ᠪᠢᠴᠢᠬᠠᠨ ᠤᠯᠠᠭᠠᠨ ᠮᠠᠯᠠᠭᠠᠢᠲᠤ-ᠳᠡᠯᠡᠬᠡᠢ ᠶ᠋ᠢᠨ ᠦᠯᠢᠭᠡᠷ ᠦ᠋ᠳБяцхан улаан малгайт Дэлхийн үлгэрүүд
529ᠪᠢᠴᠢᠬᠠᠨ ᠤᠯᠠᠭᠠᠨ ᠮᠠᠯᠠᠭᠠᠢᠲᠤ
ᠪᠢᠴᠢᠬᠠᠨ ᠤᠯᠠᠭᠠᠨ ᠮᠠᠯᠠᠭᠠᠢᠲᠤ
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ᠌ ᠲᠣᠰᠬᠣᠨ ᠳ᠋ᠤ᠌ ᠠᠮᠢᠳᠤᠷᠠᠳᠠᠭ ᠨᠢᠭᠡᠨ ᠬᠥᠭᠡᠷᠦᠬᠦᠨ ᠥᠬᠢᠨ ᠪᠠᠢᠵᠠᠢ᠃ ᠪᠠᠢᠩᠭᠤ ᠤᠯᠠᠭᠠᠨ ᠮᠠᠯᠠᠭᠠᠢ ᠲᠠᠢ ᠶᠠᠪᠤᠳᠠᠭ ᠪᠠᠢᠵᠤ᠂ ᠬᠥᠮᠦᠰ ᠲᠡᠭᠦᠨ ᠢ᠋ 《ᠪᠢᠴᠢᠬᠠᠨ ᠤᠯᠠᠭᠠᠨ ᠮᠠᠯᠠᠭᠠᠢᠲᠤ 》 ᠭᠡᠬᠦ ᠪᠣᠯᠵᠠᠢ᠃
《ᠤᠯᠠᠭᠠᠨ ᠮᠠᠯᠠᠭᠠᠢᠲᠤ ᠠ᠋᠂ ᠤᠯᠠᠭᠠᠨ ᠮᠠᠯᠠᠭᠠᠢᠲᠤ ᠠ᠋᠂ ᠤᠯᠠᠭᠠᠨ ᠮᠠᠯᠠᠭᠠᠢᠲᠤ ᠠ᠋ 》
《ᠵᠠ᠂ ᠡᠵᠢ ᠠ᠋᠂ ᠪᠢ ᠡᠨᠳᠡ ᠯᠡ ᠪᠠᠢᠭᠠ 》
《ᠶᠠᠭᠤ ᠬᠢᠵᠦ ᠪᠠᠢᠭᠠ ᠶᠤᠮ ᠪᠣᠢ᠂ ᠳᠠᠬᠢᠭᠠᠳ ᠱᠣᠺᠣᠯᠠᠳ᠋ ᠢᠳᠡᠵᠦ ᠪᠠᠢᠭᠠ ᠶᠤᠮ ᠤᠤ 》
《ᠦᠭᠡᠢ᠂ ᠡᠵᠢ ᠠ᠋ 》
《ᠬᠤᠳᠠᠯ ᠬᠡᠯᠡᠭᠡᠳ ᠯᠡ᠂ ᠡᠨᠡ ᠰᠠᠭᠰᠤ ᠲᠠᠢ ᠶ᠋ᠢ ᠡᠮᠡᠭᠡ ᠳ᠋ᠦ᠍ ᠪᠡᠨ ᠠᠪᠠᠴᠢᠭᠠᠳ ᠥᠭ᠂ ᠡᠮᠡᠭᠡ ᠶ᠋ᠢᠨ ᠬᠢᠨᠢ ᠪᠡᠶᠡ ᠡᠪᠡᠳᠦᠭᠡᠳ ᠪᠠᠢᠭᠠ ᠭᠡᠰᠡᠨ᠂ ᠲᠡᠢᠮᠦ ᠡᠴᠡ ᠠᠪᠠᠴᠢᠭᠠᠳ ᠥᠭᠭᠦᠨᠡ ᠰᠢᠦ 》
《ᠵᠠ᠂ ᠥᠭᠭᠦᠨᠡ ᠡᠵᠢ ᠠ᠋᠂ ᠬᠠᠷᠢᠨ ᠲᠠ ᠨᠠᠳᠠ ᠳ᠋ᠤ᠌ ᠵᠢᠭᠠᠬᠠᠨ ᠱᠣᠺᠣᠯᠠᠳ᠋ ᠥᠭᠭᠦᠭᠡᠴᠢ 》
《ᠮᠠᠭᠤ ᠱᠣᠺᠣᠯᠠᠳ᠋ ᠤ᠋ᠨ ᠮᠠᠩᠭᠠᠨ 》
《ᠬᠢ᠂ ᠬᠢ᠂ ᠬᠢ 》
ᠡᠵᠢ ᠨᠢ ᠥᠬᠢᠨ ᠳ᠋ᠦ᠍ ᠪᠡᠨ ᠠᠳᠬ᠋ᠠᠤ ᠱᠣᠺᠣᠯᠠᠳ᠋ ᠥᠭᠭᠦᠯᠡ᠃
