ᠬᠠᠷᠢ ᠶ᠋ᠢᠨ ᠪᠠᠶᠠᠷ ᠪᠠ ᠮᠣᠩᠭᠣᠯᠴᠤᠳ ᠤ᠋ᠨ ᠪᠠᠶᠠᠷ - ᠭ· ᠴᠢᠩᠪᠠᠭᠠᠲᠤᠷХарийн баяр ба монголчуудын баяр-Г·Чинбаатар
386ᠬᠠᠷᠢ ᠶ᠋ᠢᠨ ᠪᠠᠶᠠᠷ ᠪᠠ ᠮᠣᠩᠭᠣᠯᠴᠤᠳ ᠤ᠋ᠨ ᠪᠠᠶᠠᠷ ①
ᠭ· ᠴᠢᠩᠪᠠᠭᠠᠲᠤᠷ
ᠢᠰᠦ᠋ᠰ ᠦ᠋ᠨ ᠮᠡᠨᠳᠦᠯᠡᠭᠰᠡᠨ ᠡᠳᠦᠷ᠂ ᠢᠨᠠᠭᠴᠤᠤᠯ ᠤ᠋ᠨ ᠪᠠᠶᠠᠷ᠁ ᠭᠡᠳ ᠪᠢᠳᠡᠨ ᠳ᠋ᠦ᠍ ᠪᠡᠯᠭᠡᠯᠡᠬᠦ ᠪᠠᠶᠠᠷ ᠶᠠᠮᠠᠷ ᠮᠤᠩᠳᠠᠬᠤ ᠪᠢᠰᠢ᠃ ᠲᠡᠭᠡᠬᠦ ᠳ᠋ᠦ᠍᠂ ᠡᠳᠡᠭᠡᠷ ᠪᠠᠶᠠᠷ ᠤ᠋ᠨ ᠴᠠᠭᠠᠳᠤ ᠤᠳᠬᠠ ᠤᠴᠢᠷ᠂ ᠰᠣᠶᠣᠯ ᠤ᠋ᠨ ᠠᠭᠤᠯᠬᠤᠨ᠂ ᠰᠠᠨᠠᠭᠠ ᠵᠣᠷᠢᠯᠭᠠ ᠶ᠋ᠢ ᠴᠤ ᠣᠢᠯᠠᠭᠠᠯ ᠦᠭᠡᠢ ᠪᠡᠷ ᠪᠤᠰᠤᠳ ᠢ᠋ ᠳᠠᠭᠤᠷᠢᠶᠠᠵᠤ ᠳᠡᠮᠡᠢ ᠯᠡ ᠳᠡᠷᠪᠡᠵᠡᠭᠡᠳᠡᠭ ᠮᠠᠨᠢ ᠴᠣᠬᠣᠮ ᠴᠤ ᠠᠯᠢᠶᠠ ᠪᠢᠰᠢ ᠰᠣᠯᠢᠶᠠ᠃ ᠥᠷᠥᠨᠡᠳᠠᠬᠢᠨ ᠤ᠋ ᠰᠣᠶᠣᠯ ᠤ᠋ᠨ ᠤᠯᠠᠮᠵᠢᠯᠠᠯ ᠲᠠᠢ ᠡᠢᠮᠦᠷᠬᠦᠦ ᠪᠠᠶᠠᠷ ᠨᠢ ᠥᠪᠡᠷᠰᠡᠳ ᠦ᠋ᠨ ᠢ᠋ᠶ᠋ᠡᠨ ᠪᠡᠯᠭᠡᠯᠡᠨ ᠲᠡᠮᠳᠡᠭᠯᠡᠬᠦ ᠱᠠᠰᠢᠨ ᠤ᠋ ᠪᠣᠯᠤᠨ ᠨᠡᠢᠭᠡᠮ ᠦ᠋ᠨ ᠬᠠᠷᠢᠯᠴᠠᠭᠠᠨ ᠤ᠋ ᠤᠴᠢᠷ ᠬᠣᠯᠪᠣᠭᠳᠠᠯ ᠲᠠᠢ ᠯᠠ ᠳᠠ᠃ ᠭᠡᠪᠡᠴᠦ ᠪᠢᠳᠡ ᠵᠦᠭᠡᠷ ᠯᠡ ᠨᠠᠭᠠᠳᠴᠤ ᠨᠠᠷᠭᠢᠬᠤ ᠶ᠋ᠢᠨ ᠰᠢᠯᠲᠠᠭ ᠲᠡᠳᠦᠢ ᠪᠡᠷ《ᠪᠡᠯᠭᠡᠯᠡᠵᠡᠭᠡᠵᠦ》 ᠪᠣᠢ᠃ ᠢᠩᠭᠢᠵᠦ ᠪᠡᠯᠭᠡᠯᠡᠭᠰᠡᠨ ᠬᠥᠮᠦᠰ ᠮᠠᠨᠢ ᠲᠡᠭᠡᠭᠡᠳ ᠢᠰᠥ᠋ᠰ ᠦ᠋ᠨ ᠲᠤᠬᠠᠢ ᠲᠠᠭ ᠮᠡᠳᠡᠬᠦ ᠦᠭᠡᠢ ᠪᠥᠭᠡᠳ ᠢᠨᠠᠭᠴᠤᠤᠯ ᠭᠡᠬᠦ ᠪᠡᠷ ᠰᠠᠷᠭᠠᠢ ᠬᠦᠷᠭᠡᠳᠡᠭ᠂ ᠴᠣᠺᠣᠯᠠᠳ᠋ ᠬᠦᠷᠭᠡᠳᠡᠭ ᠯᠡ ᠭᠡᠵᠦ ᠪᠦᠦᠷ ᠲᠦᠦᠷᠬᠡᠨ ᠣᠢᠯᠠᠭᠠᠵᠤ᠂ ᠦᠶᠡᠷᠬᠡᠵᠦ ᠪᠠᠢᠭᠠ ᠵᠠᠯᠠᠭᠤᠴᠤᠳ ᠥᠪᠡᠷ ᠵᠠᠭᠤᠷᠠ ᠪᠠᠨ ᠡᠷᠬᠡᠯᠡᠵᠦ ᠲᠣᠨᠢᠷᠬᠠᠬᠤ ᠠ᠋ᠴᠠ ᠣᠨᠳᠣᠣ ᠠᠭᠤᠯᠭᠠ ᠦᠭᠡᠢ ᠪᠠᠢᠭᠠ ᠰᠠᠨ᠃ ᠵᠦᠭᠡᠷ ᠯᠡ ᠴᠠᠭ ᠤ᠋ᠨ ᠮᠣᠳ᠋ ᠢ᠋ ᠳᠠᠭᠠᠵᠤ ᠭᠢᠬᠢᠯᠵᠡᠳᠡᠭ ᠦ᠋ᠨ ᠬᠢᠨᠢ ᠨᠢᠭᠡᠨ ᠢᠯᠡᠷᠡᠯ ᠡᠨᠡ ᠠᠵᠤᠭᠤ᠃
ᠥᠷᠥᠨᠡᠳᠠᠬᠢᠨ ᠤ᠋ ᠪᠤᠰᠤᠳ ᠦᠨᠳᠦᠰᠦᠲᠡᠨ ᠨᠦ᠍ᠭᠦᠳ ᠡᠭᠦᠰᠦᠯ ᠲᠡᠢ ᠡᠢᠮᠦᠷᠬᠦᠦ ᠰᠣᠶᠣᠯ ᠵᠠᠩᠰᠢᠯ ᠤ᠋ᠨ ᠠᠵᠢᠯᠯᠠᠭᠠ ᠪᠢᠳᠡᠨ ᠦ᠌ ᠠᠮᠢᠳᠤᠷᠠᠯ ᠳ᠋ᠤ᠌ ᠵᠠᠢ ᠠᠪᠴᠤ ᠪᠠᠢᠭᠠ ᠨᠢ ᠥᠨᠳᠥᠷ ᠬᠥᠭᠵᠢᠯ ᠲᠡᠢ ᠰᠣᠶᠣᠯ ᠪᠣᠯᠪᠠᠰᠤᠨ ᠤ᠋ ᠠᠮᠢᠰᠬᠤᠭᠠ《ᠪᠠᠯᠠᠷ ᠬᠣᠴᠣᠷᠤᠩᠭᠤᠢ》 ᠦᠨᠳᠦᠰᠦᠲᠡᠨ ᠢ᠋ ᠭᠡᠢᠭᠦᠯᠵᠦ ᠡᠬᠢᠯᠡᠵᠡᠢ ᠭᠡᠬᠦ ᠨᠢ ᠶᠠᠭᠤ ᠯᠠ ᠪᠣᠯ! ᠬᠠᠷᠢᠨ ᠡᠭᠦᠨ ᠢ᠋ ᠬᠠᠷᠠᠴᠢᠬᠠᠭᠠᠳ ᠪᠢᠳᠡᠨ ᠳ᠋ᠦ᠍ ᠪᠡᠯᠭᠡᠯᠡᠮᠡᠷ᠂ ᠪᠠᠬᠠᠳᠤᠭᠤᠯᠤᠮᠠᠷ ᠪᠠᠶᠠᠷ ᠶᠣᠰᠣᠯᠠᠯ ᠤ᠋ᠨ ᠵᠦᠢᠯ ᠶᠠᠭᠤ ᠪᠠᠢᠭᠠ ᠶ᠋ᠢ ᠰᠠᠨᠠᠯᠲᠠᠢ ᠪᠠᠢᠨᠠ᠃
ᠴᠢᠬᠢ ᠲᠦᠵᠢᠷᠡᠭᠰᠡᠨ ᠠᠷᠢᠬᠢᠨ ᠮᠤᠬᠤᠯᠠᠭ᠂ ᠮᠠᠷᠵᠠᠩ ᠶᠠᠷᠢᠶᠠ ᠲᠠᠢ ᠬᠣᠭᠣᠯᠠᠨ ᠰᠢᠷᠡᠭᠡᠨ ᠳ᠋ᠦ᠍ ᠡᠳᠦᠷᠵᠢᠨ ᠰᠥᠨᠢᠵᠢᠨ ᠰᠠᠭᠤᠬᠤ ᠠᠤᠭᠠ ᠲᠡᠪᠴᠢᠶᠡᠷᠢ ᠲᠡᠢ
ᠬᠥᠮᠦᠰ ᠮᠠᠨᠢ ᠪᠥᠬᠡ ᠶ᠋ᠢᠨ ᠪᠠᠷᠢᠯᠳᠤᠭᠠᠨ ᠬᠠᠷᠠᠵᠤ ᠲᠦᠷ ᠴᠤ᠌ ᠭᠡᠰᠡᠨ ᠰᠠᠭᠤᠬᠤ ᠶ᠋ᠢᠨ ᠤᠷᠮᠠ ᠲᠡᠪᠴᠢᠶᠡᠷᠢ ᠪᠠᠢᠳᠠᠭ ᠤᠤ? ᠲᠥᠷᠥᠭᠰᠡᠨ ᠡᠳᠦᠷ ᠦ᠋ᠨ ᠪᠠᠶᠠᠷ᠂ ᠢᠰᠥ᠋ᠰ ᠦ᠋ᠨ ᠪᠠᠶᠠᠷ ᠭᠡᠳ ᠬᠥᠯ ᠬᠥᠭᠡᠷᠴᠡᠭ ᠪᠣᠯᠳᠠᠭ ᠬᠥᠮᠦᠰ ᠮᠠᠨᠢ᠂ ᠴᠢᠩᠭᠢᠰ ᠦ᠋ᠨ ᠮᠡᠨᠳᠦᠯᠡᠭᠰᠡᠨ ᠳᠤᠷᠠᠰᠬᠠᠯᠲᠤ ᠡᠳᠦᠷ᠂ ᠴᠠᠭᠠᠨ ᠰᠠᠷᠠ ᠶ᠋ᠢᠨ ᠵᠠᠩ ᠦᠢᠯᠡ ᠶ᠋ᠢᠨ ᠶᠣᠰᠣᠯᠠᠯ ᠤᠳ ᠢ ᠭᠠᠭᠴᠠ ᠴᠤ ᠪᠣᠯᠲᠤᠭᠠᠢ ᠂ ᠰᠠᠨᠠᠵᠤ ᠭᠦᠢᠴᠡᠳᠬᠡᠵᠦ ᠪᠠᠢᠭᠠ ᠪᠣᠯ ᠤᠤ? ᠳᠡᠯᠡᠬᠡᠢ ᠶ᠋ᠢᠨ ᠠᠯᠢ ᠴᠤ᠌ ᠦᠨᠳᠦᠰᠦᠲᠡᠨ ᠴᠤ᠌ ᠥᠪᠡᠷ ᠦ᠋ᠨ ᠬᠢᠨᠢ ᠰᠣᠶᠣᠯ ᠤᠯᠠᠮᠵᠢᠯᠠᠯ ᠤ᠋ᠨ ᠢᠮ ᠲᠠᠮᠠᠭᠠ ᠪᠦᠬᠦᠢ ᠪᠠᠶᠠᠷ ᠶᠣᠰᠣᠯᠠᠯ ᠤ᠋ᠨ ᠠᠵᠢᠯᠯᠠᠭᠠ ᠪᠠᠢᠳᠠᠭ ᠪᠥᠭᠡᠳ ᠲᠡᠭᠦᠨ ᠢ᠋ᠶ᠋ᠡᠨ ᠵᠦᠢ ᠶᠣᠰᠣᠭᠠᠷ ᠨᠢ ᠥᠪᠯᠡᠵᠦ ᠤᠯᠠᠮᠵᠢᠯᠠᠬᠤ ᠪᠠᠷ ᠢ᠋ᠶ᠋ᠠᠨ ᠪᠠᠬᠠᠷᠬᠠᠳᠠᠭ ᠠᠲᠠᠯᠠ ᠪᠢᠳᠡ ᠶᠠᠭᠠᠬᠢᠬᠤ ᠳ᠋ᠠᠭᠠᠨ ᠴᠠᠭ ᠤ᠋ᠨ ᠮᠣᠳ᠋ ᠢ᠋ ᠳᠠᠭᠠᠵᠤ ᠬᠡᠢᠰᠬᠦ ᠳᠤᠷᠠᠲᠠᠢ ᠪᠢᠯᠡ?《ᠦ᠂ ᠶᠠᠭᠠᠬᠢᠬᠤ ᠪᠣᠢ᠂ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠲᠡᠭᠡᠵᠦ ᠯᠡ ᠪᠠᠢᠬᠤ ᠶᠤᠮ ᠴᠢᠨᠢ》 ᠭᠡᠵᠦ ᠵᠠᠷᠢᠮ ᠨᠢ ᠪᠡᠶᠡ ᠪᠡᠨ ᠵᠥᠪᠲᠥᠭᠡᠳᠡᠭ ᠃ ᠲᠡᠢᠮᠦ ᠨᠢ ᠴᠦ᠍ ᠲᠡᠢᠮᠦ ᠠ᠋! ᠭᠡᠪᠡᠴᠦ ᠲᠡᠳᠡᠨᠦᠰ ᠴᠢᠨᠢ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠲᠠᠨ ᠲᠠᠢ ᠠᠳᠠᠯᠢ ᠤᠴᠢᠷ ᠢ᠋ ᠮᠡᠳᠡᠬᠦ ᠦᠭᠡᠢ ᠪᠠᠢᠵᠤ ᠤᠷᠤᠰᠬᠠᠯ ᠳᠠᠭᠠᠵᠤ ᠪᠠᠢᠭᠠ ᠰᠢᠦ ᠳᠡ᠃ ᠳᠡᠯᠡᠬᠡᠢ ᠨᠡᠢᠭᠡᠮ ᠦ᠋ᠨ ᠬᠥᠭᠵᠢᠯ ᠢ᠋ ᠳᠠᠭᠠᠭᠠᠳ ᠣᠯᠠᠨ ᠵᠦᠢᠯ ᠦ᠋ᠨ ᠮᠣᠳ᠋ ᠰᠣᠶᠣᠯ ᠪᠢᠳᠡᠨ ᠢ᠋ ᠨᠥᠯᠥᠭᠡᠯᠡᠬᠦ ᠨᠢ ᠭᠠᠷᠴᠠᠭᠠ ᠦᠭᠡᠢ᠃ ᠶᠠᠭᠠᠬᠢᠵᠤ ᠪᠠᠢᠵᠤ ᠮᠣᠳ᠋ ᠤ᠋ᠨ ᠰᠢᠷᠦᠭᠦᠨ ᠤᠷᠤᠰᠬᠠᠯ ᠳ᠋ᠤ᠌ ᠥᠮᠴᠢᠨ ᠳ᠋ᠡᠬᠢ ᠵᠢᠭᠠᠬᠠᠨ ᠶᠠᠭᠤᠮᠠ ᠪᠠᠨ ᠠᠯᠳᠠᠴᠢᠬᠠᠭᠠ ᠯᠠ ᠦᠭᠡᠢ ᠪᠠᠢᠯᠭᠠᠬᠤ ᠪᠣᠢ? ᠶᠠᠭᠠᠬᠢᠵᠤ ᠲᠡᠷᠡ ᠳᠤᠮᠳᠠ ᠠ᠋ᠴᠠ ᠥᠪᠡᠷ ᠲᠡᠭᠡᠨ ᠬᠡᠷᠡᠭ ᠲᠡᠢ ᠶᠠᠭᠤᠮᠠ ᠪᠠᠨ ᠠᠪᠴᠤ ᠴᠢᠳᠠᠬᠤ ᠪᠣᠢ? ᠭᠡᠳᠡᠭ ᠮᠠᠨᠢ ᠪᠢᠳᠡᠨ ᠦ᠌ ᠬᠡᠨ ᠬᠡᠨ ᠲᠡᠢ ᠴᠤ᠌ ᠬᠣᠯᠪᠣᠭᠳᠠᠬᠤ ᠠᠰᠠᠭᠤᠳᠠᠯ᠃ ᠢᠯᠠᠩᠭᠤᠶᠠ ᠰᠡᠭᠡᠭᠡᠲᠡᠳ ᠲᠡᠢ! ᠪᠤᠰᠤᠳ ᠦᠨᠳᠦᠰᠦᠲᠡᠨ ᠥᠪᠡᠷᠰᠡᠳ ᠦ᠋ᠨ ᠪᠠᠶᠠᠷ ᠶᠣᠰᠣᠯᠠᠯ ᠢ᠋ᠶ᠋ᠠᠨ ᠭᠦᠢᠴᠡᠳᠬᠡᠵᠦ ᠪᠠᠢᠬᠤ ᠨᠢ ᠳᠡᠭᠡᠳᠦᠰ ᠦ᠋ᠨ ᠤᠯᠠᠮᠵᠢᠯᠠᠯ ᠢ᠋ᠶ᠋ᠠᠨ ᠪᠡᠶᠡᠯᠡᠭᠦᠯᠵᠦ ᠪᠠᠢᠬᠤ ᠠ᠋ᠴᠠ ᠪᠢᠰᠢ ᠮᠣᠳ᠋ ᠬᠥᠭᠡᠭᠡᠴᠡᠯᠳᠦᠵᠦ ᠪᠠᠢᠭᠠ ᠪᠢᠰᠢ᠃ ᠬᠠᠷᠢᠨ ᠪᠢᠳᠡ ᠶᠠᠭᠠᠬᠢᠭᠠᠳ ᠤᠯᠠᠮᠵᠢᠯᠠᠯ ᠢ᠋ᠶ᠋ᠠᠨ ᠭᠦᠢᠴᠡᠳᠬᠡᠬᠦ ᠦᠭᠡᠢ ᠪᠣᠢ? ᠭᠡᠳᠡᠭ ᠢ᠋ ᠬᠠᠷᠢ ᠦᠨᠳᠦᠰᠦᠲᠡᠨ ᠶᠠᠭᠠᠬᠢᠭᠠᠳ ᠪᠢᠳᠡᠨ ᠦ᠌ ᠪᠠᠶᠠᠷ ᠶᠣᠰᠣᠯᠠᠯ ᠢ᠋ᠶ᠋ᠠᠷ ᠮᠣᠳ᠋ ᠪᠣᠯᠭᠠᠳᠠᠭ ᠦᠭᠡᠢ ᠶᠦᠮ ᠪᠣᠢ ᠭᠡᠳᠡᠭ ᠲᠡᠢ ᠬᠠᠷᠢᠴᠠᠭᠤᠯᠤᠨ ᠣᠢᠯᠠᠭᠠᠬᠤ ᠰᠡᠭᠡᠭᠡ ᠲᠡᠢ ᠪᠠᠢᠪᠠᠯ ᠲᠠᠭᠠᠷᠠᠨᠠ᠃
