ᠰᠡᠭᠦᠯᠴᠢ ᠶᠢᠨ ᠨᠠᠪᠴᠢСүүлчийн навч_Last Leaf
491ᠰᠡᠭᠦᠯᠴᠢ ᠶᠢᠨ ᠨᠠᠪᠴᠢ
《 ᠰᠢᠳᠢᠲᠦ ᠦᠯᠢᠭᠡᠷ》
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ ᠹᠡᠤᠷᠸᠨ᠋ᠰ ᠬᠣᠲᠠ ᠳ᠋ᠤ᠌ ᠨᠢᠭᠡᠨ ᠠᠶᠤᠯ ᠨᠢᠭᠤᠷᠯᠠᠵᠠᠢ ᠃ ᠤᠷᠠᠯᠢᠭ ᠤ᠋ᠨ ᠭᠤᠳᠤᠮᠵᠢᠨ ᠳ᠋ᠤ᠌ ᠤᠷᠠᠯᠢᠭ ᠲᠤ ᠢᠲᠡᠭᠡᠬᠦ ᠢᠲᠡᠭᠡᠯ ᠠᠯᠠᠭᠠ ᠪᠣᠯᠤᠭᠰᠠᠭᠠᠷ ᠪᠠᠢᠯᠠ᠃ ᠨᠢᠭᠡᠨ ᠦᠶᠡ ᠡᠨᠡ ᠭᠤᠳᠤᠮᠵᠢ ᠶ᠋ᠢ ᠦᠵᠡᠰᠬᠦᠯᠡᠩ ᠲᠡᠢ ᠰᠠᠢᠬᠠᠨ ᠭᠠᠵᠠᠷ ᠪᠣᠯᠭᠠᠵᠤ ᠪᠠᠢᠭᠰᠠᠨ ᠵᠢᠷᠤᠭᠠᠴᠢ ᠤᠷᠠᠴᠤᠤᠯ ᠦᠵᠡᠰᠬᠦᠯᠡᠩᠲᠦ ᠤᠷᠠᠯᠢᠭ ᠠ᠋ᠴᠠ ᠪᠠᠨ ᠨᠢᠭᠤᠷ ᠪᠤᠷᠤᠭᠤᠯᠠᠬᠤ ᠪᠣᠯᠤᠭᠰᠠᠨ ᠰᠢᠯᠲᠠᠭᠠᠨ ᠨᠢ ᠶᠡᠷᠦ ᠳ᠋ᠦ᠍ ᠪᠠᠨ ᠯᠠ ᠶᠠᠳᠠᠭᠤᠷᠠᠯ᠂ ᠪᠦᠭᠦᠳᠡ ᠤᠷᠠᠯᠢᠭ ᠲᠤ ᠬᠠᠢᠷᠠᠲᠠᠢ ᠪᠣᠯᠪᠠᠴᠤ ᠵᠢᠷᠤᠭᠠᠴᠢ ᠤᠷᠠᠴᠤᠳ ᠲᠤ ᠮᠠᠰᠢ ᠪᠠᠭᠠ ᠬᠥᠯᠥᠰᠥ ᠲᠥᠯᠥᠳᠡᠭ ᠪᠠᠢᠯᠠ᠂ ᠢᠩᠭᠢᠭᠡᠳ ᠤᠷᠠᠯᠢᠭ ᠤ᠋ᠨ ᠭᠤᠳᠤᠮᠵᠢ ᠦᠵᠡᠰᠬᠦᠯᠡᠩᠲᠦ ᠰᠠᠢᠬᠠᠨ ᠲᠥᠷᠬᠦ ᠪᠡᠨ ᠠᠯᠳᠠᠵᠤ᠂ ᠡᠵᠢ ᠠᠪᠤ ᠨᠠᠷ ᠬᠡᠦᠬᠡᠳ ᠢ᠋ᠶ᠋ᠡᠨ ᠵᠢᠷᠤᠭ ᠠ᠋ᠴᠠ ᠬᠣᠯᠠᠳᠠᠭᠤᠯᠵᠤ ᠪᠠᠢᠯᠠ᠃ ᠵᠢᠷᠤᠭᠠᠴᠢ ᠨᠠᠷ ᠠᠮᠢᠳᠤᠷᠠᠵᠤ ᠠᠮᠢ ᠵᠢᠭᠤᠬᠤ ᠶ᠋ᠢᠨ ᠲᠤᠯᠠᠳᠠ ᠬᠦᠷᠰᠢ ᠨᠦ᠍ᠭᠦᠳ ᠲᠤ ᠪᠠᠨ ᠠᠵᠢᠯ ᠬᠢᠵᠦ ᠥᠭᠳᠡᠭ ᠪᠣᠯᠤᠭᠰᠠᠨ᠂ ᠡᠢᠮᠦ ᠬᠦᠨᠳᠦ ᠬᠡᠴᠡᠭᠦᠦ ᠦᠶᠡ ᠳ᠋ᠦ᠍᠂ ᠵᠠᠷᠢᠮ ᠴᠥᠭᠡᠨ ᠬᠡᠳᠦᠨ ᠵᠢᠷᠤᠭᠠᠴᠢ ᠵᠣᠷᠢᠭ ᠭᠠᠷᠭᠠᠨ ᠬᠠᠢᠷᠠᠲᠠᠢ ᠤᠷᠠᠯᠢᠭ ᠢ᠋ᠶ᠋ᠠᠨ ᠦᠷᠭᠦᠯᠵᠢᠯᠡᠭᠦᠯᠬᠦ ᠪᠡᠷ ᠰᠢᠢᠳᠴᠡᠢ᠃ ᠡᠳᠡᠭᠡᠷ ᠵᠣᠷᠢᠭᠲᠠᠢ ᠵᠢᠷᠤᠭᠠᠴᠢᠳ ᠢ᠋ ᠰᠢᠦ᠋ ᠂ ᠵᠣᠣᠨ᠋ᠰᠢ ᠭᠡᠳᠡᠭ ᠪᠠᠢᠯᠠ ᠂ ᠰᠢᠦ᠋᠂ ᠵᠣᠣᠨ᠋ᠰᠢ ᠬᠣᠶᠠᠷ ᠴᠢᠳᠠᠪᠤᠷᠢᠯᠢᠭ ᠵᠢᠷᠤᠭᠠᠴᠢ ᠪᠠᠢᠭᠰᠠᠨ ᠲᠡᠳᠦᠢ ᠦᠭᠡᠢ ᠰᠠᠢᠨ ᠨᠠᠢᠵᠠ ᠨᠤᠭᠤᠳ ᠪᠠᠢᠯᠠ᠃ ᠲᠡᠷᠡ ᠬᠣᠶᠠᠷ ᠥᠪᠡᠷᠰᠡᠳ ᠦ᠋ᠨ ᠵᠢᠷᠤᠭᠰᠠᠨ ᠵᠢᠷᠤᠭ ᠢ᠋ᠶ᠋ᠠᠨ ᠰᠡᠳᠬᠦᠯ ᠦ᠋ᠨ ᠭᠠᠵᠠᠷ ᠲᠤ ᠵᠠᠷᠤᠳᠠᠭ ᠪᠣᠯᠪᠠ᠂ ᠶᠡᠬᠡ ᠮᠥᠩᠭᠥ ᠣᠯᠳᠠᠭ ᠦᠭᠡᠢ ᠪᠠᠢᠭᠰᠠᠨ ᠪᠣᠯᠪᠠᠴᠤ ᠲᠡᠷᠡ ᠬᠣᠶᠠᠷ ᠥᠪᠡᠷᠰᠡᠳ ᠦ᠋ᠨ ᠬᠠᠢᠷᠠᠲᠠᠢ ᠵᠦᠢᠯ ᠢ᠋ ᠬᠢᠵᠦ ᠪᠠᠢᠭᠠ ᠳ᠋ᠤ᠌ ᠪᠠᠨ ᠪᠠᠶᠠᠷᠲᠠᠢ ᠪᠠᠢᠯᠠ᠃
ᠲᠡᠷᠡ ᠬᠣᠶᠠᠷ ᠤ᠋ᠨ ᠰᠢᠦ᠋ ᠨᠢ ᠢᠯᠡᠭᠦᠦ ᠪᠣᠳᠠᠲᠤ ᠵᠦᠢᠯ ᠳ᠋ᠦ᠍ ᠢᠲᠡᠭᠡᠵᠦ ᠦᠨᠡᠮᠰᠢᠳᠡᠭ ᠡᠮᠡᠭᠲᠡᠢ ᠪᠠᠢᠭᠰᠠᠨ᠂ ᠪᠤᠰᠤᠳ ᠠ᠋ᠴᠠ ᠢᠯᠡᠭᠦᠦ ᠬᠢᠴᠢᠶᠡᠩᠭᠦᠢ ᠠᠵᠢᠯᠯᠠᠵᠤ ᠪᠡᠷᠬᠡᠰᠢᠶᠡᠯ ᠢ᠋ ᠢᠨᠢᠶᠡᠮᠰᠦᠭᠯᠡᠨ ᠤᠭᠲᠤᠳᠠᠭ ᠪᠠᠢᠯᠠ᠃ ᠬᠠᠷᠢᠨ ᠵᠣᠣᠨ᠋ᠰᠢ ᠨᠢ ᠢᠷᠡᠭᠡᠳᠦᠢ ᠳ᠋ᠦ᠍ ᠪᠡᠨ ᠦᠷᠭᠦᠯᠵᠢ ᠰᠠᠨᠠᠭᠠ ᠵᠣᠪᠠᠳᠠᠭ ᠪᠠᠢᠯᠠ᠂ ᠰᠢᠦ᠋᠂ ᠵᠣᠣᠨ᠋ᠰᠢ ᠬᠣᠶᠠᠷ ᠤ᠋ᠨ ᠬᠥᠷᠰᠢ ᠶ᠋ᠢ《 ᠪᠸᡁᠷᠮᠠᠨ》 ᠭᠡᠳᠡᠭ ᠪᠠᠢᠯᠠ᠃ ᠪᠸᡁᠷᠮᠠᠨ ᠬᠡᠳᠦᠢ ᠥᠨᠳᠥᠷ ᠨᠠᠰᠤᠲᠠᠢ ᠬᠥᠮᠦᠨ ᠴᠦ᠍ ᠭᠡᠯᠡ ᠡᠷᠴᠢ ᠬᠦᠴᠦᠲᠡᠢ ᠨᠢᠭᠡᠨ ᠪᠠᠢᠯᠠ᠂ ᠲᠡᠷᠡ ᠬᠠᠷᠠᠭᠰᠠᠨ ᠪᠣᠯᠭᠠᠨ ᠳᠡᠭᠡᠷᠡ ᠪᠡᠨ ᠵᠢᠷᠤᠭ ᠵᠢᠷᠤᠳᠠᠭ ᠪᠠᠢᠪᠠ᠃ ᠭᠤᠳᠤᠮᠵᠢᠨ ᠳ᠋ᠤ᠌ ᠪᠠᠢᠬᠤ ᠰᠠᠨᠳᠠᠯᠢ ᠳᠡᠭᠡᠷᠡ ᠂ ᠪᠠᠢᠰᠢᠩ ᠤ᠋ᠨ ᠱᠠᠲᠤᠨ ᠳᠡᠭᠡᠷᠡ ᠪᠦᠷ ᠮᠣᠳᠣᠨ ᠳᠡᠭᠡᠷᠡ ᠴᠦ᠍ ᠭᠡᠰᠡᠨ ᠪᠸᡁᠷᠮᠠᠨ ᠤᠷᠠᠯᠢᠭ ᠤ᠋ᠨ ᠭᠤᠳᠤᠮᠵᠢ ᠪᠠᠨ ᠥᠩᠭᠡᠯᠢᠭ ᠬᠡᠪ ᠢ᠋ᠶ᠋ᠡᠷ ᠬᠠᠳᠠᠭᠠᠯᠠᠬᠤ ᠶ᠋ᠢ ᠬᠦᠰᠡᠳᠡᠭ ᠬᠥᠮᠦᠰ ᠦ᠋ᠨ ᠨᠢᠭᠡ ᠪᠠᠢᠯᠠ ᠂ ᠠᠳᠠᠯᠢᠬᠠᠨ ᠵᠢᠷᠤᠭᠠᠴᠢ ᠶ᠋ᠢᠨ ᠬᠤᠪᠢ ᠳ᠋ᠤ᠌ ᠲᠡᠷᠡ ᠰᠢᠦ᠋ ᠳ᠋ᠦ᠍ ᠵᠢᠷᠤᠭ ᠢ᠋ᠶ᠋ᠠᠨ ᠵᠢᠷᠤᠬᠤ ᠳ᠋ᠤ᠌ ᠨᠢ ᠦᠷᠭᠦᠯᠵᠢ ᠲᠤᠰᠠᠯᠠᠳᠠᠭ᠃
—ᠬᠠᠷᠢᠨ ᠣᠳᠣ ᠡᠨᠳᠡ ᠢᠩᠭᠢᠭᠡᠳ ᠪᠠᠭᠠ ᠵᠡᠷᠭᠡ ᠰᠡᠭᠦᠳᠡᠷ ᠵᠢᠷᠤᠭᠠᠳ ᠥᠭᠪᠡᠯ ᠵᠢᠷᠤᠭ ᠴᠢᠨᠢ ᠢᠯᠡᠭᠦᠦ ᠪᠣᠳᠠᠲᠠᠢ ᠵᠢᠩᠬᠢᠨᠢ ᠶᠠᠭᠤᠮᠠ ᠰᠢᠭ᠋ ᠬᠠᠷᠠᠭᠳᠠᠨᠠ ᠳᠠ᠃
— ᠦ᠂ ᠪᠸᡁᠷᠮᠠᠨ ᠠᠬᠠ ᠠ᠋᠂ ᠲᠠ ᠦᠨᠡᠬᠡᠷ ᠰᠠᠢᠨ ᠵᠢᠷᠤᠬᠤ ᠶᠤᠮ ᠠ᠋ ᠂ ᠲᠠ ᠴᠦ᠍ ᠭᠡᠰᠡᠨ ᠵᠢᠷᠤᠭ ᠵᠢᠷᠤᠭᠠᠳ ᠵᠠᠷᠤᠬᠤ ᠦᠭᠡᠢ ᠶᠦ᠍ᠮ ᠤᠤ?