《ᠭᠡᠬᠦ ᠳ᠋ᠡᠭᠡᠨ ᠰᠣᠨᠣᠰ ᠴᠢ ᠬᠡᠲᠦᠷᠬᠡᠢ ᠣᠯᠠᠨ ᠦᠭᠡ ᠲᠡᠢ ᠰᠢᠦ᠂ ᠵᠠᠮ ᠳ᠋ᠠᠭᠠᠨ ᠲᠠᠨᠢᠬᠤ ᠦᠭᠡᠢ ᠬᠥᠮᠦᠨ ᠲᠡᠢ ᠪᠢᠲᠡᠭᠡᠢ ᠶᠠᠷᠢᠭᠠᠷᠠᠢ 》
《ᠵᠠ᠂ ᠡᠵᠢ ᠠ᠋᠂ ᠶᠠᠷᠢᠬᠤ ᠦᠭᠡᠢ ᠳᠡ 》
ᠪᠢᠴᠢᠬᠠᠨ ᠤᠯᠠᠭᠠᠨ ᠮᠠᠯᠠᠭᠠᠢᠲᠤ ᠡᠮᠡᠭᠡ ᠶ᠋ᠢᠨ ᠢ᠋ᠶ᠋ᠡᠨ ᠭᠡᠷ ᠦ᠋ᠨ ᠵᠦᠭ ᠳᠠᠭᠤᠤ ᠠᠶᠠᠯᠤᠨ ᠬᠠᠷᠠᠢᠯᠭᠠᠪᠠ᠃
《ᠵᠢᠵᠢᠭᠬᠡᠨ ᠭᠠᠴᠤᠷᠠᠬᠠᠨ ᠡᠪᠦᠯ ᠬᠦᠢᠲᠡᠨ ᠪᠠᠢᠨᠠ ᠳᠠ᠂ ᠲᠡᠷᠲᠡᠭᠡ ᠣᠢ ᠡᠴᠡ ᠭᠠᠴᠤᠷᠠᠬᠠᠨ ᠢ᠋ ᠭᠡᠷ ᠲᠡᠭᠡᠨ ᠪᠢᠳᠡ ᠨᠠᠷ ᠠᠪᠴᠢᠷᠠᠯᠠ᠂ᠣᠯᠠᠨ ᠶᠠᠩᠵᠤ ᠶ᠋ᠢᠨ ᠲᠣᠭᠯᠠᠭᠠᠮ ᠤ᠋ᠳ ᠣᠨᠳᠣᠣ ᠭᠠᠵᠠᠷ ᠡᠯᠭᠦᠭᠡᠰᠦᠲᠡᠢ ᠂ ᠤᠷᠮᠠ ᠲᠠᠢ ᠶᠠ᠂ ᠬᠥᠭᠵᠢᠯᠲᠡᠢ ᠶᠠ᠂ ᠤᠭᠲᠤᠵᠠᠭᠠᠶᠠ ᠰᠢᠨᠡ ᠣᠨ ᠢ᠋ᠶ᠋ᠠᠨ 》
ᠭᠡᠨᠡᠳᠲᠡᠬᠡᠨ ᠠᠶᠤᠮᠠᠷ ᠲᠥᠷᠬᠦ ᠲᠡᠢ ᠲᠣᠮᠣ ᠮᠠᠭᠤᠬᠠᠢ ᠴᠢᠨᠣᠠ ᠲᠡᠭᠦᠨ ᠦ᠌ ᠵᠠᠮ ᠳ᠋ᠤ᠌ ᠭᠠᠷᠴᠤ ᠢᠷᠡᠯᠡ᠃
ᠪᠢᠴᠢᠬᠠᠨ ᠤᠯᠠᠭᠠᠨ ᠮᠠᠯᠠᠭᠠᠢᠲᠤ ᠶᠡᠬᠡ ᠠᠶᠤᠵᠠᠢ᠃
《ᠠ᠂᠂ 》
《ᠬᠠᠮᠢᠭᠠᠰᠢ ᠪᠠᠨ ᠢᠩᠭᠢᠲᠡᠯᠡ ᠪᠡᠨ ᠶᠠᠭᠠᠷᠠᠭᠠ ᠪᠣᠢ᠂ ᠪᠢᠴᠢᠬᠠᠨ ᠥᠬᠢᠨ ᠮᠢᠨᠢ 》
《ᠪᠢ ᠡᠮᠡᠭᠡ ᠤᠷᠤᠭᠤ ᠪᠠᠨ ᠶᠠᠪᠤᠵᠤ ᠪᠠᠢᠭᠠ ᠶᠤᠮ ᠠ᠋᠂ ᠨᠣᠶᠠᠨ ᠴᠢᠨᠣᠠ ᠠ᠋ 》
《ᠣᠢᠯᠠᠭᠠᠮᠵᠢᠲᠠᠢ᠂ ᠬᠠᠷᠢᠨ ᠨᠠᠭᠠᠳᠤ ᠰᠠᠭᠰᠤᠨ ᠳ᠋ᠤ᠌ ᠴᠢᠨᠢ᠂ ᠡᠨᠡ ᠰᠠᠭᠰᠤᠨ ᠳ᠋ᠤ᠌ ᠶᠠᠭᠤ ᠪᠠᠢᠭᠠ ᠶᠤᠮ ᠪᠣᠢ 》
《ᠡᠮᠡᠭᠡ ᠳ᠋ᠦ᠍ ᠥᠭᠬᠦ ᠰᠦ᠂ ᠵᠢᠮᠢᠰ ᠪᠠᠢᠭᠠ᠂ ᠡᠮᠡᠭᠡ ᠬᠦᠨᠳᠦ ᠡᠪᠡᠳᠦᠭᠰᠡᠨ 》
《ᠴᠢ ᠶᠡᠬᠡ ᠰᠠᠢᠨ ᠥᠬᠢᠨ ᠪᠠᠢᠨᠠ᠂ ᠴᠢ ᠡᠮᠡᠭᠡ ᠪᠡᠨ ᠰᠠᠢᠨ ᠬᠠᠷᠠᠵᠤ ᠬᠠᠨᠳᠤᠬᠤ ᠶᠤᠮ ᠠ᠋᠂ ᠡᠮᠡᠭᠡ ᠴᠢᠨᠢ ᠬᠠᠮᠢᠭᠠ ᠨᠢ ᠪᠠᠢᠳᠠᠭ ᠶᠤᠮ ᠪᠣᠢ᠂ 》
《ᠳᠣᠭᠣᠭᠰᠢ ᠪᠠᠨ ᠬᠠᠭᠤᠴᠢᠨ ᠰᠦᠮᠡ ᠶ᠋ᠢᠨ ᠣᠢᠷᠠᠯᠴᠠᠭᠠ 》
ᠴᠢᠨᠣᠠ ᠳᠣᠲᠣᠷᠠ ᠪᠠᠨ ᠪᠢᠴᠢᠬᠠᠨ ᠥᠬᠢᠨ ᠢ᠋ ᠢᠳᠡᠬᠦ ᠬᠣᠷᠣᠨ ᠰᠠᠨᠠᠭᠠ ᠠᠭᠤᠯᠤᠯᠠ᠃
《ᠵᠠ᠂ ᠪᠢᠴᠢᠬᠠᠨ ᠥᠬᠢᠨ ᠮᠢᠨᠢ᠂ ᠴᠢ ᠡᠮᠡᠭᠡ ᠳ᠋ᠦ᠍ ᠪᠡᠨ ᠵᠣᠷᠢᠭᠤᠯᠵᠤ ᠰᠢᠨᠡᠬᠡᠨ ᠴᠡᠴᠡᠭ ᠲᠡᠭᠦᠬᠦ ᠦᠭᠡᠢ ᠶᠤᠮ ᠤᠤ᠂ ᠣᠢ ᠳ᠋ᠤ᠌ ᠶᠡᠬᠡ ᠣᠯᠠᠨ ᠰᠠᠢᠬᠠᠨ ᠦᠨᠦᠷ ᠲᠡᠢ ᠴᠡᠴᠡᠭᠡᠰ ᠪᠠᠢᠳᠠᠭ ᠶᠤᠮ ᠰᠢᠦ ᠳᠡ 》
《ᠬᠦ᠂ ᠶᠡᠬᠡ ᠰᠠᠢᠬᠠᠨ ᠰᠠᠨᠠᠭᠠ ᠪᠠᠢᠨᠠ᠂ ᠡᠮᠡᠭᠡ ᠶᠡᠬᠡ ᠪᠠᠶᠠᠷᠯᠠᠨᠠ᠂ ᠲᠡᠭᠡᠭᠡᠳ ᠨᠠᠳᠠ ᠳ᠋ᠤ᠌ ᠱᠣᠺᠣᠯᠠᠳ᠋ ᠥᠭᠭᠦᠨᠡ᠂ ᠪᠢ ᠭᠣᠶᠣ ᠴᠡᠴᠡᠭ ᠲᠡᠭᠦᠨᠡ 》
《ᠵᠠ᠂ ᠵᠠ ᠲᠠᠪᠠ ᠪᠠᠷ ᠢ᠋ᠶ᠋ᠠᠨ ᠶᠠᠪᠤ ᠳᠠ᠂ ᠪᠢ ᠶᠠᠪᠤᠯᠠ ᠰᠢᠦ 》
《ᠪᠠᠶᠠᠷᠯᠠᠯᠠ᠂ ᠨᠣᠶᠠᠨ ᠴᠢᠨᠣᠠ ᠠ᠋᠂ ᠪᠠᠶᠠᠷᠲᠠᠢ 》
ᠤᠯᠠᠭᠠᠨ ᠮᠠᠯᠠᠭᠠᠢᠲᠤ ᠴᠡᠴᠡᠭ ᠲᠡᠭᠦᠬᠦ ᠪᠡᠷ ᠣᠢ ᠪᠠᠷ ᠲᠡᠨᠦᠵᠦ ᠡᠬᠢᠯᠡᠯᠡ᠃
《ᠶᠠᠮᠠᠷ ᠠᠮᠲᠠᠲᠠᠢ ᠬᠣᠭᠣᠯᠠ ᠪᠣᠢ᠂ ᠪᠢ ᠶᠡᠬᠡ ᠥᠯᠥᠰᠴᠦ ᠪᠠᠢᠨᠠ ᠰᠢᠦ᠂ ᠵᠠ᠂ ᠡᠬᠢᠯᠡᠭᠡᠳ ᠡᠮᠡᠭᠡ ᠶ᠋ᠢᠨ ᠳ᠋ᠦ᠍ ᠨᠢ ᠣᠴᠢᠶᠠ᠂ ᠡᠮᠡᠭᠡ ᠶ᠋ᠢ ᠨᠢ ᠢᠳᠡᠴᠢᠬᠡᠭᠡᠳ ᠳᠠᠷᠠᠭᠠ ᠨᠢ ᠡᠨᠡ ᠪᠢᠴᠢᠬᠠᠨ ᠬᠡᠦᠬᠡᠳ ᠢ᠋ ᠵᠠᠯᠭᠢᠨᠠ 》
ᠮᠠᠭᠤᠬᠠᠢ ᠲᠣᠮᠣ ᠴᠢᠨᠣᠠ ᠡᠮᠡᠭᠡ ᠶ᠋ᠢᠨ ᠬᠢᠨᠢ ᠪᠠᠢᠰᠢᠩ ᠤᠷᠤᠭᠤ ᠳᠠᠪᠬᠢᠯᠠ᠃ ᠬᠠᠷᠢᠨ ᠤᠯᠠᠭᠠᠨ ᠮᠠᠯᠠᠭᠠᠢᠲᠤ ᠴᠡᠴᠡᠭ ᠲᠡᠭᠦᠭᠡᠳ ᠵᠠᠪ ᠦᠭᠡᠢ ᠪᠠᠢᠯᠠ᠃ ᠴᠢᠨᠣᠠ ᠡᠮᠡᠭᠡ ᠶ᠋ᠢᠨ ᠭᠡᠷ ᠲᠦ᠍ ᠢᠷᠡᠭᠡᠳ ᠬᠠᠭᠠᠯᠭᠠ ᠲᠣᠭᠰᠢᠯᠠ᠃
