ᠮᠣᠷᠢᠨ ᠤ ᠲᠤᠬᠠᠢ ᠳᠠᠭᠤᠤ ᠨᠤᠭᠤᠳМорины тухай дуунууд Хишиг продакшн Morinii tuhai duunuud Khishig production cover
2250ᠮᠣᠷᠢᠨ ᠤ ᠲᠤᠬᠠᠢ ᠳᠠᠭᠤᠤ ᠨᠤᠭᠤᠳ
ᠳᠡᠯ ᠰᠡᠭᠦᠯ ᠳ᠋ᠦ᠍ ᠴᠢᠨᠢ ᠰᠠᠯᠬᠢ ᠡᠷᠭᠢᠳᠡᠭ ᠪᠣᠯᠬᠣᠷ
ᠠᠳᠤᠭᠤ ᠴᠢ ᠲᠩᠷᠢ ᠶ᠋ᠢᠨ ᠠᠮᠢᠲᠠᠨ ᠶᠤᠮ ᠪᠢᠯᠡ
ᠳᠡᠷᠭᠡᠳᠡ ᠨᠢ ᠨᠠᠯᠠᠭᠠᠳ ᠵᠣᠭᠰᠣᠬᠤ ᠳ᠋ᠤ᠌
ᠲᠦᠰᠢᠭ ᠲᠡᠢ ᠪᠠᠢᠳᠠᠭ ᠪᠣᠯᠬᠣᠷ
ᠠᠳᠤᠭᠤ ᠴᠢ ᠠᠨᠳᠠ ᠶᠤᠮ ᠪᠢᠯᠡ
ᠣᠲᠣᠷ ᠤ᠋ᠨ ᠠᠳᠤᠭᠤᠨ ᠤ᠋ ᠳᠠᠭᠤᠤ
ᠦᠭᠡ᠄ ᠴ᠂ ᠳᠠᠭᠪᠠᠳᠣᠷᠵᠢ
ᠠᠶᠠ᠄ ᠭ᠂ ᠴᠣᠢᠵᠢᠯᠵᠠᠪ
ᠤᠳᠤᠮ ᠡᠴᠡ ᠬᠤᠷᠳᠤᠨ ᠬᠦᠯᠦᠭ ᠦ᠋ᠨ ᠳᠠᠪᠬᠢᠭᠠᠨ ᠳ᠋ᠤ᠌
ᠤᠷᠭᠠ ᠶ᠋ᠢᠨ ᠦᠵᠦᠭᠦᠷ ᠲᠦ᠍ ᠰᠠᠯᠬᠢᠨ ᠢᠰᠬᠡᠷᠦᠨᠡ
ᠠᠭᠤᠯᠠ ᠶ᠋ᠢᠨ ᠨᠤᠭᠤ ᠶ᠋ᠢᠨ ᠡᠪᠡᠰᠦ ᠨᠢ ᠰᠤᠭᠰᠤᠷᠤᠭᠠᠳ
ᠳᠥᠷᠦᠭᠡᠨ ᠲᠠᠪᠠᠭ ᠱᠦᠷᠭᠦᠭᠡᠨ ᠪᠠᠢᠨᠠ
ᠠᠳᠤᠭᠤ ᠮᠢᠨᠢ ᠵᠢᠰᠦ ᠪᠡᠷ ᠢ᠋ᠶ᠋ᠡᠨ ᠰᠠᠢᠬᠠᠨ ᠪᠠᠢᠨᠠ ᠳᠠ
ᠠᠳᠤᠭᠤᠴᠢᠨ ᠪᠢ ᠵᠢᠷᠭᠠᠵᠤ ᠶᠠᠪᠤᠨᠠ
