ᠭᠦᠩᠵᠦ ᠪᠠᠢᠭᠰᠠᠨ ᠪᠢᠴᠢᠬᠠᠨ ᠬᠤᠯᠤᠭᠠᠨᠠГүнж байсан бяцхан хулгана _ Little Mouse who was a Princess
544ᠭᠦᠩᠵᠦ ᠪᠠᠢᠭᠰᠠᠨ ᠪᠢᠴᠢᠬᠠᠨ ᠬᠤᠯᠤᠭᠠᠨᠠ
ᠨᠢᠭᠡᠨ ᠬᠥᠭᠰᠢᠨ ᠲᠠᠷᠢᠶᠠᠴᠢᠨ ᠪᠠᠢᠵᠠᠢ᠃ ᠲᠡᠷᠡ ᠭᠤᠷᠪᠠᠨ ᠬᠦᠦ ᠲᠠᠢ ᠪᠠᠨ ᠬᠠᠮᠲᠤ ᠲᠣᠰᠬᠣᠨ ᠳ᠋ᠤ᠌ ᠠᠮᠢᠳᠤᠷᠠᠳᠠᠭ ᠪᠠᠢᠪᠠ᠃ ᠭᠤᠷᠪᠠᠨ ᠬᠦᠦ ᠨᠢ ᠭᠤᠷᠪᠠᠭᠤᠯᠠ ᠪᠠᠨ ᠵᠠᠯᠠᠭᠤ᠂ ᠴᠢᠷᠠᠢ ᠵᠢᠰᠦ ᠰᠠᠢᠲᠠᠢ᠃ ᠲᠠᠷᠢᠶᠠᠴᠢᠨ᠂ ᠬᠥᠪᠡᠭᠦᠳ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠬᠠᠷᠬᠠᠳᠠᠭ᠃ ᠨᠢᠭᠡ ᠤᠳᠠᠭᠠ ᠬᠥᠪᠡᠭᠦᠳ ᠢ᠋ᠶ᠋ᠡᠨ ᠭᠡᠷᠯᠡᠭᠦᠯᠬᠦ ᠴᠠᠭ ᠪᠣᠯᠤᠭᠰᠠᠨ ᠭᠡᠵᠦ ᠪᠣᠳᠣᠵᠠᠢ᠃
ᠵᠠ᠂ ᠰᠣᠨᠣᠰ ᠬᠥᠪᠡᠭᠦᠳ ᠮᠢᠨᠢ᠂ ᠲᠠ ᠨᠠᠷ ᠭᠡᠷᠯᠡᠬᠦ ᠨᠠᠰᠤᠨ ᠳ᠋ᠤ᠌ ᠬᠦᠷᠦᠯᠡ᠃ ᠲᠠ ᠨᠠᠷ ᠥᠪᠡᠷᠰᠡᠳ ᠢ᠋ᠶ᠋ᠡᠨ ᠠᠮᠠᠷᠠᠭ ᠬᠠᠢᠷᠠᠲᠤ ᠪᠠᠨ ᠬᠠᠢᠵᠤ ᠣᠯ᠂ ᠲᠠ ᠨᠠᠷ ᠢ᠋ ᠬᠠᠨᠢ ᠲᠠᠢ ᠪᠠᠨ ᠬᠠᠮᠲᠤ ᠰᠠᠢᠬᠠᠨ ᠠᠮᠢᠳᠤᠷᠠᠭᠠᠰᠢ ᠭᠡᠵᠦ ᠠᠪᠤ ᠨᠢ ᠬᠦᠰᠡᠵᠦ ᠪᠠᠢᠨᠠ᠃
ᠭᠡᠬᠦ ᠳ᠋ᠦ᠍ ᠪᠡᠨ ᠠᠪᠤ ᠠ᠋᠂ ᠪᠢᠳᠡ ᠶᠠᠭᠠᠬᠢᠵᠤ ᠰᠦᠢᠲᠦ ᠪᠦᠰᠡᠭᠦᠢᠴᠦᠳ ᠣᠯᠬᠤ ᠶᠤᠮ ᠪᠣᠢ?
ᠲᠡᠢᠮᠦ ᠰᠢᠦ ᠠᠪᠤ ᠠ᠋᠂ ᠥᠪᠡᠷᠰᠡᠳ ᠢ᠋ᠶ᠋ᠡᠨ ᠰᠦᠢᠲᠦ ᠪᠦᠰᠡᠭᠦᠢ ᠪᠡᠨ ᠣᠯᠬᠤ ᠳ᠋ᠤ᠌ ᠬᠡᠴᠡᠭᠦᠦ ᠯᠡ ᠪᠠᠢᠨᠠ ᠪᠠᠢᠬᠠ ᠳᠠ᠃
ᠪᠢ ᠲᠠᠨ ᠤ᠋ ᠪᠠᠨ ᠦᠭᠡᠨ ᠳ᠋ᠦ᠍ ᠣᠷᠣᠨᠠ ᠠᠪᠤ ᠠ᠋᠂ ᠭᠡᠬᠦ ᠳ᠋ᠦ᠍ ᠡᠬᠢᠯᠡᠭᠡᠳ ᠪᠢᠳᠡᠨ ᠳ᠋ᠦ᠍ ᠵᠢᠭᠠᠵᠤ ᠥᠭ ᠯᠡ ᠳᠡ᠃
ᠮᠡᠳᠡᠭᠡᠵᠢ᠂ ᠵᠢᠭᠠᠵᠤ ᠥᠭᠭᠦᠨᠡ᠃ ᠪᠢᠳᠡᠨ ᠳ᠋ᠦ᠍ ᠰᠦᠢᠲᠦ ᠪᠦᠰᠡᠭᠦᠢ ᠣᠯᠬᠤ ᠭᠡᠷ ᠪᠦᠯᠢ ᠶ᠋ᠢᠨ ᠤᠯᠠᠮᠵᠢᠯᠠᠯ ᠪᠠᠢᠳᠠᠭ ᠶᠤᠮ᠃ ᠲᠠ ᠭᠤᠷᠪᠠ ᠲᠡᠭᠦᠨ ᠢ᠋ ᠳᠠᠭᠠᠬᠤ ᠶᠣᠰᠣᠲᠠᠢ᠃ ᠰᠦᠬᠡ ᠠᠪᠤᠭᠠᠳ ᠲᠠᠷᠢᠶᠠᠯᠠᠩ ᠤ᠋ᠨ ᠲᠠᠯᠠᠪᠠᠢ ᠳ᠋ᠤ᠌ ᠪᠠᠢᠭᠠ ᠮᠣᠳᠣ ᠶ᠋ᠢ ᠴᠠᠪᠴᠢ᠂ ᠮᠣᠳᠣ ᠴᠢᠨᠢ ᠬᠠᠮᠢᠭᠠᠰᠢ ᠪᠠᠨ ᠤᠨᠠᠬᠤ ᠶ᠋ᠢ ᠬᠠᠷᠠᠭᠠᠳ ᠲᠡᠷᠡ ᠵᠦᠭ ᠡᠴᠡ ᠪᠦᠰᠡᠭᠦᠢ ᠪᠡᠨ ᠬᠠᠢᠭᠠᠷᠠᠢ᠃ ᠭᠡᠬᠦ ᠳ᠋ᠦ᠍ ᠪᠡᠨ ᠮᠣᠳᠣ ᠤᠨᠠᠬᠤ ᠠ᠋ᠴᠠ ᠡᠮᠦᠨᠡ ᠲᠠᠷᠢᠶᠠᠯᠠᠩ ᠤ᠋ᠨ ᠲᠠᠯᠠᠪᠠᠢ ᠳ᠋ᠤ᠌ ᠨᠢᠭᠡ ᠮᠣᠳᠣ ᠰᠠᠭᠤᠯᠭᠠ᠂ ᠪᠠᠰᠠ ᠲᠡᠭᠦᠨ ᠢ᠋ ᠪᠡᠨ ᠰᠠᠢᠲᠤᠷ ᠠᠷᠠᠴᠢᠯᠠᠵᠤ ᠤᠷᠭᠤᠭᠤᠯᠤᠨᠠ ᠭᠡᠵᠦ ᠠᠮᠠᠯᠠ᠃
ᠵᠠ᠂ ᠠᠪᠤ ᠠ᠋᠃
ᠠᠪᠤ ᠠ᠋᠂ ᠪᠢᠳᠡ ᠶᠠᠭᠠᠬᠢᠭᠠᠳ ᠡᠨᠡ ᠵᠦᠢᠯ ᠢ᠋ ᠬᠢᠵᠦ ᠪᠠᠢᠭᠠ ᠶᠤᠮ ᠪᠣᠢ? ᠮᠣᠳᠣ ᠳᠠᠭᠠᠷᠢᠬᠤ ᠠ᠋ᠴᠠ ᠡᠮᠦᠨᠡ ᠨᠢᠭᠡ ᠶ᠋ᠢ ᠰᠠᠭᠤᠯᠭᠠᠭᠠᠳ?
