ᠬᠠᠢᠷᠠ ᠶ᠋ᠢᠨ ᠰᠢᠳᠢᠲᠦ ᠦᠷᠡХайрын шидэт үр
914ᠬᠠᠢᠷᠠ ᠶ᠋ᠢᠨ ᠰᠢᠳᠢᠲᠦ ᠦᠷᠡ
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ᠌᠂ ᠨᠢᠭᠡᠨ ᠵᠢᠵᠢᠭ ᠬᠣᠲᠠ ᠳ᠋ᠤ᠌ ᠬᠥᠮᠦᠰ ᠠᠵᠠ ᠵᠢᠷᠭᠠᠯ ᠲᠠᠢ ᠠᠮᠢᠳᠤᠷᠠᠨ ᠰᠠᠭᠤᠳᠠᠭ ᠪᠠᠶ᠋ᠢᠵᠤ ᠭᠡᠨᠡ᠃
ᠲᠤᠰ ᠬᠣᠲᠠ ᠶ᠋ᠢᠨ ᠰᠢᠨᠡ ᠪᠡᠷ ᠲᠥᠷᠥᠭᠰᠡᠨ ᠬᠡᠦᠬᠡᠳ ᠪᠦᠬᠦᠨ ᠳ᠋ᠦ᠍ ᠥᠪᠡᠷ ᠥᠪᠡᠷ ᠦ᠋ᠨ ᠰᠢᠳᠢᠲᠦ ᠦᠷᠡ ᠲᠡᠢ ᠬᠠᠮᠲᠤ ᠮᠡᠨᠳᠦᠯᠡᠳᠡᠭ ᠪᠠᠶ᠋ᠢᠵᠤ ᠭᠡᠨᠡ᠃ ᠠᠩᠬᠠ ᠲᠥᠷᠥᠬᠦ ᠦᠶᠡ ᠳ᠋ᠦ᠍ ᠨᠢ ᠬᠡᠦᠬᠡᠳ ᠪᠦᠷᠢ ᠰᠢᠳᠢᠲᠦ ᠦᠷᠡ ᠨᠢᠭᠡ ᠢᠵᠢᠯ ᠪᠣᠯᠪᠠᠴᠤ ᠬᠥᠮᠦᠨ ᠪᠦᠷᠢ ᠡᠴᠡ ᠬᠠᠮᠢᠶᠠᠷᠴᠤ ᠶᠠᠩᠵᠤ ᠪᠦᠷᠢ ᠪᠡᠷ ᠤᠷᠭᠤᠨᠠ᠃ ᠵᠠᠷᠢᠮ ᠬᠡᠦᠬᠡᠳ ᠦ᠋ᠨ ᠦᠷᠡ ᠥᠨᠳᠥᠷ ᠰᠠᠢᠬᠠᠨ ᠤᠷᠭᠤᠵᠤ ᠪᠠᠶ᠋ᠢᠬᠤ ᠳ᠋ᠤ᠌ ᠥᠭᠡᠷᠡ ᠨᠢᠭᠡᠨ ᠦ᠌ ᠬᠢᠨᠢ ᠦᠷᠡ ᠰᠠᠢᠨ ᠤᠷᠭᠤᠬᠤ ᠦᠭᠡᠢ ᠬᠠᠲᠠᠵᠤ ᠭᠠᠩᠳᠠᠵᠠᠢ᠃