—ᠠ ᠂ ᠬᠠᠷᠢᠨ ᠠ᠋᠂ ᠪᠢ ᠲᠡᠷᠡ ᠮᠥᠩᠭᠥ ᠪᠡᠷ ᠶᠠᠭᠤ ᠴᠤ᠌ ᠬᠢᠬᠦ ᠶᠦ᠍ᠮ ᠪᠢᠯᠡ᠂ ᠪᠢ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠠᠮᠢᠳᠤᠷᠠᠳᠠᠭ ᠪᠣᠯᠬᠣᠷ ᠪᠠᠷᠤᠭ ᠮᠥᠩᠭᠥ ᠬᠡᠷᠡᠭᠯᠡᠳᠡᠭ ᠦᠭᠡᠢ᠂ ᠲᠣᠰᠬᠣᠨ ᠤ᠋ ᠬᠢᠨ ᠮᠠᠨᠢ ᠮᠡᠳᠡᠳᠡᠭ ᠴᠦ᠍ ᠪᠣᠯᠤᠭᠠᠰᠠᠢ᠂ ᠡᠨᠡ ᠳᠡᠯᠡᠬᠡᠢ ᠳᠡᠭᠡᠷᠡᠬᠢ ᠪᠦᠬᠦ ᠬᠥᠮᠦᠨ ᠮᠥᠩᠭᠥᠨ ᠦ᠌ ᠲᠥᠯᠥᠭᠡ ᠠᠮᠢᠳᠤᠷᠠᠳᠠᠭ ᠦᠭᠡᠢ ᠭᠡᠳᠡᠭ ᠢ᠋ ᠂ ᠥᠪᠡᠷ ᠦ᠋ᠨ ᠬᠠᠢᠷᠠᠲᠠᠢ ᠳᠤᠷᠠᠲᠠᠢ ᠵᠦᠢᠯ ᠢ᠋ ᠬᠡᠵᠢᠶᠡ ᠴᠦ᠍ ᠣᠷᠬᠢᠵᠤ ᠪᠣᠯᠬᠤ ᠦᠭᠡᠢ ᠰᠢᠦ ᠳᠡ᠃
— ᠭᠡᠲᠡᠯᠡ ᠨᠢᠭᠡ ᠡᠳᠦᠷ ᠳᠠᠭᠠ ᠦᠭᠡᠢ ᠵᠦᠢᠯ ᠲᠣᠬᠢᠶᠠᠯᠳᠤᠯᠠ᠂ ᠵᠣᠣᠨ᠋ᠰᠢ ᠨᠡᠯᠢᠶᠡᠨ ᠬᠦᠨᠳᠦ ᠡᠪᠡᠳᠴᠡᠢ᠃ ᠡᠮᠴᠢ ᠡᠳᠡᠭᠡᠭᠡᠬᠦ ᠭᠡᠵᠦ ᠶᠡᠬᠡ ᠬᠢᠴᠢᠶᠡᠭᠰᠡᠨ ᠪᠣᠯᠪᠠᠴᠤ ᠵᠣᠣᠨ᠋ᠰᠢ ᠡᠳᠡᠭᠡᠷᠡᠭᠰᠡᠨ ᠦᠭᠡᠢ᠃
—ᠭᠠᠢᠭᠤᠢ ᠪᠣᠯᠬᠤ ᠪᠠᠢᠬᠠ ᠡᠮᠴᠢ ᠠ᠋!
—ᠵᠠᠪᠠᠯ ᠤᠤᠭᠤᠬᠤ ᠡᠮ ᠢ᠋ ᠨᠢ ᠪᠢᠴᠢᠭᠡᠳ ᠣᠷᠭᠢᠴᠢᠬᠠᠯᠠ᠂ ᠭᠡᠬᠦ ᠳ᠋ᠦ᠍ ᠪᠡᠨ ᠵᠣᠣᠨ᠋ᠰᠢ ᠶ᠋ᠢ ᠥᠭᠡᠳᠡᠷᠬᠡᠭ ᠰᠠᠢᠬᠠᠨ ᠪᠣᠳᠣᠯ ᠲᠠᠢ ᠪᠣᠯᠬᠤ ᠳ᠋ᠤ᠌ ᠨᠢ ᠲᠤᠰᠠᠯᠠᠭᠠᠷᠠᠢ᠃ ᠡᠪᠡᠳᠴᠢᠨ ᠨᠢ ᠡᠳᠡᠭᠡᠷᠡᠬᠦ ᠦᠭᠡᠢ ᠤᠳᠠᠵᠤ ᠪᠠᠢᠭᠠ ᠨᠢ ᠭᠤᠲᠤᠷᠠᠩᠭᠤᠢ ᠮᠠᠭᠤᠬᠠᠢ ᠪᠣᠳᠣᠯ ᠠ᠋ᠴᠠ ᠨᠢ ᠪᠣᠯᠵᠤ ᠪᠠᠢᠭᠠ ᠶᠤᠮ ᠰᠢᠦ ᠳᠡ᠂ ᠰᠠᠢᠬᠠᠨ ᠶᠠᠭᠤᠮᠠ ᠪᠣᠳᠣᠵᠤ ᠬᠤᠷᠳᠤᠨ ᠡᠳᠡᠭᠡᠷᠡᠨᠡ ᠭᠡᠵᠦ ᠪᠣᠳᠣᠬᠤ ᠶᠤᠮ ᠪᠣᠯ ᠬᠤᠷᠳᠤᠨ ᠡᠳᠡᠭᠡᠷᠡᠨᠡ ᠰᠢᠦ ᠳᠡ᠃
— ᠵᠣᠣᠨ᠋ᠰᠢ ᠶ᠋ᠢ ᠠᠵᠠ ᠵᠢᠷᠭᠠᠯ ᠲᠠᠢ ᠪᠣᠯᠭᠠᠬᠤ ᠶ᠋ᠢᠨ ᠲᠤᠯᠠᠳᠠ ᠰᠢᠦ᠋ ᠴᠢᠳᠠᠬᠤ ᠪᠦᠬᠦᠨ ᠢ᠋ ᠬᠢᠯᠡ᠃ ᠵᠣᠣᠨ᠋ᠰᠢ ᠶ᠋ᠢᠨ ᠳᠤᠷᠠᠲᠠᠢ ᠬᠣᠭᠣᠯᠠ ᠶ᠋ᠢ ᠨᠢ ᠬᠢᠵᠦ ᠥᠭᠭᠦᠨ᠂ ᠠᠵᠢᠯ ᠳᠡᠭᠡᠷᠡ ᠡᠴᠡ ᠰᠣᠨᠣᠰᠤᠭᠰᠠᠨ ᠢᠨᠢᠶᠡᠳᠦ ᠲᠡᠢ ᠶᠠᠭᠤᠮᠠ ᠶᠠᠷᠢᠵᠤ ᠥᠷᠥᠭᠡ ᠶ᠋ᠢ ᠨᠢ ᠰᠠᠢᠬᠠᠨ ᠪᠣᠯᠭᠠᠬᠤ ᠭᠡᠵᠦ ᠴᠡᠴᠡᠭ ᠬᠦᠷᠲᠡᠯᠡ ᠠᠪᠴᠢᠷᠠᠵᠤ ᠦᠭᠭᠦᠭᠰᠡᠨ᠂ ᠭᠡᠪᠡᠴᠦ ᠨᠡᠮᠡᠷᠢ ᠪᠣᠯᠤᠭᠰᠠᠨ ᠦᠭᠡᠢ᠃
— ᠴᠠᠭ ᠬᠤᠭᠤᠴᠠᠭᠠ ᠥᠩᠭᠡᠷᠡᠭᠰᠡᠨ ᠴᠦ᠍ ᠮᠢᠨᠦ ᠡᠪᠡᠳᠴᠢᠨ ᠡᠳᠡᠭᠡᠷᠡᠬᠦ ᠦᠭᠡᠢ᠂ ᠰᠢᠦ᠋᠂ ᠴᠢ ᠴᠦ᠍ ᠭᠡᠰᠡᠨ ᠠᠵᠢᠯ ᠢ᠋ᠶ᠋ᠠᠨ ᠬᠢᠬᠦ ᠬᠡᠷᠡᠭᠲᠡᠢ ᠪᠠᠢᠳᠠᠭ᠂ ᠭᠡᠲᠡᠯᠡ ᠪᠢ ᠢᠩᠭᠢᠭᠡᠳ ᠬᠡᠪᠲᠡᠭᠡᠳ ᠴᠢᠮᠠ ᠳ᠋ᠤ᠌ ᠳᠠᠷᠤᠭᠠ ᠪᠣᠯᠤᠭᠠᠳ ᠪᠠᠢᠳᠠᠭ᠂
— ᠵᠣᠣᠨ᠋ᠰᠢ᠂ ᠴᠢ ᠮᠢᠨᠦ ᠨᠠᠢᠵᠠ ᠰᠢᠦ ᠳᠡ ᠂ ᠴᠢᠮᠠ ᠶ᠋ᠢ ᠬᠤᠷᠳᠤᠨ ᠡᠳᠡᠭᠡᠭᠡᠬᠦ ᠶ᠋ᠢᠨ ᠲᠤᠯᠠᠳᠠ ᠪᠢ ᠴᠢᠳᠠᠬᠤ ᠪᠦᠬᠦᠨ ᠢ᠋ᠶ᠋ᠡᠨ ᠬᠢᠨᠡ᠃
—ᠰᠠᠢᠨ ᠤᠤ? ᠥᠬᠢᠳ ᠠ᠋᠂ ᠪᠢ ᠰᠠᠭᠠᠳ ᠪᠣᠯᠤᠭᠠ ᠦᠭᠡᠢ ᠪᠢᠵᠡ ᠳᠡ!
—ᠦ᠂ ᠰᠠᠢᠨ ᠤᠤ? ᠪᠸᡁᠷᠮᠠᠨ ᠠᠬᠠ ᠠ᠋᠂
—ᠮᠠᠨ ᠤ᠋ ᠪᠢᠴᠢᠬᠠᠨ ᠵᠣᠣᠨ᠋ᠰᠢ ᠶ᠋ᠢᠨ ᠪᠡᠶᠡ ᠨᠢ ᠶᠠᠭᠠᠬᠢᠵᠤ ᠪᠠᠢᠨᠠ ᠳᠠ?
—ᠲᠠᠭᠠᠷᠠᠤᠬᠠᠨ ᠯᠠ ᠪᠠᠢᠨᠠ᠃
—ᠦ᠂ ᠵᠣᠣᠨ᠋ᠰᠢ᠂ ᠤᠳᠠᠬᠤ ᠦᠭᠡᠢ ᠡᠳᠡᠭᠡᠷᠡᠨᠡ᠂ ᠢᠲᠡᠭᠡᠬᠦ ᠬᠡᠷᠡᠭᠲᠡᠢ ᠰᠢᠦ᠃
—ᠡᠳᠡᠭᠡᠷᠡᠬᠦ ᠦᠭᠡᠢ ᠯᠡ ᠶᠦ᠍ᠮ ᠰᠢᠭ ᠪᠠᠢᠨᠠ᠂ ᠪᠸᡁᠷᠮᠠᠨ ᠠᠬᠠ ᠠ᠋᠂ ᠰᠤᠯᠠ ᠳᠣᠷᠣᠢ ᠪᠠᠢᠳᠠᠯ ᠠ᠋ᠴᠠ ᠪᠠᠨ ᠣᠳᠣ ᠪᠦᠷ ᠵᠠᠯᠬᠠᠵᠤ ᠪᠠᠢᠨᠠ᠃
—ᠥᠬᠢᠨ ᠮᠢᠨᠢ ᠳᠡ ᠂ ᠴᠢᠨᠦ ᠰᠡᠳᠬᠢᠯ ᠯᠡ ᠰᠤᠯᠠ ᠳᠣᠷᠣᠢ ᠪᠠᠢᠭᠠᠳ ᠪᠠᠢᠭᠠ ᠶᠤᠮ ᠰᠢᠦ ᠳᠡ!
—ᠲᠡᠢᠮᠦ ᠠ᠋᠂ ᠰᠢᠦ᠋᠂ ᠲᠠᠨ ᠤ᠋ ᠬᠡᠯᠡᠭᠰᠡᠨ ᠢ᠋ ᠬᠡᠯᠡᠵᠦ ᠦᠭᠭᠦᠭᠰᠡᠨ᠂ᠭᠠᠷᠴᠠ ᠪᠠᠢᠭᠠ ᠭᠠᠵᠠᠷ ᠬᠦᠰᠡᠯ ᠵᠠᠪᠠᠯ ᠣᠯᠳᠠᠨᠠ ᠭᠡᠰᠡᠨ ᠪᠢᠵᠡ ᠳᠡ᠃
— ᠬᠡ ᠬᠡ ᠬᠡ᠂ ᠤᠭ ᠨᠢ ᠬᠦᠰᠡᠯ ᠪᠠᠢᠭᠠ ᠭᠠᠵᠠᠷ ᠭᠠᠷᠴᠠ ᠣᠯᠳᠠᠨᠠ ᠭᠡᠳᠡᠭ ᠶᠦ᠍ᠮ ᠯᠡ ᠳᠡ᠃
—ᠨᠡᠭᠡᠷᠡᠨ ᠲᠡᠢᠮᠦ ᠰᠢᠦ᠂ ᠪᠸᡁᠷᠮᠠᠨ ᠠᠬᠠ ᠠ᠋ ᠂ ᠲᠠ ᠬᠠᠮᠤᠭ ᠤ᠋ᠨ ᠰᠡᠭᠦᠯ ᠳ᠋ᠦ᠍ ᠶᠠᠮᠠᠷ ᠵᠢᠷᠤᠭ ᠵᠢᠷᠤᠭᠰᠠᠨ ᠪᠣᠢ?
—ᠠ᠁ ᠣᠯᠠᠨ ᠵᠢᠯ ᠦ᠋ᠨ ᠡᠮᠦᠨᠡ ᠮᠠᠷᠲᠠᠭᠰᠠᠨ ᠮᠥᠷᠥᠭᠡᠳᠦᠯ ᠢ᠋ᠶ᠋ᠡᠨ ᠵᠢᠷᠤᠭᠰᠠᠨ ᠶᠤᠮ᠂ ᠪᠢᠳᠡᠨ ᠦ᠌ ᠠᠮᠢᠳᠤᠷᠠᠵᠤ ᠪᠠᠢᠭᠠ ᠡᠨᠡ ᠤᠷᠠᠯᠢᠭ ᠤ᠋ᠨ ᠭᠤᠳᠤᠮᠵᠢᠨ ᠤ᠋ ᠲᠤᠬᠠᠢ ᠵᠢᠷᠤᠭ ᠵᠢᠷᠤᠭᠰᠠᠨ᠂ ᠡᠨᠳᠡ ᠠᠮᠢᠳᠤᠷᠠᠳᠠᠭ ᠪᠦᠬᠦ ᠵᠢᠷᠤᠭᠠᠴᠢ ᠤᠷᠠᠴᠤᠳ ᠭᠠᠷᠴᠤ ᠢᠷᠡᠭᠡᠳ ᠥᠪᠡᠷᠰᠡᠳ ᠦ᠋ᠨ ᠬᠠᠮᠤᠭ ᠤ᠋ᠨ ᠳᠤᠷᠠᠲᠠᠢ ᠵᠦᠢᠯ ᠢ᠋ ᠬᠢᠵᠦ ᠪᠠᠢᠨᠠ ᠭᠡᠳ ᠭᠤᠳᠤᠮᠵᠢᠨ ᠤ᠋ ᠡᠨᠳᠡ ᠲᠡᠨᠳᠡ ᠴᠤᠭᠯᠠᠷᠠᠭᠠᠳ ᠵᠢᠷᠤᠭ ᠵᠢᠷᠤᠵᠤ ᠪᠠᠢᠭᠠ ᠪᠠᠷ᠁
—ᠪᠡᠶᠡᠯᠡᠬᠦ ᠦᠭᠡᠢ ᠮᠥᠷᠥᠭᠡᠳᠦᠯ ᠶᠦ᠍ᠮ ᠰᠢᠭ ᠪᠠᠢᠨᠠ᠂ ᠬᠡᠵᠢᠶᠡ ᠴᠦ᠍ ᠪᠡᠶᠡᠯᠡᠬᠦ ᠦᠭᠡᠢ ᠪᠠᠢᠬᠠ᠃
—ᠭᠡᠬᠦ ᠳ᠋ᠦ᠍ ᠪᠡᠨ ᠡᠨᠡ ᠯᠡ ᠬᠠᠮᠤᠭ ᠤ᠋ᠨ ᠰᠠᠢᠬᠠᠨ ᠨᠢ᠂ᠪᠦᠬᠦ ᠵᠦᠢᠯ ᠢ᠋ ᠮᠥᠷᠥᠭᠡᠳᠴᠦ ᠪᠣᠯᠳᠠᠭ ᠪᠣᠯᠬᠣᠷ᠂ ᠮᠥᠷᠥᠭᠡᠳᠳᠡᠭ ᠦᠭᠡᠢ ᠬᠥᠮᠦᠨ ᠮᠥᠷᠥᠭᠡᠳᠦᠯ ᠢ᠋ᠶ᠋ᠡᠨ ᠪᠣᠳᠠᠲᠠᠢ ᠪᠣᠯᠭᠠᠬᠤ ᠭᠡᠵᠦ ᠬᠢᠴᠢᠶᠡᠳᠡᠭ ᠦᠭᠡᠢ ᠶᠦ᠍ᠮ ᠰᠢᠦ ᠳᠡ᠂ ᠬᠡᠵᠢᠶᠡ ᠨᠢᠭᠡᠨ ᠡᠳᠦᠷ ᠮᠢᠨᠦ ᠪᠦᠲᠦᠭᠡᠯ ᠬᠥᠮᠦᠨ ᠦ᠌ ᠠᠮᠢ ᠶ᠋ᠢ ᠠᠪᠤᠷᠠᠨᠠ᠂ ᠪᠢ ᠵᠠᠪᠠᠯ ᠡᠢᠮᠦ ᠭᠠᠷᠴᠠ ᠶ᠋ᠢ ᠣᠯᠤᠨᠠ᠂ ᠤᠷᠠᠯᠢᠭ ᠦᠨᠡᠬᠡᠷ ᠬᠦᠴᠦᠲᠡᠢ ᠰᠢᠦ᠂ ᠥᠬᠢᠳ ᠮᠢᠨᠢ᠂ ᠭᠠᠢᠬᠠᠮᠰᠢᠭᠲᠠᠢ ᠤᠷᠠᠯᠢᠭ ᠤ᠋ᠨ ᠪᠦᠲᠦᠭᠡᠯ ᠡᠮᠴᠢ ᠶ᠋ᠢᠨ ᠡᠮᠴᠢᠯᠡᠵᠦ ᠴᠢᠳᠠᠭᠠ ᠦᠭᠡᠢ ᠡᠪᠡᠳᠴᠢᠨ ᠢ᠋ ᠴᠤ᠌ ᠡᠳᠡᠭᠡᠭᠡᠵᠦ ᠴᠢᠳᠠᠳᠠᠭ ᠶᠤᠮ᠂ ᠤᠷᠠᠨ ᠪᠦᠲᠦᠭᠡᠯᠴᠢ ᠬᠥᠮᠦᠨ ᠥᠭᠡᠳᠡᠷᠬᠡᠭ ᠡᠶᠡᠷᠭᠦ ᠪᠣᠳᠣᠯ ᠲᠠᠢ ᠪᠠᠢᠬᠤ ᠬᠡᠷᠡᠭᠲᠡᠢ᠂ ᠮᠢᠨᠦ ᠬᠡᠯᠡᠭᠰᠡᠨ ᠢ᠋ ᠮᠠᠷᠲᠠᠵᠤ ᠪᠣᠯᠬᠤ ᠦᠭᠡᠢ ᠰᠢᠦ!
—ᠣᠢᠯᠠᠭᠠᠭᠰᠠᠨ ᠪᠢᠵᠡ ᠳᠡ ᠂ ᠵᠣᠣᠨ᠋ᠰᠢ ᠲᠡᠢᠮᠦ ᠡᠴᠡ ᠭᠤᠨᠢᠭᠯᠠᠬᠤ ᠬᠡᠷᠡᠭ ᠦᠭᠡᠢ᠃
—ᠡᠩ᠁ ᠵᠣᠣᠨ᠋ᠰᠢ᠂ ᠶᠠᠭᠤ ᠢᠩᠭᠢᠲᠡᠯᠡ ᠪᠡᠨ ᠭᠥᠯᠢᠷᠡᠵᠦ ᠬᠠᠷᠠᠭᠠᠳ ᠪᠠᠢᠬᠤ ᠶᠤᠮ ᠪᠣᠢ?
—ᠲᠡᠷᠡ ᠬᠠᠨᠠᠨ ᠳᠡᠭᠡᠷᠡ ᠪᠠᠢᠭᠠ ᠣᠷᠢᠶᠠᠩᠭᠤ ᠡᠪᠡᠰᠦ ᠶ᠋ᠢ ᠬᠠᠷᠠᠵᠤ ᠪᠠᠢᠨᠠ᠂ ᠡᠨᠡ ᠵᠢᠷᠤᠭ ᠨᠠᠳᠠ ᠳ᠋ᠤ᠌ ᠪᠠᠭᠠ ᠴᠤ᠌ ᠭᠡᠰᠡᠨ ᠢᠲᠡᠭᠡᠯ ᠨᠠᠢᠳᠠᠪᠤᠷᠢ ᠥᠭᠴᠦ ᠪᠠᠢᠨᠠ᠃
—ᠲᠡᠭᠡᠪᠡᠯ ᠦᠨᠡᠬᠡᠷ ᠰᠠᠢᠨ ᠪᠠᠢᠨᠠ᠁
—ᠭᠡᠬᠦ ᠳ᠋ᠦ᠍ ᠪᠡᠨ ᠡᠨᠡ ᠣᠷᠢᠶᠠᠩᠭᠤ ᠡᠪᠡᠰᠦ ᠨᠠᠳᠠ ᠠ᠋ᠴᠠ ᠬᠣᠯᠠᠳᠠᠵᠤ ᠪᠠᠢᠭᠠ ᠂ ᠠᠩᠬᠠ ᠬᠠᠷᠠᠬᠤ ᠳ᠋ᠤ᠌ ᠠᠷᠪᠠᠨ ᠨᠠᠪᠴᠢ ᠪᠠᠢᠭᠰᠠᠨ ᠪᠣᠯᠪᠠᠴᠤ ᠣᠳᠣ ᠳᠣᠯᠣᠭᠠᠬᠠᠨ ᠨᠠᠪᠴᠢ ᠦᠯᠡᠳᠡᠭᠰᠡᠨ᠂ ᠰᠡᠭᠦᠯᠴᠢ ᠶ᠋ᠢᠨ ᠨᠠᠪᠴᠢ ᠨᠢ ᠤᠨᠠᠬᠤ ᠳ᠋ᠤ᠌ ᠮᠢᠨᠦ ᠢᠲᠡᠭᠡᠯ ᠨᠠᠢᠳᠠᠪᠤᠷᠢ ᠴᠤ᠌ ᠪᠠᠢᠬᠤ ᠦᠭᠡᠢ ᠪᠣᠯᠬᠤ ᠪᠠᠢᠬᠠ ᠃
—ᠠ᠂ ᠦᠭᠡᠢ ᠳᠡ ᠂ ᠶᠠᠭᠠᠬᠢᠭᠠᠳ ᠡᠢᠮᠦ ᠭᠤᠨᠢᠭᠲᠠᠢ ᠶᠠᠭᠤᠮᠠ ᠶᠠᠷᠢᠭᠠᠳ ᠪᠠᠢᠭᠠ ᠶᠤᠮ ᠪᠣᠢ?
— ᠵᠣᠣᠨ᠋ᠰᠢ ᠶ᠋ᠢ ᠵᠢᠮᠡᠯᠡᠬᠦ ᠬᠡᠷᠡᠭ ᠦᠭᠡᠢ᠂ ᠬᠥᠮᠦᠨ ᠢ᠋ ᠭᠤᠨᠢᠭᠯᠠᠵᠤ ᠪᠠᠢᠬᠤ ᠳ᠋ᠤ᠌ ᠨᠢ ᠵᠠᠩᠨᠠᠵᠤ ᠵᠢᠮᠡᠯᠡᠪᠡᠯ ᠤᠯᠠᠮ ᠯᠠ ᠭᠤᠨᠢᠭᠯᠠᠳᠠᠭ ᠶᠤᠮ᠂ ᠲᠡᠭᠡᠭᠡᠳ ᠴᠦ᠍ ᠵᠣᠣᠨ᠋ᠰᠢ ᠡᠪᠡᠳᠴᠢᠲᠡᠢ ᠪᠠᠢᠭᠠ ᠂ ᠰᠡᠳᠬᠢᠯ ᠰᠠᠨᠠᠭᠠ ᠨᠢ ᠶᠠᠮᠠᠷ ᠪᠠᠢᠭᠠ ᠶ᠋ᠢ ᠪᠢᠳᠡ ᠨᠠᠷ ᠮᠡᠳᠡᠬᠦ ᠦᠭᠡᠢ ᠰᠢᠦ ᠳᠡ᠃
—ᠠ᠁
— ᠲᠠᠨ ᠤ᠋ ᠵᠥᠪ ᠶᠦ᠍ᠮ ᠰᠢᠭ ᠪᠠᠢᠨᠠ᠂ᠠᠭᠤᠴᠢᠯᠠᠭᠠᠷᠠᠢ! ᠵᠣᠣᠨ᠋ᠰᠢ!
ᠵᠣᠣᠨ᠋ᠰᠢ ᠲᠣᠭᠣᠭᠰᠠᠨ ᠦᠭᠡᠢ᠂ ᠬᠠᠷᠢᠨ ᠴᠤ᠌ ᠨᠠᠢᠵᠠ ᠪᠠᠨ ᠦᠷᠦ ᠡᠪᠡᠳᠴᠦ ᠪᠠᠢᠯᠠ᠃ ᠬᠡᠳᠦ ᠬᠣᠨᠣᠭ ᠥᠩᠭᠡᠷᠡᠭᠰᠡᠨ ᠪᠣᠯᠪᠠᠴᠤ ᠵᠣᠣᠨ᠋ᠰᠢ ᠶ᠋ᠢᠨ ᠪᠡᠶᠡ ᠤᠯᠠᠮ ᠮᠠᠭᠤᠳᠠᠭᠰᠠᠭᠠᠷ ᠪᠠᠢᠯᠠ᠂ ᠡᠮᠴᠢ ᠴᠦ᠍ ᠡᠮᠴᠢᠯᠡᠵᠦ ᠴᠢᠳᠠᠬᠤ ᠪᠠᠨ ᠪᠣᠯᠢᠯᠠ᠃ ᠵᠣᠣᠨ᠋ᠰᠢ ᠡᠮ ᠤᠤᠭᠤᠬᠤ ᠦᠭᠡᠢ ᠪᠠᠢᠯᠠ᠂ ᠰᠠᠨᠠᠭᠠ ᠨᠢ ᠵᠣᠪᠠᠭᠰᠠᠨ ᠰᠢᠦ᠋᠂ ᠡᠮᠴᠢ ᠡᠴᠡ ᠡᠮᠴᠢᠯᠡᠬᠦ ᠥᠭᠡᠷᠡ ᠠᠷᠭᠠ ᠪᠠᠢᠬᠤ ᠡᠰᠡᠬᠦ ᠶ᠋ᠢ ᠠᠰᠠᠭᠤᠯᠠ᠂ ᠭᠡᠲᠡᠯᠡ ᠡᠮᠴᠢ ᠬᠡᠯᠡᠯᠡ᠄
—《 ᠰᠡᠳᠬᠢᠯ ᠰᠠᠨᠠᠭᠠᠨ ᠤ᠋ ᠬᠤᠪᠢ ᠳ᠋ᠤ᠌ ᠬᠦᠴᠦᠲᠡᠢ ᠪᠣᠯᠬᠤ ᠬᠡᠷᠡᠭᠲᠡᠢ》 ᠭᠡᠳ᠁
—《 ᠠ》
— ᠨᠢᠭᠡ ᠡᠳᠦᠷ ᠰᠢᠦ᠋ ᠪᠠᠢᠰᠢᠩ ᠳ᠋ᠤ᠌ ᠣᠷᠣᠵᠤ ᠢᠷᠡᠭᠡᠳ ᠭᠠᠵᠠᠷ ᠰᠠᠭᠤᠵᠤ ᠪᠠᠢᠭᠠ ᠪᠧᠾᠷᠮᠠᠨ ᠢ᠋ ᠬᠠᠷᠠᠯᠠ᠃ᠪᠦᠷ ᠶᠠᠳᠠᠷᠠᠭᠰᠠᠨ ᠪᠠᠢᠯᠠ᠃
— ᠪᠧᠾᠷᠮᠠᠨ ᠠᠬᠠ ᠠ᠋᠂ ᠵᠦᠭᠡᠷ ᠤᠤ? ᠶᠠᠭᠤ ᠪᠣᠯᠤᠭᠠ ᠪᠣᠢ?