ᠡᠪᠡᠰᠦ ᠨᠢ ᠬᠠᠯᠢᠭᠤᠷᠠᠵᠤ ᠤᠰᠤ ᠨᠢ ᠬᠠᠷᠠᠵᠠᠯᠠᠭᠠᠳ
ᠠᠭᠤᠯᠠᠰ ᠤ᠋ᠨ ᠳᠤᠮᠳᠠ ᠪᠠᠨ ᠳᠤᠯᠠᠭᠠᠬᠠᠨ ᠪᠠᠢᠨᠠ
ᠲᠠᠤᠯᠠᠢ ᠰᠠᠢᠬᠠᠨ ᠵᠣ ᠨᠢ ᠰᠣᠷᠲᠤᠭᠠᠳ
ᠲᠦᠮᠡᠨ ᠠᠭᠲᠠ ᠮᠢᠨᠢ ᠲᠠᠷᠭᠤᠨ ᠪᠠᠢᠨᠠ
ᠠᠳᠤᠭᠤ ᠮᠢᠨᠢ ᠵᠢᠰᠦ ᠪᠡᠷ ᠢ᠋ᠶ᠋ᠡᠨ ᠰᠠᠢᠬᠠᠨ ᠪᠠᠢᠨᠠ ᠳᠠ
ᠠᠳᠤᠭᠤᠴᠢᠨ ᠪᠢ ᠵᠢᠷᠭᠠᠵᠤ ᠶᠠᠪᠤᠨᠠ
ᠶᠡᠬᠡ ᠮᠠᠩᠯᠠᠢ ᠶ᠋ᠢᠨ ᠬᠤᠷᠳᠤ
ᠦᠭᠡ᠄ ᠡ᠊᠂ ᠪᠠᠶᠠᠨᠮᠥ᠋ᠩᠬᠡ
ᠠᠶᠠ᠄ ᠴᠠᠩ᠊᠂ ᠡᠷᠳᠡᠨᠢᠪᠠᠲᠤ
ᠮᠣᠷᠢ ᠲᠠᠢ ᠰᠦᠯᠳᠡ ᠲᠡᠢ ᠨᠠᠭᠠᠳᠤᠮ ᠥᠳᠬᠡᠷᠡᠵᠦ ᠠᠷᠭᠤᠮᠠᠭ ᠲᠣᠳᠣᠷᠠᠭᠠᠳ
ᠮᠣᠩᠭᠣᠯ ᠠᠰᠠᠷ ᠲᠤ᠌ ᠠᠢᠷᠠᠭ ᠱᠤᠤᠭᠢᠵᠤ ᠬᠤᠷᠳᠤ ᠶ᠋ᠢ ᠨᠢ ᠱᠠᠭᠰᠢᠯᠳᠤᠨᠠ
ᠬᠣᠶᠠᠷ ᠥᠯᠵᠡᠢᠲᠦ ᠠᠭᠤᠯᠠ ᠶ᠋ᠢᠨ ᠳᠠᠢᠴᠢᠨ ᠳᠠᠪᠬᠢᠯᠲᠠ ᠮᠣᠷᠢᠳ ᠨᠢ ᠠ᠋
ᠬᠣᠯᠠ ᠶ᠋ᠢᠨ ᠭᠣᠪᠢ ᠡᠴᠡ ᠪᠠᠨ ᠲᠣᠳᠣᠷᠠᠭᠰᠠᠨ ᠶᠡᠬᠡ ᠮᠠᠩᠯᠠᠢ ᠶ᠋ᠢᠨ ᠬᠦᠯᠦᠭ ᠦ᠋ᠳ ᠠ᠋
ᠡᠷᠳᠡᠮ ᠲᠡᠭᠦᠯᠳᠡᠷ ᠪᠤᠭᠤᠷᠤᠯ ᠤᠶᠠᠭᠠᠴᠢᠳ ᠮᠣᠷᠢᠳ ᠢ᠋ᠶ᠋ᠠᠨ ᠰᠢᠨᠵᠢᠭᠡᠳ
ᠡᠷᠳᠡᠨᠢᠲᠦ ᠬᠦᠯᠦᠭ ᠦ᠋ᠳ ᠠᠢᠷᠠᠭ ᠤ᠋ᠨ ᠲᠦᠷᠦᠭᠦᠨ ᠳ᠋ᠦ᠍ ᠮᠠᠩᠨᠠᠢᠯᠠᠵᠤ ᠬᠤᠷᠳᠤᠯᠠᠭᠰᠠᠨ