ᠴᠠᠭ ᠤ᠋ᠨ ᠰᠠᠯᠬᠢᠨ ᠳ᠋ᠤ᠌ ᠨᠠᠢᠭᠤᠵᠤ᠂ ᠰᠣᠬᠣᠷ ᠢ᠋ᠶ᠋ᠠᠷ ᠬᠥᠭᠡᠭᠡᠴᠡᠯᠳᠦᠭᠰᠡᠨ ᠮᠣᠳ᠋ ᠨᠢ ᠬᠥᠭᠵᠢᠯ ᠦ᠋ᠨ ᠥᠨᠳᠥ ᠲᠦᠪᠰᠢᠨ ᠢ ᠶᠠᠭᠠᠬᠢᠭᠰᠠᠨ ᠴᠤ ᠲᠥᠯᠥᠭᠡᠯᠡᠵᠦ ᠴᠢᠳᠠᠬᠤ ᠦᠭᠡᠢ᠃ ᠥᠷᠥᠭᠡᠯ ᠦ᠋ᠨ ᠳᠡᠷᠪᠡᠭᠰᠡᠨ ᠢ᠋ ᠳᠠᠭᠤᠷᠢᠶᠠᠵᠤ ᠮᠣᠳ᠋ ᠪᠣᠯᠭᠠᠬᠤ ᠳ᠋ᠠᠭᠠᠨ ᠥᠮᠴᠢᠨ ᠳ᠋ᠡᠬᠢ ᠪᠡᠨ ᠬᠠᠶᠠᠬᠤ ᠮᠣᠳ᠋ ᠴᠤ ᠭᠠᠵᠠᠷ ᠠᠪᠴᠤ ᠪᠣᠢ᠃ ᠬᠠᠷᠢᠨ ᠥᠨᠳᠥᠷ ᠬᠥᠭᠵᠢᠯ ᠲᠡᠢ ᠤᠯᠤᠰ ᠦᠨᠳᠦᠰᠦᠲᠡᠨ ᠦ᠌ ᠬᠢᠨ ᠥᠪ ᠤᠯᠠᠮᠵᠢᠯᠠᠯ ᠢ᠋ᠶ᠋ᠠᠨ ᠪᠦᠲᠦᠨ ᠢ᠋ᠶ᠋ᠡᠷ ᠨᠢ ᠪᠠᠢᠯᠭᠠᠬᠤ ᠶ᠋ᠢ ᠮᠣᠳ᠋ ᠪᠣᠯᠭᠠᠵᠤ ᠪᠠᠢᠭᠠ ᠶ᠋ᠢ ᠳᠠᠭᠤᠷᠢᠶᠠᠭᠠᠴᠢ!
——————
① ᠡᠨᠡ ᠵᠣᠬᠢᠶᠠᠯ《ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠡᠳᠦᠷ ᠦ᠋ᠨ ᠰᠣᠨᠢᠨ》 ᠤ᠋2004·2·27 ᠤ᠋ ᠳ᠋ᠤᠭᠠᠷ ᠲᠤ ᠨᠡᠢᠲᠡᠯᠡᠭᠳᠡᠭᠰᠡᠨ ᠪᠠᠢᠵᠠᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠭᠡᠷᠡᠯ
ᠬᠢᠨᠠᠭᠴᠢ ᠪᠠᠭᠰᠢ᠄ ᠣᠳᠬᠠᠨᠰᠣᠠ