ᠪᠦᠪᠡᠢ ᠶ᠋ᠢᠨ ᠳᠠᠭᠤᠤ ᠶ᠋ᠢᠨ ᠳᠣᠮᠣᠭБүүвэйн дуугийн домог
1429ᠪᠦᠪᠡᠢ ᠶ᠋ᠢᠨ ᠳᠠᠭᠤᠤ ᠶ᠋ᠢᠨ ᠳᠣᠮᠣᠭ
ᠪᠦᠪᠡᠢ ᠶ᠋ᠢᠨ ᠳᠠᠭᠤᠤ ᠶ᠋ᠢᠨ ᠨᠢᠭᠡᠨ ᠳᠣᠮᠣᠭ ᠢ᠋ ᠶᠠᠷᠢᠵᠤ ᠥᠭᠭᠦᠶᠡ᠂ ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ ᠬᠠᠷᠠᠭᠠᠲᠠᠢ ᠬᠠᠭᠠᠨ ᠭᠡᠵᠦ ᠪᠠᠢᠵᠠᠢ᠂ ᠬᠠᠭᠠᠨ ᠤ᠋ ᠬᠦᠦ ᠶ᠋ᠢ ᠬᠠᠷᠢᠭᠤᠳᠬᠠᠨ ᠲᠠᠢᠵᠢ᠂ ᠬᠠᠷᠢᠭᠤᠳᠬᠠᠨ ᠲᠠᠢᠵᠢ ᠶ᠋ᠢᠨ ᠳᠡᠭᠦᠦ ᠶ᠋ᠢ ᠪᠤᠳᠤᠭᠱᠠᠭᠡ ᠭᠡᠳᠡᠭ ᠭᠡᠨᠡ᠃
ᠬᠠᠷᠠᠭᠠᠲᠠᠢ ᠬᠠᠭᠠᠨ ᠳᠠᠢᠳᠤᠬᠤ ᠳ᠋ᠠᠭᠠᠨ ᠡᠳ᠋ ᠠᠭᠤᠷᠠᠰᠤ ᠪᠠᠢᠲᠤᠭᠠᠢ ᠡᠬᠡᠨᠡᠷ ᠬᠡᠦᠬᠡᠳ ᠢ᠋ᠶ᠋ᠡᠨ ᠴᠦ᠍ ᠡᠰᠡ ᠬᠠᠢᠬᠤᠷᠳᠠᠭ ᠤᠴᠢᠷ ᠬᠦᠦ ᠥᠬᠢᠨ ᠬᠣᠶᠠᠷ ᠢ᠋ᠶ᠋ᠠᠨ ᠨᠢᠯᠬᠠ ᠳ᠋ᠤ᠌ ᠨᠢ ᠲᠡᠢᠨ ᠦ᠌ ᠲᠠᠯᠠᠪᠤᠷ ᠲᠤ ᠣᠷᠬᠢᠵᠠᠢ᠃ ᠪᠤᠳᠤᠭᠱᠠᠭᠡ ᠠᠬᠠ ᠲᠠᠢ ᠪᠠᠨ ᠬᠠᠮᠲᠤ ᠲᠠᠨᠢᠬᠤ ᠦᠭᠡᠢ ᠣᠷᠣᠨ ᠨᠤᠲᠤᠭ ᠲᠤ ᠠᠮᠢᠳᠤᠷᠠᠬᠤ ᠪᠣᠯᠵᠠᠢ᠃ᠪᠤᠳᠤᠭᠱᠠᠭᠡ ᠠᠬᠠ ᠳ᠋ᠠᠭᠠᠨ ᠲᠡᠭᠷᠢ ᠶ᠋ᠢᠨ ᠣᠳᠬᠣᠨ ᠳᠠᠭᠢᠨᠢ ᠶ᠋ᠢ ᠭᠡᠷᠭᠡᠢ ᠪᠣᠯᠭᠠᠨ ᠠᠪᠴᠤ ᠥᠭᠬᠦ ᠶᠤᠮᠰᠠᠨ ᠭᠡᠵᠦ ᠶᠡᠬᠡ ᠬᠦᠰᠡᠳᠡᠭ ᠪᠠᠢᠵᠤ ᠭᠡᠨᠡ᠂ᠢᠩᠭᠢᠭᠡᠳ ᠶᠠᠷᠢᠵᠤ ᠢᠳᠬᠠᠭᠰᠠᠭᠠᠷ ᠲᠩᠷᠢ ᠶ᠋ᠢᠨ ᠣᠳᠬᠣᠨ ᠳᠠᠭᠢᠨᠢ ᠶ᠋ᠢ ᠠᠬᠠ ᠲᠠᠢ ᠪᠠᠨ ᠰᠠᠭᠤᠯᠭᠠᠵᠤ ᠭᠡᠨᠡ᠃ ᠠᠬᠠ ᠨᠢ ᠳᠡᠭᠦᠦ ᠳ᠋ᠦ᠍ ᠪᠡᠨ ᠣᠭᠣᠰᠣᠷ ᠪᠦᠴᠡ ᠦᠭᠡᠢ ᠤᠷᠲᠤ ᠴᠠᠭᠠᠨ ᠥᠷᠭᠥᠭᠡ ᠪᠠᠢᠭᠤᠯᠵᠤ ᠥᠭᠴᠡᠢ᠃
ᠠᠬᠠ ᠨᠢ ᠬᠣᠨᠣᠭᠤᠲᠠ ᠥᠨᠵᠢᠭᠦᠲᠡ ᠠᠩ ᠬᠥᠷᠥᠭᠡᠨ ᠳ᠋ᠦ᠍ ᠶᠠᠪᠤᠳᠠᠭ ᠭᠡᠨᠡ᠂ᠠᠬᠠ ᠶ᠋ᠢᠨ ᠵᠡᠭᠡᠷᠡ ᠭᠥᠷᠥᠭᠡᠰᠦ ᠶᠡᠬᠡ ᠠᠩᠨᠠᠳᠠᠭ ᠤᠴᠢᠷ ᠨᠤᠲᠤᠭ ᠤ᠋ᠨ ᠬᠢᠨ ᠵᠡᠭᠡᠷᠡᠨᠳᠠᠢ ᠮᠡᠷᠭᠡᠨ ᠵᠡᠭᠡᠷᠡᠨᠰᠣᠭᠰᠣᠭᠤ ᠭᠡᠵᠦ ᠨᠡᠷᠡ ᠥᠭᠴᠡᠢ᠃ ᠠᠬᠠ ᠶ᠋ᠢ ᠪᠡᠨ ᠠᠩ ᠬᠦᠷᠦᠭᠡ ᠬᠢᠭᠡᠳ ᠢᠷᠡᠬᠦ ᠪᠦᠷᠢ ᠳ᠋ᠦ᠍ ᠳᠡᠭᠦᠦ ᠨᠢ ᠤᠭᠲᠤᠵᠤ ᠣᠴᠢᠵᠤ ᠵᠠᠪᠠᠯ ᠦᠨᠦᠰᠦᠭᠦᠯᠳᠡᠭ ᠪᠠᠢᠵᠤ ᠭᠡᠨᠡ᠃ ᠠᠬᠠ ᠪᠠᠨ ᠠᠩ ᠬᠥᠷᠥᠭᠡᠨ ᠳ᠋ᠦ᠍ ᠶᠠᠪᠤᠭᠰᠠᠨ ᠤ᠋ ᠳᠠᠷᠠᠭᠠ ᠪᠤᠳᠤᠭᠱᠠᠭᠡ ᠭᠡᠷ ᠲᠡᠭᠡᠨ ᠲᠣᠷᠭᠠ ᠳᠤᠷᠳᠤᠩ ᠳᠡᠯᠭᠡᠵᠦ᠂ ᠴᠡᠴᠡᠭ ᠨᠠᠪᠴᠢ ᠤᠷᠠᠯᠠᠨ ᠬᠠᠳᠬᠤᠵᠤ ᠡᠳᠦᠷ ᠡᠳᠦᠷ ᠢ᠋ᠶ᠋ᠡᠷ ᠲᠣᠭᠯᠠᠳᠠᠭ ᠪᠠᠢᠵᠤ ᠭᠡᠨᠡ᠃ᠲᠡᠭᠷᠢ ᠶ᠋ᠢᠨ ᠣᠳᠬᠣᠨ ᠳᠠᠭᠢᠨᠢ ᠴᠤ᠌ ᠪᠤᠳᠤᠭᠱᠠᠭᠡ ᠳᠡᠭᠦᠦ ᠲᠡᠢ ᠪᠡᠨ ᠠᠯᠲᠠ ᠮᠥᠩᠭᠥᠨ ᠱᠠᠭᠠ ᠪᠠᠷ ᠨᠠᠭᠠᠳᠳᠠᠭ ᠪᠠᠢᠵᠠᠢ᠂ ᠨᠢᠭᠡ ᠡᠳᠦᠷ ᠪᠤᠳᠤᠭᠱᠠᠭᠡ ᠠᠯᠲᠠᠨ ᠱᠠᠭᠠ ᠠᠮᠠᠨ ᠳ᠋ᠠᠭᠠᠨ ᠨᠢᠭᠤᠵᠤ ᠲᠣᠭᠯᠠᠵᠤ ᠪᠠᠢᠲᠠᠯᠠ ᠱᠠᠭᠠ ᠨᠢ ᠬᠣᠭᠣᠯᠠᠢ ᠳ᠋ᠤᠨᠢ ᠲᠡᠭᠡᠭᠯᠡᠵᠦ ᠣᠷᠬᠢᠵᠠᠢ᠂ ᠨᠥᠬᠥᠷ ᠦ᠋ᠨ ᠢ᠋ᠶ᠋ᠡᠨ ᠭᠠᠭᠴᠠ ᠬᠠᠢᠷᠠᠲᠠᠢ ᠳᠡᠭᠦᠦ ᠶ᠋ᠢ ᠠᠯᠠᠴᠢᠬᠠᠯᠠ ᠭᠡᠵᠦ ᠠᠶᠤᠨ ᠰᠠᠨᠳᠤᠷᠤᠭᠰᠠᠨ ᠳᠠᠭᠢᠨᠢ ᠪᠤᠳᠤᠭᠱᠠᠭᠡ ᠶ᠋ᠢ ᠣᠷᠣᠨ ᠤ᠋ ᠤᠷᠲᠤ ᠲᠣᠷᠭᠠ ᠳᠡᠯᠭᠡᠨ ᠨᠠᠪᠴᠢ ᠴᠡᠴᠡᠭ ᠤᠷᠠᠯᠠᠵᠤ ᠪᠠᠢᠭᠠ ᠶᠤᠮ ᠰᠢᠭ᠋ ᠣᠷᠣ ᠲᠦᠰᠢᠭᠦᠯᠦᠭᠡᠳ ᠰᠠᠭᠤᠯᠭᠠᠭᠠᠳ ᠣᠷᠬᠢᠵᠠᠢ ᠭᠡᠨᠡ᠃
ᠲᠠᠢᠵᠢ ᠶ᠋ᠢ ᠠᠩ ᠠ᠋ᠴᠠ ᠢᠷᠡᠬᠦ ᠳ᠋ᠦ᠍ ᠳᠡᠭᠦᠦ ᠨᠢ ᠲᠣᠰᠴᠤ ᠢᠷᠡᠭᠡ ᠦᠭᠡᠢ ᠳ᠋ᠦ᠍ ᠲᠡᠷᠡ ᠶᠡᠬᠡᠳᠡ ᠭᠠᠢᠬᠠᠵᠤ ᠴᠠᠢ ᠪᠠᠨ ᠴᠦ᠍ ᠤᠤᠭᠤᠯ ᠦᠭᠡᠢ ᠳᠡᠭᠦᠦ ᠶ᠋ᠢᠨ ᠢ᠋ᠶ᠋ᠡᠨ ᠭᠡᠷ ᠲᠦ᠍ ᠣᠷᠣᠪᠠᠯ ᠳᠡᠭᠦᠦ ᠨᠢ ᠤᠬᠠᠭᠠᠨ ᠦᠭᠡᠢ ᠪᠣᠯᠤᠭᠰᠠᠨ ᠪᠠᠢᠪᠠ᠃ ᠬᠠᠷᠢᠭᠤᠳᠬᠠᠨ ᠲᠠᠢᠵᠢ ᠳᠡᠭᠦᠦ ᠪᠡᠨ ᠠᠯᠳᠠᠭᠰᠠᠨ ᠳ᠋ᠠᠭᠠᠨ ᠶᠡᠬᠡᠳᠡ ᠭᠠᠰᠢᠭᠤᠳᠠᠵᠤ᠂ ᠲᠡᠭᠦᠨ ᠢ᠋ ᠠᠯᠲᠠᠨ ᠠᠪᠳᠠᠷᠠ ᠳ᠋ᠤ᠌ ᠬᠢᠭᠡᠳ ᠭᠣᠣᠯ ᠤ᠋ᠨ ᠤᠰᠤᠨ ᠳ᠋ᠤ᠌ ᠤᠷᠤᠰᠬᠠᠵᠠᠢ᠃ᠲᠡᠭᠦᠨ ᠢ᠋ ᠲᠡᠷᠡ ᠭᠣᠣᠯ ᠤ᠋ᠨ ᠠᠳᠠᠭ ᠲᠤ ᠨᠣᠮ ᠪᠢᠰᠢᠯᠭᠠᠵᠤ ᠰᠠᠭᠤᠭᠰᠠᠨ ᠬᠣᠶᠠᠷ ᠯᠠᠮᠠ ᠣᠯᠵᠤ ᠠᠪᠤᠭᠠᠳ ᠵᠠᠳᠠᠯᠪᠠᠯ ᠳᠣᠲᠣᠷᠠ ᠠ᠋ᠴᠠ ᠨᠢ ᠨᠢᠭᠡᠨ ᠭᠣᠶᠣ ᠬᠡᠦᠬᠡᠨ ᠭᠠᠷᠴᠤ ᠢᠷᠡᠵᠦ ᠭᠡᠨᠡ᠃ᠲᠡᠷᠡ ᠬᠣᠶᠠᠷ ᠯᠠᠮᠠ ᠥᠬᠢᠨ ᠢ᠋ ᠦᠬᠦᠭᠡ ᠦᠭᠡᠢ ᠶ᠋ᠢ ᠨᠢ ᠰᠤᠳᠠᠰᠤ ᠶ᠋ᠢ ᠨᠢ ᠪᠠᠷᠢᠭᠠᠳ ᠮᠡᠳᠡᠵᠦ ᠠᠯᠲᠠᠨ ᠱᠠᠭᠠ ᠶ᠋ᠢ ᠬᠣᠭᠣᠯᠠᠢ ᠠ᠋ᠴᠠ ᠨᠢ ᠭᠠᠷᠭᠠᠬᠤ ᠳ᠋ᠤ᠌ ᠥᠬᠢᠨ ᠠᠮᠢ ᠣᠷᠣᠵᠤ᠂ᠢᠩᠭᠢᠭᠡᠳ ᠥᠬᠢᠨ ᠢ᠋ ᠣᠢᠷᠠᠯᠴᠠᠭᠠ ᠪᠠᠢᠭᠠ ᠨᠢᠭᠡᠨ ᠠᠢᠯ ᠳ᠋ᠤ᠌ ᠠᠪᠠᠴᠢᠭᠠᠳ ᠥᠭᠴᠡᠢ ᠭᠡᠨᠡ᠃
