ᠥᠲᠡᠭᠦᠰ ᠲᠦ᠍ ᠤᠷᠮᠠ ᠬᠠᠢᠷᠠᠯᠠᠬᠤ ᠰᠢᠯᠦᠭ -ᠡᠦ· ᠰᠡᠷᠭᠦᠯᠡᠩ Өтгөст урам хайрлах шүлэг-Үү·Сэргэлэн
734ᠥᠲᠡᠭᠦᠰ ᠲᠦ᠍ ᠤᠷᠮᠠ ᠬᠠᠢᠷᠠᠯᠠᠬᠤ ᠰᠢᠯᠦᠭ
ᠡᠦ· ᠰᠡᠷᠭᠦᠯᠡᠩ
ᠵᠢᠩᠬᠢᠨᠢ ᠴᠠᠭᠠᠨ ᠰᠢᠲᠦ ᠴᠢᠨᠢ
ᠤᠨᠠᠭᠰᠠᠨ ᠪᠣᠯ ᠤᠨᠠᠭ
ᠵᠠᠰᠠᠮᠠᠯ ᠴᠠᠭᠠᠨ ᠰᠢᠲᠦ ᠣᠷᠣᠭᠤᠯᠵᠤ
ᠢᠷᠠᠰ ᠬᠢᠲᠡᠯᠡ ᠢᠨᠢᠶᠡᠵᠦ ᠪᠠᠢ
ᠲᠥᠷᠥᠯᠬᠢ ᠬᠠᠷᠠ ᠭᠡᠵᠢᠭᠡ ᠴᠢᠨᠢ
ᠴᠠᠢᠭᠰᠠᠨ ᠪᠣᠯ ᠴᠠᠢᠷᠠᠭ
ᠳᠠᠬᠢᠭᠠᠳ ᠬᠠᠷᠠ ᠪᠠᠷ ᠪᠣᠳᠣᠵᠤ
ᠭᠥᠯᠢᠰ ᠬᠢᠲᠡᠯᠡ ᠰᠠᠮᠨᠠᠵᠤ ᠪᠠᠢ
ᠲᠤᠩᠭᠠᠯᠠᠭ ᠬᠣᠶᠠᠷ ᠨᠢᠳᠦ ᠴᠢᠨᠢ
ᠮᠠᠭᠤᠳᠠᠭᠰᠠᠨ ᠪᠣᠯ ᠮᠠᠭᠤᠳᠠᠭ
ᠳᠤᠭᠤᠢ ᠬᠥᠪᠦᠭᠡ ᠲᠡᠢ ᠰᠢᠯ ᠵᠡᠭᠦᠵᠦ
ᠪᠦᠯᠲᠡᠰ ᠬᠢᠲᠡᠯᠡ ᠬᠠᠷᠠᠵᠤ ᠪᠠᠢ
ᠪᠣᠰᠤᠭᠠ ᠲᠡᠭᠰᠢᠬᠡᠨ ᠪᠡᠶᠡ ᠴᠢᠨᠢ
ᠪᠥᠭᠲᠥᠢᠭᠰᠡᠨ ᠪᠣᠯ ᠪᠥᠭᠲᠥᠢᠭ᠌
ᠪᠡᠶᠡ ᠳ᠋ᠦ᠍ ᠪᠡᠨ ᠵᠣᠬᠢᠷᠠᠭᠰᠠᠨ ᠲᠡᠷᠯᠢᠭ ᠡᠮᠦᠰᠴᠦ
ᠭᠣᠨᠵᠤᠰ ᠬᠢᠲᠡᠯᠡ ᠵᠠᠰᠠᠵᠤ ᠪᠠᠢ
ᠢᠳᠡᠷ ᠵᠠᠯᠠᠭᠤ ᠨᠠᠰᠤ ᠴᠢᠨᠢ
ᠥᠩᠭᠡᠷᠡᠭᠰᠡᠨ ᠪᠣᠯ ᠥᠩᠭᠡᠷᠡᠭ
ᠦᠷᠡ ᠶ᠋ᠢᠨ ᠢ᠋ᠶ᠋ᠡᠨ ᠰᠠᠢᠬᠠᠨ ᠢ᠋ ᠦᠵᠡᠵᠦ
ᠥᠨᠳᠡᠰ ᠬᠢᠲᠡᠯᠡ ᠠᠮᠢᠳᠤᠷᠠᠵᠤ ᠪᠠᠢ
ᠲᠠᠮᠢᠷ ᠲᠡᠩᠬᠡᠭᠡ ᠴᠢᠳᠠᠯ ᠴᠢᠨᠢ
ᠪᠠᠭᠤᠷᠠᠭᠰᠠᠨ ᠪᠣᠯ ᠪᠠᠭᠤᠷᠠᠭ
ᠳᠤᠷᠠ ᠲᠠᠢ ᠶᠠᠭᠤᠮᠠ ᠪᠠᠨ ᠤᠷᠤᠯᠳᠤᠵᠤ
ᠵᠢᠷᠪᠢᠰ ᠬᠢᠲᠡᠯᠡ ᠵᠢᠷᠭᠠᠵᠤ ᠪᠠᠢ!
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠲᠣᠳᠣᠭᠡᠷᠡᠯ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠡ᠂ ᠰᠡᠬᠡᠭᠡᠷᠡᠯ