ᠠᠯᠢᠮᠠ ᠥᠬᠢᠨ ᠪᠣᠯ ᠡᠨᠡ ᠬᠣᠲᠠ ᠳ᠋ᠤ᠌ ᠠᠮᠢᠳᠤᠷᠠᠳᠠᠭ᠃ ᠣᠳᠣ ᠠᠷᠪᠠᠨ ᠨᠠᠰᠤᠲᠠᠢ᠃ ᠲᠡᠭᠦᠨ ᠦ᠌ ᠬᠠᠶ᠋ᠢᠷᠠ ᠶ᠋ᠢᠨ ᠰᠢᠳᠢᠲᠦ ᠦᠷᠡ ᠨᠢ ᠲᠡᠶ᠋ᠢᠮᠦ ᠴᠦ᠍ ᠰᠠᠢᠨ ᠤᠷᠭᠤᠵᠤ ᠥᠭᠬᠦ ᠦᠭᠡᠢ ᠯᠡ ᠪᠠᠶ᠋ᠢᠯᠠ᠃
ᠨᠢᠭᠡ ᠡᠳᠦᠷ ᠠᠯᠢᠮᠠ ᠥᠬᠢᠨ ᠲᠣᠭᠯᠠᠵᠤ ᠪᠠᠶ᠋ᠢᠭᠠ ᠬᠡᠦᠬᠡᠳ ᠦ᠋ᠳ ᠊ᠢ ᠬᠠᠷᠠᠭᠰᠠᠨ ᠳ᠋ᠤ᠌ ᠬᠠᠷᠢᠨ ᠭᠡᠨᠡᠳᠲᠡ ᠨᠢᠭᠡ ᠪᠣᠳᠣᠯ ᠳ᠋ᠤ᠌ ᠬᠦᠷᠴᠦ ᠭᠡᠨᠡ᠃ ᠠᠯᠢᠮᠠ ᠮᠠᠨ ᠤ᠋ ᠬᠣᠲᠠ ᠶ᠋ᠢᠨ ᠪᠦᠬᠦ ᠬᠡᠦᠬᠡᠳ ᠲᠦ᠍ ᠶᠠᠭ ᠢᠵᠢᠯᠬᠡᠨ ᠬᠠᠶ᠋ᠢᠷᠠ ᠶ᠋ᠢᠨ ᠰᠢᠳᠢᠲᠦ ᠦᠷᠡ ᠲᠡᠢ᠂ ᠵᠢᠴᠢ ᠬᠡᠦᠬᠡᠳ ᠦ᠋ᠨ ᠦᠷᠡ ᠶᠠᠭᠠᠬᠢᠭᠠᠳ ᠥᠭᠡᠷᠡ ᠥᠭᠡᠷᠡ ᠤᠷᠭᠤᠳᠠᠭ ᠶᠤᠮ ᠪᠣᠯ ᠭᠡᠵᠦ ᠪᠣᠳᠣᠯᠠ᠃
ᠡᠨᠡ ᠠᠰᠠᠭᠤᠯᠲᠠ ᠶ᠋ᠢᠨ ᠤᠴᠢᠷ ᠊ᠢ ᠣᠯᠬᠤ ᠪᠠᠷ ᠣᠯᠠᠨ ᠬᠥᠮᠦᠨ ᠲᠡᠢ ᠠᠭᠤᠯᠵᠠᠵᠠᠢ᠃ ᠭᠡᠰᠡᠨ ᠴᠦ᠍ ᠲᠣᠬᠢᠷᠠᠬᠤ ᠵᠥᠪ ᠬᠠᠷᠢᠭᠤᠯᠲᠠ ᠪᠠᠨ ᠣᠯᠤᠭᠰᠠᠨ ᠦᠭᠡᠢ᠂ ᠬᠠᠷᠢᠨ ᠬᠣᠲᠠ ᠶ᠋ᠢᠨ ᠨᠢᠭᠡ ᠨᠠᠰᠤᠲᠠᠢ ᠬᠥᠮᠦᠨ ᠠᠯᠢᠮᠠ ᠶ᠋ᠢ᠄ ᠬᠣᠲᠠ ᠶ᠋ᠢᠨ ᠢ᠋ᠶ᠋ᠡᠨ ᠮᠡᠷᠭᠡᠨ ᠡᠪᠦᠭᠡ ᠲᠡᠢ ᠠᠭᠤᠯᠵᠠᠬᠤ ᠶ᠋ᠢ ᠵᠥᠪᠯᠡᠪᠡ᠃ ᠲᠡᠷᠡ ᠪᠡᠷ ᠮᠡᠷᠭᠡᠨ ᠡᠪᠦᠭᠡᠳ ᠊ᠢ ᠣᠴᠢᠵᠤ ᠠᠭᠤᠯᠵᠠᠭᠠᠳ ᠤᠴᠢᠷ ᠶᠠᠪᠤᠳᠠᠯ ᠊ᠢ ᠬᠡᠯᠡᠵᠦ ᠣᠶ᠋ᠢᠯᠠᠭᠠᠭᠤᠯᠵᠤ ᠭᠡᠨᠡ᠃ ᠬᠠᠷᠢᠨ ᠮᠡᠷᠭᠡᠨ ᠡᠪᠦᠭᠡ ᠠᠯᠢᠮᠠ ᠥᠬᠢᠨ ᠡᠴᠡ ᠨᠢᠭᠡᠨ ᠠᠰᠠᠭᠤᠯᠲᠠ ᠶ᠋ᠢ ᠠᠰᠠᠭᠤᠪᠠ᠃
ᠮᠡᠷᠭᠡᠨ ᠡᠪᠦᠭᠡ᠄ ᠴᠢ ᠰᠢᠳᠢᠲᠦ ᠦᠷᠡ ᠪᠡᠨ ᠰᠠᠢᠨ ᠤᠷᠭᠤᠭᠤᠯᠬᠤ ᠶ᠋ᠢᠨ ᠲᠤᠯᠠᠳᠠ ᠶᠠᠭᠤ ᠬᠢᠭᠰᠡᠨ ᠶᠦ᠍ᠮ ᠪᠣᠢ? ᠭᠡᠬᠦ ᠳ᠋ᠦ᠍᠄
ᠠᠯᠢᠮᠠ ᠥᠬᠢᠨ᠄ ᠪᠢ ᠰᠢᠳᠢᠲᠦ ᠦᠷᠡ ᠪᠡᠨ ᠬᠠᠮᠤᠭ ᠤ᠋ᠨ ᠰᠠᠢᠨ ᠤᠷᠭᠤᠭᠠᠰᠠᠢ ᠭᠡᠵᠦ ᠦᠷᠭᠦᠯᠵᠢ ᠬᠦᠰᠡᠳᠡᠭ᠃ ᠬᠠᠶ᠋ᠢᠷᠠ ᠶ᠋ᠢᠨ ᠰᠢᠳᠢᠲᠦ ᠦᠷᠡ ᠪᠡᠨ ᠰᠠᠢᠨ ᠤᠷᠭᠤᠭᠤᠯᠬᠤ ᠭᠡᠳ ᠣᠶ᠋ᠢᠷᠠ ᠳᠣᠲᠣᠨᠣ ᠶ᠋ᠢᠨ ᠣᠯᠠᠨ ᠬᠥᠮᠦᠨ ᠡᠴᠡ ᠮᠠᠰᠢ ᠶᠡᠬᠡ ᠬᠠᠶ᠋ᠢᠷᠠ ᠶ᠋ᠢ ᠬᠦᠯᠢᠶᠡᠨ ᠠᠪᠳᠠᠭ᠃ ᠶᠡᠬᠡ ᠬᠠᠶ᠋ᠢᠷᠠ ᠢᠷᠡᠵᠦ ᠪᠠᠶ᠋ᠢᠭᠠᠳ ᠬᠠᠶ᠋ᠢᠷᠠ ᠶ᠋ᠢᠨ ᠰᠢᠳᠢᠲᠦ ᠦᠷᠡ ᠮᠢᠨᠢ ᠰᠠᠢᠨ ᠤᠷᠭᠤᠬᠤ ᠦᠭᠡᠢ ᠶᠦ᠍ᠮ ᠢᠩᠭᠢᠵᠦ ᠬᠠᠷᠢᠭᠤᠯᠵᠤ ᠭᠡᠨᠡ᠃ ᠮᠡᠷᠭᠡᠨ ᠡᠪᠦᠭᠡ ᠵᠢᠭᠠᠬᠠᠨ ᠪᠣᠳᠣᠵᠤ ᠪᠠᠶ᠋ᠢᠬᠰᠠᠨ ᠢ᠋ᠶ᠋ᠠᠨ᠄ ᠭᠤᠷᠪᠠᠨ ᠰᠢᠯᠦᠨ ᠠᠶᠠᠭᠠ ᠰᠠᠪᠠ ᠲᠠᠢ