ᠪᠤᠳᠤᠭᠱᠠᠭᠡ ᠲᠣᠮᠣ ᠪᠣᠯᠤᠭᠠᠳ ᠪᠤᠭᠤᠷᠤᠯ ᠮᠡᠷᠭᠡᠨ ᠭᠡᠭᠴᠢ ᠰᠠᠢᠬᠠᠨ ᠵᠠᠯᠠᠭᠤ ᠲᠠᠢ ᠲᠠᠨᠢᠯᠴᠠᠵᠤ᠂ᠨᠢᠭᠡᠨ ᠰᠠᠢᠬᠠᠨ ᠬᠦᠦ ᠶ᠋ᠢ ᠲᠥᠷᠥᠭᠦᠯᠵᠡᠢ᠃ ᠲᠡᠷᠡ ᠬᠦᠦ ᠶ᠋ᠢ ᠠᠰᠠᠷᠠᠭᠴᠢ ᠠᠪᠠᠭᠠᠢ ᠭᠡᠷ ᠦ᠋ᠨ ᠭᠠᠳᠠᠭᠠ ᠲᠡᠪᠡᠷᠢᠵᠦ ᠰᠠᠭᠤᠭᠠᠳ᠄ ᠬᠠᠷᠠᠭᠠᠲᠠᠢ ᠬᠠᠭᠠᠨ ᠤ᠋ ᠠᠴᠢᠯᠠᠢ ᠪᠦᠪᠡᠢ ᠬᠠᠷᠢᠭᠤᠳᠬᠠᠨ ᠲᠠᠢᠵᠢ ᠶ᠋ᠢᠨ ᠳᠡᠭᠦᠦᠯᠠᠢ ᠪᠦᠪᠡᠢ᠂ ᠵᠡᠭᠡᠷᠡᠯᠲᠠᠢ ᠮᠡᠷᠭᠡᠨ ᠦ᠌ ᠵᠢᠭᠡᠯᠠᠢ ᠪᠦᠪᠡᠢ᠂ ᠵᠡᠭᠡᠷᠡᠨᠰᠣᠭᠰᠣᠭᠤ ᠶ᠋ᠢᠨ ᠳᠡᠭᠦᠦᠯᠠᠢ ᠪᠦᠪᠡᠢ᠂ ᠪᠤᠭᠤᠷᠤᠯ ᠮᠡᠷᠭᠡᠨ ᠦ᠌ ᠬᠦᠦᠯᠠᠢ ᠪᠦᠪᠡᠢ᠂ᠪᠤᠳᠤᠭᠱᠠᠭᠡ ᠶ᠋ᠢᠨ ᠬᠦᠦᠯᠠᠢ ᠪᠦᠪᠡᠢ ᠭᠡᠳ ᠳᠠᠭᠤᠯᠠᠨ ᠰᠠᠭᠠᠲᠠᠭᠤᠯᠵᠤ ᠪᠠᠢᠵᠠᠢ ᠭᠡᠨᠡ᠃ ᠡᠨᠡ ᠦᠶᠡ ᠳ᠋ᠦ᠍ ᠬᠠᠷᠢᠭᠤᠳᠬᠠᠨ ᠲᠠᠢᠵᠢ ᠲᠡᠷᠡ ᠠᠢᠯ ᠤ᠋ᠨ ᠭᠠᠳᠠᠭᠤᠷ ᠥᠩᠭᠡᠷᠡᠵᠦ ᠶᠠᠪᠤᠭᠠᠳ ᠲᠡᠷᠡ ᠳᠠᠭᠤᠤ ᠶ᠋ᠢ ᠰᠣᠨᠣᠰᠴᠤ᠂ ᠬᠥᠰᠢ᠂ ᠮᠢᠨᠦ ᠡᠪᠦᠭᠡ ᠡᠴᠢᠭᠡ ᠠᠬᠠ ᠳᠡᠭᠦᠦ ᠶ᠋ᠢᠨ ᠨᠡᠷᠡ ᠶ᠋ᠢ ᠳᠠᠭᠤᠳᠠᠵᠤ ᠪᠦᠪᠡᠢᠯᠡᠳᠡᠭ ᠶᠠᠮᠠᠷ ᠤᠴᠢᠷ ᠲᠠᠢ ᠶᠤᠮ ᠪᠣᠢ ᠭᠡᠵᠦ ᠪᠣᠳᠣᠭᠠᠳ ᠮᠣᠷᠢᠨ ᠤ᠋ ᠪᠠᠨ ᠠᠮᠠ ᠶ᠋ᠢ ᠲᠠᠲᠠᠵᠤ ᠴᠢᠩᠨᠠᠵᠠᠢ᠃ ᠤᠤᠯ ᠨᠢ ᠪᠤᠳᠤᠭᠱᠠᠭᠡ ᠥᠪᠡᠷ ᠲᠦ᠍ ᠲᠣᠬᠢᠶᠠᠯᠳᠤᠭᠰᠠᠨ ᠶᠠᠪᠤᠳᠠᠯ ᠢ᠋ᠶ᠋ᠠᠨ ᠠᠰᠠᠷᠠᠭᠴᠢ ᠠᠪᠠᠭᠠᠢ ᠳ᠋ᠤ᠌ ᠬᠡᠯᠡᠭᠰᠡᠨ ᠪᠠᠢᠵᠠᠢ᠂ᠠᠰᠠᠷᠠᠭᠴᠢ ᠠᠪᠠᠭᠠᠢ ᠥᠬᠢᠨ ᠦ᠌ ᠬᠦᠦ ᠶ᠋ᠢ ᠪᠦᠪᠡᠢᠯᠡᠬᠦ ᠳ᠋ᠦ᠍ ᠪᠡᠨ ᠲᠡᠭᠦᠨ ᠦ᠌ ᠤᠳᠤᠮ ᠰᠤᠳᠤᠷ ᠢ᠋ ᠪᠦᠪᠡᠢ ᠶ᠋ᠢᠨ ᠳᠠᠭᠤᠨ ᠤ᠋ ᠦᠭᠡᠨ ᠳ᠋ᠦ᠍ ᠵᠣᠷᠢᠭᠤᠳᠠ ᠣᠷᠣᠭᠤᠯᠵᠤ ᠳᠠᠭᠤᠯᠠᠳᠠᠭ ᠪᠠᠢᠵᠠᠢ᠃ ᠡᠢᠨ ᠬᠦ᠌ ᠪᠦᠪᠡᠢ ᠶ᠋ᠢᠨ ᠳᠠᠭᠤᠨ ᠤ᠋ ᠦᠭᠡ ᠠᠶᠠ ᠪᠠᠷ ᠲᠥᠭᠡᠷᠢᠯᠳᠦᠭᠰᠡᠨ ᠠᠬᠠ ᠳᠡᠭᠦᠦ ᠪᠡᠶᠡ ᠪᠡᠶᠡ ᠪᠡᠨ ᠣᠯᠵᠤ ᠠᠭᠤᠯᠵᠠᠭᠰᠠᠨ ᠭᠡᠰᠡᠨ ᠰᠠᠢᠬᠠᠨ ᠳᠣᠮᠣᠭ ᠪᠠᠢᠳᠠᠭ ᠶᠤᠮ ᠠ᠋᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠲ· ᠲᠦᠮᠡᠨᠴᠡᠴᠡᠭ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠸᠠ