ᠬᠥᠮᠦᠨ ᠦ᠌ ᠬᠦᠴᠦ ᠪᠡᠷ ᠪᠣᠷᠣᠭᠠᠨ ᠣᠷᠣᠭᠤᠯᠤᠨᠠ ᠭᠡᠰᠡᠨ ᠴᠠᠭ ᠠ᠋ᠴᠠ ᠡᠬᠢᠯᠡᠭᠡᠳ ᠥᠪᠥᠷ ᠮᠣᠩᠭᠣᠯ ᠭᠠᠩᠳᠠᠭᠰᠠᠨ
909ᠬᠥᠮᠦᠨ ᠦ᠌ ᠬᠦᠴᠦ ᠪᠡᠷ ᠪᠣᠷᠣᠭᠠᠨ ᠣᠷᠣᠭᠤᠯᠤᠨᠠ ᠭᠡᠰᠡᠨ ᠴᠠᠭ ᠠ᠋ᠴᠠ ᠡᠬᠢᠯᠡᠭᠡᠳ ᠥᠪᠥᠷ ᠮᠣᠩᠭᠣᠯ ᠭᠠᠩᠳᠠᠭᠰᠠᠨ
ᠵᠠ᠂ ᠰᠠᠢᠨ ᠪᠠᠢᠵᠠᠭᠠᠨᠠ ᠤᠤ? ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠶᠡᠬᠡᠩᠬᠢ ᠬᠡᠰᠡᠭ ᠭᠠᠵᠠᠷ ᠨᠤᠲᠤᠭ ᠭᠠᠩᠳᠠᠵᠤ ᠲᠠᠴᠢᠷᠰᠢᠭᠠᠳ᠂ ᠥᠨᠥᠳᠥᠷ ᠦ᠋ᠨ ᠡᠨᠡ ᠬᠡᠮᠵᠢᠶᠡᠨ ᠳ᠋ᠦ᠍ ᠬᠦᠷᠦᠭᠰᠡᠨ ᠪᠠᠢᠬᠤ ᠶ᠋ᠢ ᠨᠢᠳᠦ ᠲᠡᠢ ᠪᠣᠯᠭᠠᠨ ᠦᠵᠡᠵᠦ᠂ ᠴᠢᠬᠢ ᠲᠡᠢ ᠪᠣᠯᠭᠠᠨ ᠲᠤᠭᠤᠯᠤᠭᠰᠠᠨ ᠪᠠᠢᠬᠤ ᠶᠣᠰᠣᠲᠠᠢ᠃
ᠭᠡᠲᠡᠯᠡ ᠡᠴᠢᠨᠡᠭᠡᠨ ᠵᠢᠯ ᠦ᠋ᠨ ᠭᠠᠩ ᠭᠠᠴᠢᠭ ᠪᠣᠯᠵᠤ ᠪᠠᠢᠬᠤ ᠳ᠋ᠤ᠌ ᠲᠤᠢᠯᠪᠤᠷᠢᠲᠠᠢ ᠠᠷᠭᠠ ᠬᠡᠮᠵᠢᠶᠡ ᠨᠢᠭᠡᠬᠡᠨ ᠴᠦ᠍ ᠠᠪᠤᠭᠠ ᠦᠭᠡᠢ᠃ ᠮᠠᠯᠴᠢᠳ ᠰᠠᠨᠠᠯ ᠢ᠋ᠶ᠋ᠠᠨ ᠭᠠᠷᠭᠠᠵᠤ ᠪᠠᠢᠨᠠ᠂ ᠡᠭᠦᠯᠡ ᠭᠠᠷᠪᠠᠯ ᠨᠢᠰᠬᠡᠯ ᠨᠢᠰᠦᠭᠡᠳ ᠡᠭᠦᠯᠡ ᠶ᠋ᠢ ᠰᠠᠷᠨᠢᠭᠤᠯᠵᠤ ᠪᠠᠢᠭᠠ ᠲᠤᠬᠠᠢ᠂ ᠭᠠᠩᠳᠠᠵᠤ ᠪᠠᠢᠭᠠ ᠲᠠᠯᠠ ᠶ᠋ᠢᠨ ᠲᠤᠬᠠᠢ᠂ ᠭᠠᠴᠢᠭᠳᠠᠵᠤ ᠪᠠᠢᠭᠠ ᠮᠠᠯᠴᠢᠳ ᠤ᠋ᠨ ᠲᠤᠬᠠᠢ᠂ ᠮᠠᠯ ᠤ᠋ᠨ ᠦᠨᠡ ᠪᠠᠭᠤᠷᠠᠭᠰᠠᠨ ᠲᠤᠬᠠᠢ᠂ ᠲᠡᠵᠢᠭᠡᠯ ᠪᠣᠷᠳᠣᠭᠠᠨ ᠤ᠋ ᠦᠨᠡ ᠥᠰᠦᠭᠰᠡᠨ ᠲᠤᠬᠠᠢ᠂ ᠲᠦᠷᠢᠶᠡᠰᠦᠨ ᠭᠠᠵᠠᠷ ᠤ᠋ᠨ ᠦᠨᠡ ᠥᠰᠦᠭᠰᠡᠨ ᠲᠤᠬᠠᠢ᠂ ᠲᠦᠷᠢᠶᠡᠰᠦᠨ ᠭᠠᠵᠠᠷ ᠣᠯᠳᠠᠬᠤ ᠦᠭᠡᠢ ᠪᠠᠢᠭᠠ ᠶ᠋ᠢᠨ ᠲᠤᠬᠠᠢ᠂ ᠮᠠᠯᠴᠢᠳ ᠰᠠᠨᠠᠯ ᠢ᠋ᠶ᠋ᠠᠨ ᠭᠠᠷᠭᠠᠵᠤ ᠪᠠᠢᠨᠠ᠃ ᠭᠡᠬᠦ ᠳ᠋ᠦ᠍ ᠡᠨᠡ ᠰᠠᠨᠠᠯ ᠢ᠋ ᠬᠦᠨᠳᠦᠳᠬᠡᠵᠦ ᠦᠵᠡᠭᠰᠡᠨ ᠠᠯᠪᠠᠨ ᠪᠠᠢᠭᠤᠯᠭᠠ ᠣᠳᠣᠬᠠᠨ ᠳ᠋ᠤ᠌ ᠨᠢᠭᠡᠬᠡᠨ ᠴᠦ᠍ ᠭᠠᠷᠤᠭᠠ ᠦᠭᠡᠢ ᠶᠦᠮ᠃
ᠵᠠ᠂ ᠬᠥᠮᠦᠨ ᠦ᠌ ᠬᠦᠴᠦ ᠪᠡᠷ ᠪᠣᠷᠣᠭᠠᠨ ᠣᠷᠣᠭᠤᠯᠤᠨᠠ ᠭᠡᠰᠡᠨ ᠴᠠᠭ ᠠ᠋ᠴᠠ ᠡᠬᠢᠯᠡᠭᠡᠳ ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠲᠠᠯᠠ ᠨᠤᠲᠤᠭ ᠭᠠᠩᠳᠠᠭᠰᠠᠨ᠂ ᠠᠭᠠᠵᠢᠮ ᠠᠭᠠᠵᠢᠮ ᠢ᠋ᠶ᠋ᠠᠷ ᠭᠠᠩᠳᠠᠭᠠᠳ ᠥᠨᠥᠳᠥᠷ ᠦ᠋ᠨ ᠡᠨᠡ ᠬᠡᠮᠵᠢᠶᠡᠨ ᠳ᠋ᠦ᠍ ᠬᠦᠷᠦᠭᠰᠡᠨ᠂ ᠬᠡᠷᠪᠡ ᠬᠥᠮᠦᠨ ᠦ᠌ ᠬᠦᠴᠦ ᠪᠡᠷ ᠪᠣᠷᠣᠭᠠᠨ ᠣᠷᠣᠭᠤᠯᠵᠤ ᠳᠡᠢᠯᠳᠡᠭ ᠪᠠᠢᠭᠰᠠᠨ ᠪᠣᠯ ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠲᠠᠯᠠ ᠨᠤᠲᠤᠭ ᠥᠨᠥᠳᠥᠷ ᠴᠡᠯ ᠨᠣᠭᠣᠭᠠᠨ ᠪᠠᠢᠬᠤ ᠶᠣᠰᠣᠲᠠᠢ᠃
ᠡᠨᠡ ᠨᠢᠰᠦᠭᠡᠳ ᠪᠠᠢᠳᠠᠭ ᠨᠢᠰᠬᠡᠯ ᠦ᠋ᠳ ᠨᠢ ᠪᠣᠷᠣᠭᠠᠨ ᠣᠷᠣᠭᠤᠯᠤᠨᠠ ᠭᠡᠵᠦ ᠨᠢᠰᠴᠦ ᠪᠠᠢᠭᠠ ᠪᠢᠰᠢ ᠬᠠᠷᠢᠨ ᠲᠠᠯᠠ ᠨᠤᠲᠤᠭ ᠢ᠋ ᠭᠠᠩᠳᠠᠭᠤᠯᠤᠨᠠ ᠭᠡᠵᠦ ᠨᠢᠰᠴᠦ ᠪᠠᠢᠭᠠ ᠨᠢ ᠪᠠᠰᠠ ᠵᠣᠷᠢᠯᠭᠠ ᠲᠠᠢ ᠪᠠᠢᠬᠤ ᠠ᠋! ᠣᠳᠣ ᠭᠠᠩᠳᠠᠵᠤ ᠪᠠᠢᠭᠠ ᠲᠠᠯᠠ ᠶ᠋ᠢᠨ ᠲᠤᠬᠠᠢ ᠪᠢᠳᠡᠨᠦᠰ ᠨᠠᠮ ᠤ᠋ᠨ ᠬᠣᠷᠢᠶᠠ᠂ ᠵᠠᠰᠠᠭ ᠤ᠋ᠨ ᠣᠷᠳᠣᠨ ᠢ᠋ ᠡᠷᠢᠬᠦ ᠦᠭᠡᠢ ᠴᠦ᠍ ᠭᠡᠰᠡᠨ᠂ ᠡᠨᠡ ᠠᠷᠪᠢᠨ ᠬᠥᠮᠦᠰ ᠦ᠋ᠨ ᠰᠠᠨᠠᠯ ᠢ᠋ ᠲᠡᠷᠡ ᠵᠢᠷᠤᠭ ᠰᠡᠭᠦᠳᠡᠷ ᠲᠡᠢ ᠨᠢ ᠦᠨᠳᠦᠰᠦᠯᠡᠭᠡᠳ᠂ ᠨᠠᠮ ᠤ᠋ᠨ ᠬᠣᠷᠢᠶᠠ᠂ ᠵᠠᠰᠠᠭ ᠤ᠋ᠨ ᠣᠷᠳᠣᠨ ᠠ᠋ᠴᠠ ᠡᠭᠦᠨ ᠢ᠋ ᠪᠣᠯ ᠤᠴᠢᠷ ᠪᠣᠯᠭᠠᠵᠤ᠂ ᠡᠨᠡ ᠠᠰᠠᠭᠤᠳᠠᠯ ᠢ᠋ ᠪᠠᠰᠠ ᠰᠢᠢᠳᠪᠦᠷᠢᠯᠡᠵᠦ ᠥᠭᠬᠦ ᠳ᠋ᠦ᠍ ᠪᠠᠨ ᠯᠠ ᠲᠠᠭᠠᠷᠠᠨᠠ᠃