ᠮᠣᠳᠣ ᠪᠢᠳᠡᠨ ᠳ᠋ᠦ᠍ ᠮᠠᠰᠢ ᠴᠢᠬᠤᠯᠠ ᠪᠣᠯᠬᠣᠷ ᠲᠡᠷᠡ ᠰᠢᠦ ᠳᠡ᠂ ᠵᠦᠭᠡᠷ ᠴᠦ᠍ ᠨᠢᠭᠡ ᠳᠠᠭᠠᠷᠢᠵᠤ ᠪᠣᠯᠬᠤ ᠦᠭᠡᠢ᠂ ᠤᠯᠠᠮ ᠪᠦᠷ ᠣᠯᠠᠨ ᠮᠣᠳᠣ ᠰᠠᠭᠤᠯᠭᠠᠵᠤ ᠤᠷᠭᠤᠭᠤᠯᠬᠤ ᠬᠡᠷᠡᠭᠲᠡᠢ᠃
ᠬᠥᠪᠡᠭᠦᠳ ᠨᠢ ᠡᠴᠢᠭᠡ ᠶ᠋ᠢᠨ ᠢ᠋ᠶ᠋ᠡᠨ ᠦᠭᠡ ᠶ᠋ᠢ ᠳᠠᠭᠠᠯᠠ᠃ ᠭᠤᠷᠪᠠᠭᠤᠯᠠ ᠪᠠᠨ ᠡᠬᠢᠯᠡᠭᠡᠳ ᠨᠢᠭᠡ ᠨᠢᠭᠡ ᠮᠣᠳᠣ ᠰᠠᠭᠤᠯᠭᠠᠭᠠᠳ᠂ ᠳᠠᠷᠠᠭᠠ ᠨᠢ ᠨᠢᠭᠡ ᠨᠢᠭᠡ ᠮᠣᠳᠣ ᠳᠠᠭᠠᠷᠢᠪᠠ᠃
ᠤᠤᠭᠠᠨ ᠬᠦᠦ ᠶ᠋ᠢᠨ ᠳᠠᠭᠠᠷᠢᠭᠰᠠᠨ ᠮᠣᠳᠣ ᠤᠮᠠᠷᠠᠲᠤ ᠵᠦᠭ ᠢ᠋ ᠵᠢᠭᠠᠨ ᠤᠨᠠᠯᠠ᠃
ᠠ᠁ ᠬᠣᠢᠲᠤ ᠵᠦᠭ ᠨᠠᠳᠠᠳᠤ ᠰᠠᠢᠨ ᠪᠢᠵᠡ᠃ ᠨᠠᠳᠠᠳᠤ ᠲᠠᠭᠠᠯᠠᠭᠳᠠᠳᠠᠭ ᠪᠦᠰᠡᠭᠦᠢ ᠲᠡᠷᠡ ᠵᠦᠭ ᠲᠦ ᠪᠠᠢᠳᠠᠭ᠃ ᠬᠣᠢᠲᠤ ᠵᠦᠭ ᠲᠦ ᠶᠠᠪᠤᠵᠤ ᠲᠡᠭᠦᠨ ᠳ᠋ᠦ᠍ ᠭᠡᠷᠯᠡᠬᠦ ᠰᠠᠨᠠᠯ ᠲᠠᠯᠪᠢᠶᠠ᠃
ᠬᠣᠶᠠᠳᠠᠬᠢ ᠬᠦᠦ ᠨᠢ ᠮᠣᠳᠣ ᠴᠠᠪᠴᠢᠭᠰᠠᠨ ᠳ᠋ᠤ᠌ ᠡᠮᠦᠨᠡ ᠵᠦᠭ ᠢ᠋ ᠵᠢᠭᠠᠵᠤ ᠤᠨᠠᠯᠠ᠃
ᠠ ᠬᠠ᠂ ᠨᠠᠳᠠ ᠲᠠᠢ ᠪᠠᠢᠩᠭᠤ ᠬᠠᠮᠲᠤ ᠪᠥᠵᠢᠭᠯᠡᠳᠡᠭ ᠰᠡᠳᠬᠢᠯᠲᠦ ᠪᠦᠰᠡᠭᠦᠢ ᠶ᠋ᠢ ᠮᠢᠨᠢ ᠡᠮᠦᠨᠡ ᠵᠦᠭ ᠲᠦ ᠪᠠᠢᠳᠠᠭ ᠢ᠋ ᠡᠨᠡ ᠮᠣᠳᠣ ᠶᠠᠭᠠᠬᠢᠵᠤ ᠮᠡᠳᠡᠭᠰᠡᠨ ᠶᠦ᠍ᠮ ᠪᠣᠯ ᠠ᠋? ᠪᠢ ᠤᠳᠠᠬᠤ ᠦᠭᠡᠢ ᠡᠮᠦᠨᠡ ᠵᠦᠭ ᠲᠦ ᠠᠶᠠᠨ ᠳ᠋ᠤ᠌ ᠭᠠᠷᠤᠨᠠ᠃
ᠤᠳᠬᠤᠨ ᠬᠦᠦ ᠶ᠋ᠢᠨ ᠮᠣᠳᠣ ᠰᠢᠷᠢᠩᠭᠢ ᠶ᠋ᠢᠨ ᠵᠦᠭ ᠲᠦ ᠤᠨᠠᠪᠠ᠃ ᠬᠣᠶᠠᠷ ᠠᠬᠠ ᠨᠢ ᠲᠡᠭᠦᠨ ᠢ᠋ ᠱᠣᠣᠯᠠᠯᠠ᠃
ᠡᠭᠦᠨ ᠢ᠋ ᠬᠠᠷᠠ ᠯᠠ ᠳᠠ᠂ ᠴᠢ ᠡᠨᠡ ᠵᠦᠭ ᠲᠦ ᠶᠠᠪᠤᠬᠤ ᠭᠡᠵᠦ ᠪᠠᠢᠨᠠ ᠤᠤ?
ᠬᠥᠶᠢ᠂ ᠸᠢᠺᠤ ᠠ᠋᠂ ᠴᠢ ᠰᠢᠷᠢᠩᠭᠢ ᠡᠴᠡ ᠬᠡᠨ ᠲᠡᠢ ᠭᠡᠷᠯᠡᠬᠦ ᠬᠡ ᠪᠣᠢ? ᠴᠢᠨᠣᠠ ᠤᠤ?᠂ ᠪᠤᠭᠤ ᠤᠤ? ᠬᠠ ᠬᠠ ᠬᠠ
ᠬᠠ ᠬᠠ ᠬᠠ
ᠪᠢ ᠮᠣᠳᠣ ᠤᠨᠠᠭᠰᠠᠨ ᠵᠦᠭ ᠢ᠋ ᠳᠠᠭᠠᠵᠤ ᠶᠠᠪᠤᠨᠠ᠃ ᠡᠨᠡ ᠵᠦᠭ ᠡᠴᠡ ᠪᠢ ᠰᠦᠢᠲᠦ ᠪᠦᠰᠡᠭᠦᠢ ᠪᠡᠨ ᠣᠯᠵᠤ ᠯᠠ ᠲᠠᠭᠠᠷᠠᠨᠠ᠃
ᠠᠬᠠ ᠳᠡᠭᠦᠦ ᠭᠤᠷᠪᠠ ᠠᠶᠠᠨ ᠵᠠᠮ ᠳ᠋ᠠᠭᠠᠨ ᠭᠠᠷᠴᠠᠢ᠃
ᠤᠤᠭᠠᠨ ᠬᠦᠦ ᠤᠮᠠᠷᠠᠲᠤ ᠵᠦᠭ ᠲᠦ ᠶᠠᠪᠤᠵᠤ ᠠᠯᠢ ᠡᠷᠲᠡ ᠡᠴᠡ ᠰᠡᠳᠬᠢᠯ ᠲᠡᠢ ᠪᠠᠢᠭᠰᠠᠨ ᠪᠦᠰᠡᠭᠦᠢ ᠳ᠋ᠦ᠍ ᠪᠡᠨ ᠭᠡᠷᠯᠡᠬᠦ ᠰᠠᠨᠠᠯ ᠲᠠᠯᠪᠢᠪᠠ᠃ ᠪᠦᠰᠡᠭᠦᠢ ᠲᠡᠷᠡ ᠳᠣᠣᠷᠠ ᠪᠠᠨ ᠰᠠᠨᠠᠯ ᠢ᠋ ᠵᠥᠪᠰᠢᠶᠡᠷᠡᠵᠡᠢ᠃
ᠤᠳᠠᠭᠠᠬᠢ ᠬᠦᠦ ᠡᠮᠦᠨᠡ ᠵᠦᠭ ᠲᠦ ᠶᠠᠪᠤᠵᠤ ᠨᠠᠢᠵᠠ ᠪᠦᠰᠡᠭᠦᠢ ᠳ᠋ᠦ᠍ ᠪᠡᠨ ᠭᠡᠷᠯᠡᠬᠦ ᠰᠠᠨᠠᠯ ᠲᠠᠯᠪᠢᠯᠠ᠃ ᠪᠦᠰᠡᠭᠦᠢ ᠴᠦ᠍ ᠲᠡᠷᠡ ᠳᠠᠷᠤᠢ ᠳ᠋ᠤ᠌《 ᠲᠡᠭᠡᠶᠡ》 ᠭᠡᠪᠡ᠃
ᠸᠢᠺᠤ ᠰᠢᠷᠢᠩᠭᠢ ᠤᠷᠤᠭᠤ ᠣᠷᠣᠵᠤ ᠶᠡᠬᠡ ᠬᠣᠯᠠ ᠠᠯᠬᠤᠯᠠ᠂ ᠭᠡᠪᠡᠴᠦ ᠨᠢᠭᠡ ᠴᠦ᠍ ᠬᠥᠮᠦᠨ ᠲᠠᠭᠠᠷᠠᠯᠳᠤᠭᠰᠠᠨ ᠦᠭᠡᠢ᠃ ᠤᠷᠮᠠ ᠨᠢ ᠬᠤᠭᠤᠷᠠᠵᠤ ᠪᠠᠰᠠ ᠶᠡᠬᠡ ᠶᠠᠳᠠᠷᠠᠵᠠᠢ᠃ ᠲᠡᠭᠡᠭᠡᠳ ᠲᠣᠯᠣᠭᠠᠢ ᠬᠣᠷᠭᠣᠳᠠᠬᠤ ᠭᠠᠵᠠᠷ ᠬᠠᠢᠵᠤ ᠪᠠᠢᠭᠠᠳ ᠰᠢᠷᠢᠩᠭᠢ ᠳ᠋ᠡᠬᠢ ᠵᠢᠵᠢᠭᠬᠡᠨ ᠪᠠᠢᠰᠢᠩ ᠢ᠋ ᠣᠯᠪᠠ᠃ ᠸᠢᠺᠤ ᠪᠠᠢᠰᠢᠩ ᠢ᠋ ᠬᠠᠷᠠᠭᠠᠳ ᠶᠡᠬᠡ ᠭᠠᠢᠬᠠᠵᠠᠢ᠃ ᠵᠢᠵᠢᠭᠬᠡᠨ ᠪᠠᠢᠰᠢᠩ ᠳ᠋ᠤ᠌ ᠣᠷᠣᠲᠠᠯᠠ ᠬᠣᠭᠣᠰᠣᠨ ᠪᠠᠢᠯᠠ᠃ ᠳᠣᠲᠣᠷᠠ ᠨᠢ ᠭᠠᠭᠴᠠ ᠬᠤᠯᠤᠭᠠᠨᠠ ᠠ᠋ᠴᠠ ᠥᠭᠡᠷᠡ ᠬᠡᠨ ᠴᠦ᠍ ᠪᠠᠢᠭᠰᠠᠨ ᠦᠭᠡᠢ᠃
ᠦ᠂ ᠡᠨᠳᠡ ᠬᠡᠨ ᠴᠦ᠍ ᠠᠯᠠᠭᠠ᠃
ᠶᠠᠭᠠᠬᠢᠵᠤ ᠲᠡᠭᠡᠵᠦ ᠬᠡᠯᠡᠵᠦ ᠴᠢᠳᠠᠵᠤ ᠪᠠᠢᠨᠠ᠂ ᠪᠢ᠂ ᠪᠠᠢᠨᠠ ᠰᠢᠦ ᠲᠠ᠃
ᠴᠢ ᠴᠢᠨᠢ ᠶᠡᠷᠦ ᠳ᠋ᠦ᠍ ᠪᠡᠨ ᠨᠢᠭᠡᠨ ᠬᠤᠯᠤᠭᠠᠨᠠ ᠪᠠᠢᠨᠠ ᠰᠢᠲᠠ᠂ ᠬᠥᠮᠦᠨ ᠪᠢᠰᠢ ᠰᠢᠦ ᠲᠠ᠃
ᠴᠢ ᠰᠢᠷᠢᠩᠭᠢ ᠳ᠋ᠦ᠍ ᠶᠠᠭᠤ ᠬᠢᠵᠦ ᠪᠠᠢᠭᠠ ᠪᠣᠢ?
