ᠣᠷᠣᠰᠢᠬᠤᠢ ᠨᠤᠲᠤᠭ -ᠬᠠᠷᠬᠠᠲᠠᠨ ᠠᠯᠲᠠᠨᠵᠢᠮᠢᠰОршихуй нутаг-Хархтан Алтанжимс
693ᠣᠷᠣᠰᠢᠬᠤᠢ ᠨᠤᠲᠤᠭ
ᠬᠠᠷᠬᠠᠲᠠᠨ ᠠᠯᠲᠠᠨᠵᠢᠮᠢᠰ
ᠡᠳᠦᠷ ᠪᠦᠷᠢ ᠢᠷᠡᠵᠦ ᠶᠠᠪᠤᠭᠠ ᠮᠠᠷᠭᠠᠰᠢ ᠬᠡᠮᠡᠬᠦ ᠦᠷᠭᠦᠯᠵᠢᠯᠡᠯ ᠪᠣᠢ
ᠡᠷᠬᠡ ᠬᠣᠩᠭᠣᠷ ᠵᠥᠩᠴᠢ ᠰᠠᠯᠬᠢ ᠨᠠᠮᠤᠭᠤᠬᠠᠨ ᠢᠯᠪᠢᠭᠡᠳ ᠥᠩᠭᠡᠷᠡᠬᠦ ᠶ᠋ᠢᠨ ᠬᠣᠷᠣᠮ
ᠡᠩᠭᠡᠷ ᠭᠠᠵᠠᠷ ᠤ᠋ᠨ ᠨᠣᠭᠣᠭᠠ ᠳ᠋ᠤ᠌ ᠬᠤᠷᠠᠭᠠᠳ ᠤ᠋ᠨ ᠡᠷᠡᠦ ᠨᠣᠭᠣᠭᠠᠷᠠᠵᠤ
ᠡᠷᠭᠢ ᠪᠡᠨ ᠲᠡᠯᠡᠵᠦ ᠤᠷᠤᠰᠬᠤ ᠤᠰᠤᠨ ᠤ᠋ ᠬᠦᠴᠦᠨ ᠳ᠋ᠦ᠍ ᠴᠢᠯᠠᠭᠤ ᠪᠥᠮᠪᠥᠷᠢᠭᠡᠳ
ᠡᠬᠢᠯᠡᠯ ᠪᠠᠢᠭᠠᠳ ᠲᠡᠭᠦᠰᠬᠡᠯ ᠦᠭᠡᠢ ᠶᠢᠷᠲᠢᠨᠴᠦ ᠶ᠋ᠢᠨ ᠵᠠᠢ ᠶ᠋ᠢ ᠵᠣᠷᠢᠬᠤ ᠳ᠋ᠤ᠌
ᠡᠭᠦᠯᠡᠨ ᠴᠢᠯᠥᠭᠡᠨ ᠦ᠌ ᠨᠠᠷᠠ ᠮᠡᠲᠦ ᠭᠡᠷᠡᠯ ᠰᠡᠭᠦᠳᠡᠷ ᠬᠣᠶᠠᠷ ᠢ᠋ ᠲᠠᠮᠤᠵᠤ
ᠡᠪᠡᠰᠦᠨ ᠦ᠌ ᠲᠦᠷᠦᠭᠦᠦ ᠬᠡᠭᠡᠷᠡ ᠶ᠋ᠢᠨ ᠰᠠᠯᠬᠢᠨ ᠳ᠋ᠤ᠌ ᠨᠠᠮᠤᠭᠤᠬᠠᠨ ᠳᠣᠯᠭᠢᠶᠠᠯᠠᠬᠤ ᠮᠡᠲᠦ
ᠡᠮᠵᠡᠭᠬᠡᠨ ᠬᠣᠷᠸᠠ ᠪᠤᠷᠤᠭᠤ ᠵᠥᠪ ᠢ᠋ ᠡᠭᠡᠯᠳᠦᠷᠭᠡᠯᠡᠵᠦ ᠴᠢᠮᠡᠭᠡ ᠦᠭᠡᠢ ᠠᠶᠠᠯᠠᠨᠠ
ᠣᠨ ᠵᠢᠯ ᠦ᠋ᠨ ᠬᠦᠷᠳᠦᠨ ᠳ᠋ᠦ᠍ ᠡᠪᠦᠭᠡᠳ ᠦ᠋ᠨ ᠵᠢᠷᠤᠬᠠᠢ ᠰᠢᠲᠢᠯᠢᠭ ᠪᠠᠭᠤᠵᠤ