ᠪᠢᠳᠡᠨᠦᠰ ᠵᠠᠪᠠᠯ ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠨᠠᠮ ᠤ᠋ᠨ ᠬᠣᠷᠢᠶᠠ᠂ ᠵᠠᠰᠠᠭ ᠤ᠋ᠨ ᠣᠷᠳᠣᠨ ᠢ᠋ ᠡᠷᠢᠵᠦ ᠣᠴᠢᠭᠠᠳ᠂ ᠭᠣᠮᠣᠳᠠᠯ ᠢ᠋ᠶ᠋ᠠᠨ ᠲᠣᠭᠠᠴᠢᠬᠤ ᠤᠴᠢᠷ ᠦᠭᠡᠢ᠂ ᠡᠨᠡ ᠰᠦᠯᠵᠢᠶᠡ ᠬᠣᠯᠪᠣᠭᠠ ᠳᠡᠯᠭᠡᠷᠡᠭᠰᠡᠨ ᠴᠠᠭ ᠲᠤ ᠮᠠᠯᠴᠢᠳ ᠤ᠋ᠨ ᠰᠠᠨᠠᠯ ᠢ᠋ ᠦᠨᠳᠦᠰᠦᠯᠡᠭᠡᠳ᠂ ᠨᠠᠮ ᠤ᠋ᠨ ᠬᠣᠷᠢᠶᠠ᠂ ᠵᠠᠰᠠᠭ ᠤ᠋ᠨ ᠣᠷᠳᠣᠨ ᠠ᠋ᠴᠠ ᠮᠠᠯᠴᠢᠳ ᠲᠤ ᠪᠠᠨ ᠲᠦᠰᠢᠭ ᠪᠣᠯᠵᠤ ᠥᠭᠪᠡᠯ ᠲᠠᠭᠠᠷᠠᠨᠠ᠂ ᠡᠨᠡ ᠨᠢᠰᠬᠡᠯ ᠦ᠋ᠳ ᠢ᠋ ᠵᠣᠭᠰᠣᠭᠠᠪᠠᠯ ᠲᠠᠭᠠᠷᠠᠨᠠ᠂ ᠭᠡᠬᠦ ᠳ᠋ᠦ᠍ ᠡᠢᠮᠦ ᠠᠷᠭᠠ ᠬᠡᠮᠵᠢᠶᠡ ᠶ᠋ᠢ ᠠᠪᠤᠭᠰᠠᠨ ᠪᠠᠢᠭᠤᠯᠭᠠ ᠨᠢᠭᠡᠴᠢ ᠨᠢᠭᠡᠬᠡᠨ ᠴᠦ᠍ ᠪᠠᠢᠬᠤ ᠦᠭᠡᠢ ᠰᠢᠳᠡ᠃
ᠵᠠ᠂ ᠮᠠᠯᠴᠢᠳ ᠵᠥᠪᠬᠡᠨ ᠣᠳᠣ ᠸᠢᠴᠠᠲ ᠰᠦᠯᠵᠢᠶᠡ ᠪᠡᠷ ᠢᠩᠭᠢᠭᠡᠳ ᠰᠠᠨᠠᠯ ᠢ᠋ᠶ᠋ᠠᠨ ᠢᠯᠡᠳᠬᠡᠭᠡᠳ ᠥᠩᠭᠡᠷᠡᠳᠡᠭ ᠶᠦᠮ ᠠ᠋ ᠭᠡᠰᠡᠨ ᠰᠢᠭ ᠶᠠᠮᠠᠷ ᠴᠤ᠌ ᠤᠴᠢᠷ ᠪᠣᠯᠤᠭᠠ ᠦᠭᠡᠢ ᠶᠠᠪᠤᠭᠰᠠᠭᠠᠷ ᠶᠠᠪᠤᠭᠰᠠᠭᠠᠷ ᠥᠨᠥᠳᠥᠷ ᠦ᠋ᠨ ᠡᠨᠡ ᠬᠡᠮᠵᠢᠶᠡᠨ ᠳ᠋ᠦ᠍ ᠬᠦᠷᠦᠭᠡᠳ᠂ ᠵᠢᠯ ᠳᠠᠷᠠᠭᠠᠯᠠᠨ ᠭᠠᠩᠳᠠᠭᠠᠳ᠂ ᠣᠳᠣ ᠪᠣᠯ ᠰᠠᠯᠬᠢ ᠴᠤ᠌ ᠨᠠᠮᠵᠢᠬᠤ ᠦᠭᠡᠢ᠂ ᠡᠭᠦᠯᠡ ᠭᠠᠷᠪᠠᠯ ᠨᠢᠰᠬᠡᠯ ᠨᠢᠰᠴᠦ ᠪᠣᠷᠣᠭᠠᠨ ᠣᠷᠣᠭᠤᠯᠬᠤ ᠦᠭᠡᠢ᠂ ᠰᠠᠯᠬᠢ ᠨᠠᠮᠵᠢᠬᠤ ᠦᠭᠡᠢ᠂ ᠮᠠᠯ ᠤ᠋ᠨ ᠦᠨᠡ ᠪᠠᠭᠤᠷᠠᠵᠤ᠂ ᠡᠢᠮᠦ ᠬᠦᠨᠳᠦ ᠨᠣᠴᠢᠲᠠᠢ ᠮᠠᠯᠴᠢᠳ ᠲᠤ ᠬᠣᠬᠢᠷᠠᠯ ᠦᠵᠡᠭᠦᠯᠵᠦ ᠪᠠᠢᠬᠤ ᠳ᠋ᠤ᠌ ᠶᠠᠮᠠᠷ ᠴᠤ᠌ ᠠᠷᠭᠠ ᠬᠡᠮᠵᠢᠶᠡ ᠠᠪᠤᠭᠠ ᠦᠭᠡᠢ᠃
ᠥᠭᠡᠷᠡ ᠨᠢᠭᠡ ᠭᠠᠵᠠᠷ ᠤᠰᠤᠨ ᠭᠠᠮᠰᠢᠭ ᠶᠤᠮ ᠤᠤ᠂ ᠭᠠᠯ ᠤ᠋ᠨ ᠭᠠᠮᠰᠢᠭ᠂ ᠪᠠᠢᠭᠠᠯᠢ ᠶ᠋ᠢᠨ ᠭᠠᠮᠰᠢᠭ᠁ ᠵᠠ᠂ ᠡᠪᠡᠳᠴᠢᠨ ᠬᠢᠵᠢᠭ ᠳᠡᠯᠭᠡᠷᠡᠵᠦ ᠪᠠᠢᠬᠤ ᠴᠠᠭ ᠲᠤ ᠮᠠᠨ ᠤ᠋ ᠥᠪᠥᠷ ᠮᠣᠩᠭᠣᠯ ᠳᠡᠮᠵᠢᠬᠦ ᠪᠡᠷ ᠢ᠋ᠶ᠋ᠡᠨ ᠪᠣᠯᠤᠭᠰᠠᠨ ᠭᠡᠬᠦ ᠳ᠋ᠦ᠍ ᠥᠪᠥᠷ ᠮᠣᠩᠭᠣᠯ ᠭᠠᠩᠳᠠᠵᠤ ᠬᠠᠭᠰᠠᠷᠠᠭᠠᠳ ᠡᠳᠦᠢ ᠵᠢᠯ ᠪᠣᠯᠬᠤ ᠳ᠋ᠤ᠌ ᠪᠢᠳᠡᠨᠦᠰ ᠢ᠋ ᠬᠠᠷᠠᠵᠤ ᠦᠵᠡᠭᠰᠡᠨ ᠬᠥᠮᠦᠨ ᠴᠦ᠍ ᠪᠠᠢᠬᠤ ᠦᠭᠡᠢ ᠪᠠᠢᠳᠠᠭ ᠢ᠋ ᠨᠢ ᠭᠠᠢᠬᠠᠮᠠᠷ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠮᠥᠩᠬᠡ ᠭᠠᠯ
ᠦᠰᠦᠭ ᠬᠠᠳᠠᠭᠴᠢ᠄ ᠮᠥᠩᠬᠡ ᠭᠠᠯ
ᠬᠢᠨᠠᠭᠴᠢ᠄ ᠮᠥᠴᠢᠷ