ᠴᠠᠬᠢᠯᠳᠠᠭЦахилдаг
1143ᠴᠠᠬᠢᠯᠳᠠᠭ
ᠤᠷᠲᠤ ᠨᠠᠰᠤᠲᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ᠂ ᠵᠢᠯ ᠪᠦᠷᠢ ᠶ᠋ᠢᠨ5—6 ᠰᠠᠷᠠ ᠳ᠋ᠤ᠌ ᠴᠡᠴᠡᠭᠯᠡᠵᠦ᠂6—7 ᠰᠠᠷᠠ ᠳ᠋ᠤ᠌ ᠦᠷᠡ ᠵᠢᠮᠢᠰ ᠰᠠᠭᠤᠨᠠ᠃ ᠣᠬᠣᠷ ᠪᠥᠭᠡᠳ ᠪᠦᠳᠦᠭᠦᠨ ᠦᠨᠳᠦᠰᠦᠯᠢᠭ ᠡᠰᠢ ᠲᠡᠢ᠂ ᠨᠠᠪᠴᠢ ᠨᠢ ᠨᠠᠷᠢᠬᠠᠨ ᠪᠦᠰᠡ ᠬᠡᠯᠪᠡᠷᠢᠲᠡᠢ᠂ ᠰᠢᠯᠤᠭᠤᠨ᠂ ᠦᠵᠦᠭᠦᠷ ᠲᠡᠢ᠂ ᠤᠷᠲᠤ ᠨᠢ20—50cm ᠣᠷᠴᠢᠮ᠂ ᠥᠷᠭᠡᠨ ᠨᠢ4—6mm᠂ ᠨᠠᠪᠴᠢ ᠨᠢ ᠰᠢᠭᠤᠳ ᠦᠨᠳᠦᠰᠦᠯᠡᠵᠦ ᠤᠷᠭᠤᠳᠠᠭ᠃ ᠴᠡᠴᠡᠭ ᠨᠢ ᠬᠥᠬᠡ ᠥᠩᠭᠡ ᠲᠡᠢ ᠨᠢ ᠣᠯᠠᠨ᠂ ᠶᠠᠭᠠᠪᠲᠤᠷ ᠨᠢ ᠴᠥᠭᠡᠨ᠃ ᠦᠷᠡ ᠨᠢ ᠤᠷᠲᠤ ᠪᠥᠭᠡᠷᠡᠩᠬᠡᠢ ᠬᠡᠯᠪᠡᠷᠢᠲᠡᠢ᠂ ᠬᠦᠷᠡᠩ ᠥᠩᠭᠡ ᠲᠡᠢ᠂ ᠭᠥᠯᠢᠭᠡᠷ᠃ ᠦᠨᠳᠦᠰᠦ ᠨᠢ ᠰᠢᠷᠠᠪᠲᠤᠷ ᠥᠩᠭᠡ ᠲᠡᠢ᠂ ᠴᠥᠭᠡᠨ ᠰᠠᠯᠠᠭᠠᠯᠠᠨᠠ᠃
ᠨᠠᠪᠴᠢ ᠨᠢ ᠮᠠᠰᠢ ᠪᠥᠬᠡ ᠲᠤᠯᠠ ᠶᠠᠭᠤᠮᠠ ᠶ᠋ᠢ ᠪᠣᠭᠣᠵᠤ ᠤᠶᠠᠵᠤ ᠪᠣᠯᠤᠨᠠ᠂ ᠪᠠᠰᠠ ᠴᠠᠭᠠᠰᠤ ᠬᠢᠬᠦ ᠲᠦᠭᠦᠬᠡᠢ ᠡᠳ᠋᠃
ᠮᠠᠨ ᠤ᠋ ᠣᠷᠣᠨ ᠤ᠋ ᠡᠯᠡ ᠠᠢᠮᠠᠭ ᠬᠣᠰᠢᠭᠤ ᠪᠠᠷ ᠪᠦᠷ ᠲᠠᠷᠬᠠᠵᠤ ᠪᠠᠢᠳᠠᠭ᠃ ᠵᠦᠯᠭᠡ ᠴᠠᠢᠳᠠᠮ᠂ ᠨᠠᠭᠤᠷ ᠤ᠋ᠨ ᠬᠥᠪᠡᠭᠡ᠂ ᠡᠯᠡᠰᠦᠷᠬᠡᠭ ᠴᠠᠢᠳᠠᠮ᠂ ᠬᠤᠵᠢᠷᠯᠢᠭ ᠲᠠᠯᠠ ᠳ᠋ᠤ᠌ ᠤᠷᠭᠤᠨᠠ᠃ ᠭᠠᠩ ᠬᠠᠭᠤᠷᠠᠢ᠂ ᠬᠤᠵᠢᠷᠯᠢᠭ ᠲᠤ᠌ ᠲᠡᠰᠪᠦᠷᠢᠲᠡᠢ᠃
ᠴᠡᠴᠡᠭ᠂ ᠦᠷᠡ᠂ ᠦᠨᠳᠦᠰᠦ ᠨᠢ ᠡᠮ ᠳ᠋ᠦ᠍ ᠣᠷᠣᠨᠠ᠃ ᠭᠣᠣᠯᠴᠢᠯᠠᠨ ᠬᠦᠢᠲᠡᠨ ᠡᠪᠡᠳᠴᠢᠨ᠂ ᠲᠦᠷᠭᠡᠨ ᠴᠢᠨᠠᠷᠲᠠᠢ ᠰᠢᠷᠠᠯᠠᠬᠤ ᠬᠡᠯᠪᠡᠷᠢ ᠶ᠋ᠢᠨ ᠬᠠᠯᠳᠠᠪᠤᠷᠢᠲᠤ ᠡᠯᠢᠭᠡᠨ ᠦ᠌ ᠦᠷᠪᠢᠰᠦᠯ᠂ ᠵᠠᠯᠭᠢᠭᠤᠷ ᠤ᠋ᠨ ