ᠬᠠᠪᠤᠷ ᠤᠨ ᠰᠠᠢᠬᠠᠨ ᠡᠳᠦᠷ ᠦᠳ ᠬᠥᠬᠡᠬᠣᠲᠠ ᠳᠤ ᠮᠠᠢᠯᠠᠭᠠᠳ ᠡᠬᠢᠯᠡᠯᠡ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Хаврын сайхан өдрүүд хөххотөд майлаад эхэллээ – Ёндоны Билиг - Баатар
634ᠬᠠᠪᠤᠷ ᠤᠨ ᠰᠠᠢᠬᠠᠨ ᠡᠳᠦᠷ ᠦᠳ ᠬᠥᠬᠡᠬᠣᠲᠠ ᠳᠤ ᠮᠠᠢᠯᠠᠭᠠᠳ ᠡᠬᠢᠯᠡᠯᠡ
ᠬᠡᠳᠦᠷᠭᠡᠢ ᠰᠤᠤᠲᠤ ᠬᠡᠳᠦᠬᠡᠨ ᠰᠢᠯᠦᠭᠴᠢ ᠲᠡᠢ
(ᠠᠯᠢ ᠠᠯᠢ ᠪᠠᠨ ᠲᠣᠭᠣᠳᠠᠭ ᠪᠠᠢᠭᠰᠠᠨ ᠪᠣᠯ
ᠠᠯᠢ ᠡᠷᠲᠡ ᠡᠳᠡᠨ ᠰᠥᠨᠦᠭᠰᠡᠨ ᠪᠠᠢᠬᠠ )
ᠠᠯᠳᠠᠨ ᠬᠠᠭᠠᠨ ᠤ᠋ ᠤᠤᠭᠠᠨ ᠨᠡᠢᠰᠯᠡᠯ —
ᠠᠯᠲᠠᠷᠲᠤ ᠬᠥᠬᠡᠬᠣᠲᠠ ᠳ᠋ᠤ᠌ ᠮᠢᠨᠢ
ᠠᠬᠢ ᠢᠷᠭᠤᠢ ᠨᠢᠳᠦᠯᠡᠵᠦ ᠁
ᠬᠥᠬᠡ ᠨᠣᠭᠣᠭᠠ ᠴᠤᠬᠤᠢᠵᠤ ᠁
ᠬᠦᠷᠡᠩ ᠮᠣᠳᠣᠳ ᠬᠥᠭᠡᠷᠦᠬᠦᠢ ᠭᠥᠯᠥᠭᠡᠯᠡᠵᠦ
ᠠᠯᠠᠭ ᠱᠠᠭᠠᠵᠠᠭᠠᠢ ᠬᠠᠢᠯ ᠤ᠋ᠨ ᠤᠰᠤᠨ ᠳᠡᠭᠡᠭᠦᠷ
ᠠᠷᠠᠳ ᠦᠨ ᠲᠥᠯᠥᠭᠡᠯᠡᠭᠴᠢ ᠰᠢᠭ ᠱᠠᠬᠰᠢᠭᠠᠳ
᠁ ᠁ ᠁
ᠠᠯᠤᠰ ᠬᠣᠯᠠᠬᠢ ᠬᠥᠳᠡᠭᠡ ᠨᠤᠲᠤᠭ ᠮᠢᠨᠢ