ᠣᠷᠣᠰᠢᠬᠤᠢ ᠶ᠋ᠢᠨ ᠬᠢᠵᠠᠭᠠᠷ ᠲᠤ᠌ ᠠᠮᠢᠯᠠᠭᠰᠠᠨ ᠭᠡᠷᠡᠯ ᠵᠢᠷᠦᠬᠡᠨ ᠳ᠋ᠦ᠍ ᠮᠢᠨᠢ ᠠᠰᠠᠬᠤ ᠪᠠᠷ
ᠤᠴᠠᠷᠠᠯ ᠲᠠᠪᠢᠯᠠᠩ ᠤ᠋ᠨ ᠭᠡᠭᠡᠨ ᠵᠡᠭᠦᠳᠦᠨ ᠳ᠋ᠦ᠍ ᠠᠷᠭᠠ ᠦᠭᠡᠢ ᠦᠨᠡᠮᠰᠢᠴᠢᠬᠡᠭᠡᠳ
ᠢᠷᠠᠭᠤ ᠰᠢᠯᠦᠭ ᠦ᠋ᠨ ᠮᠥᠷ ᠡᠴᠡ ᠭᠤᠨᠢᠵᠤ ᠡᠮᠵᠡᠭᠯᠡᠬᠦ ᠶ᠋ᠢ ᠮᠡᠳᠡᠷᠡᠵᠦ ᠪᠣᠢ
ᠤᠷᠭᠤᠵᠤ ᠭᠠᠷᠬᠤ ᠨᠠᠷᠠᠨ ᠤ᠋ ᠠᠯᠲᠠᠨ ᠰᠠᠴᠤᠷᠠᠭ ᠰᠣᠯᠣᠩᠭᠠᠨ ᠠᠶᠠᠯᠭᠤ ᠳᠤᠤᠨᠢᠵᠤ
ᠤᠯᠠᠷᠢᠯ ᠤ᠋ᠨ ᠭᠤᠪᠠᠢ ᠦᠵᠡᠰᠬᠦᠯᠡᠩ ᠳ᠋ᠦ᠍ ᠥᠪᠡᠷ ᠢ᠋ ᠪᠡᠨ ᠰᠢᠩᠭᠡᠭᠡᠨ ᠳᠠᠭᠤᠯᠠᠭᠴᠢ
ᠤᠯᠠᠭᠠᠨ ᠲᠣᠭᠣᠰᠣᠨ ᠳ᠋ᠤ᠌ ᠳᠤᠷᠠᠯᠠᠯ ᠢ᠋ᠶ᠋ᠠᠨ ᠨᠢᠭᠤᠴᠢᠬᠠᠭᠠᠳ ᠢᠷᠭᠤᠢ ᠨᠢᠳᠦᠯᠡᠬᠦ ᠶ᠋ᠢ ᠬᠦᠯᠢᠶᠡᠵᠦ
ᠦᠨᠡᠨ ᠬᠠᠢᠷᠠ ᠮᠢᠨᠢ ᠵᠤᠨ ᠤ᠋ ᠪᠦᠷᠦᠢ ᠳ᠋ᠦ᠍ ᠬᠤᠷᠴᠠ ᠤᠯᠠᠭᠠᠨ ᠰᠠᠷᠭᠠᠢ ᠪᠣᠯᠵᠤ ᠳᠡᠯᠭᠡᠷᠡᠨᠡᠮ
ᠤᠶᠠᠩᠭᠠ ᠶ᠋ᠢᠨ ᠴᠡᠩᠬᠡᠷ ᠵᠡᠷᠭᠡᠯᠭᠡᠨ ᠲᠠᠯᠠ ᠶ᠋ᠢᠨ ᠬᠣᠷᠮᠣᠢ ᠡᠮᠵᠢᠶᠡᠷᠢᠯᠡᠨ ᠬᠥᠰᠢᠭᠡᠯᠡᠭᠡᠳ
ᠤᠬᠠᠭᠠᠨ ᠰᠦᠯᠡᠬᠦ ᠲᠣᠷᠭᠠᠨ ᠰᠠᠷᠠᠯ ᠳ᠋ᠤ᠌ ᠳᠤᠷᠠᠰᠤᠨ ᠮᠥᠷᠥᠭᠡᠳᠬᠦᠢ ᠲᠡᠮᠡᠦᠯᠦᠯ ᠮᠢᠨᠢ ᠪᠣᠢ
ᠤᠷᠠᠨ ᠰᠢᠪᠠᠭᠤᠳ ᠨᠠᠷᠭᠢᠯᠳᠤᠨ ᠳᠡᠯᠭᠡᠷᠡᠬᠦ ᠴᠠᠭ ᠤ᠋ᠨ ᠠᠢᠵᠠᠮᠲᠤ ᠬᠥᠭᠵᠢᠮ ᠢ᠋ ᠪᠠᠷᠢᠵᠤ
