ᠨᠢᠭᠡᠬᠡᠨ ᠡᠳᠦᠷ ᠦᠨ ᠴᠢᠯᠦᠭᠡ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Нэгхэн өдрийн чөлөө – Ёндоны Билиг - Баатар
560ᠨᠢᠭᠡᠬᠡᠨ ᠡᠳᠦᠷ ᠦᠨ ᠴᠢᠯᠦᠭᠡ
— ᠳᠡᠯᠡᠬᠡᠢ ᠶ᠋ᠢᠨ ᠢᠷᠠᠭᠤ ᠨᠠᠢᠷᠠᠭ ᠤ᠋ᠨ
ᠡᠳᠦᠷ ᠲᠦ᠍ ᠰᠦᠨ ᠰᠠᠴᠤᠯᠢ ᠡᠷᠭᠦᠮᠦ
ᠳᠡᠯᠡᠬᠡᠢ ᠶ᠋ᠢᠨ ᠢᠷᠠᠭᠤ ᠨᠠᠢᠷᠠᠭ ᠤ᠋ᠨ ᠡᠳᠦᠷ
ᠳᠡᠩᠳᠡᠭᠦᠦ ᠬᠡᠢᠷᠬᠡᠭᠡ ᠦᠭᠡᠢ ᠪᠢ ᠥᠨᠥᠳᠥᠷ
ᠬᠣᠶᠠᠷ ᠪᠠᠳᠠᠭ ᠴᠤ᠌ ᠰᠢᠯᠦᠭ ᠪᠢᠴᠢᠭᠡ ᠦᠭᠡᠢ
ᠬᠣᠷᠸᠠ ᠬᠤᠮᠬᠢ ᠶ᠋ᠢ ᠴᠤ᠌ ᠪᠣᠳᠣᠭᠠ ᠦᠭᠡᠢ
ᠳᠡᠷᠭᠡᠳᠡ ᠭᠡᠷᠭᠡᠢ ᠬᠠᠲᠤᠨ ᠮᠢᠨᠢ ᠪᠠᠢᠭᠠ
ᠲᠡᠭᠦᠨ ᠡᠴᠡ ᠮᠢᠨᠢ ᠰᠠᠢᠬᠠᠨ ᠰᠢᠯᠦᠭ ᠦᠭᠡᠢ
ᠬᠠᠮᠤᠭ ᠳᠡᠯᠡᠬᠡᠢ ᠶ᠋ᠢᠨ ᠭᠠᠯ ᠨᠠᠢᠷᠠᠭᠴᠢᠳ ᠮᠢᠨᠢ
ᠬᠠᠷᠢᠨ ᠥᠨᠥᠳᠥᠷ ᠬᠠᠮ ᠣᠩᠭᠣᠳ ᠲᠠᠭᠠᠨ
ᠨᠢᠩᠵᠢ ᠵᠠᠶᠠᠭᠠᠲᠤ ᠰᠢᠯᠦᠭᠴᠢ ᠴᠣᠭᠴᠢᠰ ᠲᠠᠭᠠᠨ
ᠨᠢᠭᠡᠯᠬᠡᠨ ᠡᠳᠦᠷ ᠦ᠋ᠨ ᠴᠢᠯᠥᠭᠡ ᠥᠭᠭᠦᠭᠡᠴᠢ
᠁
ᠨᠢᠮᠭᠡᠨ ᠲᠠᠷᠢᠬᠢ ᠲᠡᠭᠦᠯᠳᠡᠷ ᠠᠪᠢᠶᠠᠰ ᠴᠢᠨᠢ
ᠨᠢᠭᠡᠮᠦᠰᠦᠨ ᠶᠠᠳᠠᠷᠠᠵᠤ ᠴᠢᠯᠡᠭᠡᠳ ᠬᠥᠭᠡᠷᠦᠬᠦᠢ
ᠨᠢᠭᠡᠨ ᠪᠦᠬᠦᠯᠢ ᠵᠢᠯ ᠢ᠋ᠶ᠋ᠡᠷ ᠠᠮᠠᠷᠠᠭᠠ ᠦᠭᠡᠢ