ᠪᠢ ᠰᠡᠳᠬᠢᠯ ᠲᠡᠢ ᠬᠥᠮᠦᠨ ᠢ᠋ᠶ᠋ᠡᠨ ᠬᠠᠢᠵᠤ ᠪᠠᠢᠨᠠ᠃
ᠡᠨᠡ ᠰᠢᠷᠢᠩᠭᠢ ᠡᠴᠡ ᠦᠦ᠂ ᠰᠡᠳᠬᠢᠯ ᠲᠡᠢ ᠬᠥᠮᠦᠨ ᠢ᠋ᠶ᠋ᠡᠨ ᠬᠠᠢᠬᠤ ᠭᠠᠵᠠᠷ ᠮᠥᠨ ᠭᠡᠵᠢ ᠦᠦ ᠲᠠ?
ᠦᠭᠡᠢ ᠠ᠋᠂ ᠭᠡᠬᠦ ᠳ᠋ᠦ᠍ ᠪᠡᠨ ᠰᠠᠢᠨ ᠬᠢᠴᠢᠶᠡᠪᠡᠯ ᠣᠯᠵᠤ ᠮᠠᠭᠠᠳ ᠦᠭᠡᠢ ᠰᠢᠦ ᠲᠠ᠂ ᠭᠡᠪᠡᠴᠦ ᠡᠨᠳᠡ ᠬᠥᠮᠦᠨ ᠪᠠᠢᠬᠤ ᠦᠭᠡᠢ ᠪᠣᠯᠬᠣᠷ ᠰᠠᠨᠠᠭᠠ ᠵᠣᠪᠠᠵᠤ ᠪᠠᠢᠨᠠ᠂ ᠰᠦᠢᠲᠦ ᠪᠦᠰᠡᠭᠦᠢ ᠦᠭᠡᠢ ᠭᠡᠷ ᠲᠡᠭᠡᠨ ᠬᠠᠷᠢᠪᠠᠯ ᠢᠴᠢᠮᠡᠷ ᠪᠠᠢᠬᠤ ᠪᠣᠯᠤᠨᠠ᠃
ᠡᠨᠡ ᠰᠢᠷᠢᠩᠭᠢ ᠳ᠋ᠦ᠍ ᠨᠢᠭᠡ ᠴᠦ᠍ ᠡᠮᠡᠭᠲᠡᠢ ᠬᠥᠮᠦᠨ ᠪᠠᠢᠬᠤ ᠦᠭᠡᠢ᠂ ᠨᠠᠮᠠ ᠶ᠋ᠢ ᠰᠡᠳᠬᠢᠯᠳᠦ ᠪᠦᠰᠡᠭᠦᠢ ᠪᠡᠨ ᠪᠣᠯᠭᠠᠭᠠᠳ ᠠᠪᠴᠢᠬᠠᠭᠠᠷᠠᠢ!
ᠴᠢ ᠴᠢᠨᠢ ᠬᠤᠯᠤᠭᠠᠨᠠ ᠰᠢᠦ ᠳᠡ᠂ ᠶᠠᠭᠠᠬᠢᠵᠤ ᠴᠢᠮᠠᠶ᠋ᠢ ᠰᠡᠳᠬᠢᠯᠳᠦ ᠪᠦᠰᠡᠭᠦᠢ ᠪᠡᠨ ᠪᠣᠯᠭᠠᠬᠤ ᠶᠤᠮ ᠪᠣᠢ?
ᠨᠠᠳᠠ ᠳ᠋ᠤ᠌ ᠢᠳᠡᠭᠡ ᠸᠢᠺᠤ᠂ ᠬᠡᠳᠦᠢᠪᠡᠷ ᠪᠢ ᠬᠤᠯᠤᠭᠠᠨᠠ ᠴᠤ᠌ ᠴᠢᠮᠠ ᠶ᠋ᠢ ᠬᠠᠢᠷᠠᠯᠠᠵᠤ ᠴᠢᠮᠠ ᠳ᠋ᠤ᠌ ᠦᠨᠡᠨᠴᠢ ᠪᠠᠢᠨᠠ᠃
ᠲᠡᠢᠮᠦ ᠠ᠋᠂ ᠭᠡᠪᠡᠴᠦ᠁
ᠬᠤᠯᠤᠭᠠᠨᠠ ᠸᠢᠺᠤ ᠶ᠋ᠢ ᠢᠳᠬᠠᠵᠤ ᠡᠬᠢᠯᠡᠯᠡ᠃ ᠪᠥᠵᠢᠭᠯᠡᠵᠦ ᠦᠵᠡᠭᠦᠯᠪᠡ᠂ ᠶᠡᠬᠡ ᠰᠠᠢᠬᠠᠨ ᠳᠠᠭᠤᠤ ᠳᠠᠭᠤᠯᠠᠵᠤ ᠥᠭᠭᠦᠯᠡ᠃ ᠶᠠᠳᠠᠷᠠᠭᠰᠠᠨ ᠸᠢᠺᠣ ᠶ᠋ᠢ ᠬᠤᠯᠤᠭᠠᠨᠠ ᠶᠡᠬᠡᠳᠡ ᠵᠤᠭᠠᠴᠠᠭᠤᠯᠵᠤ ᠪᠠᠢᠨᠠ᠃ ᠳᠠᠭᠤᠯᠠᠵᠤ ᠪᠥᠵᠢᠭᠯᠡᠵᠦ ᠳᠠᠭᠤᠰᠤᠭᠠᠳ ᠬᠤᠯᠤᠭᠠᠨᠠ ᠸᠢᠺᠤ ᠶ᠋ᠢ ᠰᠢᠢᠳᠪᠦᠷᠢ ᠪᠡᠨ ᠭᠠᠷᠭᠠᠬᠤ ᠳ᠋ᠤ᠌ ᠲᠤᠰᠠᠯᠠᠪᠠ᠃ ᠬᠠᠢᠷᠠ ᠲᠠᠲᠠᠮᠠ ᠬᠠᠷᠠᠴᠠ ᠪᠠᠷ ᠸᠢᠺᠤ ᠤᠷᠤᠭᠤ ᠬᠠᠷᠠᠨᠠ᠃
ᠴᠢ ᠨᠠᠳᠠ ᠳ᠋ᠤ᠌ ᠲᠠᠭᠠᠯᠠᠭᠳᠠᠵᠤ ᠪᠠᠢᠨᠠ᠂ ᠪᠢ ᠴᠢᠮᠠ ᠶ᠋ᠢ ᠰᠡᠳᠬᠢᠯᠳᠦ ᠬᠣᠩᠭᠣᠷ ᠢ᠋ᠶ᠋ᠠᠨ ᠪᠣᠯᠭᠠᠶᠠ᠃
ᠡᠭᠦᠨ ᠢ᠋ ᠮᠡᠳᠡᠭᠡᠳ ᠬᠤᠯᠤᠭᠠᠨᠠ ᠶᠡᠬᠡ ᠪᠠᠶᠠᠷᠯᠠᠵᠠᠢ᠃ ᠲᠡᠷᠡ ᠸᠢᠺᠤ ᠶ᠋ᠢ ᠡᠷᠭᠢᠵᠦ ᠢᠷᠡᠲᠡᠯᠡ ᠬᠦᠯᠢᠶᠡᠨᠡ ᠭᠡᠵᠦ ᠠᠮᠠᠯᠠᠯᠠ᠃
ᠠᠬᠠ ᠳᠡᠭᠦᠦ ᠭᠤᠷᠪᠠ ᠭᠤᠷᠪᠠᠭᠤᠯᠠ ᠪᠠᠨ ᠭᠡᠷ ᠲᠦ ᠪᠡᠨ ᠢᠷᠡᠵᠡᠢ᠃
ᠵᠠ᠂ ᠬᠡᠯᠡᠭᠡᠴᠢ ᠬᠥᠪᠡᠭᠦᠳ ᠮᠢᠨᠢ᠂ ᠰᠦᠢᠲᠦ ᠪᠦᠰᠡᠭᠦᠢ ᠪᠡᠨ ᠣᠯᠵᠠᠭᠠᠪᠠ ᠤᠤ?
ᠪᠢ ᠦᠵᠡᠰᠬᠦᠯᠡᠩᠲᠦ ᠪᠦᠰᠡᠭᠦᠢ ᠣᠯᠵᠤ ᠠᠪᠤᠭᠰᠠᠨ᠂ ᠲᠡᠷᠡ ᠮᠢᠨᠢ ᠰᠠᠷᠠᠨᠠᠢ ᠰᠢᠭ᠋ ᠤᠷᠤᠭᠤᠯ ᠲᠠᠢ᠃
ᠮᠢᠨᠦ ᠰᠦᠢᠲᠦ ᠪᠦᠰᠡᠭᠦᠢ ᠴᠦ᠍ ᠪᠠᠰᠠ ᠦᠵᠡᠰᠬᠦᠯᠡᠩ ᠲᠡᠢ ᠠᠯᠲᠠᠨ ᠰᠢᠷᠭᠠᠯ ᠤᠷᠲᠤ ᠦᠰᠦ ᠲᠡᠢ᠃
ᠡᠩ᠁
ᠶᠠᠭᠠᠬᠢᠭᠰᠠᠨ ᠪᠣᠢ? ᠸᠢᠺᠤ ᠠ᠋᠂ ᠰᠦᠢᠲᠦ ᠪᠦᠰᠡᠭᠦᠢ ᠴᠢᠨᠢ ᠬᠤᠷᠴᠠ ᠰᠢᠲᠦ᠂ ᠦᠵᠦᠭᠦᠷ ᠲᠡᠢ ᠤᠷᠲᠤ ᠴᠢᠬᠢ ᠲᠠᠢ ᠤᠤ?