《ᠵᠠ᠂ ᠣᠴᠢᠯᠠ᠂ ᠮᠢᠨᠦ ᠵᠢᠭᠠᠬᠠᠨ ᠥᠬᠢᠨ ᠯᠡ ᠢᠷᠡᠭᠰᠡᠨ ᠪᠣᠯᠤᠯᠲᠠᠢ᠂ 》
ᠴᠢᠨᠣᠠ ᠡᠮᠡᠭᠡ ᠶ᠋ᠢ ᠨᠢ ᠪᠠᠷᠢᠵᠤ ᠠᠪᠤᠭᠠᠳ ᠳᠤᠤᠭᠠᠷᠴᠤ ᠠᠮᠵᠢᠭᠠ ᠦᠭᠡᠢ ᠪᠠᠢᠬᠤ ᠳ᠋ᠤ᠌ ᠨᠢ ᠲᠣᠮᠣ ᠠᠮᠠᠨ ᠳ᠋ᠤ᠌ ᠪᠠᠨ ᠬᠢᠭᠡᠳ ᠪᠦᠬᠦᠯᠢ ᠪᠡᠷ ᠨᠢ ᠵᠠᠯᠭᠢᠵᠤ ᠣᠷᠬᠢᠪᠠ᠃ 《ᠠᠮᠲᠠᠲᠠᠢ ᠡᠮᠡᠭᠡ᠂ 》᠃ ᠴᠢᠨᠣᠠ ᠳᠠᠷᠠᠭᠠ ᠨᠢ ᠱᠦᠭᠦᠢ ᠡᠴᠡ ᠡᠮᠡᠭᠡ ᠶ᠋ᠢᠨ ᠬᠢᠨᠢ ᠬᠤᠪᠴᠠᠰᠤ ᠶ᠋ᠢ ᠭᠠᠷᠭᠠᠵᠤ ᠡᠮᠦᠰᠦᠭᠡᠳ ᠡᠮᠡᠭᠡ ᠶ᠋ᠢᠨ ᠳᠦᠷᠢ ᠳ᠋ᠦ᠍ ᠬᠤᠪᠢᠷᠠᠵᠤ᠂ ᠪᠢᠴᠢᠬᠠᠨ ᠤᠯᠠᠭᠠᠨ ᠮᠠᠯᠠᠭᠠᠢᠲᠤ ᠶ᠋ᠢ ᠬᠦᠯᠢᠶᠡᠵᠦ᠂ ᠡᠮᠡᠭᠡ ᠶ᠋ᠢᠨ ᠣᠷᠣᠨ ᠳᠡᠭᠡᠷᠡ ᠬᠡᠪᠲᠡᠯᠡ᠃ ᠲᠡᠷᠡ ᠬᠣᠭᠣᠷᠣᠨᠳᠣ ᠪᠢᠴᠢᠬᠠᠨ ᠤᠯᠠᠭᠠᠨ ᠮᠠᠯᠠᠭᠠᠢᠲᠤ ᠢᠷᠡᠵᠦ ᠶᠠᠪᠤᠯᠠ᠃
《ᠴᠡᠴᠡᠭ ᠵᠢᠮᠢᠰ ᠳᠡᠯᠭᠡᠷᠡᠵᠦ ᠪᠠᠢᠨᠠ᠂ ᠴᠡᠯᠮᠡᠭ ᠨᠠᠷᠠ ᠲᠠᠢ ᠡᠳᠦᠷ ᠭᠣᠶᠣ᠂ ᠴᠡᠯᠮᠡᠭ ᠨᠠᠷᠠᠨ ᠳ᠋ᠤ᠌ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠴᠡᠩᠭᠡᠨ ᠬᠥᠭᠵᠢᠬᠦ ᠪᠠᠰᠠ ᠭᠣᠶᠣ 》
ᠪᠢᠴᠢᠬᠠᠨ ᠤᠯᠠᠭᠠᠨ ᠮᠠᠯᠠᠭᠠᠢᠲᠤ ᠪᠠᠢᠰᠢᠩ ᠳ᠋ᠤ᠌ ᠣᠴᠢᠭᠠᠳ ᠳᠣᠲᠣᠭᠰᠢ ᠪᠠᠨ ᠣᠷᠣᠵᠤ ᠡᠮᠡᠭᠡ ᠶ᠋ᠢᠨ ᠬᠠᠵᠠᠭᠤ ᠳ᠋ᠤ᠌ ᠰᠠᠭᠤᠪᠠ᠃
《ᠲᠠᠨ ᠤ᠋ ᠪᠡᠶᠡ ᠰᠠᠢᠨ ᠤᠤ ᠡᠮᠡᠭᠡ 》
《ᠠ᠋᠂ ᠨᠥᠭᠦᠭᠡ ᠪᠡᠶᠡ ᠮᠢᠨᠢ ᠡᠪᠡᠳᠴᠦ ᠪᠠᠢᠭᠰᠠᠨ ᠴᠤ᠌ ᠴᠢᠮᠠ ᠶ᠋ᠢ ᠬᠠᠷᠠᠭᠰᠠᠨ ᠳᠠᠷᠤᠢ ᠳ᠋ᠤ᠌ ᠪᠠᠨ ᠬᠠᠮᠢᠶᠠ ᠦᠭᠡᠢ ᠳᠡᠭᠡᠷᠡ ᠪᠣᠯᠴᠢᠬᠠᠯᠠ᠂ ᠥᠬᠢᠨ ᠮᠢᠨᠢ 》