ᠠᠷᠭᠠ ᠦᠭᠡᠢ ᠶᠠᠭ ᠯᠠ ᠰᠠᠨᠠᠭᠳᠠᠭᠠᠳ ᠁
ᠲᠣᠢᠭ ᠤᠨ ᠳᠠᠭᠤᠨ᠂ ᠲᠥᠯ ᠤ᠋ᠨ ᠳᠠᠭᠤᠨ
ᠲᠠᠷᠢᠬᠢ ᠨᠢᠯᠴᠢᠬᠢᠨᠡᠲᠡᠯᠡ ᠬᠠᠩᠭᠢᠨᠠᠬᠤ ᠨᠢ ᠤᠤ
ᠠᠯᠢᠪ᠂ ᠬᠣᠨᠢ ᠲᠣᠢᠬᠯᠠᠳᠠᠭ ᠪᠦᠰᠡᠭᠦᠢᠴᠤᠦᠯ
ᠠᠷᠠᠢ ᠴᠦ᠍ ᠳ᠋ᠡ ᠭᠡᠮᠡᠷ ᠴᠥᠭᠡᠷᠡᠭᠰᠡᠨ ᠪᠢᠯᠢᠤ
ᠠᠢ ᠳ᠋ᠠ ᠬᠥᠭᠡᠷᠦᠬᠦᠢ ᠂ ᠴᠠᠭ ᠬᠠᠯᠵᠠᠷᠠᠵᠤ᠂
ᠠᠷᠠᠳ ᠤ᠋ᠨ ᠳᠠᠳᠬᠠᠯ ᠴᠤᠯᠭᠤᠢᠷᠠᠵᠤ ᠦᠣ ᠳᠠ
ᠤᠰᠤᠨ ᠲᠡᠨᠡᠭ ᠣᠯᠳᠣᠢ ᠥᠴᠦᠬᠡᠨ ᠪᠢ ᠪᠡᠷ
ᠡᠨᠳᠡ ᠨᠡᠭᠦᠵᠦ ᠢᠷᠡᠭᠰᠡᠨ ᠠ᠋ᠴᠠ ᠯᠠ ᠬᠣᠢᠰᠢ
ᠬᠥᠬᠡᠬᠣᠲᠠ ᠨᠢᠭᠡ ᠯᠡ ᠬᠤᠪᠢᠷᠠᠭᠰᠠᠨ ᠰᠢᠭ᠋
ᠭᠦᠪᠤᠩᠳᠠᠢ ᠳᠡᠪᠡᠯ ᠢᠶᠠᠨ ᠰᠣᠯᠢᠭᠰᠠᠨ ᠰᠢᠭ᠋
ᠬᠦᠷᠵᠡᠡᠭ ᠢ᠋ᠶ᠋ᠡᠨ ᠭᠢᠰᠬᠢᠵᠦ ᠬᠤᠷᠢᠶᠠᠭᠰᠠᠨ ᠰᠢᠭ᠋
ᠬᠥᠳᠡᠭᠡ ᠶᠢᠨ ᠦᠨᠦᠷ ᠬᠠᠩᠬᠤᠯᠤᠭᠰᠠᠨ ᠰᠢᠭ᠋
ᠰᠤᠤᠲᠦ ᠬᠥᠮᠦᠰ ᠨᠠᠮᠠ ᠶ᠋ᠢ ᠱᠣᠣᠯᠠᠬᠤ ᠰᠢᠭ᠋
ᠰᠣᠬᠣᠷ ᠤᠯᠤᠰ ᠨᠠᠮᠠ ᠶᠢ ᠯᠡ ᠬᠠᠷᠠᠬᠤ ᠰᠢᠭ᠋
ᠬᠠᠴᠢᠨ ᠰᠣᠨᠢᠬᠠᠨ ᠰᠠᠢᠬᠠᠨ
ᠬᠠᠢᠷᠠᠯᠠᠯᠲᠠᠢ ᠪᠤᠯᠴᠢᠬᠠᠭᠰᠠᠨ ᠰᠢᠭ᠋ ᠪᠠᠢᠬᠤ ᠨᠢ
ᠬᠠᠪᠤᠷ ᠤ᠋ᠨ ᠰᠠᠢᠬᠠᠨ ᠡᠳᠦᠷ ᠦ᠋ᠳ