ᠬᠠ ᠬᠠ ᠬᠠ ᠬᠠ᠁
ᠪᠢᠲᠡᠭᠡᠢ ᠱᠣᠣᠯᠠᠭᠠᠷᠠᠢ ᠠᠬᠠ ᠠ᠋᠂ ᠮᠢᠨᠦ ᠬᠣᠩᠭᠣᠷ ᠪᠣᠯ ᠬᠢᠯᠢᠩ ᠳᠠᠰᠢᠨᠵᠠ ᠲᠠᠢ᠂ ᠵᠥᠭᠡᠯᠡᠨ ᠠᠭᠠᠰᠢ ᠲᠠᠢ ᠡᠮᠵᠡᠭ ᠠᠮᠢᠲᠠᠨ ᠶᠤᠮ᠃
ᠲᠡᠭᠡᠪᠡᠯ ᠭᠦᠩᠵᠦ ᠪᠠᠢᠬᠤ ᠨᠢ ᠲᠡᠢᠮᠦ ᠤᠤ?
ᠲᠡᠢᠮᠦ ᠠ᠋᠂ ᠨᠠᠳᠠ ᠳ᠋ᠤ᠌ ᠳᠠᠭᠤᠯᠠᠵᠤ ᠥᠭᠬᠦ ᠳ᠋ᠦ᠍ ᠨᠢ ᠪᠢ ᠶᠡᠬᠡ ᠵᠢᠷᠭᠠᠯ ᠲᠠᠢ ᠪᠠᠢᠳᠠᠭ᠃
ᠬᠣᠶᠠᠷ ᠠᠬᠠ ᠨᠢ ᠸᠢᠺᠤ ᠶ᠋ᠢᠨ ᠲᠥᠯᠥᠭᠡ ᠨᠢᠭᠡ ᠶᠡᠬᠡ ᠪᠠᠶᠠᠷᠯᠠᠭᠰᠠᠨ ᠦᠭᠡᠢ᠃ ᠬᠡᠳᠤᠨ ᠡᠳᠤᠷ ᠥᠩᠭᠡᠷᠡᠬᠦ ᠳ᠋ᠦ᠍ ᠠᠪᠤ ᠨᠢ ᠰᠦᠢᠲᠦ ᠪᠦᠰᠡᠭᠦᠢᠴᠦᠳ ᠢ᠋ ᠰᠣᠷᠢᠬᠤ ᠪᠠᠷ ᠰᠢᠢᠳᠴᠡᠢ᠂ ᠬᠥᠪᠡᠭᠦᠳ ᠢ᠋ᠶ᠋ᠡᠨ ᠳᠠᠭᠤᠳᠠᠭᠠᠳ ᠢᠩᠭᠢᠵᠦ ᠬᠡᠯᠡᠯᠡ᠄
ᠪᠢ ᠲᠠ ᠭᠤᠷᠪᠠ ᠶ᠋ᠢᠨ ᠰᠦᠢᠲᠦ ᠪᠦᠰᠡᠭᠦᠢ ᠶ᠋ᠢ ᠬᠣᠭᠣᠯᠠ ᠰᠠᠢᠨ ᠬᠢᠳᠡᠭ ᠡᠰᠡᠬᠦ ᠶ᠋ᠢ ᠮᠠᠲᠠᠮᠠᠷ ᠪᠠᠢᠨᠠ᠂ ᠨᠠᠳᠠ ᠳ᠋ᠤ᠌ ᠲᠠᠯᠬᠠ ᠵᠢᠩᠨᠡᠵᠦ ᠥᠭ ᠭᠡᠵᠦ ᠬᠡᠯᠡᠭᠡᠷᠡᠢ ᠵᠠ ᠤᠤ᠃
ᠬᠣᠶᠠᠷ ᠠᠬᠠ ᠨᠢ ᠵᠥᠪᠰᠢᠶᠡᠷᠡᠭᠰᠡᠨ ᠪᠣᠯᠪᠠᠴᠤ ᠸᠢᠺᠤ ᠳᠠᠭᠤ ᠦᠭᠡᠢ ᠯᠡ ᠪᠠᠢᠪᠠ᠃ ᠬᠤᠯᠤᠭᠠᠨᠠ ᠲᠠᠯᠬᠠ ᠵᠢᠩᠨᠡᠵᠦ ᠴᠢᠳᠠᠬᠤ ᠦᠭᠡᠢ ᠶ᠋ᠢ ᠮᠡᠳᠡᠬᠦ ᠪᠣᠯᠬᠣᠷ ᠰᠠᠨᠠᠭᠠ ᠨᠢ ᠶᠡᠬᠡ ᠵᠣᠪᠠᠵᠠᠢ᠃
ᠸᠢᠺᠤ ᠰᠢᠷᠢᠩᠭᠢ ᠤᠷᠤᠭᠤ ᠶᠠᠪᠤᠯᠠ᠃ ᠬᠤᠯᠤᠭᠠᠨᠠ ᠲᠡᠭᠦᠨ ᠢ᠋ ᠬᠠᠷᠠᠭᠠᠳ ᠶᠡᠬᠡ ᠪᠠᠶᠠᠷᠯᠠᠵᠠᠢ ᠭᠡᠨᠡ᠃
ᠤᠳᠠᠬᠤ ᠦᠭᠡᠢ ᠢᠷᠡᠨᠡ ᠭᠡᠵᠦ ᠮᠡᠳᠡᠭᠰᠡᠨ ᠶᠦ᠍ᠮ ᠠ᠋᠂ ᠶᠠᠭᠤ ᠪᠣᠯᠤᠭᠠ ᠪᠣᠢ? ᠴᠢ ᠨᠢᠭᠡ ᠯᠡ ᠲᠦᠭᠰᠢᠭᠰᠡᠨ ᠬᠠᠷᠠᠭᠳᠠᠨᠠ᠃
ᠠᠪᠤ ᠮᠢᠨᠢ ᠪᠡᠷᠢᠶᠡᠳ ᠢ᠋ᠶ᠋ᠡᠨ ᠲᠠᠯᠬᠠ ᠵᠢᠩᠨᠡᠵᠦ ᠢᠷᠡ ᠭᠡᠰᠡᠨ᠂ ᠭᠡᠪᠡᠴᠦ ᠴᠢ ᠴᠢᠳᠠᠬᠤ ᠦᠭᠡᠢ᠂ ᠠᠬᠠ ᠨᠠᠷ ᠮᠢᠨᠢ ᠨᠠᠮᠠ ᠶ᠋ᠢ ᠱᠣᠣᠯᠠᠬᠤ ᠪᠣᠯᠤᠨᠠ ᠳᠠ᠃
ᠪᠢ ᠴᠢᠳᠠᠨᠠ ᠭᠡᠪᠡᠯ ᠶᠠᠭᠠᠬᠢᠬᠤ ᠤᠤ? ᠠᠬᠠ ᠨᠠᠷ ᠴᠢᠨᠢ ᠴᠢᠮᠠ ᠶ᠋ᠢ ᠱᠣᠣᠯᠠᠬᠤ ᠦᠭᠡᠢ ᠳᠡ᠃
ᠬᠤᠯᠤᠭᠠᠨᠠ ᠲᠠᠯᠬᠠ ᠵᠢᠩᠨᠡᠳᠡᠭ ᠭᠡᠵᠦ ᠪᠢ ᠣᠭᠲᠣ ᠲᠤᠭᠤᠯᠤᠭᠠ ᠦᠭᠡᠢ ᠶᠦ᠍ᠮ ᠪᠠᠢᠨᠠ᠃
ᠭᠡᠬᠦ ᠳ᠋ᠦ᠍ ᠪᠠᠨ ᠯᠠ ᠪᠢ ᠴᠢᠳᠠᠨᠠ᠃
ᠬᠤᠯᠤᠭᠠᠨᠠ ᠵᠢᠵᠢᠭᠬᠡᠨ ᠮᠥᠩᠭᠥᠨ ᠬᠣᠩᠬᠣ ᠭᠤᠷᠪᠠᠨ ᠤᠳᠠᠭᠠ ᠬᠣᠩᠬᠣᠳᠠᠪᠠ᠃ ᠬᠣᠩᠬᠣᠨ ᠤ᠋ ᠳᠠᠭᠤ ᠪᠠᠷ ᠬᠡᠳᠤᠨ ᠵᠠᠭᠤᠨ ᠵᠢᠵᠢᠭ ᠬᠤᠯᠤᠭᠠᠨᠠ ᠭᠡᠨᠡᠳᠲᠡ ᠭᠠᠷᠴᠤ ᠢᠷᠡᠯᠡ᠂ ᠲᠡᠳᠡ ᠬᠤᠯᠤᠭᠠᠨᠠ ᠶ᠋ᠢ ᠲᠣᠭᠣᠷᠢᠨ ᠵᠣᠭᠰᠣᠪᠠ᠂ ᠬᠤᠯᠤᠭᠠᠨᠠ ᠲᠡᠳᠡᠨ ᠦ᠌ ᠳᠤᠮᠳᠠ ᠡᠷᠬᠢᠮᠰᠦᠭ ᠴᠡᠭᠴᠡ ᠰᠠᠭᠤᠯᠠ᠃
ᠨᠠᠳᠠ ᠳ᠋ᠤ᠌ ᠨᠢᠭᠡ ᠨᠢᠭᠡ ᠰᠢᠷᠬᠡᠭ ᠰᠠᠢᠨ ᠴᠢᠨᠠᠷ ᠤ᠋ᠨ ᠪᠤᠭᠤᠳᠠᠢ ᠠᠪᠴᠢᠷᠠ!
ᠸᠢᠺᠤ ᠶ᠋ᠢ ᠭᠠᠢᠬᠠᠵᠤ ᠪᠠᠢᠬᠤ ᠵᠠᠭᠤᠷᠠ ᠪᠦᠬᠦ ᠬᠤᠯᠤᠭᠠᠨᠠ ᠠᠯᠠᠭᠠ ᠪᠣᠯᠤᠯᠠ᠂ ᠲᠡᠳᠡ ᠡᠷᠭᠢᠵᠦ ᠢᠷᠡᠬᠦ ᠳ᠋ᠦ᠍ ᠪᠡᠨ ᠮᠠᠰᠢ ᠰᠠᠢᠨ ᠴᠢᠨᠠᠷ ᠤ᠋ᠨ ᠪᠤᠭᠤᠳᠠᠢ ᠠᠪᠴᠢᠷᠠᠵᠠᠢ᠃ ᠲᠡᠷᠡ ᠪᠤᠭᠤᠳᠠᠢ ᠶ᠋ᠢ ᠴᠤᠭᠯᠠᠭᠤᠯᠤᠭᠠᠳ ᠬᠤᠯᠤᠭᠠᠨᠠ ᠶᠡᠬᠡ ᠰᠠᠢᠬᠠᠨ ᠪᠤᠭᠤᠳᠠᠢ ᠶ᠋ᠢᠨ ᠲᠠᠯᠬᠠ ᠵᠢᠩᠨᠡᠪᠡ᠃
ᠠᠬᠠ ᠳᠡᠭᠦᠦ ᠭᠤᠷᠪᠠ ᠲᠠᠯᠬᠠ ᠪᠠᠨ ᠠᠪᠤ ᠳ᠋ᠠᠭᠠᠨ ᠠᠪᠴᠢᠷᠠᠵᠤ ᠥᠭᠭᠦᠯᠡ᠃ ᠤᠤᠭᠠᠨ ᠬᠦᠦ ᠬᠥᠬᠡ ᠲᠠᠷᠢᠶᠠᠨ ᠤ᠋ ᠲᠠᠯᠬᠠ ᠠᠪᠴᠢᠷᠠᠵᠠᠢ᠃
ᠮᠠᠰᠢ ᠰᠠᠢᠨ ᠪᠠᠢᠨᠠ᠂ ᠪᠢᠳᠡᠨ ᠰᠢᠭ᠋ ᠬᠥᠳᠡᠯᠮᠦᠷᠢᠴᠢ ᠬᠥᠮᠦᠰ ᠲᠤ ᠬᠡᠷᠡᠭᠲᠡᠢ ᠲᠠᠯᠬᠠ ᠪᠠᠢᠨᠠ ᠃
ᠤᠳᠠᠭᠠᠬᠢ ᠬᠦᠦ ᠠᠷᠪᠠᠢ ᠪᠠᠷ ᠬᠢᠭᠰᠡᠨ ᠲᠠᠯᠬᠠ ᠠᠪᠴᠢᠷᠠᠵᠤ ᠥᠭᠭᠦᠯᠡ᠃
ᠠᠷᠪᠠᠢ ᠪᠠᠰᠠ ᠯᠠ ᠪᠡᠶᠡ ᠳ᠋ᠦ᠍ ᠰᠠᠢᠨ ᠰᠢᠦ᠃
ᠬᠠᠷᠢᠨ ᠸᠢᠺᠤ ᠴᠠᠭᠠᠨ ᠲᠠᠯᠬᠠ ᠪᠠᠨ ᠭᠠᠷᠭᠠᠵᠤ ᠢᠷᠡᠯᠡ᠃
ᠶᠠᠭᠤ ᠪᠣᠢ? ᠴᠠᠭᠠᠨ ᠲᠠᠯᠬᠠ᠂ ᠸᠢᠺᠤ ᠴᠢᠨᠦ ᠰᠡᠳᠬᠢᠯᠲᠦ ᠪᠦᠰᠡᠭᠦᠢ ᠶᠡᠬᠡ ᠬᠦᠷᠤᠩᠭᠡ ᠲᠡᠢ ᠪᠠᠢᠵᠤ ᠲᠠᠭᠠᠷᠠᠨᠠ᠃
ᠮᠡᠳᠡᠭᠡᠵᠢ᠂ ᠲᠡᠷᠡ ᠨᠢᠭᠡ ᠭᠦᠩᠵᠦ ᠬᠡ ᠦᠭᠡᠢ ᠪᠢᠯᠡ ᠤᠤ? ᠲᠡᠭᠡᠭᠡᠳ ᠸᠢᠺᠤ᠂ ᠭᠦᠩᠵᠦ ᠶᠠᠭᠠᠬᠢᠵᠤ ᠰᠠᠢᠨ ᠴᠢᠨᠠᠷ ᠤ᠋ᠨ ᠪᠤᠭᠤᠳᠠᠢ ᠣᠯᠳᠠᠭ ᠪᠣᠢ?
ᠮᠥᠩᠭᠥᠨ ᠬᠣᠩᠬᠣ ᠪᠠᠷ ᠭᠤᠷᠪᠠᠨᠲᠠ ᠬᠣᠩᠬᠣᠳᠠᠬᠤ ᠳ᠋ᠤ᠌ ᠵᠠᠷᠤᠴᠠ ᠨᠠᠷ ᠨᠢ ᠶᠠᠭᠤᠮᠠ ᠪᠦᠬᠦᠨ ᠢ᠋ ᠠᠪᠴᠢᠷᠠᠵᠤ ᠥᠭᠳᠡᠭ ᠶᠦ᠍ᠮ᠃
ᠪᠢ ᠭᠤᠷᠪᠠᠨ ᠪᠡᠷᠢ ᠳ᠋ᠦ᠍ ᠪᠡᠨ ᠰᠡᠳᠬᠢᠯ ᠬᠠᠩᠬᠤᠯᠤᠭᠤᠨ ᠪᠠᠢᠨᠠ᠃ ᠲᠡᠳᠡ ᠶᠡᠬᠡ ᠰᠠᠢᠬᠠᠨ ᠲᠠᠯᠬᠠ ᠵᠢᠩᠨᠡᠭᠰᠡᠨ ᠪᠠᠢᠨᠠ᠃ ᠭᠡᠬᠦ ᠳ᠋ᠦ᠍ ᠪᠡᠨ ᠲᠡᠳᠡᠨ ᠢ᠋ ᠭᠡᠷ ᠲᠦ ᠪᠡᠨ ᠠᠪᠴᠢᠷᠠᠬᠤ ᠠ᠋ᠴᠠ ᠡᠮᠦᠨᠡ ᠲᠡᠳᠡᠨ ᠢ᠋ᠶ᠋ᠡᠷ ᠨᠠᠳᠠ ᠳ᠋ᠤ᠌ ᠨᠢᠭᠡ ᠶᠠᠭᠤᠮᠠ ᠨᠡᠬᠡᠭᠦᠯᠵᠦ ᠠᠪᠴᠢᠷᠠ᠃
ᠮᠢᠨᠦ ᠬᠣᠩᠭᠣᠷ ᠰᠠᠢᠨ ᠨᠡᠬᠡᠮᠡᠯᠴᠢᠨ᠃
ᠮᠢᠨᠦᠬᠢ ᠴᠦ᠍ ᠭᠡᠰᠡᠨ᠃
ᠸᠢᠺᠤ ᠨᠢᠭᠡ ᠴᠦ᠍ ᠦᠭᠡ ᠳᠤᠤᠭᠠᠷᠤᠭᠰᠠᠨ ᠦᠭᠡᠢ᠃ ᠬᠤᠯᠤᠭᠠᠨᠠ ᠨᠡᠬᠡᠵᠦ ᠴᠢᠳᠠᠬᠤ ᠦᠭᠡᠢ ᠶ᠋ᠢ ᠲᠡᠷᠡ ᠰᠠᠢᠨ ᠮᠡᠳᠡᠨᠡ᠃ ᠰᠢᠷᠢᠩᠭᠢ ᠶ᠋ᠢᠨ ᠪᠠᠢᠰᠢᠩ ᠤᠷᠤᠭᠤ ᠣᠴᠢᠯᠠ᠃ ᠰᠠᠨᠠᠭᠠ ᠵᠣᠪᠠᠵᠤ ᠪᠠᠢᠭᠠ ᠶ᠋ᠢ ᠬᠤᠯᠤᠭᠠᠨᠠ ᠮᠡᠳᠡᠷᠡᠵᠡᠢ᠂ ᠲᠡᠭᠡᠭᠡᠳ ᠰᠢᠯᠲᠠᠭᠠᠨ ᠢ᠋ ᠨᠢ ᠠᠰᠠᠭᠤᠪᠠ᠃
ᠪᠢ ᠴᠢᠮᠠ ᠶ᠋ᠢ ᠴᠢᠳᠠᠬᠤ ᠦᠭᠡᠢ ᠭᠡᠵᠦ ᠠᠶᠤᠵᠤ ᠪᠠᠢᠨᠠ᠂ ᠬᠤᠯᠤᠭᠠᠨᠠ ᠶᠠᠭᠤᠮᠠ ᠨᠡᠬᠡᠳᠡᠭ ᠭᠡᠵᠦ ᠪᠢ ᠣᠭᠲᠣ ᠰᠣᠨᠣᠰᠤᠭᠠ ᠦᠭᠡᠢ᠂ ᠴᠢ ᠴᠢᠳᠠᠬᠤ ᠤᠤ?