《ᠬᠦ᠂ ᠲᠠᠨ ᠤ᠋ ᠨᠢᠳᠦ ᠶᠠᠮᠠᠷ ᠲᠣᠮᠣ ᠶᠤᠮ ᠪᠣᠢ᠂ ᠡᠮᠡᠭᠡ ᠠ᠋ 》
《ᠠ᠂ ᠴᠢᠮᠠ ᠶ᠋ᠢ ᠪᠡᠨ ᠰᠠᠢᠨ ᠬᠠᠷᠠᠬᠤ ᠭᠡᠰᠡᠨ ᠳ᠋ᠦ᠍ ᠪᠠᠨ ᠯᠠ ᠥᠬᠢᠨ ᠮᠢᠨᠢ 》
《ᠬᠦ᠂ ᠲᠠᠨ ᠤ᠋ ᠴᠢᠬᠢ ᠶᠠᠮᠠᠷ ᠲᠣᠮᠣ ᠶᠤᠮ ᠪᠣᠢ ᠡᠮᠡᠭᠡ ᠠ᠋ 》
《ᠠ᠂ ᠴᠢᠮᠠ ᠶ᠋ᠢ ᠪᠡᠨ ᠰᠠᠢᠨ ᠰᠣᠨᠣᠰᠬᠤ ᠭᠡᠰᠡᠨ ᠳ᠋ᠦ᠍ ᠪᠠᠨ ᠯᠠ ᠥᠬᠢᠨ ᠮᠢᠨᠢ 》
《ᠲᠠᠨ ᠤ᠋ ᠰᠢᠳᠦ ᠶᠠᠮᠠᠷ ᠲᠣᠮᠣ ᠶᠤᠮ ᠪᠣᠢ᠂ ᠡᠮᠡᠭᠡ ᠠ᠋ 》
《ᠶᠠᠭᠤ ᠴᠢᠮᠠ ᠶ᠋ᠢ ᠢᠳᠡᠬᠦ ᠭᠡᠰᠡᠨ ᠳ᠋ᠦ᠍ ᠪᠠᠨ ᠯᠠ ᠡᠨᠡ ᠰᠢᠦ ᠳᠡ 》 ᠴᠢᠨᠣᠠ ᠢᠩᠭᠢᠵᠦ ᠬᠡᠯᠡᠵᠦ ᠳᠠᠭᠤᠰᠤᠮᠠᠭᠴᠠ ᠣᠷᠣᠨ ᠡᠴᠡ ᠣᠭᠯᠣ ᠬᠠᠷᠠᠢᠨ ᠪᠣᠰᠴᠤ ᠬᠥᠭᠡᠷᠦᠬᠦᠢ ᠪᠢᠴᠢᠬᠠᠨ ᠤᠯᠠᠭᠠᠨ ᠮᠠᠯᠠᠭᠠᠢᠲᠤ ᠶ᠋ᠢ ᠵᠠᠯᠭᠢᠵᠤ ᠣᠷᠬᠢᠪᠠ᠃ ᠳᠠᠷᠠᠭᠠ ᠨᠢ ᠥᠯᠥᠰᠬᠦᠯᠡᠩ ᠢ᠋ᠶ᠋ᠡᠨ ᠳᠠᠷᠤᠭᠰᠠᠨ ᠴᠢᠨᠣᠠ ᠳᠠᠬᠢᠨ ᠣᠷᠣᠨ ᠳᠡᠭᠡᠷᠡ ᠬᠡᠪᠲᠡᠯᠡ᠃ ᠬᠦᠨᠳᠦᠬᠡᠨ ᠬᠣᠭᠣᠯᠠ ᠵᠣᠭᠣᠭᠯᠠᠭᠰᠠᠨ ᠲᠡᠷᠡ ᠪᠡᠷ ᠤᠳᠠᠯ ᠦᠭᠡᠢ ᠤᠨᠲᠠᠵᠤ ᠴᠢᠩᠭᠠ ᠪᠠᠷ ᠬᠤᠷᠬᠢᠷᠠᠵᠤ ᠡᠬᠢᠯᠡᠪᠡ᠃ ᠪᠠᠢᠰᠢᠩ ᠤ᠋ᠨ ᠬᠠᠵᠠᠭᠤ ᠪᠠᠷ ᠶᠠᠪᠤᠵᠤ ᠪᠠᠢᠭᠰᠠᠨ ᠲᠦᠯᠡᠭᠡᠴᠢᠨ ᠬᠤᠷᠬᠢᠷᠠᠬᠤ ᠴᠢᠮᠡᠭᠡ ᠶ᠋ᠢ ᠰᠣᠨᠣᠰᠴᠠᠢ᠃ 《ᠨᠠᠰᠤᠲᠠᠢ ᠡᠮᠡᠭᠡᠨ ᠶᠠᠭᠠᠬᠢᠭᠠᠳ ᠡᠢᠮᠦ ᠴᠢᠩᠭᠠ ᠬᠤᠷᠬᠢᠷᠠᠳᠠᠭ ᠪᠢᠯᠡ᠃ ᠣᠴᠢᠵᠤ ᠬᠠᠷᠠᠬᠤ ᠬᠡᠷᠡᠭᠲᠡᠢ ᠶᠤᠮ ᠪᠠᠢᠨᠠ 》 ᠢᠩᠭᠢᠭᠡᠳ ᠲᠦᠯᠡᠭᠡᠴᠢᠨ ᠪᠠᠢᠰᠢᠩ ᠤᠷᠤᠭᠤ ᠣᠷᠣᠵᠤ ᠣᠷᠣᠨ ᠳ᠋ᠤ᠌ ᠳᠥᠭᠥᠵᠦ ᠣᠴᠢᠭᠠᠳ ᠴᠢᠨᠣᠠ ᠬᠡᠪᠲᠡᠵᠦ ᠪᠠᠢᠬᠤ ᠶ᠋ᠢ ᠬᠠᠷᠠᠵᠠᠢ᠃ 