—ᠬᠡ ᠬᠡ ᠬᠡ᠂ ᠶᠠᠭᠤ ᠴᠤ᠌ ᠪᠣᠯᠤᠭᠠ ᠦᠭᠡᠢ᠂ ᠪᠢ ᠬᠥᠭᠰᠢᠷᠡᠭᠰᠡᠨ ᠪᠣᠯᠤᠯᠲᠠᠢ ᠥᠨᠥᠳᠥᠷ ᠴᠡᠴᠡᠷᠯᠢᠭᠲᠦ ᠬᠦᠷᠢᠶᠡᠯᠡᠩ ᠦ᠋ᠨ ᠰᠠᠨᠳᠠᠯᠢ ᠳᠡᠭᠡᠷᠡ ᠵᠢᠷᠤᠭ ᠵᠢᠷᠤᠭᠰᠠᠨ ᠶᠤᠮ ᠂ ᠰᠠᠷᠠᠪᠴᠢᠨ ᠳᠣᠣᠷᠠᠬᠢ ᠰᠠᠨᠳᠠᠯᠢ ᠶ᠋ᠢ ᠰᠠᠨᠠᠵᠤ ᠪᠠᠢᠭᠠ ᠪᠢᠵᠡ ᠳᠡ᠃
—ᠶᠠᠭᠤ? ᠰᠠᠷᠠᠪᠴᠢᠨ ᠳᠣᠣᠷᠠᠬᠢ ᠰᠠᠨᠳᠠᠯᠢ ᠳᠡᠭᠡᠷᠡ ᠵᠢᠷᠤᠭ ᠵᠢᠷᠤᠭᠰᠠᠨ ᠶᠤᠮ ᠤᠤ? ᠬᠣᠷᠢᠨ ᠬᠡᠳᠦᠨ ᠰᠠᠨᠳᠠᠯᠢ ᠪᠠᠢᠭᠠ ᠰᠢᠦ ᠳᠡ ᠂ ᠪᠦᠭᠦᠳᠡ ᠶ᠋ᠢᠨ ᠳᠡᠭᠡᠷᠡ ᠨᠢ ᠵᠢᠷᠤᠭ ᠵᠢᠷᠤᠭᠰᠠᠨ ᠭᠡᠵᠢ ᠤᠤ? ᠡᠳᠦᠷᠵᠢᠨ ᠢ᠋ᠶ᠋ᠡᠨ ᠤᠤ? ᠲᠠ ᠶᠡᠬᠡ ᠶᠠᠳᠠᠷᠠᠭᠰᠠᠨ ᠪᠠᠢᠨᠠ ᠳᠠ᠂ ᠢᠩᠭᠢᠭᠡᠳ ᠶᠠᠭᠠᠬᠢᠭᠠᠳ ᠨᠣᠷᠴᠢᠬᠠᠭᠰᠠᠨ ᠪᠣᠢ?ᠰᠠᠷᠠᠪᠴᠢᠨ ᠳᠣᠣᠷᠠ ᠪᠣᠯᠬᠣᠷ ᠪᠣᠷᠣᠭᠠᠨ ᠳ᠋ᠤ᠌ ᠨᠣᠷᠤᠮᠠᠷ ᠦᠭᠡᠢ ᠶᠦ᠍ᠮ᠃
—ᠠ᠁ ᠰᠢᠬᠦᠷ ᠢ᠋ᠶ᠋ᠡᠨ ᠠᠪᠬᠤ ᠪᠠᠨ ᠮᠠᠷᠲᠠᠴᠢᠬᠠᠵᠠᠢ ᠂ᠲᠦᠷᠦᠭᠦᠨ ᠬᠡᠯᠡᠭᠰᠡᠨ ᠪᠢᠵᠡ ᠳᠡ᠂ ᠨᠠᠰᠤ ᠠᠬᠢᠭᠠᠳ ᠢᠷᠡᠬᠦ ᠪᠡᠷ ᠮᠠᠷᠲᠠᠮᠠᠬᠠᠢ ᠪᠣᠯᠳᠠᠭ ᠶᠤᠮ ᠪᠠᠢᠨᠠ᠃
—ᠦ᠂ ᠪᠧᠾᠷᠮᠠᠨ ᠠᠬᠠ ᠠ᠋᠂ ᠰᠡᠭᠦᠯ ᠦ᠋ᠨ ᠦᠶᠡ ᠳ᠋ᠦ᠍ ᠲᠣᠰᠬᠣᠨ ᠤ᠋ ᠬᠥᠮᠦᠰ ᠶᠡᠬᠡ ᠡᠪᠡᠳᠴᠦ ᠪᠠᠢᠭᠠ ᠶ᠋ᠢ ᠮᠡᠳᠡᠭᠰᠡᠨ ᠪᠢᠵᠡ ᠳᠡ᠂ ᠲᠠ ᠴᠦ᠍ ᠭᠡᠰᠡᠨ ᠪᠡᠶᠡ ᠪᠡᠨ ᠪᠣᠳᠣᠬᠤ ᠬᠡᠷᠡᠭᠲᠡᠢ᠂ ᠬᠠᠯᠠᠭᠤᠷᠠᠵᠤ ᠪᠠᠢᠨᠠ ᠤᠤ ? ᠪᠦᠷ ᠴᠢᠷᠠᠢ ᠠᠯᠳᠠᠴᠢᠬᠠᠵᠠᠢ! ᠡᠮᠴᠢ ᠳᠠᠭᠤᠳᠠᠭᠠᠳ ᠥᠭᠬᠦ ᠤᠤ?
— ᠦ ᠶᠠᠭᠠᠬᠢᠳᠠᠭ ᠪᠢᠯᠡ? ᠬᠡ ᠬᠡ ᠬᠡ ᠶᠠᠭᠠᠬᠢᠭᠰᠠᠨ ᠰᠣᠨᠢᠭᠤᠴᠢ ᠬᠡᠦᠬᠡᠳ ᠪᠣᠢ? ᠪᠢ ᠵᠢᠷᠤᠭ ᠵᠢᠷᠤᠬᠤ ᠳ᠋ᠤ᠌ ᠪᠠᠨ ᠬᠠᠮᠤᠭ ᠤ᠋ᠨ ᠠᠵᠠ ᠵᠢᠷᠭᠠᠯᠲᠠᠢ ᠬᠥᠮᠦᠨ ᠪᠣᠯᠳᠠᠭ ᠶᠤᠮ᠂ ᠰᠠᠨᠠᠭᠠ ᠵᠣᠪᠠᠬᠤ ᠬᠡᠷᠡᠭ ᠦᠭᠡᠢ ᠳᠡ᠂ ᠥᠬᠢᠨ ᠮᠢᠨᠢ ᠂ ᠡᠪᠡᠳᠬᠦ ᠴᠦ᠍ ᠦᠭᠡᠢ᠂ ᠶᠠᠳᠠᠷᠠᠬᠤ ᠴᠤ᠌ ᠦᠭᠡᠢ᠂ ᠤᠷᠠᠯᠢᠭ ᠪᠣᠯ ᠮᠢᠨᠦ ᠠᠮᠢᠳᠤᠷᠠᠯ᠂ ᠢᠩᠭᠢᠬᠦ ᠳ᠋ᠦ᠍ ᠵᠣᠣᠨ᠋ᠰᠢ ᠶ᠋ᠢᠨ ᠪᠡᠶᠡ ᠶᠠᠭᠠᠬᠢᠵᠤ ᠪᠠᠢᠨᠠ?
— ᠠ᠂ ᠲᠠᠭᠠᠷᠠᠤᠬᠠᠨ ᠪᠠᠢᠭᠠ ᠵᠣᠣᠨ᠋ᠰᠢ ᠶ᠋ᠢᠨ ᠶᠠᠷᠢᠭᠠᠳ ᠪᠠᠢᠭᠰᠠᠨ ᠣᠷᠢᠶᠠᠩᠭᠤ ᠡᠪᠡᠰᠦ ᠶ᠋ᠢ ᠰᠠᠨᠠᠵᠤ ᠪᠠᠢᠨᠠ ᠤᠤ? ᠣᠳᠣ ᠳᠦᠷᠪᠡᠭᠡᠨ ᠨᠠᠪᠴᠢ ᠦᠯᠡᠳᠡᠴᠢᠬᠡᠭᠰᠡᠨ᠂ ᠵᠣᠣᠨ᠋ᠰᠢ ᠭᠠᠭᠴᠠᠬᠠᠨ ᠲᠡᠷᠡ ᠨᠠᠪᠴᠢ ᠶ᠋ᠢ ᠯᠡ ᠬᠠᠷᠠᠳᠠᠭ ᠪᠣᠯᠤᠭᠰᠠᠨ ᠂ ᠰᠡᠭᠦᠯ ᠦ᠋ᠨ ᠨᠠᠪᠴᠢ ᠨᠢ ᠪᠢᠲᠡᠭᠡᠢ ᠤᠨᠠᠭᠠᠰᠠᠢ ᠳᠠ᠂ ᠬᠡᠷᠪᠡ ᠤᠨᠠᠴᠢᠬᠠᠪᠠᠯ ᠵᠣᠣᠨ᠋ᠰᠢ ᠪᠦᠬᠦ ᠢᠲᠡᠭᠡᠯ ᠨᠠᠢᠳᠠᠪᠤᠷᠢ ᠪᠠᠨ ᠠᠯᠳᠠᠨᠠ᠃
— ᠲᠡᠢᠮᠦ ᠠ᠋ ᠤᠨᠠᠭᠠᠵᠤ ᠯᠠ ᠪᠣᠯᠬᠤ ᠦᠭᠡᠢ ᠶᠦ᠍ᠮ ᠰᠢᠦ᠃
—ᠥᠨᠥᠳᠥᠷ ᠬᠤᠪᠢᠩ ᠢ᠋ᠶ᠋ᠠᠷ ᠴᠢᠳᠬᠤᠵᠤ ᠪᠠᠢᠭᠠ ᠶᠤᠮ ᠰᠢᠭ᠋ ᠯᠡ ᠪᠣᠷᠣᠭᠠᠨ ᠣᠷᠣᠯᠠ ᠂ ᠬᠦᠴᠦᠲᠡᠢ ᠰᠠᠯᠬᠢᠨ ᠳ᠋ᠤ᠌ ᠪᠠᠷᠤᠭ ᠪᠦᠬᠦ ᠨᠠᠪᠴᠢ ᠨᠢ ᠤᠨᠠᠴᠢᠬᠠᠭᠰᠠᠨ ᠪᠠᠢᠬᠠ᠂ ᠥᠪᠡᠷ ᠢ᠋ᠶ᠋ᠡᠨ ᠤᠨᠠᠵᠤ ᠪᠠᠢᠭᠠ ᠨᠠᠪᠴᠢ ᠶ᠋ᠢ ᠬᠡᠨ ᠴᠦ᠍ ᠲᠣᠭᠲᠠᠭᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠢᠵᠡ ᠳᠡ᠃
—ᠠ ᠂ ᠲᠡᠢᠮᠦ ᠠ᠋᠂ ᠰᠢᠦ᠋ ᠢᠩᠭᠢᠬᠦ ᠳ᠋ᠦ᠍ ᠪᠡᠨ ᠬᠦᠰᠡᠯ ᠪᠠᠢᠭᠠ ᠭᠠᠵᠠᠷ ᠭᠠᠷᠴᠠ ᠦᠷᠭᠦᠯᠵᠢ ᠣᠯᠳᠠᠳᠠᠭ ᠶᠤᠮ᠃
— ᠠ᠂ ᠲᠡᠢᠮᠦ ᠯᠡ ᠳᠡ᠂ ᠨᠠᠳᠠ ᠳ᠋ᠤ᠌ ᠭᠠᠷᠴᠠ ᠬᠠᠷᠠᠭᠳᠠᠬᠤ ᠦᠭᠡᠢ ᠪᠣᠯᠬᠣᠷ ᠮᠢᠨᠦ ᠨᠠᠢᠳᠠᠪᠤᠷᠢ ᠬᠦᠷᠲᠡᠯᠡ ᠲᠠᠰᠤᠷᠠᠭᠠᠳ ᠪᠠᠢᠨᠠ᠂ ᠪᠢ ᠵᠣᠣᠨ᠋ᠰᠢ ᠳᠡᠭᠡᠷᠡ ᠣᠴᠢᠯᠠ᠂ ᠲᠠ ᠡᠮᠴᠢ ᠳ᠋ᠦ᠍ ᠣᠴᠢᠵᠤ ᠦᠵᠡᠭᠦᠯᠦᠭᠡᠷᠡᠢ! ᠵᠠ ᠤᠤ?
— ᠬᠡ ᠬᠡ ᠬᠡ᠂ ᠦᠵᠡᠭᠦᠯᠦᠨᠡ ᠥᠬᠢᠨ ᠮᠢᠨᠢ᠂ ᠵᠣᠣᠨ᠋ᠰᠢ ᠳ᠋ᠤ᠌ ᠮᠡᠨᠳᠦ ᠳᠠᠮᠵᠢᠭᠤᠯᠤᠭᠠᠷᠠᠢ!