ᠮᠡᠳᠡᠭᠡᠵᠢ᠂ ᠸᠢᠺᠤ ᠶ᠋ᠢᠨ ᠬᠣᠩᠭᠣᠷ ᠲᠡᠭᠦᠨ ᠦ᠌ ᠬᠢ ᠪᠡᠨ ᠲᠥᠯᠥᠭᠡ ᠶᠠᠭᠤ ᠴᠤ᠌ ᠬᠢᠵᠦ ᠴᠢᠳᠠᠨᠠ᠃
ᠳᠠᠬᠢᠭᠠᠳ ᠬᠤᠯᠤᠭᠠᠨᠠ ᠮᠥᠩᠭᠥᠨ ᠬᠣᠩᠬᠣ ᠪᠠᠷ ᠭᠤᠷᠪᠠᠨᠲᠠ ᠬᠣᠩᠬᠣᠳᠠᠬᠤ ᠳ᠋ᠤ᠌ ᠵᠠᠭᠤ ᠵᠠᠭᠤᠨ ᠬᠤᠯᠤᠭᠠᠨᠠ ᠭᠠᠷᠴᠤ ᠢᠷᠡᠭᠡᠳ ᠲᠡᠭᠦᠨ ᠦ᠌ ᠡᠮᠦᠨᠡ ᠲᠤᠰᠢᠶᠠᠯ ᠢ᠋ᠶ᠋ᠠᠨ ᠬᠦᠯᠢᠶᠡᠨ ᠰᠠᠭᠤᠪᠠ᠃
ᠲᠠ ᠨᠠᠷ ᠨᠠᠳᠠ ᠳ᠋ᠤ᠌ ᠬᠠᠮᠤᠭ ᠤ᠋ᠨ ᠰᠠᠢᠨ ᠮᠠᠭᠠᠯᠢᠩᠭᠤ ᠶ᠋ᠢᠨ ᠮᠢᠨᠳᠠᠰᠤ ᠣᠯᠵᠤ ᠢᠷᠡ᠃
ᠲᠡᠭᠦᠨ ᠦ᠌ ᠲᠤᠰᠢᠶᠠᠯ ᠢ᠋ ᠳᠠᠭᠠᠵᠤ ᠪᠦᠬᠦ ᠬᠤᠯᠤᠭᠠᠨᠠ ᠠᠯᠠᠭᠠ ᠪᠣᠯᠤᠯᠠ᠃ ᠡᠷᠭᠢᠵᠦ ᠢᠷᠡᠬᠦ ᠳ᠋ᠦ᠍ ᠪᠡᠨ ᠲᠡᠳᠡ ᠬᠠᠮᠤᠭ ᠤ᠋ᠨ ᠰᠠᠢᠨ ᠮᠠᠭᠠᠯᠢᠩᠭᠤ ᠶ᠋ᠢᠨ ᠮᠢᠨᠳᠠᠰᠤ ᠠᠪᠴᠢᠷᠠᠵᠠᠢ᠃ ᠬᠤᠯᠤᠭᠠᠨᠠ ᠮᠠᠰᠢ ᠰᠠᠢᠨ ᠳᠠᠪᠤᠤ ᠨᠡᠬᠡᠯᠡ᠃ ᠬᠣᠣᠰ ᠦᠭᠡᠢ ᠰᠠᠢᠬᠠᠨ ᠤᠴᠢᠷ ᠬᠣᠭᠣᠰᠣᠨ ᠬᠤᠰᠢᠭᠠᠨ ᠤ᠋ ᠶᠠᠰᠤᠨ ᠳ᠋ᠤ᠌ ᠬᠢᠵᠡᠢ ᠭᠡᠨᠡ᠃
ᠡᠭᠦᠨ ᠢ᠋ ᠠᠪ ᠸᠢᠺᠤ ᠠ᠋᠂ ᠠᠪᠤ ᠳ᠋ᠤ᠌ ᠴᠢᠨᠢ ᠲᠠᠭᠠᠯᠠᠭᠳᠠᠨᠠ ᠭᠡᠵᠦ ᠨᠠᠢᠳᠠᠶᠠ᠃
ᠸᠢᠺᠤ ᠬᠣᠰᠢᠭᠠᠨ ᠤ᠋ ᠶᠠᠰᠤ ᠶ᠋ᠢ ᠠᠪᠤᠭᠠᠳ ᠭᠡᠷ ᠲᠦ ᠪᠡᠨ ᠢᠷᠡᠯᠡ᠃ ᠬᠣᠶᠠᠷ ᠠᠬᠠ ᠨᠢ ᠰᠦᠢᠲᠦ ᠪᠦᠰᠡᠭᠦᠢᠴᠦᠳ ᠦ᠋ᠨ ᠢ᠋ᠶ᠋ᠡᠨ ᠨᠡᠬᠡᠭᠰᠡᠨ ᠵᠦᠢᠯᠡᠰ ᠢ᠋ ᠠᠪᠤ ᠳ᠋ᠤ᠌ ᠪᠠᠨ ᠥᠭᠴᠡᠢ᠃
ᠰᠢᠷᠦᠭᠦᠨ ᠳᠠᠪᠤᠤ ᠨᠠᠷᠢᠨ ᠰᠠᠢᠬᠠᠨ ᠬᠢᠴᠡ ᠦᠭᠡᠢ ᠴᠦ᠍ ᠪᠣᠯᠤᠮᠵᠢ ᠪᠠᠢᠨᠠ᠃
ᠤᠳᠠᠭᠠᠬᠢ ᠬᠦᠦ ᠴᠦ᠍ ᠰᠦᠢᠲᠦ ᠪᠦᠰᠡᠭᠦᠢ ᠶ᠋ᠢᠨ ᠢ᠋ᠶ᠋ᠡᠨ ᠨᠡᠬᠡᠭᠰᠡᠨ ᠶᠠᠭᠤᠮᠠ ᠶ᠋ᠢ ᠠᠪᠤ ᠳ᠋ᠤ᠌ ᠪᠠᠨ ᠥᠭᠴᠡᠢ ᠭᠡᠨᠡ᠃
ᠬᠥᠪᠥᠩ ᠵᠣᠲᠣᠩ ᠳᠠᠪᠤᠤ ᠬᠣᠶᠠᠷ ᠢ᠋ ᠬᠣᠯᠢᠵᠠᠢ᠂ ᠠᠷᠠᠢ ᠳᠡᠭᠡᠷᠡ ᠪᠠᠢᠨᠠ᠃ ᠬᠠᠷᠢᠨ ᠴᠢ ᠸᠢᠺᠤ ᠠ᠋!
ᠸᠢᠺᠤ ᠬᠤᠰᠢᠭᠠᠨ ᠤ᠋ ᠶᠠᠰᠤ ᠶ᠋ᠢ ᠭᠠᠷᠭᠠᠵᠤ ᠢᠷᠡᠯᠡ ᠠᠬᠠ ᠨᠠᠷ ᠨᠢ ᠲᠡᠭᠦᠨ ᠢ᠋ ᠱᠣᠣᠯᠠᠪᠠ᠃
ᠬᠠ ᠬᠠ ᠬᠠ᠁
ᠠᠪᠤ᠂ ᠬᠤᠰᠢᠭᠠᠨ ᠤ᠋ ᠬᠠᠯᠢᠰᠤ ᠪᠢᠰᠢ ᠳᠠᠪᠤᠤ ᠨᠡᠬᠡ ᠭᠡᠰᠡᠨ ᠰᠢᠦ ᠲᠠ᠃
ᠠᠪᠤ ᠨᠢ ᠬᠤᠰᠢᠭᠠᠨ ᠤ᠋ ᠶᠠᠰᠤ ᠶ᠋ᠢ ᠨᠡᠭᠡᠭᠡᠬᠦ ᠳ᠋ᠦ᠍ ᠠᠬᠠ ᠨᠠᠷ ᠨᠢ ᠲᠡᠭᠦᠨ ᠢ᠋ ᠱᠣᠣᠯᠠᠬᠤ ᠪᠠᠨ ᠪᠣᠯᠢᠪᠠ᠃ ᠲᠡᠷᠡ ᠮᠠᠰᠢ ᠨᠠᠷᠢᠨ ᠬᠢᠴᠡᠲᠡᠢ ᠳᠠᠪᠤᠤ ᠭᠠᠷᠭᠠᠵᠠᠢ ᠭᠡᠨᠡ᠃
ᠬᠦᠦᠭ᠂ ᠶᠠᠭᠠᠬᠢᠵᠤ ᠢᠩᠭᠢᠵᠦ ᠴᠢᠳᠠᠭᠰᠠᠨ ᠶᠤᠮ ᠪᠣᠯ ᠠ᠋!
ᠬᠣᠩᠬᠣ ᠪᠠᠨ ᠳᠤᠤᠭᠠᠷᠭᠠᠭᠠᠳ ᠯᠠ ᠵᠠᠷᠤᠴᠠ ᠨᠠᠷ ᠲᠤ᠌ ᠪᠠᠨ ᠬᠠᠮᠤᠭ ᠤ᠋ᠨ ᠰᠠᠢᠨ ᠮᠢᠨᠳᠠᠰᠤ ᠣᠯᠵᠤ ᠢᠷᠡ ᠭᠡᠵᠦ ᠲᠤᠰᠢᠶᠠᠭᠰᠠᠨ᠂ ᠳᠠᠷᠠᠭᠠ ᠨᠢ ᠲᠠᠨ ᠳ᠋ᠤ᠌ ᠵᠣᠷᠢᠭᠤᠯᠵᠤ ᠡᠨᠡ ᠳᠠᠪᠤᠤ ᠶ᠋ᠢ ᠨᠡᠬᠡᠭᠰᠡᠨ᠃
ᠸᠢᠺᠦ ᠠ᠋᠂ ᠴᠢᠨᠦ ᠬᠣᠩᠭᠣᠷ ᠭᠦᠩᠵᠦ ᠪᠣᠯᠤᠯᠲᠠᠢ᠂ ᠳᠠ ᠭᠤᠷᠪᠠ ᠪᠦᠰᠡᠭᠦᠢᠴᠦᠳ ᠢ᠋ᠶ᠋ᠡᠨ ᠭᠡᠷ ᠲᠦ ᠪᠡᠨ ᠠᠪᠴᠢᠷᠠᠵᠤ ᠪᠣᠯᠤᠨᠠ᠃ ᠪᠢ ᠪᠦᠭᠦᠳᠡ ᠲᠡᠢ ᠨᠢ ᠲᠠᠨᠢᠯᠴᠠᠮᠠᠷ ᠪᠠᠢᠨᠠ᠂ ᠮᠠᠷᠭᠠᠰᠢ ᠠᠪᠴᠢᠷᠠᠭᠠᠷᠠᠢ!