《ᠠᠷᠠᠢ ᠭᠡᠵᠦ ᠴᠢᠮᠠ ᠶ᠋ᠢ ᠣᠯᠤᠯᠠ᠂ ᠮᠠᠭᠤ ᠨᠢᠭᠦᠯᠲᠡᠨ᠂ ᠠᠯᠢ ᠡᠷᠲᠡᠨ ᠡᠴᠡ ᠪᠢ ᠴᠢᠮᠠ ᠶ᠋ᠢ ᠬᠠᠢᠵᠤ ᠪᠠᠢᠭᠰᠠᠨ ᠶᠤᠮ 》 ᠲᠦᠯᠡᠭᠡᠴᠢᠨ ᠴᠢᠨᠣᠠ ᠶ᠋ᠢᠨ ᠭᠡᠳᠡᠰᠦ ᠶ᠋ᠢᠨ ᠬᠥᠳᠡᠯᠬᠦ ᠶ᠋ᠢ ᠬᠠᠷᠠᠭᠠᠳ ᠡᠮᠡᠭᠡᠨ ᠢ᠋ ᠪᠦᠬᠦᠯᠢ ᠪᠡᠷ ᠨᠢ ᠵᠠᠯᠭᠢᠴᠢᠬᠠᠵᠤ ᠭᠡᠵᠦ ᠪᠣᠳᠣᠵᠠᠢ᠃ ᠡᠮᠡᠭᠡᠨ ᠢ᠋ ᠠᠪᠤᠷᠠᠵᠤ ᠠᠮᠵᠢᠬᠤ ᠴᠤ᠌ ᠶᠤᠮ ᠪᠢᠯᠡ ᠤᠤ᠂ ᠢᠩᠭᠢᠭᠡᠳ ᠲᠡᠷᠡ ᠬᠠᠢᠴᠢ ᠠᠪᠤᠭᠠᠳ ᠴᠢᠨᠣᠠ ᠶ᠋ᠢᠨ ᠭᠡᠳᠡᠰᠦ ᠶ᠋ᠢ ᠨᠡᠭᠡᠭᠡᠵᠦ ᠡᠬᠢᠯᠡᠯᠡ᠂ ᠬᠡᠳᠦ ᠬᠠᠢᠴᠢᠯᠠᠲᠠᠯᠠ ᠪᠢᠴᠢᠬᠠᠨ ᠤᠯᠠᠭᠠᠨ ᠮᠠᠯᠠᠭᠠᠢᠲᠤ ᠬᠠᠷᠠᠭᠳᠠᠯᠠ᠂ ᠳᠠᠬᠢᠭᠠᠳ ᠬᠡᠳᠦ ᠬᠠᠢᠴᠢᠯᠠᠲᠠᠯᠠ ᠤᠯᠠᠭᠠᠨ ᠮᠠᠯᠠᠭᠠᠢᠲᠤ ᠭᠠᠷᠴᠤ ᠢᠷᠡᠭᠡᠳ ᠤᠬᠢᠯᠠᠪᠠ᠃
《ᠲᠩᠷᠢ ᠮᠢᠨᠢ ᠪᠢ ᠶᠠᠮᠠᠷ ᠶᠡᠬᠡ ᠠᠶᠤᠪᠠ᠂ ᠴᠢᠨᠣᠠ ᠶ᠋ᠢᠨ ᠳᠣᠲᠣᠷᠠ ᠬᠠᠪ ᠬᠠᠷᠠᠩᠭᠤᠢ ᠪᠠᠢᠭᠰᠠᠨ 》
ᠳᠠᠷᠠᠭᠠ ᠨᠢ ᠡᠮᠡᠭᠡ ᠨᠢ ᠠᠮᠢᠳᠤ ᠮᠡᠨᠳᠦ ᠪᠦᠷᠢᠨ ᠪᠦᠲᠦᠨ ᠭᠠᠷᠴᠤ ᠢᠷᠡᠯᠡ᠃ ᠪᠢᠴᠢᠬᠠᠨ ᠤᠯᠠᠭᠠᠨ ᠮᠠᠯᠠᠭᠠᠢᠲᠤ ᠬᠤᠷᠳᠤᠬᠠᠨ ᠶᠠᠪᠤᠵᠤ ᠲᠣᠮᠣ ᠴᠢᠯᠠᠭᠤ ᠲᠡᠭᠦᠵᠦ ᠢᠷᠡᠭᠡᠳ ᠴᠢᠨᠣᠠ ᠶ᠋ᠢᠨ ᠭᠡᠳᠡᠰᠦ ᠶ᠋ᠢ ᠴᠢᠯᠠᠭᠤ ᠪᠠᠷ ᠳᠦᠭᠦᠷᠭᠡᠪᠡ᠃ ᠳᠠᠷᠠᠭᠠ ᠨᠢ ᠲᠦᠯᠡᠭᠡᠴᠢᠨ ᠴᠢᠨᠣᠠ ᠶ᠋ᠢᠨ ᠭᠡᠳᠡᠰᠦ ᠶ᠋ᠢ ᠳᠠᠬᠢᠨ ᠣᠶᠣᠯᠠ᠃ ᠤᠳᠠᠬᠤ ᠦᠭᠡᠢ ᠴᠢᠨᠣᠠ ᠰᠡᠷᠡᠵᠡᠢ᠂ ᠪᠦᠭᠦᠳᠡ ᠨᠢᠭᠤᠭᠳᠠᠯᠠ᠃ ᠴᠢᠨᠣᠠ ᠡᠷᠭᠢᠨ ᠲᠣᠭᠣᠷᠢᠨ ᠢ᠋ᠶ᠋ᠠᠨ ᠬᠠᠷᠠᠲᠠᠯᠠ ᠬᠡᠨ ᠴᠦ᠍ ᠪᠠᠢᠭᠰᠠᠨ ᠦᠭᠡᠢ᠂ ᠲᠡᠷᠡ ᠳᠠᠷᠤᠢ ᠪᠠᠢᠰᠢᠩ ᠡᠴᠡ ᠭᠠᠷᠴᠤ ᠭᠦᠶᠦᠪᠡ᠃ 《ᠠ᠋᠂ ᠠ ᠬᠣᠳᠣᠭᠣᠳᠣ ᠮᠢᠨᠢ ᠶᠠᠮᠠᠷ ᠬᠦᠨᠳᠦ ᠪᠠᠢᠨᠠ᠂ ᠬᠥᠭᠰᠢᠨ ᠶᠠᠭᠤᠮᠠ ᠶ᠋ᠢ ᠨᠢᠭᠡ ᠰᠢᠩᠭᠡᠭᠡᠬᠦ ᠨᠡᠯᠢᠶᠡᠳ ᠶᠡᠬᠡ ᠤᠳᠠᠬᠤ ᠶᠤᠮ ᠰᠢᠭ᠋ ᠪᠠᠢᠨᠠ 》 ᠬᠡᠳᠦ ᠠᠯᠬᠤᠭᠰᠠᠨ ᠤ᠋ ᠳᠠᠷᠠᠭᠠ ᠲᠡᠷᠡ ᠶᠠᠳᠠᠷᠠᠵᠤ ᠬᠦᠨᠳᠦ ᠵᠢᠩ ᠡᠴᠡ ᠪᠣᠯᠤᠭᠠᠳ ᠤᠨᠠᠭᠠᠳ ᠥᠭᠭᠦᠯᠡ᠃ ᠡᠮᠡᠭᠡ᠂ ᠤᠯᠠᠭᠠᠨ ᠮᠠᠯᠠᠭᠠᠢᠲᠤ᠂ ᠴᠢᠨᠣᠠ ᠭᠤᠷᠪᠠ ᠠᠷᠤ ᠡᠴᠡ ᠨᠢ ᠳᠠᠭᠠᠵᠠᠢ᠃ ᠴᠢᠨᠣᠠ ᠠᠮᠠ ᠨᠢ ᠶᠡᠬᠡ ᠴᠠᠩᠭᠠᠭᠰᠠᠨ ᠤᠴᠢᠷ ᠭᠣᠣᠯ ᠤᠷᠤᠭᠤ ᠣᠴᠢᠯᠠ᠂ ᠤᠰᠤ ᠤᠤᠭᠤᠬᠤ ᠪᠠᠷ ᠲᠣᠩᠭᠣᠢᠬᠤ ᠳ᠋ᠤ᠌ ᠪᠠᠨ ᠬᠦᠨᠳᠦ ᠵᠢᠩ ᠢ᠋ᠶ᠋ᠡᠨ ᠳᠠᠭᠠᠯ ᠦᠭᠡᠢ ᠬᠠᠯᠲᠤᠷᠢᠭᠠᠳ ᠭᠣᠣᠯ ᠤᠷᠤᠭᠤ ᠤᠨᠠᠴᠢᠬᠠᠪᠠ᠃
《ᠲᠤᠰᠠᠯᠠᠭᠠᠷᠠᠢ᠂ ᠬᠡᠨ ᠨᠢᠭᠡ ᠨᠢ ᠨᠠᠳᠠ ᠳ᠋ᠤ᠌ ᠲᠤᠰᠠᠯᠠᠭᠠᠴᠢ ᠳᠠ 》 ᠡᠮᠡᠭᠡ᠂ ᠤᠯᠠᠭᠠᠨ ᠮᠠᠯᠠᠭᠠᠢᠲᠤ᠂ ᠲᠦᠯᠡᠭᠡᠴᠢᠨ ᠭᠤᠷᠪᠠ ᠭᠣᠣᠯ ᠤ᠋ᠨ ᠡᠷᠭᠢᠨ ᠳ᠋ᠦ᠍ ᠢᠷᠡᠵᠦ ᠵᠢᠪᠴᠦ ᠪᠠᠢᠭᠠ ᠴᠢᠨᠣᠠ ᠶ᠋ᠢ ᠬᠠᠷᠠᠯᠠ᠃ 《ᠮᠠᠭᠤ ᠵᠠᠯᠢᠲᠤ ᠴᠢᠨᠣᠠ ᠢᠩᠭᠢᠭᠡᠳ ᠱᠠᠩ ᠢ᠋ᠶ᠋ᠠᠨ ᠬᠦᠷᠲᠡᠬᠦ ᠴᠢᠨᠢ ᠡᠨᠡ ᠳᠡ 》
《ᠲᠤᠰᠠᠯᠠᠭᠠᠷᠠᠢ᠂ ᠬᠡᠨ ᠨᠢᠭᠡ ᠨᠢ ᠨᠠᠳᠠ ᠳ᠋ᠤ᠌ ᠲᠤᠰᠠᠯᠠᠭᠠᠴᠢ ᠳᠠ 》
ᠲᠡᠳᠡ ᠪᠦᠭᠦᠳᠡ ᠪᠠᠶᠠᠷᠲᠠᠢ ᠪᠠᠢᠪᠠ᠂ ᠡᠮᠡᠭᠡ ᠠᠮᠢ ᠶ᠋ᠢ ᠨᠢ ᠠᠪᠤᠷᠬᠠᠰᠠ ᠳ᠋ᠤ᠌ ᠲᠦᠯᠡᠭᠡᠴᠢᠨ ᠳ᠋ᠦ᠍ ᠲᠠᠯᠠᠷᠬᠠᠪᠠ᠃ ᠬᠠᠮᠲᠤ ᠰᠠᠭᠤᠵᠤ ᠪᠢᠯᠠᠤ ᠢᠳᠡ ᠭᠡᠵᠦ ᠤᠷᠢᠯᠠ᠃ ᠪᠢᠴᠢᠬᠠᠨ ᠤᠯᠠᠭᠠᠨ ᠮᠠᠯᠠᠭᠠᠢᠲᠤ ᠪᠢᠯᠠᠤ ᠢᠳᠡᠬᠦ ᠭᠡᠵᠦ ᠶᠠᠭᠠᠬᠢᠭᠰᠠᠨ ᠴᠤ᠌ ᠡᠮᠡᠭᠡ ᠨᠢ ᠪᠣᠯᠢᠭᠤᠯᠪᠠ᠃