—ᠲᠡᠷᠡ ᠰᠥᠨᠢ ᠬᠦᠴᠦᠲᠡᠢ ᠠᠭᠠᠳᠠᠷ ᠪᠣᠷᠣᠭᠠ ᠣᠷᠣᠯᠠ, ᠤᠷᠠᠯᠢᠭ ᠤ᠋ᠨ ᠭᠤᠳᠤᠮᠵᠢᠨ ᠤ᠋ ᠬᠥᠮᠦᠰ ᠪᠣᠷᠣᠭᠠᠨ ᠠ᠋ᠴᠠ ᠵᠢᠭᠤᠲᠠᠨ ᠭᠡᠷ ᠲᠦ᠍ ᠪᠡᠨ ᠣᠷᠣᠨ ᠴᠣᠩᠬᠣ ᠪᠠᠨ ᠬᠠᠭᠠᠵᠠᠭᠠᠯᠠ᠃
ᠭᠡᠪᠡᠴᠦ ᠵᠣᠣᠨ᠋ᠰᠢ ᠴᠣᠩᠬᠣ ᠣᠩᠭᠣᠢᠯᠭᠠᠭᠠᠳ ᠥᠭ ᠭᠡᠵᠦ ᠰᠢᠦ᠋ ᠡᠴᠡ ᠭᠤᠶᠤᠯᠠ᠃ ᠰᠡᠭᠦᠯᠴᠢ ᠶ᠋ᠢᠨ ᠨᠠᠪᠴᠢ ᠤᠨᠠᠭᠰᠠᠨ ᠦᠭᠡᠢ ᠶ᠋ᠢ ᠬᠠᠷᠠᠮᠠᠷ ᠪᠠᠢᠨᠠ ᠭᠡᠳ᠂ ᠭᠡᠪᠡᠴᠦ ᠰᠢᠦ᠋᠂ ᠵᠥᠪᠰᠢᠶᠡᠷᠡᠭᠰᠡᠨ ᠦᠭᠡᠢ ᠂ ᠴᠣᠩᠬᠣ ᠣᠩᠭᠣᠢᠯᠭᠠᠴᠢᠬᠠᠪᠠᠯ ᠭᠡᠷ ᠲᠦ᠍ ᠬᠦᠢᠲᠡᠨ ᠠᠭᠠᠷ ᠣᠷᠣᠭᠠᠳ ᠢᠷᠡᠨᠡ ᠂ ᠲᠡᠭᠡᠪᠡᠯ ᠵᠣᠣᠨ᠋ᠰᠢ ᠶ᠋ᠢᠨ ᠪᠡᠶᠡ ᠤᠯᠠᠮ ᠮᠠᠭᠤᠳᠠᠵᠤ ᠮᠠᠭᠠᠳ ᠦᠭᠡᠢ᠂ ᠵᠣᠣᠨ᠋ᠰᠢ ᠴᠤ᠌ ᠵᠥᠪᠰᠢᠶᠡᠷᠡᠯᠡ᠃ ᠪᠠᠰᠠ ᠶᠠᠭᠤ ᠴᠤ᠌ ᠭᠡᠰᠡᠨ ᠰᠡᠭᠦᠯᠴᠢ ᠶ᠋ᠢᠨ ᠨᠠᠪᠴᠢ ᠤᠨᠠᠭᠰᠠᠨ ᠪᠠᠢᠵᠤ ᠮᠠᠭᠠᠳ ᠦᠭᠡᠢ ᠭᠡᠵᠦ ᠰᠠᠨᠠᠭᠠ ᠵᠣᠪᠠᠵᠤ ᠪᠠᠢᠭᠠ ᠶ᠋ᠢ ᠣᠢᠯᠠᠭᠠᠵᠤ ᠪᠠᠢᠯᠠ᠃ᠮᠠᠷᠭᠠᠰᠢ ᠥᠷᠯᠥᠭᠡ ᠨᠢ ᠨᠠᠷᠠ ᠮᠠᠨᠳᠤᠯᠠ ᠃
ᠬᠦᠴᠦᠲᠡᠢ ᠰᠢᠭᠤᠷᠭᠠ ᠨᠠᠮᠳᠠᠵᠠᠢ᠃ ᠴᠣᠩᠬᠣ ᠣᠩᠭᠣᠢᠯᠭᠠᠵᠤ ᠪᠣᠯᠤᠨᠠ ᠭᠡᠵᠦ ᠰᠢᠦ᠋ ᠪᠣᠳᠣᠵᠠᠢ᠂ ᠴᠣᠩᠬᠣ ᠬᠠᠭᠠᠯᠲᠠ ᠲᠠᠢ ᠪᠠᠢᠯᠭᠠᠭᠠᠳ ᠪᠠᠢᠯᠲᠠᠢ ᠪᠢᠰᠢ᠂ ᠰᠢᠦ᠋ ᠨᠢᠳᠦ ᠪᠡᠨ ᠠᠨᠢᠭᠠᠳ ᠬᠥᠰᠢᠭᠡ ᠪᠡᠨ ᠨᠡᠭᠡᠭᠡᠯᠡ ᠂ ᠲᠡᠭᠡᠭᠡᠳ ᠮᠠᠯ ᠭᠠᠢᠬᠠᠯᠠ᠃
— ᠦ᠂ ᠵᠣᠣᠨ᠋ᠰᠢ᠂ ᠰᠡᠭᠦᠯᠴᠢ ᠶ᠋ᠢᠨ ᠨᠠᠪᠴᠢ ᠤᠨᠠᠭᠠ ᠦᠭᠡᠢ ᠪᠠᠢᠨᠠ᠃
— ᠶᠠᠭᠤ? ᠨᠡᠭᠡᠷᠡᠨ ᠤᠤ ?ᠶᠠᠭᠠᠬᠢᠭᠠᠳ ᠤᠨᠠᠭᠠ ᠦᠭᠡᠢ ᠪᠠᠢᠭᠠ ᠶᠤᠮ ᠪᠣᠯ ᠠ᠋!
—ᠨᠠᠪᠴᠢ ᠤᠨᠠᠬᠤ ᠶ᠋ᠢ ᠬᠦᠰᠡᠭᠡ ᠦᠭᠡᠢ ᠶᠦᠮ ᠪᠠᠢᠯᠭᠦᠢ᠂ ᠵᠣᠣᠨ᠋ᠰᠢ ᠂ ᠪᠧᠾᠷᠮᠠᠨ ᠠᠬᠠ ᠶ᠋ᠢᠨ ᠬᠡᠯᠡᠭᠰᠡᠨ ᠢ᠋ ᠰᠠᠨᠠᠵᠤ ᠪᠠᠢᠭᠠ ᠪᠢᠵᠡ ᠳᠡ᠃
—ᠴᠢᠨᠦ ᠵᠥᠪ᠂ ᠠ᠂ ᠰᠢᠦ᠋᠂ ᠮᠢᠨᠦ ᠡᠮ ᠢ᠋ ᠠᠪᠤᠭᠠᠳ ᠥᠭᠬᠦ ᠦᠭᠡᠢ ᠤᠤ? ᠢᠢᠮᠦ ᠵᠢᠵᠢᠭ ᠨᠠᠪᠴᠢ ᠬᠦᠴᠦᠲᠡᠢ ᠰᠢᠭᠤᠷᠭᠠ ᠲᠠᠢ ᠲᠡᠮᠡᠴᠡᠵᠦ ᠪᠠᠢᠬᠤ ᠳ᠋ᠤ᠌ ᠪᠢ ᠶᠠᠭᠠᠬᠢᠭᠠᠳ ᠴᠢᠳᠠᠬᠤ ᠦᠭᠡᠢ ᠪᠢᠵᠡ? ᠡᠳᠡᠭᠡᠷᠡᠬᠦ ᠠᠷᠭᠠ ᠶ᠋ᠢ ᠬᠠᠢᠵᠤ ᠣᠯᠤᠨᠠ᠃
—ᠦ ᠂ ᠵᠣᠣᠨ᠋ᠰᠢ᠂ ᠬᠦᠰᠡᠭᠰᠡᠨ ᠪᠣᠯᠭᠠᠨ ᠢ᠋ ᠴᠢᠨᠢ ᠠᠪᠴᠢᠷᠠᠵᠤ ᠥᠭᠭᠦᠶᠡ᠂ ᠬᠡᠯᠡᠯ ᠳᠡ᠂ ᠶᠠᠭᠤ ᠬᠡᠷᠡᠭᠲᠡᠢ ᠪᠠᠢᠨᠠ᠃
—ᠤᠷᠠᠯᠢᠭ ᠦᠨᠡᠬᠡᠷ ᠬᠦᠴᠦ ᠲᠡᠢ᠂ ᠥᠬᠢᠳ ᠮᠢᠨᠢ ᠭᠠᠢᠬᠠᠮᠰᠢᠭᠲᠠᠢ ᠤᠷᠠᠯᠢᠭ ᠤ᠋ᠨ ᠪᠦᠲᠦᠭᠡᠯ ᠡᠮᠴᠢ ᠶ᠋ᠢᠨ ᠡᠮᠴᠢᠯᠡᠵᠦ ᠴᠢᠳᠠᠭᠠ ᠦᠭᠡᠢ ᠡᠪᠡᠳᠴᠢᠨ ᠢ᠋ ᠴᠦ᠍ ᠡᠳᠡᠭᠡᠭᠡᠵᠦ ᠴᠢᠳᠠᠨᠠ᠃
—ᠬᠡᠷᠡᠭ ᠲᠡᠢ ᠶᠦᠮ ᠪᠠᠢᠨᠠ᠂ ᠨᠠᠳᠠ ᠳ᠋ᠤ᠌ ᠮᠢᠨᠦ ᠵᠢᠷᠤᠭ ᠤ᠋ᠨ ᠲᠠᠯᠪᠢᠭᠤᠷ᠂ ᠪᠣᠳᠣᠭ ᠤ᠋ᠳ ᠢ᠋ ᠮᠠᠨᠢ ᠠᠪᠤᠭᠠᠳ ᠢᠷᠡ!