ᠨᠢᠮᠪᠠᠢ ᠰᠡᠳᠬᠢᠬᠦᠢ ᠨᠢ ᠤᠨᠲᠠᠭᠠ ᠦᠭᠡᠢ
ᠠᠮᠢ ᠲᠠᠢ ᠶᠤᠮ ᠴᠢᠨᠢ ᠶᠠᠳᠠᠷᠠᠯᠭᠦᠢ ᠶᠠᠭᠠᠬᠢᠬᠤᠪ
ᠠᠯᠢ ᠪᠣᠯᠭᠠᠨ ᠤ᠋ ᠬᠢᠨᠢ ᠲᠥᠯᠥᠭᠡ
ᠶᠠᠰᠤ ᠰᠦᠨᠡᠰᠦ ᠪᠡᠷ ᠢ᠋ᠶ᠋ᠡᠨ ᠵᠢᠳᠬᠦᠭᠡ ᠳᠧ
ᠶᠠᠭ ᠦᠨᠡᠨᠳᠡᠭᠡᠨ ᠴᠠᠭᠠᠳᠤᠬᠢ ᠲᠠᠨᠢ
ᠶᠠᠳᠠᠭᠰᠠᠨ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠳ᠋ᠦ᠍
ᠠᠯᠢᠪᠠ ᠪᠦᠬᠦᠨ ᠢ᠋ᠶ᠋ᠡᠨ ᠵᠣᠷᠢᠭᠤᠯᠤᠭᠰᠠᠨ ᠳᠠ
ᠶᠠᠮᠠᠷ ᠲᠠᠭᠠᠨ ᠲᠡᠢᠮᠦ ᠠᠯᠪᠠ ᠲᠠᠢ ᠶᠤᠮ ᠤᠤ
ᠶᠠᠩᠬᠠᠨ ᠴᠤ᠌ ᠡᠭᠦᠨ ᠢ᠋ ᠨᠢ ᠮᠡᠳᠡᠳᠡᠭ ᠳᠧ
ᠶᠠᠮᠪᠠᠲᠠᠳ ᠬᠠᠷᠢᠨ ᠲᠣᠭᠣᠳᠠᠭ ᠦᠭᠡᠢ ᠴᠤ᠌
ᠶᠠᠯᠠᠲᠠᠳ ᠪᠦᠷ ᠭᠠᠢᠭᠤᠢ ᠰᠠᠨᠠᠳᠠᠭ ᠰᠢᠦ ᠳᠡ
ᠬᠣᠷᠣᠮ ᠴᠤ᠌ ᠠᠯᠤᠰᠯᠠᠯ ᠦᠭᠡᠢ ᠰᠡᠳᠬᠢᠳᠡᠭ
ᠬᠣᠷᠸᠠᠴᠢ ᠮᠡᠳᠡᠷᠡᠬᠦᠢ ᠳ᠋ᠡᠭᠡᠨ ᠴᠢᠯᠥᠭᠡ ᠳᠡᠯᠪᠢ
ᠢᠷᠠᠭᠤ ᠨᠠᠢᠷᠠᠭ ᠴᠠᠭ ᠠ᠋ᠴᠠ ᠡᠮᠦᠨᠡᠰᠢᠯᠡᠳᠡᠭ
ᠢᠷᠠᠭᠤ ᠨᠠᠢᠷᠠᠭ ᠡᠷᠢᠨ ᠢ᠋ ᠪᠦᠲᠦᠭᠡᠳᠡᠭ
ᠢᠷᠠᠭᠤ ᠨᠠᠢᠷᠠᠭ ᠦᠭᠡᠢ
ᠶᠠᠳᠠᠭᠤ ᠦᠨᠳᠦᠰᠦᠲᠡᠨ ᠮᠥᠬᠥᠳᠡᠭ
ᠶᠠᠳᠠᠷᠠᠬᠤ ᠳ᠋ᠠᠭᠠᠨ ᠪᠥᠮᠪᠥᠷᠴᠡᠭ ᠮᠢᠨᠢ
ᠢᠷᠠᠭᠤ ᠨᠠᠢᠷᠠᠭ ᠢ᠋ᠶ᠋ᠠᠷ ᠯᠠ ᠠᠮᠢᠰᠬᠤᠯᠠᠳᠠᠭ
ᠣᠷᠴᠢᠯᠠᠩ ᠢ᠋ ᠪᠦᠲᠦᠭᠡᠭᠰᠡᠨ ᠬᠠᠢᠷᠠ
ᠤᠶᠠᠨ ᠤᠷᠠᠨ ᠰᠡᠳᠬᠢᠮᠵᠢ ᠪᠡᠷ ᠢᠴᠢᠳᠡᠭ
ᠲᠡᠷᠡ ᠳᠣᠳᠣᠮ ᠢ᠋ᠶ᠋ᠠᠨ ᠢᠷᠠᠭᠤ ᠨᠠᠢᠷᠠᠭ
ᠲᠡᠭᠦᠰ ᠲᠦᠮᠡᠨ ᠤᠷᠠᠯᠢᠭ ᠤ᠋ᠨ ᠲᠢᠳᠡᠮ ᠶᠦᠮ
ᠲᠢᠳᠡᠮ ᠦᠭᠡᠢ ᠲᠥᠷᠥ ᠭᠦᠷᠦᠨ ᠨᠡᠢᠭᠡᠮ
ᠲᠥᠪ ᠵᠥᠪ ᠦᠨᠡᠨ ᠢ᠋ ᠣᠢᠯᠠᠭᠠᠳᠠᠭ ᠤᠤ
ᠲᠡᠢᠮᠦ ᠡᠴᠡ ᠠᠤᠭᠠ ᠢᠷᠭᠠᠤ ᠨᠠᠢᠷᠠᠭ ᠢ᠋
ᠲᠡᠷᠡ ᠪᠣᠯᠭᠠᠨ ᠣᠢᠯᠠᠭᠠᠭᠰᠠᠨ ᠤ᠋ ᠬᠡᠷᠡᠭ ᠦᠭᠡᠢ
ᠨᠢᠭᠡᠳᠦᠭᠰᠡᠨ ᠦᠨᠳᠦᠰᠦᠲᠡᠨ ᠦ᠌ ᠪᠠᠢᠭᠤᠯᠭᠠ
ᠨᠡᠢᠲᠡ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠳ᠋ᠦ᠍ ᠲᠠᠯᠠᠷᠬᠠ
ᠥᠨᠥᠳᠥᠷ ᠢᠷᠠᠭᠤ ᠨᠠᠢᠷᠠᠭ ᠢ᠋ ᠲᠡᠳᠡᠨᠦᠰ
ᠥᠪᠴᠢ ᠨᠢᠴᠦᠭᠦᠨ ᠴᠢᠯᠥᠭᠡᠯᠡᠭᠰᠡᠨ ᠶᠦᠮ
ᠥᠨᠥᠳᠥᠷ ᠳᠡᠯᠡᠬᠡᠢ ᠶ᠋ᠢᠨ ᠢᠷᠠᠭᠤ ᠨᠠᠢᠷᠠᠭ
ᠥᠨᠳᠡᠭᠡᠨ ᠱᠥᠯᠥ ᠤᠤᠭᠤᠵᠤ ᠠᠮᠠᠷᠠᠭ ᠳᠠ
ᠦᠨᠡᠨ ᠢ᠋ ᠴᠢᠷᠠᠮᠠᠨ ᠱᠠᠯᠳᠠᠩ ᠪᠣᠯᠭᠠᠭᠠᠳ ᠯᠠ
ᠦᠨᠡᠭᠡᠨ ᠬᠤᠳᠠᠯ ᠲᠣᠭᠲᠠᠭᠠᠭᠰᠠᠨ ᠭᠡᠨᠡ ᠠ᠋
2024᠂3᠂21᠃ ᠦᠳᠡ ᠬᠣᠢᠨᠠ᠃
ᠳᠡᠯᠡᠬᠡᠢ ᠶ᠋ᠢᠨ ᠢᠷᠠᠭᠤ ᠨᠠᠢᠷᠠᠭ ᠤ᠋ᠨ ᠡᠳᠦᠷ
ᠠᠮᠠᠷᠠᠵᠤ ᠴᠢᠳᠠᠭᠠ ᠦᠭᠡᠢ᠃
ᠬᠥᠬᠡᠬᠣᠲᠠᠨᠠ ᠪᠦᠲᠦᠭᠡᠪᠡᠢ᠃