ᠶᠡᠬᠡ ᠮᠠᠩᠯᠠᠢ ᠨᠤᠲᠤᠭ ᠤ᠋ᠨ ᠬᠤᠷᠳᠤ ᠬᠤᠷᠠᠭᠠᠭᠰᠠᠨ ᠨᠠᠷᠠ ᠵᠥᠪ ᠤᠶᠠᠭᠠᠨ ᠳᠡᠭᠡᠷᠡ
ᠶᠡᠬᠡ ᠠᠳᠤᠭᠤᠨ ᠤ᠋ ᠰᠠᠯᠬᠢ ᠨᠢ ᠪᠤᠶᠠᠨ ᠬᠡᠰᠢᠭ ᠦ᠋ᠨ ᠲᠣᠭᠣᠰᠣ ᠲᠠᠢ ᠰᠢᠪᠰᠢᠭᠰᠡᠨ
ᠶᠡᠬᠡ ᠮᠠᠩᠯᠠᠢ ᠶ᠋ᠢᠨ ᠬᠦᠯᠦᠭ ᠦ᠋ᠳ ᠨᠢ ᠶᠡᠬᠡ ᠭᠣᠪᠢ ᠶ᠋ᠢᠨ ᠬᠤᠷᠳᠤ ᠠ᠋ ᠬᠦ
ᠠᠳᠤᠭᠤᠴᠢᠨ—
ᠮᠣᠩᠭᠣᠯ ᠠᠷᠠᠳ ᠤ᠋ᠨ ᠳᠠᠭᠤᠤ
ᠲᠦᠮᠡᠨ ᠴᠤ᠌ ᠣᠯᠠᠨ ᠠᠳᠤᠭᠤᠨ ᠤ᠋ ᠳᠤᠮᠳᠠ ᠡᠴᠡ ᠪᠠᠨ
ᠲᠥᠭᠥᠷᠢᠭ ᠰᠠᠷᠠ ᠲᠠᠢ ᠮᠠᠩᠬᠠᠨ ᠰᠢᠷᠭᠠ ᠮᠢᠨᠢ ᠲᠦᠷᠦᠭᠦᠯᠡᠭᠡᠳ ᠢᠷᠡᠨᠡ ᠬᠦ
ᠲᠦᠮᠡᠨ ᠴᠤ᠌ ᠣᠯᠠᠨ ᠬᠥᠮᠦᠨ ᠦ᠌ ᠳᠤᠮᠳᠠ ᠡᠴᠡ ᠪᠠᠨ
ᠮᠢᠨᠦ ᠵᠢᠷᠦᠬᠡᠨ ᠦ᠌ ᠭᠠᠭᠴᠠᠬᠠᠨ ᠲᠡᠷᠡ ᠮᠢᠨᠢ ᠲᠣᠷᠮᠣᠢᠵᠤ ᠬᠠᠷᠠᠭᠳᠠᠨᠠ ᠬᠦ
ᠮᠢᠩᠭᠠᠨ ᠴᠤ᠌ ᠣᠯᠠᠨ ᠠᠳᠤᠭᠤᠨ ᠤ᠋ ᠳᠤᠮᠳᠠ ᠡᠴᠡ ᠪᠠᠨ
ᠮᠠᠩᠨᠤᠭ ᠰᠠᠷᠠ ᠲᠠᠢ ᠮᠠᠩᠬᠠᠨ ᠰᠢᠷᠭᠠ ᠮᠢᠨᠢ ᠲᠦᠷᠦᠭᠦᠯᠡᠭᠡᠳ ᠢᠷᠡᠨᠡ ᠬᠦ
ᠮᠢᠩᠭᠠᠨ ᠴᠤ᠌ ᠣᠯᠠᠨ ᠬᠥᠮᠦᠨ ᠦ᠌ ᠳᠤᠮᠳᠠ ᠡᠴᠡ ᠪᠠᠨ
ᠮᠢᠨᠦ ᠵᠢᠷᠦᠬᠡᠨ ᠦ᠌ ᠭᠠᠭᠴᠠᠬᠠᠨ ᠲᠡᠷᠡ ᠮᠢᠨᠢ ᠲᠣᠷᠮᠣᠢᠵᠤ ᠬᠠᠷᠠᠭᠳᠠᠨᠠ ᠬᠦ