ᠤᠰᠤᠨ ᠤ᠋ ᠴᠡᠩᠬᠡᠷ ᠠᠮᠢᠰᠬᠤᠭᠠ ᠴᠢᠩᠨᠠᠵᠤ ᠢᠷᠠᠭᠤ ᠪᠦᠬᠦᠨ ᠳ᠋ᠦ᠍ ᠰᠡᠳᠬᠢᠯ ᠮᠢᠨᠢ ᠲᠡᠮᠡᠦᠯᠦᠭᠡᠳ
ᠣᠳᠣᠳ ᠲᠣᠭᠠᠯᠠᠵᠤ ᠠᠯᠢᠶᠠᠷᠬᠠᠬᠤ ᠪᠠᠯᠴᠢᠷᠬᠠᠨ ᠨᠠᠰᠤᠨ ᠮᠢᠨᠢ ᠳᠤᠷᠠᠰᠤᠭᠳᠠᠨᠠ
ᠤᠳᠬᠠ ᠶ᠋ᠢᠨ ᠢᠷᠠᠭᠤ ᠬᠦᠦᠮᠡᠢ ᠶ᠋ᠢᠨ ᠡᠬᠡᠰᠢᠭ ᠲᠦ᠍ ᠰᠣᠭᠲᠣᠭᠤᠷᠬᠠᠨ ᠠᠯᠬᠤᠬᠤ ᠳ᠋ᠤ᠌
ᠤᠰᠤᠨ ᠪᠣᠳᠣᠭ ᠤ᠋ᠨ ᠵᠢᠷᠤᠭ ᠮᠡᠲᠦ ᠵᠤᠨ ᠤ᠋ ᠦᠵᠡᠰᠬᠦᠯᠡᠩ ᠨᠢᠭᠡᠨᠲᠡ ᠬᠠᠭᠤᠴᠢᠷᠠᠭᠠᠳ
ᠤᠶᠠᠩᠭᠠᠷᠠᠨ ᠬᠣᠯᠠᠳᠠᠬᠤ ᠰᠢᠪᠠᠭᠤᠳ ᠮᠥᠷᠥᠭᠡᠳᠦᠯ ᠢ᠋ ᠮᠢᠨᠢ ᠲᠡᠭᠡᠭᠡᠭᠡᠳ ᠬᠣᠰᠢᠭᠤᠷᠠᠨᠠ
ᠴᠡᠩᠬᠡᠷᠯᠡᠬᠦ ᠠᠭᠤᠯᠠᠰ ᠮᠠᠨᠠᠨ ᠪᠤᠳᠠᠩ ᠳ᠋ᠤ᠌ ᠬᠥᠰᠢᠭᠡᠯᠡᠨ ᠲᠦᠩᠰᠦᠭᠡᠷ
ᠴᠢᠨᠦ ᠲᠤᠬᠠᠢ ᠳᠤᠷᠠᠳᠬᠠᠯ ᠪᠣᠳᠣᠯ ᠤ᠋ᠨ ᠨᠠᠮᠠᠭᠠᠨ ᠳ᠋ᠤ᠌ ᠠᠰᠠᠨ ᠳᠦᠷᠡᠯᠵᠡᠭᠰᠡᠭᠡᠷ
ᠴᠢᠯᠠᠭᠤᠨ ᠤ᠋ ᠵᠢᠷᠦᠬᠡ ᠭᠠᠵᠠᠷ ᠤ᠋ᠨ ᠠᠩ ᠳᠠᠭᠠᠵᠤ ᠲᠦᠭᠰᠢᠭᠡᠳ
ᠴᠢᠮᠡᠭᠡ ᠦᠭᠡᠢ ᠢᠩᠳᠦᠯᠬᠦ ᠬᠠᠢᠷᠠ ᠶ᠋ᠢᠨ ᠭᠣᠣᠯ ᠡᠷᠭᠢ ᠪᠡᠨ ᠲᠦᠷᠢᠵᠦ ᠢᠪᠡᠷᠡᠭᠡᠳ
ᠴᠡᠴᠡᠭ ᠦ᠋ᠨ ᠰᠠᠯᠬᠢ ᠠᠶᠤᠩᠭᠠ ᠶ᠋ᠢᠨ ᠳᠠᠭᠤᠨ ᠢ᠋ᠶ᠋ᠠᠷ ᠴᠡᠴᠡᠷᠡᠰᠬᠢᠭᠡᠳ
ᠴᠠᠭᠠᠨ ᠮᠠᠩᠬᠠᠨ ᠤ᠋ ᠴᠣᠬᠢᠶᠠ ᠳᠠᠭᠠᠵᠤ ᠰᠢᠷᠦᠭᠦᠨ ᠪᠣᠷᠣᠭᠠ ᠴᠢᠳᠬᠤᠯᠠᠬᠤ ᠳ᠋ᠤ᠌
