ᠳᠡᠯᠡᠬᠡᠢ ᠶ᠋ᠢᠨ ᠬᠠᠮᠤᠭ ᠲᠣᠮᠣ ᠣᠪᠣᠭᠠ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Дэлхийн хамаг том овоо –Ёндоны Билиг - Баатар
523ᠳᠡᠯᠡᠬᠡᠢ ᠶ᠋ᠢᠨ ᠬᠠᠮᠤᠭ ᠲᠣᠮᠣ ᠣᠪᠣᠭᠠ
ᠲᠡᠭᠷᠢ ᠳ᠋ᠦ᠍ ᠨᠢᠭᠡ ᠯᠡ ᠨᠠᠷᠠ ᠪᠠᠢᠳᠠᠭ
ᠳᠡᠯᠡᠬᠡᠢ ᠳ᠋ᠦ᠍ ᠨᠢᠭᠡ ᠯᠡ ᠣᠷᠳᠣᠰ ᠪᠠᠢᠳᠠᠭ
ᠲᠢᠪ ᠶᠢᠷᠲᠢᠨᠴᠦ ᠳ᠋ᠦ᠍ ᠨᠢᠭᠡ ᠯᠡ ᠣᠪᠣᠭᠠ
ᠲᠡᠷᠡ ᠨᠢ ᠣᠷᠴᠢᠯᠠᠩ ᠤ᠋ᠨ ᠴᠠᠮᠬᠠᠭ ᠣᠪᠣᠭᠠ
ᠲᠡᠭᠦᠨ ᠦ᠌ ᠨᠡᠷᠡ ᠨᠢ ᠶᠡᠬᠡ ᠣᠪᠣᠭᠠ
ᠲᠡᠷᠡ ᠳᠣᠳᠣᠮ ᠢ᠋ᠶ᠋ᠠᠨ ᠯᠤᠲᠤ ᠤᠬᠠᠭᠠ ᠶᠤᠮ
ᠰᠠᠷᠠ ᠡᠪᠦᠷ ᠲᠦ᠍ ᠨᠢ ᠰᠢᠩᠭᠡᠳᠡᠭ ᠪᠠᠢᠬᠠ
ᠰᠠᠨᠰᠠᠷ ᠬᠠᠷᠢᠨ ᠵᠤᠯᠠᠢ ᠳ᠋ᠤ᠌ ᠨᠢ ᠲᠣᠭᠲᠠᠳᠠᠭ᠂
ᠨᠠᠮᠠ ᠶ᠋ᠢ ᠢᠷᠡᠬᠦ ᠳ᠋ᠦ᠍ ᠠᠳᠤᠭᠤᠳ ᠴᠠᠭᠠᠨ
ᠨᠠᠮᠠ ᠶ᠋ᠢ ᠪᠤᠴᠠᠬᠤ ᠳ᠋ᠤ᠌ ᠠᠢᠯ ᠤ᠋ᠳ ᠴᠡᠩᠬᠡᠷ
ᠨᠠᠮᠠ ᠶ᠋ᠢ ᠤᠬᠢᠯᠠᠬᠤ ᠳ᠋ᠤ᠌ ᠭᠠᠯᠠᠭᠤᠳ ᠶᠠᠭᠠᠷᠠᠤ
ᠨᠠᠮᠠ ᠶ᠋ᠢ ᠵᠣᠴᠢᠯᠠᠬᠤ ᠳ᠋ᠤ᠌ ᠬᠥᠮᠦᠰ ᠰᠣᠭᠲᠣᠭᠤ
ᠣᠪᠣᠭᠠ ᠲᠠᠢ ᠨᠤᠲᠤᠭ ᠱᠠᠯ ᠭᠠᠯ ᠨᠠᠢᠷᠠᠮᠳᠠᠭᠤ
ᠣᠷᠬᠢᠭᠠᠳ ᠬᠣᠯᠠᠳᠬᠤ ᠶ᠋ᠢᠨ ᠠᠷᠭᠠ ᠦᠭᠡᠢ
ᠳᠡᠯᠡᠬᠡᠢ ᠰᠠᠶᠢ ᠯᠠ ᠣᠪᠣᠭᠠ ᠶ᠋ᠢ ᠮᠡᠳᠡᠵᠡᠢ
ᠣᠪᠣᠭᠠ ᠬᠠᠷᠢᠨ ᠳᠡᠯᠡᠬᠡᠢ ᠶ᠋ᠢ ᠡᠷᠲᠡ ᠲᠠᠬᠢᠵᠠᠢ
ᠥᠨᠥᠳᠥᠷ ᠪᠢ ᠰᠠᠶᠢ ᠯᠠ ᠣᠷᠳᠣᠰ ᠪᠣᠯᠵᠠᠢ
ᠣᠷᠳᠣᠰ ᠭᠡᠳᠡᠭ ᠤᠤᠯ ᠨᠢ ᠨᠤᠮᠤ ᠪᠠᠢᠵᠠᠢ
ᠭᠠᠷᠠᠭ ᠣᠷᠴᠢᠯᠠᠩ ᠤᠭ ᠨᠢ ᠬᠤᠮᠬᠢ ᠯᠠ ᠰᠢᠦ
ᠭᠠᠷᠴᠠ ᠭᠡᠳᠡᠭ ᠨᠢ ᠮᠣᠩᠭᠣᠯ ᠯᠠ ᠦᠯᠡᠳᠡᠵᠡᠢ
ᠣᠪᠣᠭᠠᠨ ᠤ᠋ ᠣᠷᠣᠢ ᠳ᠋ᠤ᠌ ᠲᠡᠭᠷᠢ ᠲᠣᠭᠲᠠᠨᠢᠵᠠᠢ
ᠣᠳᠣ ᠪᠢ ᠶᠡᠬᠡ ᠣᠪᠣᠭᠠᠨ ᠤ᠋ ᠳᠡᠭᠡᠷᠡ ᠪᠣᠢ᠃
ᠳᠡᠯᠡᠬᠡᠢ ᠶ᠋ᠢ ᠬᠤᠷᠤᠢᠯᠠᠵᠤ ᠴᠢᠳᠠᠭᠰᠠᠨ ᠠ᠋ᠴᠠ ᠯᠠ
ᠳᠡᠯᠡᠬᠡᠢ ᠶ᠋ᠢᠨ ᠬᠠᠮᠤᠭ ᠲᠣᠮᠣ ᠣᠪᠣᠭᠠ ᠡᠨᠳᠡ᠃
2024᠂ 4᠂ 5᠃ ᠦᠦᠷ ᠢ᠋ᠶ᠋ᠡᠷ᠃
ᠣᠷᠳᠣᠰ ᠬᠣᠲᠠ ᠶ᠋ᠢᠨ ᠬᠢᠶᠡ ᠪᠠᠭᠰᠢ
ᠯᠤᠲᠤ ᠲᠣᠭᠣᠷᠢᠭ ᠲᠤ᠌ ᠪᠦᠲᠦᠭᠡᠪᠡᠢ᠃