ᠤᠰᠤᠨ ᠤ᠋ ᠬᠠᠮᠲᠤ ᠠᠪᠴᠢᠷᠠᠪᠠ᠃ ᠲᠡᠭᠡᠭᠡᠳ ᠰᠢᠯᠦᠨ ᠠᠶᠠᠭᠠᠨ ᠳ᠋ᠤ᠌ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠬᠡᠮᠵᠢᠶᠡ ᠲᠡᠢ ᠤᠰᠤ ᠬᠢᠯᠡ᠃
ᠡᠬᠢᠨ ᠦ᠌ ᠠᠶᠠᠭᠠ ᠪᠠᠭᠠ᠂ ᠳᠠᠷᠠᠭᠠ ᠶ᠋ᠢᠨ ᠠᠶᠠᠭᠠ ᠨᠢ ᠶᠡᠬᠡ᠂ ᠰᠡᠭᠦᠯ ᠦ᠋ᠨ ᠠᠶᠠᠭᠠᠨ ᠳ᠋ᠤ᠌ ᠲᠠᠯᠠ ᠳᠤᠨᠳᠠᠭᠤᠷ ᠤᠰᠤ ᠬᠢᠯᠡ᠃ ᠮᠡᠷᠭᠡᠨ ᠡᠪᠦᠭᠡ ᠡᠬᠢᠨ ᠦ᠌ ᠬᠣᠶᠠᠷ ᠠᠶᠠᠭᠠ ᠶ᠋ᠢ ᠨᠢᠭᠡ ᠨᠢᠭᠡᠨ ᠤᠷᠤᠭᠤ ᠶᠡᠭᠦᠯᠡᠵᠦ ᠲᠡᠩᠴᠡᠭᠦᠯᠪᠡ᠃ ᠬᠠᠷᠢᠨ ᠰᠡᠭᠦᠯ ᠦ᠋ᠨ ᠠᠶᠠᠭᠠᠨ ᠳ᠋ᠠᠬᠢ ᠤᠰᠤ ᠶ᠋ᠢ ᠣᠭᠲᠣ ᠥᠭᠡᠷᠡᠴᠢᠯᠡᠭᠰᠡᠨ ᠦᠭᠡᠢ᠃ ᠲᠡᠭᠡᠭᠡᠳ ᠰᠢᠯᠦᠨ ᠠᠶᠠᠭᠠᠨ ᠳ᠋ᠤ᠌ ᠤᠰᠤ ᠬᠢᠯᠡ᠃ ᠭᠤᠷᠪᠠᠨ ᠰᠢᠯᠦᠨ ᠠᠶᠠᠭᠠ ᠳᠦᠭᠦᠷᠡᠩ ᠤᠰᠤ ᠲᠠᠢ ᠪᠣᠯᠪᠠ᠂ ᠠᠯᠢᠮᠠ ᠥᠬᠢᠨ ᠠᠩᠬᠠᠷᠤᠯ ᠳ᠋ᠤ᠌ ᠪᠠᠨ ᠭᠠᠶ᠋ᠢᠬᠠᠵᠤ ᠵᠣᠭᠰᠣᠭᠰᠠᠭᠠᠷ ᠪᠠᠶ᠋ᠢᠪᠠ᠃ ᠬᠠᠷᠢᠨ ᠮᠡᠷᠭᠡᠨ ᠡᠪᠦᠭᠡ ᠤᠴᠢᠷ ᠊ᠢ ᠲᠠᠶ᠋ᠢᠯᠪᠤᠷᠢᠯᠠᠵᠤ ᠡᠬᠢᠯᠡᠯᠡ᠃
ᠲᠡᠷᠡ ᠪᠡᠷ ᠰᠢᠯᠦᠨ ᠠᠶᠠᠭᠠ ᠪᠣᠯ ᠥᠭᠡᠷᠡ ᠥᠭᠡᠷᠡ ᠬᠥᠮᠦᠰ ᠬᠠᠷᠢᠨ ᠤᠰᠤ ᠪᠣᠯ ᠬᠠᠶ᠋ᠢᠷᠠ ᠶ᠋ᠢ ᠲᠥᠯᠥᠭᠡᠯᠡᠵᠦ ᠪᠠᠶ᠋ᠢᠭᠠ᠂ ᠬᠥᠮᠦᠨ ᠪᠦᠷᠢ ᠳ᠋ᠦ᠍ ᠬᠠᠶ᠋ᠢᠷᠠ ᠶ᠋ᠢ ᠬᠦᠯᠢᠶᠡᠨ ᠠᠪᠬᠤ ᠬᠠᠶ᠋ᠢᠷᠠ ᠶ᠋ᠢᠨ ᠬᠡᠮᠵᠢᠶᠡ ᠬᠠᠷᠢᠯᠴᠠᠨ ᠠᠳᠠᠯᠢ ᠦᠭᠡᠢ᠂ ᠵᠠᠷᠢᠮ ᠬᠥᠮᠦᠨ ᠨᠡᠮᠡᠭᠡᠳ ᠪᠠᠶ᠋ᠢᠪᠠᠯ ᠬᠠᠯᠢᠵᠤ ᠠᠰᠬᠠᠷᠠᠨᠠ ᠃ ᠬᠠᠷᠢᠨ ᠠᠶᠠᠭᠠ ᠲᠠᠢ ᠤᠰᠤᠨ ᠠ᠋ᠴᠠ ᠪᠠᠰᠠ ᠨᠢᠭᠡ ᠬᠡᠰᠡᠭ ᠊ᠢ ᠥᠭᠡᠷᠡ ᠠᠶᠠᠭᠠ ᠤᠷᠤᠭᠤ ᠶᠡᠭᠦᠯᠡᠵᠦ ᠳᠠᠬᠢᠨ ᠤᠰᠤ ᠨᠡᠮᠡᠪᠡᠯ ᠠᠶᠠᠭᠠ ᠴᠢᠨᠢ ᠳᠦᠭᠦᠷᠡᠩ ᠪᠣᠯᠤᠨᠠ᠃ ᠠᠪᠤᠭᠰᠠᠨ ᠬᠡᠮᠵᠢᠶᠡ ᠪᠡᠷ ᠢ᠋ᠶ᠋ᠡᠨ ᠬᠠᠶ᠋ᠢᠷᠠ ᠶ᠋ᠢ ᠥᠭᠴᠦ ᠰᠤᠷᠬᠤ ᠬᠡᠷᠡᠭᠲᠡᠢ᠃ ᠬᠠᠶ᠋ᠢᠷᠠ ᠶ᠋ᠢᠨ ᠤᠤᠠᠬᠠ ᠤᠴᠢᠷ ᠡᠶ᠋ᠢᠮᠦ ᠶᠦ᠍ᠮ ᠭᠡᠵᠦ ᠭᠡᠨᠡ᠃
ᠠᠯᠢᠮᠠ ᠥᠬᠢᠨ ᠮᠡᠷᠭᠡᠨ ᠡᠪᠦᠭᠡ ᠳ᠋ᠦ᠍ ᠲᠠᠯᠠᠷᠬᠠᠯ ᠢ᠋ᠶ᠋ᠠᠨ ᠢᠯᠡᠷᠬᠡᠢᠯᠡᠵᠦ ᠭᠡᠷ ᠦ᠋ᠨ ᠵᠦᠭ ᠶᠠᠪᠤᠯᠠ᠃ ᠭᠡᠷ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠮᠠᠰᠢ ᠶᠡᠬᠡ ᠪᠠᠶᠠᠷᠲᠠᠢ ᠪᠠᠶ᠋ᠢᠬᠰᠠᠨ ᠪᠥᠭᠡᠳ ᠥᠪᠡᠷ ᠦ᠋ᠨ ᠮᠡᠳᠡᠭᠰᠡᠨ ᠢ᠋ᠶ᠋ᠠᠨ ᠪᠤᠰᠤᠳ ᠲᠤ᠌ ᠪᠠᠨ ᠬᠤᠪᠢᠶᠠᠯᠴᠠᠬᠤ ᠪᠠᠷ ᠪᠠᠶ᠋ᠢᠯᠠ᠃
ᠣᠳᠣ ᠦᠶᠡ ᠳ᠋ᠦ᠍ ᠴᠦ᠍ ᠡᠨᠡ ᠬᠠᠶ᠋ᠢᠷᠠ ᠶ᠋ᠢᠨ ᠰᠢᠳᠢᠲᠦ ᠦᠷᠡ ᠬᠥᠮᠦᠨ ᠪᠦᠷᠢ ᠶ᠋ᠢᠨ ᠰᠡᠳᠬᠢᠯ ᠳᠣᠲᠣᠷᠠ ᠣᠷᠣᠰᠢᠭᠰᠠᠭᠠᠷ ᠪᠠᠶ᠋ᠢᠲᠠᠭ᠃ ᠠᠯᠢᠮᠠ ᠥᠬᠢᠨ ᠴᠢᠨᠦ ᠬᠠᠶ᠋ᠢᠷᠠ ᠶ᠋ᠢᠨ ᠰᠢᠳᠢᠲᠦ ᠦᠷᠡ ᠶᠠᠮᠠᠷ ᠬᠡᠮᠵᠢᠶᠡ ᠲᠡᠢ ᠴᠡᠴᠡᠷᠯᠢᠭ ᠪᠣᠯᠤᠨ ᠤᠷᠭᠤᠭᠰᠠᠨ ᠪᠣᠯ ᠬᠠᠶ᠋ᠢᠷᠠ ᠶ᠋ᠢᠨ ᠰᠢᠳᠢᠲᠦ ᠦᠷᠡ ᠪᠡᠨ ᠶᠠᠮᠠᠷ ᠪᠠᠶ᠋ᠢᠯᠭᠠᠬᠤ ᠨᠢ ᠴᠢᠮᠠ ᠡᠴᠡ ᠥᠪᠡᠷ ᠡᠴᠡ ᠴᠢᠨᠢ ᠰᠢᠯᠲᠠᠭᠠᠯᠠᠨᠠ᠃ ᠠᠮᠵᠢᠯᠲᠠ ᠬᠦᠰᠡᠶᠡ! ᠨᠠᠶ᠋ᠢᠵᠠ ᠨᠤᠭᠤᠳ ᠠ᠋!
ᠦᠰᠦᠭ ᠬᠠᠳᠠᠭᠴᠢ᠄ ᠲᠣᠲᠣᠭᠡᠷᠡᠯ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠲᠣᠲᠣᠭᠡᠷᠡᠯ
ᠬᠢᠨᠠᠭᠴᠢ᠄ ᠤᠶᠠᠬᠠᠨ᠂ ᠭᠠᠷᠮᠡ᠂ ᠢᠷᠡᠭᠡᠲᠦᠢ