ᠵᠢᠷᠭᠠᠯᠠᠩ ᠠᠴᠠ ᠭᠡᠭᠡᠷᠡᠯ ᠵᠦᠭ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Жаргалнаас гэгээрэл зүг –Ёндоны Билиг - Баатар
390ᠵᠢᠷᠭᠠᠯᠠᠩ ᠠᠴᠠ ᠭᠡᠭᠡᠷᠡᠯ ᠵᠦᠭ
ᠲᠦᠮᠡᠨ ᠠᠭᠱᠠᠨ ᠤ᠋ ᠵᠢᠷᠭᠠᠯ ᠤ᠋ᠨ ᠵᠣᠯ ᠭᠡᠭᠡᠷᠡᠯ
ᠵᠠᠭᠤᠷᠲᠤ ᠵᠢᠷᠭᠠᠯ ᠠ᠋ᠴᠠ ᠰᠠᠶᠠ ᠵᠢᠸᠠ ᠵᠠᠢ
ᠮᠥᠩᠬᠡ ᠶ᠋ᠢᠨ ᠵᠢᠷᠭᠠᠯ ᠵᠠᠭᠤᠷᠲᠤ ᠶ᠋ᠢᠨ ᠪᠢᠰᠢ
ᠮᠥᠷᠥᠭᠡᠳᠦᠯ ᠲᠡᠢ ᠵᠢᠷᠭᠠᠯ ᠯᠠ ᠦᠨᠳᠦᠰᠦ ᠲᠡᠢ
ᠵᠢᠷᠭᠠᠯ ᠤ᠋ᠨ ᠡᠴᠢᠨᠡ ᠤᠳᠬᠠ ᠶ᠋ᠢᠨ ᠲᠣᠯᠢ
ᠵᠠᠪᠠᠯ ᠴᠣ ᠦᠭᠡᠢ ᠪᠦᠬᠦᠨ ᠢ᠋ ᠨᠢ ᠲᠣᠯᠢᠳᠠᠮᠤᠢ
ᠲᠣᠯᠢᠨ ᠳ᠋ᠤ᠌ ᠲᠤᠰᠬᠠᠭᠳᠠᠭᠰᠠᠨ ᠰᠡᠭᠦᠳᠡᠷ ᠪᠦᠬᠦᠨ
ᠪᠣᠳᠠᠲᠤ ᠦᠨᠡᠨ ᠦ᠌ ᠴᠡᠭᠡᠯ ᠳ᠋ᠦ᠍ ᠨᠢᠭᠤᠭᠳᠠᠮᠤᠢ
ᠨᠢᠭᠤᠴᠠ ᠶ᠋ᠢᠨ ᠴᠠᠭᠠᠨᠠᠬᠢ ᠰᠠᠶᠠ ᠵᠢᠸᠠ ᠵᠢᠯ
ᠨᠢᠭᠤᠭᠰᠠᠨ ᠪᠦᠬᠦᠨ ᠢ᠋ᠶ᠋ᠡᠨ ᠲᠡᠭᠦᠰ ᠳᠠᠯᠳᠠᠯᠤᠮᠤᠢ
ᠬᠡᠳᠦᠢ ᠳᠠᠯᠳᠠᠯᠠᠨ ᠨᠢᠭᠤᠴᠠᠯᠠᠬᠤ ᠳᠣᠳᠣᠮ ᠢ᠋ᠶ᠋ᠠᠨ
ᠬᠡᠨ ᠡᠴᠡ ᠴᠦ᠍ ᠡᠷᠲᠡ ᠪᠢᠰᠢᠯᠭᠠᠯ ᠤ᠋ᠨ ᠰᠢᠳᠢ
ᠰᠡᠳᠬᠢᠯ ᠦ᠋ᠨ ᠠᠮᠤᠭᠤᠯᠠᠩ ᠢ᠋ᠶ᠋ᠠᠷ ᠭᠡᠭᠡᠷᠡᠯ ᠳ᠋ᠦ᠍
ᠰᠡᠷᠮᠡᠭᠦᠨ ᠲᠡᠭᠦᠯᠳᠡᠷ ᠲᠤᠢᠯᠪᠤᠷᠢᠲᠠᠢ ᠬᠦᠷᠦᠮᠦᠢ
ᠭᠠᠭᠴᠠᠬᠦ ᠬᠢᠴᠢᠶᠡᠩᠭᠦᠢ ᠨᠢᠭᠦᠯᠡᠰᠦᠩᠭᠦᠢ ᠶ᠋ᠢ ᠯᠡ
ᠭᠠᠷᠤᠨ ᠣᠷᠣᠨ ᠪᠠᠢᠩᠭᠤ ᠨᠢᠮᠪᠠᠢ ᠪᠠᠷᠢᠪᠠᠰᠤ
ᠭᠠᠳᠠᠷ ᠣᠷᠴᠢᠯᠠᠩ ᠤ᠋ᠨ ᠭᠡᠷᠡᠯ ᠮᠣᠩᠭᠣᠯ ᠮᠢᠨᠢ
ᠭᠠᠢᠬᠠᠮᠰᠢᠭᠲᠠᠢ ᠤᠷᠠᠨ ᠢ᠋ᠶ᠋ᠠᠷ ᠲᠠᠨ ᠲᠠᠢ ᠯᠠ
ᠴᠡᠩᠬᠡᠷ ᠨᠠᠷᠠᠨ ᠤ᠋ ᠰᠠᠶᠠ ᠵᠢᠸᠠ ᠰᠠᠴᠤᠷᠠᠭ
ᠴᠡᠪᠡᠷ ᠲᠤᠩᠭᠠᠯᠠᠭ ᠴᠢᠩᠭᠢᠰ ᠬᠡᠯᠡ ᠪᠡᠷ ᠲᠠᠨᠢ
ᠴᠢᠨᠳᠠᠮᠤᠨᠢᠯᠠᠭᠰᠠᠨ ᠢᠰᠡᠭᠡᠢ ᠭᠡᠷ ᠲᠡᠭᠡᠨ ᠯᠡ
ᠴᠢᠮᠠ ᠶ᠋ᠢ ᠬᠠᠨᠢ ᠲᠠᠢ ᠴᠢᠨᠢ ᠯᠡ ᠤᠭᠲᠤᠮᠤᠢ
ᠬᠠᠢᠷᠠ ᠲᠠᠯᠠᠷᠬᠠᠯ ᠤ᠋ᠨ ᠵᠢᠷᠭᠠᠯ ᠢ᠋ᠶ᠋ᠠᠷ ᠯᠠ ᠰᠠᠶᠢ
ᠬᠠᠮᠤᠭ ᠲᠩᠷᠢᠯᠢᠭ ᠭᠡᠭᠡᠷᠡᠯ ᠳ᠋ᠦ᠍ ᠭᠢᠯᠠᠰ ᠬᠥᠷᠥᠮᠦᠢ
2024᠂ 06᠂ 24᠃ 11᠄13 ᠮᠥᠴᠡ᠃