ᠤᠷᠭᠠᠴᠢ ᠬᠦᠯᠦᠭ
ᠦᠭᠡ᠄ ᠴ᠂ ᠰᠠᠨᠳᠠᠭᠵᠠᠪ
ᠠᠶᠠ᠄ ᠪ᠂ ᠪᠢᠮᠪᠠᠪᠠᠶᠠᠷ
ᠬᠤᠷᠢᠶᠠᠵᠤ ᠲᠠᠭᠤᠭᠰᠠᠨ ᠠᠳᠤᠭᠤᠨ ᠡᠴᠡ
ᠬᠤᠯᠵᠢᠭᠠ ᠲᠠᠲᠠᠬᠤ ᠣᠷᠣᠢ
ᠱᠠᠰᠢᠷ ᠳᠡᠯ ᠢ᠋ᠶ᠋ᠡᠨ ᠬᠡᠢᠰᠬᠡᠨ ᠰᠠᠯᠬᠢ ᠲᠠᠲᠠᠭᠤᠯᠤᠨ ᠬᠤᠷᠳᠤᠯᠠᠬᠤ
ᠱᠠᠭᠢᠭᠤᠯᠤᠭᠠᠳ ᠲᠡᠩᠴᠡᠳᠡᠭ ᠮᠣᠷᠢ ᠮᠢᠨᠢ᠂ ᠮᠣᠷᠢ ᠮᠢᠨᠢ ᠠ᠋ ᠬᠦ
ᠢᠵᠢᠯᠢ ᠪᠡᠨ ᠬᠠᠷᠠᠭᠠᠳ ᠢᠨᠴᠠᠭᠠᠳᠠᠭ
ᠡᠵᠡᠨ ᠢ᠋ᠶ᠋ᠡᠨ ᠬᠠᠷᠠᠭᠠᠳ ᠡᠪᠰᠢᠶᠡᠳᠡᠭ
ᠡᠷᠳᠡᠨᠢᠲᠦ ᠰᠦᠷᠦᠭ ᠦ᠋ᠨ ᠮᠠᠩᠯᠠᠢ
ᠤᠷᠭᠠᠴᠢ ᠬᠤᠷᠳᠤᠨ ᠬᠦᠯᠦᠭ ᠮᠢᠨᠢ ᠵᠠ
ᠬᠤᠯᠠᠨ ᠬᠡᠭᠡᠷ ᠦ᠋ᠨ ᠲᠣᠯᠣᠭᠠᠢ ᠳ᠋ᠠᠭᠠᠨ
ᠬᠤᠢᠪᠢ ᠪᠠᠨ ᠰᠠᠴᠤᠭᠠᠳ ᠲᠠᠲᠠᠬᠤ ᠳ᠋ᠤ᠌
ᠬᠠᠳᠠ ᠲᠠᠢ ᠳᠥᠷᠪᠡᠨ ᠲᠤᠭᠤᠷᠠᠢ ᠨᠢ ᠬᠠᠢᠷ ᠴᠢᠯᠠᠭᠤ ᠶ᠋ᠢ ᠪᠤᠲᠠᠷᠠᠭᠠᠭᠠᠳ
ᠬᠠᠨᠠᠷᠠᠯᠠᠨ ᠰᠠᠭᠤᠳᠠᠭ ᠮᠣᠷᠢ ᠮᠢᠨᠢ᠂ ᠮᠣᠷᠢ ᠮᠢᠨᠢ ᠠ᠋ ᠬᠦ
ᠢᠵᠢᠯᠢ ᠪᠡᠨ ᠬᠠᠷᠠᠭᠠᠳ ᠢᠨᠴᠠᠭᠠᠳᠠᠭ
ᠡᠵᠡᠨ ᠢ᠋ᠶ᠋ᠡᠨ ᠬᠠᠷᠠᠭᠠᠳ ᠡᠪᠰᠢᠶᠡᠳᠡᠭ
ᠪᠠᠭᠤᠵᠤ ᠮᠣᠷᠳᠠᠬᠤ ᠳ᠋ᠤ᠌ ᠨᠠᠮᠬᠠᠨ
