᠠᠭᠴᠢ᠄ ᠵᠡᠷᠮᠦᠳ ᠸ· ᠥᠯᠵᠡᠢ
ᠬᠢᠨᠠᠭᠴᠢ᠄ ᠮᠥᠴᠢᠷ