ᠬᠥᠬᠡᠬᠣᠲᠠ ᠳ᠋ᠤ᠌ ᠮᠠᠢᠯᠠᠭᠠᠳ ᠡᠬᠢᠯᠡᠯᠡ ᠁
ᠬᠠᠮᠤᠭ ᠤᠨ ᠬᠤᠯᠠ ᠭᠠᠵᠠᠷ ᠠ᠋ᠴᠠ
ᠬᠠᠮᠤᠭ ᠤ᠋ᠨ ᠭᠠᠢᠬᠠᠯᠲᠠᠢ ᠰᠢᠪᠠᠭᠤᠳ ᠢᠷᠡᠯᠡ
ᠰᠢᠪᠠᠭᠤᠳ ᠰᠢᠪᠠᠭᠤᠳ ᠤᠨ
ᠱᠤᠯᠤᠭᠠᠨᠠᠨ ᠳᠣᠩᠭᠣᠳᠬᠤ ᠨᠢ
ᠰᠣᠯᠣᠭᠠᠢ ᠪᠢᠰᠢ ᠴᠦ᠍ ᠶᠠᠭᠠᠬᠢᠮᠠᠢ
ᠰᠣᠯᠣᠩᠭᠠ ᠶ᠋ᠢᠨ ᠥᠩᠭᠡᠲᠡᠢ ᠁
ᠦᠢᠯᠡ ᠶᠢᠨ ᠰᠠᠢᠬᠠᠨ
ᠦᠢ ᠰᠢᠪᠠᠭᠤᠳ ᠤ᠋ᠨ ᠢ᠋ᠶ᠋ᠠᠨ ᠲᠣᠲᠣᠷᠠ
ᠦᠦᠷ ᠦ᠋ᠨ ᠪᠣᠯᠵᠣᠮᠣᠷ ᠯᠠ ᠡᠠᠷᠠᠢ ᠡᠷᠲᠡ
ᠠᠷᠠᠢ ᠣᠨᠳᠣᠣ ᠵᠢᠷᠭᠢᠬᠦ ᠨᠢ ᠤᠤ ᠳᠠ ᠁
ᠦᠦᠷ ᠤ᠋ᠨ ᠰᠢᠯᠦᠭᠴᠢ
ᠥᠨᠥ ᠭᠠᠢᠬᠠᠯ ᠢᠷᠡᠭᠰᠡᠨ ᠤᠤ ᠳ᠋ᠠ ᠭᠡᠳ
ᠰᠤᠤᠳᠣ ᠨᠤᠭᠤᠳ ᠤ᠋ᠨ ᠲᠣᠲᠣᠷᠠ
ᠱᠤᠤᠭᠢᠶᠠᠨ ᠳᠡᠭᠳᠡᠬᠦ ᠰᠤᠷᠠᠭ ᠲᠠᠢ ᠭᠡᠨᠡ
ᠱᠠᠯ ᠬᠤᠳᠠᠯ ᠡ ᠁
ᠱᠠᠯᠳᠠᠩ ᠡᠷᠢᠯ ᠡ ᠁
ᠰᠢᠷᠠ ᠭᠥᠯᠥᠭᠡ ᠬᠥᠲᠥᠯᠥᠭᠰᠡᠨ
ᠴᠡᠯ ᠪᠤᠭᠤᠷᠤᠯ ᠨᠠᠮᠠ ᠶ᠋ᠢ ᠬᠠᠷᠢᠨ
ᠬᠥᠬᠡ ᠬᠣᠲᠠ ᠶ᠋ᠢᠨ ᠤᠯᠤᠰ ᠠᠮᠢᠲᠠᠳ
ᠨᠠᠷᠠᠨ ᠤ᠋ ᠳᠣᠣᠷᠠ ᠱᠣᠬᠣᠭᠠᠷᠬᠠᠵᠤ ᠪᠠᠢᠨᠠᠮ ᠡ
2024᠂ 3᠂ 15᠃ ᠮᠣᠳᠣᠨ ᠳᠣᠣᠷᠠ᠃
ᠬᠥᠬᠡᠬᠣᠲᠠᠨᠠ ᠪᠦᠲᠦᠭᠡᠪᠡᠢ᠃