ᠪᠤᠷᠤᠭᠤ ᠵᠥᠪ ᠦᠭᠡᠢ ᠨᠣᠮᠣᠬᠠᠨ
ᠪᠤᠶᠠᠨᠲᠤ ᠰᠦᠷᠦᠭ ᠦ᠋ᠨ ᠮᠠᠩᠯᠠᠢ
ᠤᠷᠭᠠᠴᠢ ᠬᠤᠷᠳᠤᠨ ᠬᠦᠯᠦᠭ ᠮᠢᠨᠢ ᠵᠠ
ᠤᠶᠠᠩᠭᠠᠯᠠᠯ—
ᠵᠢᠷᠤᠬᠠᠢ ᠡᠴᠡ ᠠᠯᠳᠠᠷ ᠤ᠋ᠨ ᠪᠠᠷᠢᠶᠠᠨ ᠳ᠋ᠤ᠌ ᠲᠥᠬᠦᠭᠡᠯᠵᠡᠳᠡᠭ ᠪᠣᠯᠬᠣᠷ
ᠠᠳᠤᠭᠤ ᠴᠢ ᠬᠡᠢᠮᠣᠷᠢ ᠪᠢᠯᠡ
ᠵᠠᠭᠤᠭᠰᠠᠨ ᠠᠮᠠᠭᠠᠢ ᠴᠢᠨᠢ ᠬᠠᠯᠠᠭᠤᠨ ᠪᠠᠢᠳᠠᠭ ᠤᠴᠢᠷ ᠡᠴᠡ
ᠠᠳᠤᠭᠤ ᠴᠢ ᠭᠠᠯ ᠶᠤᠮ ᠪᠢᠯᠡ
ᠵᠠᠭᠤᠯᠲᠠ ᠡᠴᠡ ᠴᠢᠨᠢ ᠭᠠᠵᠠᠷ ᠦᠨᠦᠷᠲᠦᠳᠡᠭ ᠪᠣᠯᠬᠣᠷ
ᠠᠳᠤᠭᠤ ᠴᠢ ᠡᠬᠡ ᠣᠷᠣᠨ ᠶᠤᠮ ᠪᠢᠯᠡ
ᠳᠡᠯ ᠰᠡᠭᠦᠯ ᠳ᠋ᠦ᠍ ᠴᠢᠨᠢ ᠰᠠᠯᠬᠢ ᠡᠷᠭᠢᠳᠡᠭ ᠪᠣᠯᠬᠣᠷ
ᠠᠳᠤᠭᠤ ᠴᠢ ᠲᠩᠷᠢ ᠶ᠋ᠢᠨ ᠠᠮᠢᠲᠠᠨ ᠶᠤᠮ ᠪᠢᠯᠡ
ᠳᠡᠷᠭᠡᠳᠡ ᠨᠢ ᠨᠠᠯᠠᠭᠠᠳ ᠵᠣᠭᠰᠣᠬᠤ ᠳ᠋ᠤ᠌ ᠲᠦᠰᠢᠭ ᠲᠡᠢ ᠪᠠᠢᠳᠠᠭ ᠪᠣᠯᠬᠣᠷ
ᠠᠳᠤᠭᠤ ᠴᠢ ᠠᠭᠲᠠ ᠶᠤᠮ ᠪᠢᠯᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠰᠣᠳᠣ
ᠦᠰᠦᠭ ᠬᠠᠲᠠᠭᠴᠢ᠄ ᠰᠣᠳᠣ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