—ᠡᠢᠮᠦ ᠦᠭᠡ ᠰᠣᠨᠣᠰᠤᠭᠠᠳ ᠰᠢᠦ᠋ ᠦᠨᠡᠬᠡᠷ ᠶᠡᠬᠡ ᠪᠠᠶᠠᠷᠯᠠᠯᠠ᠃ ᠰᠢᠦ᠋ ᠥᠪᠡᠷ ᠦ᠋ᠨ ᠪᠦᠬᠦ ᠴᠠᠭᠠᠰᠤ᠂ ᠪᠣᠳᠣᠭ ᠢ᠋ ᠵᠣᠣᠨ᠋ᠰᠢ ᠳ᠋ᠤ᠌ ᠠᠪᠴᠢᠷᠠᠵᠤ ᠥᠭᠭᠦᠯᠡ᠂ ᠲᠡᠭᠡᠭᠡᠳ ᠣᠷᠣᠨ ᠤ᠋ ᠬᠠᠵᠠᠭᠤ ᠳ᠋ᠤ᠌ ᠵᠢᠷᠤᠭ ᠤ᠋ᠨ ᠲᠠᠯᠪᠢᠭᠤᠷ ᠢ᠋ᠶ᠋ᠠᠨ ᠲᠠᠯᠪᠢᠯᠠ᠃ ᠨᠠᠢᠵᠠ ᠨᠢ ᠡᠷᠭᠢᠭᠡᠳ ᠢᠷᠡᠭᠰᠡᠨ ᠳ᠋ᠦ᠍ ᠦᠨᠡᠬᠡᠷ ᠶᠡᠬᠡ ᠪᠠᠶᠠᠷᠲᠠᠢ ᠪᠠᠢᠯᠠ᠂ ᠴᠠᠭ ᠬᠤᠭᠤᠴᠠᠭᠠ ᠠᠭᠠᠵᠢᠮ ᠢ᠋ᠶ᠋ᠠᠷ ᠥᠩᠭᠡᠷᠡᠭᠰᠡᠭᠡᠷ ᠵᠣᠣᠨ᠋ᠰᠢ ᠪᠦᠷᠢᠨ ᠡᠳᠡᠭᠡᠷᠡᠯᠡ᠂ ᠡᠮᠴᠢ ᠂ ᠰᠢᠦ᠋ ᠬᠣᠶᠠᠷ ᠮᠠᠯ ᠭᠠᠢᠬᠠᠯᠠ᠃ ᠵᠣᠣᠨ᠋ᠰᠢ ᠳᠠᠬᠢᠵᠤ ᠰᠤᠯᠠ ᠳᠣᠷᠣᠢ ᠭᠡᠬᠦ ᠶᠦᠮ ᠤᠤ?ᠭᠤᠲᠤᠷᠠᠩᠭᠤᠢ ᠦᠭᠡ ᠬᠡᠯᠡᠬᠦ ᠪᠡᠨ ᠪᠣᠯᠢᠵᠠᠢ᠃ ᠦᠨᠡᠨ ᠢ᠋ ᠬᠡᠯᠡᠬᠦ ᠳ᠋ᠦ᠍ ᠣᠳᠣ ᠨᠠᠢᠵᠠ ᠲᠠᠢ ᠪᠠᠨ ᠮᠥᠷᠥᠭᠡᠳᠦᠯ ᠦ᠋ᠨ ᠢ᠋ᠶ᠋ᠡᠨ ᠲᠤᠬᠠᠢ ᠶᠠᠷᠢᠯᠴᠠᠳᠠᠭ ᠪᠣᠯᠤᠭᠰᠠᠨ᠃
—ᠪᠢ᠂ ᠳᠠᠷᠠᠭᠠ ᠯᠣᠨᠳᠣᠨ ᠤ᠋ ᠭᠦᠦᠷ ᠢ᠋ ᠵᠢᠷᠤᠨᠠ᠃
— ᠬᠠ ᠬᠠ ᠬᠠ᠂ ᠬᠡᠵᠢᠶᠡ ᠨᠢᠭᠡᠨ ᠡᠳᠦᠷ ᠵᠢᠷᠤᠬᠤ ᠪᠠᠢᠬᠠ᠁
—ᠢᠩᠭᠢᠬᠦ ᠳ᠋ᠦ᠍ ᠪᠧᠾᠷᠮᠠᠨ ᠠᠬᠠ ᠬᠠᠮᠢᠭᠠ ᠪᠠᠢᠭᠠ ᠪᠣᠢ ? ᠪᠧᠾᠷᠮᠠᠨ ᠠᠬᠠ ᠶ᠋ᠢ ᠬᠠᠷᠠᠯ ᠦᠭᠡᠢ ᠤᠳᠠᠭᠰᠠᠨ ᠪᠠᠢᠨᠠ᠃
—ᠡᠩ᠁ ᠪᠢ ᠴᠢᠮᠠ ᠳ᠋ᠤ᠌ ᠬᠡᠯᠡᠬᠦ ᠭᠡᠵᠦ ᠪᠠᠢᠭᠰᠠᠨ ᠶᠤᠮ ᠠ᠋᠂ ᠵᠣᠣᠨ᠋ᠰᠢ ᠴᠢᠮᠠ ᠶ᠋ᠢ ᠪᠦᠷᠢᠨ ᠡᠳᠡᠭᠡᠷᠡᠭᠰᠡᠨ ᠦ᠌ ᠳᠠᠷᠠᠭᠠ ᠬᠡᠯᠡᠵᠦ ᠥᠭᠭᠦᠶᠡ ᠭᠡᠳ ᠬᠦᠯᠢᠶᠡᠵᠦ ᠪᠠᠢᠭᠰᠠᠨ ᠶᠤᠮ᠂ ᠪᠧᠾᠷᠮᠠᠨ ᠠᠬᠠ ᠡᠪᠡᠳᠴᠢᠯᠡᠴᠢᠬᠡᠭᠰᠡᠨ᠂ ᠨᠠᠰᠤ ᠠᠬᠢᠭᠠᠳ ᠬᠤᠷᠳᠤᠨ ᠡᠳᠡᠭᠡᠷᠡᠬᠦ ᠦᠭᠡᠢ ᠪᠠᠢᠭᠠ᠂ ᠬᠦᠴᠦᠲᠡᠢ ᠠᠭᠠᠳᠠᠷ ᠪᠣᠷᠣᠭᠠ ᠲᠠᠢ ᠡᠳᠦᠷ ᠢ᠋ ᠰᠠᠨᠠᠵᠤ ᠪᠠᠢᠨᠠ ᠤᠤ? ᠪᠧᠾᠷᠮᠠᠨ ᠠᠬᠠ ᠲᠡᠷᠡ ᠡᠳᠦᠷ ᠶᠡᠬᠡ ᠬᠦᠨᠳᠦ ᠡᠪᠡᠳᠴᠢᠯᠡᠴᠢᠬᠡᠭᠰᠡᠨ᠃
—ᠶᠠᠭᠤ? ᠡᠮᠴᠢ ᠳ᠋ᠦ᠍ ᠦᠵᠡᠭᠦᠯᠦᠭᠰᠡᠨ ᠪᠢᠵᠡ ᠳᠡ?
— ᠪᠧᠾᠷᠮᠠᠨ ᠠᠬᠠ ᠨᠢᠭᠡ ᠶᠠᠭᠤᠮᠠ ᠬᠡᠯᠡᠭᠰᠡᠨ᠂ ᠵᠢᠷᠤᠭ ᠵᠢᠷᠤᠬᠤ ᠳ᠋ᠤ᠌ ᠪᠠᠨ ᠡᠪᠡᠳᠳᠡᠭ ᠴᠦ᠍ ᠦᠭᠡᠢ ᠶᠠᠳᠠᠷᠠᠳᠠᠭ ᠴᠤ᠌ ᠦᠭᠡᠢ ᠭᠡᠵᠦ ᠬᠡᠯᠡᠭᠰᠡᠨ᠃
—ᠶᠠᠭᠤ ᠭᠡᠰᠡᠨ ᠦᠭᠡ ᠪᠣᠢ?
— ᠭᠠᠳᠠᠭᠠ ᠪᠠᠢᠭᠠ ᠮᠣᠳᠣᠨ ᠤ᠋ ᠨᠠᠪᠴᠢ ᠶ᠋ᠢ ᠬᠠᠷᠠ ᠯᠠ ᠳᠠ᠂ ᠬᠡᠪ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠯᠡ ᠪᠠᠢᠭᠠ ᠳᠠ᠂ ᠪᠦᠷ ᠬᠥᠳᠡᠯᠬᠦ ᠴᠦ᠍ ᠦᠭᠡᠢ ᠪᠠᠢᠭᠠ ᠪᠢᠵᠡ ᠳᠡ᠂ ᠲᠡᠷᠡ ᠰᠥᠨᠢ ᠪᠧᠾᠷᠮᠠᠨ ᠠᠬᠠ ᠵᠢᠷᠤᠭᠰᠠᠨ ᠶᠤᠮ᠂ ᠪᠧᠾᠷᠮᠠᠨ ᠠᠬᠠ ᠦᠨᠡᠬᠡᠷ ᠮᠤᠨᠳᠠᠭ ᠵᠢᠷᠤᠭᠠᠴᠢ᠂ ᠥᠷᠯᠥᠭᠡ ᠨᠢ ᠴᠡᠴᠡᠷᠡᠵᠦ ᠪᠠᠢᠬᠤ ᠳ᠋ᠤ᠌ ᠨᠢ ᠬᠥᠮᠦᠰ ᠡᠮᠨᠡᠯᠭᠡ ᠳ᠋ᠦ᠍ ᠬᠦᠷᠭᠡᠵᠦ ᠦᠭᠭᠦᠭᠰᠡᠨ᠂
ᠪᠢ ᠰᠠᠶᠢᠬᠠᠨ ᠠᠭᠤᠯᠵᠠᠭᠰᠠᠨ ᠶᠤᠮ᠂ ᠦᠨᠡᠬᠡᠷ ᠶᠡᠬᠡ ᠪᠠᠶᠠᠷᠯᠠᠵᠤ ᠪᠠᠢᠨᠠ ᠯᠠᠢ᠂ ᠴᠢᠮᠠ ᠶ᠋ᠢ ᠡᠳᠡᠭᠡᠷᠡᠭᠰᠡᠨ ᠭᠡᠰᠡᠨ ᠴᠢᠨᠢ ᠦᠨᠡᠬᠡᠷ ᠶᠡᠬᠡ ᠪᠠᠶᠠᠷᠯᠠᠵᠤ ᠪᠠᠢᠨᠠ ᠯᠠᠢ᠂ ᠲᠠᠨ ᠤ᠋ ᠵᠢᠷᠤᠭᠰᠠᠨ ᠰᠡᠭᠦᠯᠴᠢ ᠶ᠋ᠢᠨ ᠨᠠᠪᠴᠢ ᠵᠣᠣᠨ᠋ᠰᠢ ᠶ᠋ᠢ ᠡᠳᠡᠭᠡᠭᠰᠡᠨ ᠭᠡᠳᠡᠭ ᠢ᠋ ᠬᠡᠯᠡᠭᠰᠡᠨ᠂ ᠪᠧᠾᠷᠮᠠᠨ ᠠᠬᠠ ᠨᠠᠰᠤ ᠪᠠᠷᠠᠴᠢᠬᠠᠭᠰᠠᠨ᠃
—ᠦᠭᠡᠢ ᠁ ᠦᠭᠡᠢ·
—ᠭᠡᠬᠦ ᠳ᠋ᠦ᠍ ᠪᠡᠨ ᠵᠣᠣᠨ᠋ᠰᠢ ᠪᠧᠾᠷᠮᠠᠨ ᠠᠬᠠ ᠶ᠋ᠢ ᠮᠥᠷᠥᠭᠡᠳᠦᠯ ᠢ᠋ᠶ᠋ᠡᠨ ᠪᠡᠶᠡᠯᠡᠭᠦᠯᠬᠦ ᠳ᠋ᠦ᠍ ᠨᠢ ᠴᠢ ᠲᠤᠰᠠᠯᠠᠭᠰᠠᠨ᠂ ᠬᠡᠵᠢᠶᠡ ᠨᠢᠭᠡᠨ ᠡᠳᠦᠷ ᠥᠪᠡᠷ ᠦ᠋ᠨ ᠬᠢᠨᠢ ᠪᠦᠲᠦᠭᠡᠯ ᠬᠥᠮᠦᠰ ᠢ᠋ ᠡᠳᠡᠭᠡᠭᠡᠨᠡ ᠭᠡᠵᠦ ᠬᠡᠯᠡᠵᠦ ᠪᠠᠢᠭᠰᠠᠨ᠂ ᠰᠡᠭᠦᠯᠴᠢ ᠶ᠋ᠢᠨ ᠨᠠᠪᠴᠢ ᠶ᠋ᠢ ᠬᠠᠷᠠ ᠳᠠ᠂ ᠪᠧᠾᠷᠮᠠᠨ ᠠᠬᠠ ᠶ᠋ᠢᠨ ᠵᠢᠷᠤᠭᠰᠠᠨ ᠵᠢᠷᠤᠭ ᠴᠢᠨᠦ ᠠᠮᠢ ᠶ᠋ᠢ ᠠᠪᠤᠷᠠᠯᠠ ᠰᠢᠲᠠ᠃