ᠴᠠᠭᠠᠨᠠ ᠪᠠᠢᠭᠠ ᠣᠷᠴᠢᠯᠠᠩ ᠤ᠋ᠨ ᠳᠠᠯᠳᠠ ᠠ᠋ᠴᠠ ᠶᠠᠭᠤ ᠨᠢᠭᠡ ᠶ᠋ᠢ ᠰᠡᠳᠬᠢᠨ
ᠴᠠᠭ ᠦᠶᠡ ᠶ᠋ᠢᠨ ᠦᠶᠡᠯᠡᠯ ᠢ᠋ ᠢᠩᠭᠢᠵᠦ ᠮᠠᠷᠲᠠᠭᠤᠯᠬᠤ ᠭᠡᠮᠡᠷ
ᠭᠣᠯᠣᠮᠲᠠ ᠶ᠋ᠢᠨ ᠴᠣᠭ ᠢ᠋ ᠪᠠᠳᠠᠷᠠᠭᠠᠬᠤ ᠤᠬᠠᠭᠠᠷᠠᠯ ᠤ᠋ᠨ ᠭᠡᠭᠡᠨ ᠵᠠᠮ ᠢ᠋ ᠡᠯᠭᠦᠵᠦ
ᠭᠣᠪᠢ ᠬᠠᠩᠭᠠᠢ ᠶ᠋ᠢᠨ ᠣᠷᠣᠰᠢᠬᠤᠢ ᠨᠤᠲᠤᠭ ᠳᠤ ᠢᠵᠢᠯᠢᠳᠡᠬᠦ ᠪᠡᠷ
ᠭᠠᠩᠭᠠᠩ ᠪᠠᠢᠭᠠᠯᠢ ᠳ᠋ᠤ᠌ ᠪᠣᠷᠣᠭᠠ ᠮᠡᠲᠦ ᠰᠢᠪᠡᠷᠡᠬᠦ ᠤᠶᠠᠷᠠᠯ ᠤ᠋ᠨ ᠨᠢᠯᠪᠤᠰᠤ ᠶ᠋ᠢ ᠮᠡᠳᠡᠷᠡᠵᠦ
ᠭᠠᠨᠳᠠᠷᠢᠰᠤᠨ ᠨᠤᠲᠤᠭ ᠤ᠋ᠨ ᠮᠢᠨᠢ ᠤᠭᠤᠷᠠᠭ ᠰᠢᠷᠣᠢ ᠬᠦᠢ ᠬᠣᠯᠪᠣᠭᠠᠲᠠᠢ ᠶ᠋ᠢ ᠰᠠᠨᠠᠵᠤ
ᠭᠠᠭᠴᠠᠬᠠᠨ ᠬᠤᠪᠢᠨᠴᠢᠷᠯᠠᠬᠤ ᠬᠠᠢᠷᠠ ᠶ᠋ᠢᠨ ᠲᠠᠩᠭᠠᠷᠢᠭ ᠢ᠋ ᠥᠪᠡᠷ ᠲᠦ᠍ ᠪᠡᠨ ᠲᠠᠯᠪᠢᠭᠠᠳ
ᠭᠤᠨᠢᠭ ᠪᠦᠬᠦᠨ ᠢ᠋ ᠪᠡᠨ ᠨᠠᠮᠤᠷ ᠤ᠋ᠨ ᠨᠠᠪᠴᠢᠰ ᠰᠢᠭ᠋ ᠰᠡᠭᠰᠦᠷᠬᠦ ᠳ᠋ᠦ᠍
ᠭᠠᠯ ᠲᠠᠢ ᠤᠭᠲᠤᠳᠠᠭ ᠥᠪᠡᠷ ᠦ᠋ᠨ ᠮᠢᠨᠢ ᠳᠡᠯᠡᠬᠡᠢ ᠡᠢᠮᠦ ᠯᠡ ᠵᠢᠷᠭᠠᠯᠲᠠᠢ
2023·11·12
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠭᠡᠷᠡᠯ
ᠬᠢᠨᠠᠭᠴᠢ ᠪᠠᠭᠰᠢ᠄ ᠣᠳᠬᠠᠨᠰᠣᠠ