ᠬᠠᠭᠠᠨ ᠨᠠᠢᠷᠠᠭ ᠤᠨ ᠬᠠᠲᠤᠨ ᠡᠵᠢ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Хаан найргийн хатан ээж –Ёндоны Билиг - Баатар
281ᠬᠠᠭᠠᠨ ᠨᠠᠢᠷᠠᠭ ᠤᠨ ᠬᠠᠲᠤᠨ ᠡᠵᠢ
ᠬᠠᠭᠠᠨ ᠨᠠᠢᠷᠠᠭ ᠤ᠋ᠨ ᠬᠠᠲᠤᠨ ᠨᠠᠢᠷᠠᠭᠴᠢ ᠡᠵᠢ
ᠬᠠᠨ ᠲᠡᠭᠷᠢ ᠳ᠋ᠡᠭᠡᠨ᠂ ᠢᠲᠡᠭᠡᠮᠡᠷ ᠦᠭᠡᠢ ᠠ᠋
ᠠᠷᠠᠳ ᠵᠤᠨ ᠮᠢᠨᠢ ᠬᠤᠷᠠ ᠪᠣᠯᠤᠭᠰᠠᠨ ᠠ᠋
ᠬᠠᠷᠢᠭᠠ ᠦᠭᠡᠢ ᠳᠡ᠂ ᠬᠠᠷᠢᠭᠠ ᠦᠭᠡᠢ
ᠬᠠᠷᠢᠨ ᠢᠷᠠᠭᠤ ᠨᠠᠢᠷᠠᠭ ᠢ᠋ᠶ᠋ᠠᠷ ᠯᠠ ᠬᠠᠢᠯᠠᠭᠰᠠᠨ
ᠬᠠᠨᠤᠯ ᠰᠢᠯᠦᠭ ᠲᠡᠭᠡᠨ ᠯᠡ ᠬᠠᠢᠯᠤᠭᠰᠠᠨ
ᠬᠠᠢᠷᠠᠲᠠᠢ ᠮᠣᠩᠭᠣᠯ ᠳ᠋ᠠᠭᠠᠨ ᠠᠭᠤᠰᠤᠭᠰᠠᠨ
ᠢᠬᠢᠷᠡ ᠶ᠋ᠢᠨ ᠨᠢᠭᠡᠨ ᠴᠸᠪᠡᠯᠮᠠ ᠳ᠋ᠠᠭᠠᠨ
ᠢᠨᠢᠶᠡᠳᠦ ᠱᠠᠩᠨᠠᠬᠤ ᠪᠠᠷ ᠭᠢᠯᠠᠰ ᠮᠣᠷᠳᠠᠭᠰᠠᠨ
ᠪᠠᠷᠭᠤ ᠪᠠᠷᠭᠤᠵᠢᠨ ᠭᠤᠸᠠ ᠳᠡᠭᠡᠳᠦᠰ ᠲᠡᠭᠡᠨ
ᠪᠢᠷᠠᠭᠤ ᠤᠨᠠᠭᠠ ᠬᠠᠷᠢᠭᠤᠯᠬᠤ ᠪᠠᠷ ᠶᠠᠭᠠᠷᠠᠭᠰᠠᠨ
ᠶᠠᠭ ᠯᠠ ᠭᠠᠯ ᠪᠠᠢᠭᠠ ᠪᠠᠷ ᠢ᠋ᠶ᠋ᠠᠨ ᠪᠠᠢᠭᠰᠠᠨ
ᠢᠨᠵᠠᠭᠠ ᠳᠡᠷᠭᠡᠳᠡ ᠨᠢ ᠱᠣᠭᠰᠢᠵᠤ ᠪᠠᠢᠭᠰᠠᠨ
ᠢᠷᠭᠤᠢ ᠴᠡᠩᠬᠡᠷ ᠵᠡᠷᠭᠡᠯᠭᠡᠨ ᠲᠡᠢ ᠪᠠᠢᠭᠰᠠᠨ
ᠢᠨᠠᠭ ᠳᠤᠷᠠᠯᠠᠯ ᠤ᠋ᠨ ᠨᠣᠲ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠠᠢᠪᠠᠢ
ᠬᠠᠵᠠᠭᠤᠬᠠᠨ ᠳ᠋ᠤᠨᠢ ᠶᠡᠬᠡ ᠨᠠᠴᠤᠭᠳᠣᠷᠵᠢ ᠶ᠋ᠢᠨ
ᠬᠠᠷᠠᠴᠠ ᠮᠡᠯᠮᠡᠢ ᠳᠣᠨᠣᠯᠵᠠᠭᠠᠳ ᠯᠠ ᠪᠠᠢᠭᠰᠠᠨ
ᠬᠠᠷᠢᠭᠠᠳᠤᠢ ᠶᠤᠮ ᠤᠤ ᠲᠠ ᠭᠡᠵᠦ ᠶᠠᠪᠤᠤ ᠭᠤᠸᠠᠢ
ᠬᠠᠲᠤᠨ ᠲᠡᠷᠯᠢᠭ ᠢ᠋ ᠨᠢ ᠵᠠᠰᠠᠵᠤ ᠪᠠᠢᠭᠰᠠᠨ
ᠱᠠᠭᠳᠠᠷ ᠤ᠋ᠨ ᠳᠤᠯᠮᠠ ᠬᠡᠦᠬᠡᠨ ᠥᠨᠥᠬᠡᠨ
ᠰᠠᠨᠰᠠᠷ ᠲᠤ᠌ ᠬᠠᠷᠢᠯᠠᠵᠠᠢ ᠭᠡᠮᠡᠨ ᠤᠯᠤᠰ ᠶᠠᠷᠢᠮᠤᠢ
ᠵᠡᠭᠦᠭᠰᠡᠨ ᠡᠭᠡᠮᠦᠭ ᠨᠢ ᠣᠳᠣᠳ ᠪᠠᠢᠯᠠ
ᠵᠦᠯᠭᠦᠭᠰᠡᠨ ᠰᠢᠷᠡᠭᠡ ᠨᠢ ᠨᠠᠷᠠ ᠪᠠᠢᠯᠠ
ᠵᠡᠭᠦᠳᠦᠯᠡᠭᠰᠡᠨ ᠨᠤᠲᠤᠭ ᠨᠢ ᠮᠣᠩᠭᠣᠯ ᠪᠠᠢᠯᠠ
ᠳᠡᠭᠦᠵᠢᠯᠡᠭᠰᠡᠨ ᠰᠠᠭᠤᠯᠭᠠ ᠨᠢ ᠰᠠᠷᠠ ᠪᠠᠢᠯᠠ
᠁ ᠦᠭᠡᠢ ᠶᠡᠷᠦᠨᠢ ᠶᠠᠭᠠᠬᠢᠭᠰᠠᠨ ᠬᠣᠯᠠ !
᠁ ᠬᠠᠷᠢᠯᠠᠭᠰᠠᠨ ᠬᠡᠦᠬᠡᠨ ᠶᠦᠮ ᠪᠣᠢ ᠳᠠ
᠁ ᠬᠠᠳᠠᠮ ᠤ᠋ᠨ ᠨᠤᠲᠤᠭ ᠨᠢ ᠣᠷᠴᠢᠯᠠᠩ
᠁ ᠥᠨᠢ ᠶ᠋ᠢᠨ ᠲᠥᠷᠬᠥᠮ ᠨᠢ ᠳᠡᠯᠡᠬᠡᠢ
ᠦᠭᠡᠢ ᠦᠭᠡᠢᠯᠡᠭᠡᠳ ᠶᠠᠭᠠᠬᠢᠬᠤ ᠶᠤᠮ ᠪᠣᠢ
ᠥᠴᠥᠭᠡᠳᠦᠷ ᠮᠣᠷᠳᠠᠭᠰᠠᠨ ᠬᠡᠦᠬᠡᠨ ᠴᠢᠨᠢ
ᠭᠤᠷᠪᠠᠨ ᠬᠣᠨᠣᠭ ᠤ᠋ᠨ ᠡᠷᠭᠢᠯᠲᠡ ᠪᠡᠷ ᠢ᠋ᠶ᠋ᠡᠨ
ᠭᠣᠯᠣᠮᠲᠠ ᠲᠥᠷᠬᠥᠮ ᠳ᠋ᠡᠭᠡᠨ ᠢᠷᠡᠯᠭᠦᠢ ᠳᠧ
2024᠂ 3᠂ 27᠃ ᠦᠳᠡ ᠬᠣᠢᠨᠠ᠃
ᠬᠥᠬᠡᠬᠣᠲᠠᠨᠠ ᠳᠠᠭᠠᠳᠬᠠᠨ ᠪᠦᠲᠦᠭᠡᠪᠡᠢ᠃