—ᠦᠭᠡᠢ᠂ ᠰᠢᠦ᠋ ᠡᠨᠡ ᠵᠦᠭᠡᠷ ᠨᠢᠭᠡ ᠵᠢᠷᠤᠭ ᠪᠢᠰᠢ᠂ ᠪᠧᠾᠷᠮᠠᠨ ᠠᠬᠠ ᠶ᠋ᠢᠨ ᠪᠦᠲᠦᠭᠡᠭᠰᠡᠨ ᠤᠷᠠᠯᠢᠭ ᠤ᠋ᠨ ᠪᠦᠲᠦᠭᠡᠯ᠂ ᠪᠢ ᠵᠠᠪᠠᠯ ᠮᠥᠷᠥᠭᠡᠳᠦᠯ ᠢ᠋ ᠨᠢ ᠪᠡᠶᠡᠯᠡᠭᠦᠯᠦᠨᠡ᠃
—ᠤᠳᠠᠯ ᠦᠭᠡᠢ ᠰᠡᠭᠦᠯᠴᠢ ᠶ᠋ᠢᠨ ᠨᠠᠪᠴᠢ ᠪᠣᠯᠤᠨ ᠪᠧᠾᠷᠮᠠᠨ ᠠᠬᠠ ᠶ᠋ᠢᠨ ᠲᠤᠬᠠᠢ ᠶᠠᠷᠢᠶᠠ ᠲᠣᠰᠬᠣᠨ ᠳᠠᠶᠠᠭᠠᠷ ᠲᠠᠷᠬᠠᠯᠠ᠃ ᠵᠢᠷᠤᠭᠠᠴᠢ ᠢᠷᠠᠭᠤ ᠨᠠᠢᠷᠠᠭᠴᠢ ᠪᠥᠵᠢᠭᠴᠢᠨ ᠳᠠᠭᠤᠴᠢᠳ ᠭᠡᠳ ᠪᠦᠬᠦ ᠤᠷᠠᠨ ᠪᠦᠲᠦᠭᠡᠯᠴᠢᠳ ᠦ᠋ᠨ ᠰᠡᠳᠬᠢᠯ ᠨᠢ ᠬᠥᠳᠡᠯᠦᠯᠡ᠂ᠢᠩᠭᠢᠭᠡᠳ ᠪᠦᠬᠦ ᠤᠷᠠᠨ ᠪᠦᠲᠦᠭᠡᠯᠴᠢᠳ ᠴᠤᠭᠯᠠᠷᠠᠭᠠᠳ ᠤᠷᠠᠯᠢᠭ ᠤ᠋ᠨ ᠭᠤᠳᠤᠮᠵᠢ ᠪᠠᠨ ᠤᠷᠠᠯᠢᠭ ᠤ᠋ᠨ ᠪᠦᠲᠦᠭᠡᠯ ᠵᠢᠷᠤᠭ ᠢ᠋ᠶ᠋ᠠᠷ ᠳᠦᠭᠦᠷᠡᠩ ᠭᠤᠳᠤᠮᠵᠢ ᠪᠣᠯᠭᠠᠬᠤ ᠪᠠᠷ ᠶᠠᠷᠢᠯᠴᠠᠯᠠ᠃ ᠦᠨᠡᠬᠡᠷ ᠰᠠᠢᠬᠠᠨ ᠭᠤᠳᠤᠮᠵᠢ ᠪᠣᠯᠤᠯᠠ᠂ ᠭᠤᠳᠤᠮᠵᠢ ᠳᠠᠬᠢᠭᠠᠳ ᠪᠠᠶᠠᠷ ᠬᠥᠷ ᠢ᠋ᠶ᠋ᠡᠷ ᠪᠢᠯᠬᠠᠵᠤ᠂ ᠪᠦᠬᠦ ᠬᠠᠨᠠᠨ ᠳᠡᠭᠡᠷᠡ ᠵᠢᠷᠤᠭ ᠵᠢᠷᠤᠭᠰᠠᠨ ᠪᠠᠢᠯᠠ᠂ ᠪᠠᠰᠠ ᠬᠥᠮᠦᠰ ᠳᠡᠭᠡᠷᠡ ᠴᠤ᠌ ᠵᠢᠷᠤᠳᠠᠭ ᠪᠣᠯᠤᠭᠰᠠᠨ᠃
ᠵᠣᠣᠨ᠋ᠰᠢ᠂ ᠰᠢᠦ᠋ ᠬᠠᠳᠠᠭᠠᠯᠠᠵᠤ ᠪᠠᠢᠭᠰᠠᠨ ᠮᠥᠩᠭᠥ ᠪᠡᠨ ᠴᠤᠭᠯᠠᠭᠤᠯᠵᠤ《 ᠪᠧᠾᠷᠮᠠᠨ》ᠨᠡᠷᠡᠮᠵᠢᠲᠦ ᠤᠷᠠᠯᠢᠭ ᠤ᠋ᠨ ᠰᠤᠷᠭᠠᠭᠤᠯᠢ ᠨᠡᠭᠡᠭᠡᠵᠦ᠂ᠬᠡᠦᠬᠡᠳ ᠦ᠋ᠳ ᠲᠤ ᠵᠢᠷᠤᠭ ᠵᠢᠭᠠᠵᠤ ᠥᠭᠳᠡᠭ ᠪᠣᠯᠪᠠ᠃ ᠡᠵᠢ ᠠᠪᠤ ᠨᠠᠷ ᠠᠮᠢᠳᠤᠷᠠᠯ ᠤ᠋ᠨ ᠪᠠᠶᠠᠷ ᠬᠥᠷ ᠢ᠋ ᠮᠡᠳᠡᠷᠡᠭᠦᠯᠬᠦ ᠶ᠋ᠢᠨ ᠲᠤᠯᠠᠳᠠ ᠬᠡᠦᠬᠡᠳ ᠦ᠋ᠳ ᠢ᠋ᠶ᠋ᠡᠨ ᠶᠠᠪᠤᠭᠤᠯᠳᠠᠭ ᠪᠣᠯᠪᠠ᠃ ᠬᠥᠮᠦᠰ ᠳᠠᠬᠢᠭᠠᠳ ᠵᠢᠷᠤᠭ ᠵᠢᠷᠤᠳᠠᠭ ᠪᠣᠯᠤᠯᠠ᠂ ᠥᠪᠡᠷᠰᠡᠳ ᠦ᠋ᠨ ᠠᠵᠢᠯ ᠢ᠋ᠶ᠋ᠠᠨ ᠴᠤ᠌ ᠦᠷᠭᠦᠯᠵᠢᠯᠡᠭᠦᠯᠦᠨ ᠢᠯᠡᠭᠦᠦ ᠠᠵᠠ ᠵᠢᠷᠭᠠᠯ ᠲᠠᠢ ᠬᠢᠭᠡᠳ᠂ ᠵᠢᠷᠤᠭ ᠵᠢᠷᠤᠬᠤ ᠪᠠᠨ ᠴᠤ᠌ ᠦᠷᠭᠦᠯᠵᠢᠯᠡᠭᠦᠯᠳᠡᠭ ᠪᠣᠯᠪᠠ᠃ ᠵᠣᠣᠨ᠋ᠰᠢ ᠰᠢᠦ᠋ ᠬᠣᠶᠠᠷ ᠶᠠᠭᠠᠬᠢᠭᠰᠠᠨ ᠪᠣᠢ ᠭᠡᠵᠦ ᠤᠤ ? ᠤᠷᠠᠯᠢᠭ ᠤ᠋ᠨ ᠭᠤᠳᠤᠮᠵᠢ ᠪᠤᠴᠠᠭᠠᠳ ᠠᠮᠢᠯᠠᠭᠰᠠᠨ ᠢ᠋ ᠬᠠᠷᠠᠭᠠᠳ ᠬᠥᠮᠦᠰ ᠪᠠᠶᠠᠷᠯᠠᠵᠤ ᠪᠠᠢᠯᠠ᠃ ᠤᠷᠠᠯᠢᠭ ᠶᠠᠮᠠᠷ ᠴᠢᠬᠤᠯᠠ ᠭᠡᠳᠡᠭ ᠢ᠋ ᠬᠥᠮᠦᠰ ᠣᠢᠯᠠᠭᠠᠵᠤ ᠬᠥᠮᠦᠰ ᠥᠪᠡᠷᠰᠡᠳ ᠦ᠋ᠨ ᠬᠠᠳᠠᠭᠠᠯᠠᠭᠰᠠᠨ ᠮᠥᠩᠭᠥᠨ ᠡᠴᠡ ᠪᠡᠨ ᠵᠠᠷᠢᠮ ᠢ᠋ ᠨᠢ《 ᠪᠧᠾᠷᠮᠠᠨ》 ᠤ᠋ ᠤᠷᠠᠯᠢᠭ ᠤ᠋ᠨ ᠰᠤᠷᠭᠠᠭᠤᠯᠢ ᠳ᠋ᠤ᠌ ᠬᠠᠨᠳᠢᠪᠯᠠᠳᠠᠭ ᠪᠣᠯᠤᠭᠰᠠᠨ᠃
ᠤᠳᠠᠯ ᠦᠭᠡᠢ《 ᠪᠧᠾᠷᠮᠠᠨ》 ᠤ᠋ ᠤᠷᠠᠯᠢᠭ ᠤ᠋ᠨ ᠰᠤᠷᠭᠠᠭᠤᠯᠢ ᠤᠯᠠᠮ ᠥᠷᠭᠡᠵᠢᠵᠦ ᠲᠣᠮᠣᠷᠠᠭᠰᠠᠨ ᠶᠤᠮ᠃ᠬᠠᠮᠤᠭ ᠤ᠋ᠨ ᠰᠣᠨᠢᠷᠬᠠᠯᠲᠠᠢ ᠨᠢ《 ᠪᠧᠾᠷᠮᠠᠨ》 ᠤ᠋ ᠤᠷᠠᠯᠢᠭ ᠤ᠋ᠨ ᠰᠤᠷᠭᠠᠭᠤᠯᠢ ᠳ᠋ᠤ᠌ ᠰᠤᠷᠳᠠᠭ ᠬᠡᠦᠬᠡᠳ ᠦ᠋ᠳ ᠥᠭᠡᠷᠡ ᠵᠢᠷᠤᠭ ᠵᠢᠷᠤᠬᠤ ᠠ᠋ᠴᠠ ᠪᠠᠨ ᠡᠮᠦᠨᠡ ᠵᠠᠪᠠᠯ ᠨᠢᠭᠡ ᠶᠠᠭᠤᠮᠠ ᠵᠢᠷᠤᠵᠤ ᠰᠤᠷᠳᠠᠭ᠂ ᠡᠨᠡ ᠨᠢ ᠰᠡᠭᠦᠯᠴᠢ ᠶ᠋ᠢᠨ ᠨᠠᠪᠴᠢ ᠯᠠ ᠳᠠ᠂ ᠬᠥᠮᠦᠨ ᠪᠣᠯᠭᠠᠨ ᠳ᠋ᠤ᠌ ᠮᠠᠰᠢ ᠴᠢᠬᠤᠯᠠ ᠰᠤᠷᠭᠠᠮᠵᠢ ᠥᠭᠳᠡᠭ ᠪᠣᠯᠬᠣᠷ ᠲᠡᠷᠡ ᠯᠠ ᠳᠠ᠃ ᠬᠦᠰᠡᠯ ᠪᠠᠢᠭᠠ ᠭᠠᠵᠠᠷ ᠦᠷᠭᠦᠯᠵᠢ ᠭᠠᠷᠴᠠ ᠪᠠᠢᠳᠠᠭ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠲ· ᠲᠦᠮᠡᠨᠴᠡᠴᠡᠭ
ᠦᠰᠦᠭ ᠬᠠᠲᠠᠭᠴᠢ᠄ ᠲᠣᠳᠣᠭᠡᠷᠡᠯ
ᠦᠰᠦᠭ ᠬᠢᠨᠠᠭᠴᠢ᠄ ᠤᠷᠠᠨᠲᠠᠨᠡ ᠣᠳᠬᠠᠨᠰᠣᠡ᠂ ᠢᠷᠡᠭᠡᠳᠦᠢ᠃