ᠬᠠᠢᠷᠠᠯᠠᠭᠠᠳ ᠶᠠᠭ ᠭᠣᠷᠢ ᠦᠭᠡᠢ ᠪᠣᠯ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Хайрлаад яг горьгүй бол –Ёндоны Билиг - Баатар
324ᠬᠠᠢᠷᠠᠯᠠᠭᠠᠳ ᠶᠠᠭ ᠭᠣᠷᠢ ᠦᠭᠡᠢ ᠪᠣᠯ
ᠬᠠᠢᠷᠠᠯᠠᠭᠠᠳ ᠶᠠᠭ ᠭᠣᠷᠢ ᠦᠭᠡᠢ ᠪᠣᠯ
ᠬᠠᠷᠠᠭᠠᠳ ᠴᠢᠯᠠᠢ ᠠᠪᠤᠨᠠ ᠪᠢᠵᠡ
ᠡᠷᠡ ᠬᠥᠮᠦᠨ ᠪᠠᠢᠵᠤ ᠪᠠᠢᠭᠠᠳ
ᠬᠠᠵᠠᠭᠤᠳᠠ ᠴᠢᠨᠢ ᠣᠢᠷᠠᠬᠠᠨ
ᠰᠠᠭᠤᠭᠰᠠᠨ ᠪᠠᠢᠪᠠᠯ
ᠬᠠᠮᠢᠶᠠ ᠦᠭᠡᠢ ᠨᠢᠭᠡ ᠦᠨᠦᠰᠦᠭᠡᠳ ᠠᠪ᠂
ᠶᠠᠭᠠᠬᠢᠳᠠᠭ ᠶᠤᠮ ᠪᠣᠢ
ᠬᠠᠴᠠᠷ ᠢ᠋ ᠴᠢᠨᠢ ᠠᠯᠠᠭᠠᠳᠠᠬᠤ ᠭᠡᠵᠦ ᠳᠣᠭᠰᠢᠷᠠᠪᠠᠯ
ᠭᠠᠷ ᠠ᠋ᠴᠠ ᠨᠢ ᠴᠢᠩᠭᠠᠬᠠᠨ ᠠᠳᠬᠤᠭᠠᠳ ᠯᠠ ᠠᠪ᠂
ᠵᠥᠭᠡᠯᠡᠷᠡᠴᠢᠬᠡᠳᠡᠭ ᠶᠦᠮ
ᠳᠤᠷᠠᠯᠠᠵᠤ ᠪᠣᠯᠳᠠᠭ ᠦᠭᠡᠢ ᠭᠡᠰᠡᠨ ᠬᠠᠤᠯᠢ
ᠳᠣᠲᠣᠭᠠᠳᠤ ᠭᠠᠳᠠᠭᠠᠳᠤ ᠳ᠋ᠤ᠌
ᠪᠠᠢᠳᠠᠭ ᠦᠭᠡᠢ ᠡᠴᠡ ᠬᠣᠢᠰᠢ
ᠲᠣᠮᠪᠣᠢᠭᠠᠳ ᠯᠠ ᠳᠤᠭᠤᠢ
ᠰᠠᠭᠤᠬᠤ ᠶ᠋ᠢᠨ ᠣᠷᠣᠨ ᠳ᠋ᠤ᠌
ᠲᠣᠭᠠᠲᠠᠢ ᠬᠡᠳᠦᠨ ᠦᠭᠡ ᠶ᠋ᠢ
ᠫᠤᠤ ᠶ᠋ᠢᠨ ᠰᠤᠮᠤ ᠰᠢᠭ᠋ ᠬᠠᠷᠪᠤᠭᠠᠳ ᠠᠪ
ᠣᠨᠣᠴᠢᠬᠠᠳᠠᠭ ᠶᠤᠮ ᠠ᠋
ᠳᠤᠷᠠᠯᠠᠭᠠᠳ ᠶᠠᠭ ᠲᠡᠰᠬᠦ ᠪᠡᠨ ᠠᠯᠳᠠᠷᠠᠪᠠᠯ
ᠳᠣᠷᠣᠨᠠᠳᠠᠬᠢᠨ ᠤ᠋ ᠰᠠᠷᠠ ᠶ᠋ᠢ ᠰᠢᠷᠳᠡᠭᠡᠳ
ᠴᠢᠨᠣᠠ ᠰᠢᠭ᠋ ᠯᠡ ᠣᠯᠢᠵᠤ ᠰᠤᠷ ᠠ᠋
ᠪᠤᠷᠤᠭᠤ ᠡᠰᠢᠯᠡᠭᠰᠡᠨ ᠰᠦᠬᠡ
ᠡᠷᠭᠦᠭᠰᠡᠨ ᠪᠠᠢᠪᠠᠯ
ᠪᠣᠷᠵᠢᠩ ᠴᠢᠯᠠᠭᠤᠨ ᠳᠡᠭᠡᠷᠡ ᠪᠠᠯᠪᠠ ᠰᠠᠪᠠᠭᠠᠳ᠂
ᠠᠷᠢᠯᠵᠤ ᠣᠳ ᠠ᠋
※1987 ᠣᠨ ᠤ᠋ ᠬᠠᠭᠤᠴᠢᠨ ᠰᠢᠯᠦᠭ᠃
ᠰᠢᠯᠢ ᠶ᠋ᠢᠨ ᠬᠣᠲᠠᠨᠠ ᠪᠦᠲᠦᠭᠡᠪᠡᠢ᠃
2024᠂3᠂27 ᠳ᠋ᠤ᠌ ᠬᠥᠬᠡᠬᠣᠲᠠᠨᠠ
ᠰᠤᠤᠰᠢᠯ ᠵᠢᠷᠭᠡᠭᠡᠭ ᠢ᠋ᠶ᠋ᠡᠷ ᠰᠠᠴᠤᠪᠠᠢ᠃