《ᠬᠠ ᠬᠠ᠂ ᠴᠢᠮᠠ ᠶ᠋ᠢ ᠪᠢᠯᠠᠤ᠂ ᠱᠣᠺᠣᠯᠠᠳ᠋ ᠢᠳᠡᠬᠦ ᠪᠡᠷ ᠬᠦᠰᠡᠵᠦ ᠪᠠᠢᠭᠠ ᠶ᠋ᠢ ᠴᠢᠨᠢ ᠮᠡᠳᠡᠨᠡ᠂ ᠥᠨᠥᠳᠥᠷ ᠪᠢ ᠴᠢᠮᠠ ᠶ᠋ᠢ ᠬᠦᠰᠡᠭᠰᠡᠨ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠶᠡᠬᠡ ᠢᠳᠡᠬᠦ ᠶ᠋ᠢ ᠵᠥᠪᠰᠢᠶᠡᠷᠡᠶᠡ᠂ ᠭᠡᠬᠦ ᠳ᠋ᠦ᠍ ᠪᠡᠨ ᠲᠡᠭᠦᠨ ᠡᠴᠡ ᠡᠮᠦᠨᠡ ᠴᠢ ᠲᠦᠯᠡᠭᠡᠴᠢᠨ ᠠᠬᠠ ᠳ᠋ᠤ᠌ ᠪᠠᠨ ᠳᠠᠭᠤᠤ ᠪᠠᠨ ᠳᠠᠭᠤᠯᠠᠵᠤ ᠥᠭᠭᠦᠭᠡᠷᠡᠢ᠂ ᠶᠠᠭᠠᠬᠢᠭᠠᠳ ᠭᠡᠪᠡᠯ ᠲᠦᠯᠡᠭᠡᠴᠢᠨ ᠥᠨᠥᠳᠥᠷ ᠪᠢᠳᠡᠨ ᠦ᠌ ᠠᠮᠢ ᠶ᠋ᠢ ᠠᠪᠤᠷᠬᠠᠰᠠ 》 《ᠲᠡᠢᠮᠦ ᠠ᠋᠂ ᠡᠮᠡᠭᠡ ᠠ᠋ ᠥᠨᠥᠳᠥᠷ ᠪᠢᠳᠡᠨ ᠦ᠌ ᠬᠤᠪᠢ ᠳ᠋ᠤ᠌ ᠪᠤᠷᠬᠠᠨ ᠰᠢᠭ᠋ ᠪᠠᠢᠭᠰᠠᠨ᠂ ᠲᠡᠢᠮᠦ ᠡᠴᠡ ᠪᠢ ᠬᠠᠮᠤᠭ ᠤ᠋ᠨ ᠳᠤᠷᠠᠲᠠᠢ ᠳᠠᠭᠤᠤ ᠪᠠᠨ ᠳᠠᠭᠤᠯᠠᠵᠤ ᠥᠭᠬᠦ ᠪᠣᠯᠤᠨᠠ 》 ᠢᠩᠭᠢᠵᠦ ᠬᠡᠯᠡᠭᠡᠳ ᠳᠠᠭᠤᠯᠠᠵᠤ ᠡᠬᠢᠯᠡᠯᠡ᠃ 《ᠭᠠᠩᠭᠠᠩ ᠨᠣᠭᠣᠭᠠᠨ ᠭᠠᠴᠤᠷᠠᠬᠠᠨ᠂ ᠵᠤᠨ ᠳ᠋ᠤ᠌ ᠪᠠᠨ ᠡᠪᠦᠯ ᠳ᠋ᠦ᠍ ᠪᠡᠨ ᠨᠣᠭᠣᠭᠠᠷᠠᠨᠠ᠂ ᠬᠥᠭᠵᠢᠯᠲᠡᠢ ᠶᠡᠬᠡ ᠬᠣᠲᠠ ᠳ᠋ᠤ᠌ ᠮᠢᠨᠢ ᠬᠦᠴᠢᠯᠲᠦ᠋ᠷᠦᠭᠴᠢ ᠪᠡᠯᠡᠭᠯᠡᠨᠡ 》 ᠪᠦᠭᠦᠳᠡ ᠢᠨᠢᠶᠡᠯᠳᠦᠵᠦ ᠪᠢᠯᠠᠤ ᠢᠳᠡᠵᠦ ᠪᠠᠢᠪᠠ᠃ 《ᠤᠯᠠᠭᠠᠨ ᠮᠠᠯᠠᠭᠠᠢᠲᠤ ᠳᠠᠬᠢᠵᠤ ᠬᠡᠵᠢᠶᠡ ᠴᠦ᠍ ᠣᠢ ᠪᠠᠷ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠲᠡᠨᠦᠬᠦ ᠦᠭᠡᠢ᠂ ᠡᠵᠢ ᠶ᠋ᠢᠨ ᠢ᠋ᠶ᠋ᠡᠨ ᠦᠭᠡᠨ ᠳ᠋ᠦ᠍ ᠲᠠᠩᠳᠠ ᠣᠷᠣᠵᠤ ᠪᠠᠢᠨᠠ ᠭᠡᠵᠦ ᠥᠪᠡᠷᠲᠡᠭᠡᠨ ᠠᠮᠠᠯᠠᠯᠠ᠃