ᠡᠭᠦᠨ ᠢ᠋ ᠮᠡᠳᠡᠭᠡᠳ ᠬᠤᠯᠤᠭᠠᠨᠠ ᠮᠠᠰᠢ ᠶᠡᠬᠡ ᠪᠠᠶᠠᠷᠯᠠᠵᠠᠢ ᠭᠡᠨᠡ᠃ ᠬᠤᠯᠤᠭᠠᠨᠠ ᠰᠠᠢᠬᠠᠨ ᠬᠤᠪᠴᠠᠰᠤᠯᠠᠵᠤ ᠬᠣᠩᠬᠣ ᠪᠠᠨ ᠳᠤᠤᠭᠠᠷᠭᠠᠭᠠᠳ ᠰᠡᠤᠬᠡ ᠲᠡᠷᠭᠡ ᠲᠠᠪᠤᠨ ᠳᠡᠯᠪᠡᠭᠴᠢ ᠪᠡᠯᠡᠳ ᠭᠡᠵᠦ ᠲᠤᠰᠢᠶᠠᠪᠠ᠃ ᠤᠳᠠᠬᠤ ᠦᠭᠡᠢ ᠲᠠᠪᠤᠨ ᠬᠤᠯᠤᠭᠠᠨᠠ ᠬᠥᠯᠭᠡᠯᠡᠭᠰᠡᠨ ᠬᠤᠰᠢᠭᠠᠨ ᠤ᠋ ᠶᠠᠰᠤᠨ ᠰᠡᠤᠬᠡ ᠲᠡᠷᠭᠡ ᠢᠷᠡᠯᠡ᠃ ᠡᠭᠦᠨ ᠢ᠋ ᠬᠠᠷᠠᠭᠠᠳ ᠸᠢᠺᠤ ᠭᠠᠢᠬᠠᠵᠠᠢ᠃ ᠬᠤᠯᠤᠭᠠᠨᠠ ᠰᠡᠤᠬᠡᠨ ᠳ᠋ᠦ᠍ ᠪᠡᠨ ᠰᠠᠭᠤᠵᠤ ᠬᠠᠭᠠᠯᠭᠠᠴᠢ ᠨᠢ ᠠᠷᠤ ᠳ᠋ᠤ᠌ ᠳᠡᠯᠪᠡᠭᠴᠢ ᠨᠢ ᠤᠷᠢᠲᠠᠢ ᠨᠢ ᠰᠠᠭᠤᠯᠠ᠃ ᠲᠡᠳᠡ ᠸᠢᠺᠤ ᠶ᠋ᠢᠨ ᠭᠡᠷ ᠲᠦ ᠬᠦᠷᠬᠦ ᠠᠶᠠᠯᠠᠯ ᠢ᠋ᠶ᠋ᠠᠨ ᠡᠬᠢᠯᠡᠵᠡᠢ ᠭᠡᠨᠡ᠃ ᠸᠢᠺᠤ ᠰᠡᠤᠬᠡᠨ ᠦ᠌ ᠳᠡᠷᠭᠡᠳᠡ ᠠᠯᠬᠤᠵᠤ ᠶᠠᠪᠤᠯᠠ᠃
ᠰᠠᠨᠠᠭᠠ ᠵᠣᠪᠠᠯᠲᠠ ᠦᠭᠡᠢ᠂ ᠪᠢ ᠴᠢᠮᠠ ᠶ᠋ᠢ ᠰᠠᠢᠨ ᠬᠠᠷᠠᠵᠤ ᠬᠠᠮᠵᠢᠨᠠ᠂ ᠪᠠᠰᠠ ᠠᠪᠤ ᠳ᠋ᠤ᠌ ᠮᠢᠨᠢ ᠰᠠᠨᠠᠭᠠ ᠵᠣᠪᠠᠬᠤ ᠬᠡᠷᠡᠭ ᠦᠭᠡᠢ᠂ ᠠᠪᠤ ᠮᠢᠨᠢ ᠵᠥᠭᠡᠯᠡᠨ ᠬᠥᠮᠦᠨ᠃
ᠰᠢᠷᠢᠩᠭᠢ ᠡᠴᠡ ᠭᠠᠷᠲᠠᠯᠠ ᠠᠯᠬᠤᠭᠠᠳ ᠲᠡᠳᠡ ᠬᠣᠲᠠᠨ ᠳ᠋ᠤ᠌ ᠣᠢᠷᠠᠳᠴᠤ ᠢᠷᠡᠯᠡ᠃ ᠬᠣᠲᠠ ᠶ᠋ᠢ ᠵᠠᠭᠠᠭᠯᠠᠨ ᠮᠥᠷᠡᠨ ᠤᠷᠤᠰᠤᠨᠠ᠃ ᠲᠡᠳᠡ ᠮᠥᠷᠡᠨ ᠳᠡᠭᠡᠭᠦᠷ ᠭᠦᠤᠷ ᠢ᠋ ᠳᠠᠪᠠᠬᠤ ᠪᠣᠯᠪᠠ᠃ ᠭᠥᠤᠷ ᠢ᠋ ᠳᠠᠪᠠᠵᠤ ᠪᠠᠢᠲᠠᠯᠠ ᠡᠰᠡᠷᠭᠦ ᠲᠠᠯᠠ ᠠ᠋ᠴᠠ ᠭᠡᠨᠡᠳᠲᠡ ᠨᠢᠭᠡ ᠬᠥᠮᠦᠨ ᠭᠠᠷᠤᠭᠠᠳ ᠢᠷᠡᠵᠡᠢ ᠭᠡᠨᠡ᠃ ᠲᠡᠷᠡ ᠥᠭᠡᠳᠡ ᠡᠴᠡ ᠨᠢ ᠪᠠᠬᠠᠨ ᠬᠤᠯᠤᠭᠠᠨᠠ ᠢᠷᠡᠵᠦ ᠶᠠᠪᠤᠬᠤ ᠶ᠋ᠢ ᠬᠠᠷᠠᠯᠠ᠃ ᠢᠨᠢᠶᠡᠳᠦ ᠠᠯᠳᠠᠭᠠᠳ ᠲᠡᠷᠡ ᠬᠥᠮᠦᠨ ᠪᠦᠭᠦᠳᠡ ᠶ᠋ᠢ ᠨᠢ ᠮᠥᠷᠡᠨ ᠤᠷᠤᠭᠤ ᠤᠨᠠᠭᠠᠴᠢᠬᠠᠪᠠ᠃
ᠶᠠᠭᠠᠬᠢᠵᠤ ᠪᠠᠢᠭᠠ ᠴᠢᠨᠢ ᠡᠨᠡ ᠦᠦ? ᠶᠠᠭᠠᠬᠢᠭᠠᠳ ᠢᠩᠭᠢᠵᠦ ᠪᠠᠢᠭᠠ ᠶᠤᠮ ᠪᠣᠢ? ᠴᠢ ᠮᠢᠨᠦ ᠬᠣᠩᠭᠣᠷ ᠢ᠋ ᠮᠥᠷᠡᠨ ᠳ᠋ᠦ᠍ ᠤᠨᠠᠭᠠᠴᠢᠬᠠᠯᠠ ᠰᠢᠦ ᠲᠠ᠃
ᠴᠢᠨᠦ ᠬᠣᠩᠭᠣᠷ ᠠ᠋! ᠲᠡᠷᠡ ᠬᠤᠯᠤᠭᠠᠨᠠ ᠨᠤᠭᠤᠳ ᠤᠤ?
ᠲᠡᠷᠡ ᠬᠥᠮᠦᠨ ᠴᠢᠩᠭᠠ ᠭᠡᠭᠴᠢ ᠨᠢ ᠢᠨᠢᠶᠡᠭᠡᠳ ᠶᠠᠪᠤᠭᠠᠳ ᠥᠭᠭᠦᠯᠡ᠃
ᠸᠢᠺᠤ ᠬᠤᠯᠤᠭᠠᠨᠠ ᠶ᠋ᠢᠨ ᠠᠷᠤ ᠠ᠋ᠴᠠ ᠶᠡᠬᠡ ᠭᠤᠨᠢᠭᠯᠠᠪᠠ᠃ ᠮᠥᠷᠡᠨ ᠤᠷᠤᠭᠤ ᠣᠴᠢᠵᠤ ᠬᠠᠢᠭᠰᠠᠨ ᠴᠤ᠌ ᠲᠡᠳᠡᠨ ᠢ᠋ ᠣᠭᠲᠣ ᠣᠯᠤᠭᠰᠠᠨ ᠦᠭᠡᠢ᠃
ᠬᠥᠭᠡᠷᠦᠬᠦᠢ ᠮᠢᠨᠦ ᠬᠣᠩᠭᠣᠷ ᠴᠢᠮᠠ ᠶ᠋ᠢ ᠵᠢᠪᠦᠭᠰᠡᠨ ᠳ᠋ᠦ᠍ ᠪᠢ ᠶᠠᠮᠠᠷ ᠶᠡᠬᠡ ᠬᠠᠷᠠᠮᠰᠠᠨᠠ ᠪᠣᠢ⁈
ᠢᠩᠭᠢᠵᠦ ᠬᠡᠯᠡᠭᠡᠳ ᠡᠷᠭᠢᠲᠡᠯᠡ ᠸᠢᠺᠤ ᠮᠥᠷᠡᠨ ᠦ᠌ ᠨᠥᠬᠥᠭᠡ ᠲᠠᠯᠠ ᠳ᠋ᠤ᠌ ᠭᠣᠶᠣᠮᠰᠣᠭ ᠰᠡᠤᠬᠡ ᠲᠡᠷᠭᠡ ᠵᠣᠭᠰᠣᠵᠤ ᠪᠠᠢᠬᠤ ᠶ᠋ᠢ ᠣᠯᠵᠤ ᠬᠠᠷᠠᠯᠠ᠂ ᠭᠢᠯᠠᠯᠵᠠᠭᠰᠠᠨ ᠲᠠᠪᠤᠨ ᠮᠣᠷᠢᠳ ᠬᠥᠯᠯᠡᠭᠰᠡᠨ ᠰᠡᠤᠬᠡᠨ ᠳ᠋ᠦ᠍ ᠦᠵᠡᠰᠬᠦᠯᠡᠩ ᠲᠡᠭᠦᠯᠳᠡᠷ ᠪᠦᠰᠡᠭᠦᠢ ᠰᠠᠭᠤᠵᠤ ᠪᠠᠢᠯᠠ᠂ ᠸᠢᠺᠤ ᠡᠢᠮᠦ ᠰᠠᠢᠬᠠᠨ ᠰᠡᠤᠬᠡ ᠲᠡᠷᠭᠡ ᠬᠠᠷᠠᠭᠰᠠᠨ ᠳ᠋ᠠᠭᠠᠨ ᠪᠠᠶᠠᠷᠯᠠᠵᠠᠢ ᠭᠡᠨᠡ᠂ ᠲᠡᠷᠡ ᠰᠠᠤᠬᠡ ᠤᠷᠤᠭᠤ ᠠᠯᠬᠤᠵᠤ ᠡᠬᠢᠯᠡᠯᠡ᠂ ᠰᠡᠤᠬᠡᠨ ᠳ᠋ᠦ᠍ ᠣᠢᠷᠠᠳᠴᠤ ᠣᠴᠢᠲᠠᠯᠠ᠁
ᠸᠢᠺᠤ ᠮᠢᠨᠦ ᠳᠡᠷᠭᠡᠳᠡ ᠰᠠᠭᠤᠬᠤ ᠦᠭᠡᠢ ᠶᠦ᠍ᠮ ᠦᠦ?
ᠪᠢ ᠦᠦ?
ᠴᠢ ᠨᠠᠮᠠ ᠶ᠋ᠢ ᠬᠤᠯᠤᠭᠠᠨᠠ ᠪᠠᠢᠬᠤ ᠳ᠋ᠤ᠌ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠬᠣᠩᠭᠣᠷ ᠢ᠋ ᠪᠣᠯᠭᠠᠵᠤ ᠠᠪᠤᠭᠰᠠᠨ᠂ ᠳᠠᠬᠢᠨ ᠭᠦᠩᠵᠦ ᠪᠣᠯᠤᠭᠰᠠᠨ ᠬᠣᠢᠨᠠ ᠮᠢᠨᠢ ᠬᠠᠶᠠᠵᠤ ᠣᠷᠬᠢᠬᠤ ᠦᠭᠡᠢ ᠭᠡᠳᠡᠭ ᠲᠦ ᠢᠲᠡᠭᠡᠯ ᠲᠡᠢ ᠪᠠᠢᠨᠠ᠃
ᠴᠢ ᠲᠡᠷᠡ ᠬᠤᠯᠤᠭᠠᠨᠠ ᠪᠠᠢᠭᠰᠠᠨ ᠭᠡᠵᠢ ᠦᠦ?
ᠲᠡᠢᠮᠦ ᠠ᠋᠂ ᠪᠢ ᠪᠣᠯ ᠬᠣᠷᠳ ᠰᠠᠨᠠᠭᠠᠲᠠᠨ ᠤ᠋ ᠬᠠᠷᠢᠶᠠᠯ ᠳ᠋ᠤ᠌ ᠥᠷᠲᠥᠭᠰᠡᠨ ᠭᠦᠩᠵᠦ᠂ ᠴᠢ ᠨᠠᠮᠠ ᠶ᠋ᠢ ᠰᠡᠳᠬᠢᠯᠲᠦ ᠪᠦᠰᠡᠭᠦᠢ ᠪᠡᠷ ᠢ᠋ᠶ᠋ᠡᠨ ᠰᠣᠩᠭᠣᠭᠠ ᠦᠭᠡᠢ ᠪᠣᠯ᠂ ᠪᠠᠰᠠ ᠲᠡᠷᠡ ᠬᠥᠮᠦᠨ ᠨᠠᠮᠠ ᠶ᠋ᠢ ᠵᠢᠪᠤᠬᠦᠯᠤᠬᠡ ᠦᠭᠡᠢ ᠪᠣᠯ ᠬᠠᠷᠢᠶᠠᠯ ᠢ᠋ ᠬᠡᠵᠢᠶᠡᠳᠡ ᠬᠠᠷᠢᠭᠤᠯᠵᠤ ᠴᠢᠳᠠᠬᠤ ᠦᠭᠡᠢ ᠪᠠᠢᠯᠠ᠂ ᠣᠳᠣ ᠬᠠᠷᠢᠶᠠᠯ ᠠᠷᠢᠯᠤᠭᠰᠠᠨ᠃ ᠣᠳᠣ ᠬᠣᠶᠠᠭᠤᠯᠠ ᠪᠠᠨ ᠡᠴᠢᠭᠡ ᠲᠡᠢ ᠴᠢᠨᠢ ᠠᠭᠤᠯᠵᠠᠵᠤ ᠬᠤᠷᠢᠮ ᠢ᠋ᠶ᠋ᠠᠨ ᠬᠢᠭᠡᠳ ᠮᠠᠨ ᠤ᠋ ᠡᠵᠡᠨᠲᠦ ᠬᠦᠷᠦᠨ ᠤᠷᠤᠭᠤ ᠶᠠᠪᠤᠶᠠ᠃
ᠲᠡᠳᠡ ᠸᠢᠺᠤ ᠶ᠋ᠢᠨ ᠭᠡᠷ ᠤᠷᠤᠭᠤ ᠶᠠᠪᠤᠯᠠ᠃ ᠸᠢᠺᠤ ᠶ᠋ᠢᠨ ᠡᠴᠢᠭᠡ᠂ ᠬᠣᠶᠠᠷ ᠠᠬᠠ ᠨᠢ ᠭᠦᠩᠵᠦ ᠸᠢᠺᠤ ᠶ᠋ᠢᠨ ᠰᠦᠢᠲᠦ ᠪᠦᠰᠡᠭᠦᠢ ᠪᠣᠯᠤᠭᠰᠠᠨ ᠢ᠋ ᠬᠠᠷᠠᠭᠠᠳ ᠠᠯᠮᠠᠢᠷᠠᠵᠤ ᠣᠷᠬᠢᠵᠠᠢ ᠭᠡᠨᠡ᠃
ᠠᠪᠤ ᠠ᠋᠂ ᠡᠨᠡ ᠪᠣᠯ ᠮᠢᠨᠦ ᠰᠦᠢᠲᠦ ᠪᠦᠰᠡᠭᠦᠢ᠃
ᠴᠢᠨᠦ ᠰᠦᠢᠲᠦ ᠪᠦᠰᠡᠭᠦᠢ ᠦᠨᠡᠬᠡᠷ ᠭᠦᠩᠵᠦ ᠶᠦ᠍ᠮ ᠪᠠᠢᠨᠠ᠂ ᠬᠠᠮᠢᠭᠠ ᠠ᠋ᠴᠠ ᠣᠯᠤᠭᠠ ᠪᠣᠢ?
ᠮᠣᠳᠣᠨ ᠤ᠋ ᠶᠠᠪᠤ ᠭᠡᠰᠡᠨ ᠵᠢᠭᠠᠭᠰᠠᠨ ᠵᠦᠭ ᠤᠷᠤᠭᠤ ᠶᠠᠪᠤᠵᠤ᠂ ᠣᠢ ᠶ᠋ᠢᠨ ᠭᠦᠨ ᠡᠴᠡ ᠣᠯᠤᠭᠰᠠᠨ ᠶᠤᠮ᠃
ᠮᠣᠳᠣᠨ ᠤ᠋ ᠵᠢᠭᠠᠭᠰᠠᠨ ᠵᠦᠭ ᠰᠦᠢᠲᠦ ᠪᠦᠰᠡᠭᠦᠢ ᠣᠯᠬᠤ ᠳ᠋ᠤ᠌ ᠶᠠᠭ ᠲᠣᠬᠢᠷᠠᠭᠰᠠᠨ ᠠᠷᠭᠠ ᠭᠡᠵᠦ ᠮᠡᠳᠡᠭᠡᠳ ᠪᠠᠢᠭᠰᠠᠨ ᠶᠤᠮ ᠠ᠋᠃
ᠬᠡᠷᠪᠡ ᠪᠢᠳᠡᠨ ᠦ᠌ ᠮᠣᠳᠣ ᠣᠢ ᠤᠷᠤᠭᠤ ᠵᠢᠭᠠᠭᠰᠠᠨ ᠪᠣᠯ
ᠪᠢᠳᠡ ᠴᠦ᠍ ᠪᠠᠰᠠ ᠭᠦᠩᠵᠦ ᠶ᠋ᠢ ᠣᠯᠬᠤ ᠪᠠᠢᠭᠰᠠᠨ ᠶᠤᠮ᠃
ᠭᠡᠪᠡᠴᠦ ᠲᠡᠳᠡ ᠡᠨᠳᠡᠭᠦᠷᠡᠵᠡᠢ᠃ ᠸᠢᠺᠤ ᠪᠢᠴᠢᠬᠠᠨ ᠬᠤᠯᠤᠭᠠᠨᠠ ᠳ᠋ᠤ᠌ ᠬᠦᠷᠲᠡᠯᠡ ᠰᠠᠢᠬᠠᠨ ᠬᠠᠨᠳᠤᠭᠰᠠᠨ ᠤᠴᠢᠷ ᠭᠦᠩᠵᠦ ᠶ᠋ᠢ ᠥᠪᠡᠷ ᠦ᠋ᠨ ᠪᠣᠯᠭᠠᠭᠰᠠᠨ ᠶᠤᠮ᠃ ᠸᠢᠺᠤ ᠶ᠋ᠢᠨ ᠡᠴᠢᠭᠡ ᠲᠡᠳᠡᠨ ᠢ᠋ ᠠᠳᠢᠰᠯᠠᠵᠤ ᠲᠡᠳᠡ ᠬᠤᠷᠢᠮ ᠢ᠋ᠶ᠋ᠠᠨ ᠬᠢᠯᠡ᠃ ᠲᠡᠳᠡ ᠨᠢᠭᠡ ᠨᠢ ᠨᠢᠭᠡᠨ ᠳ᠋ᠦ᠍ ᠪᠡᠨ ᠡᠶᠡᠯᠳᠡᠭ ᠦᠨᠡᠨᠴᠢ ᠤᠴᠢᠷ ᠵᠢᠷᠭᠠᠯᠲᠠᠢ ᠪᠠᠢᠪᠠ᠂ ᠲᠡᠳᠡ ᠨᠢᠭᠡ ᠨᠢᠭᠡᠨ ᠳ᠋ᠦ᠍ ᠪᠡᠨ ᠮᠠᠰᠢ ᠶᠡᠬᠡ ᠬᠠᠢᠷᠠᠲᠠᠢ ᠪᠠᠢᠭᠰᠠᠨ ᠶᠤᠮ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠨᠲᠠᠨᠠ
ᠦᠰᠦᠭ ᠬᠠᠲᠠᠭᠴᠢ᠄ ᠲᠣᠳᠣᠭᠡᠷᠡᠯ
ᠦᠰᠦᠭ ᠬᠢᠨᠠᠭᠴᠢ᠄ ᠤᠷᠠᠨᠲᠠᠨᠡ᠂ ᠢᠷᠡᠭᠡᠳᠤᠢ᠂ ᠣᠳᠬᠠᠨᠰᠣᠠ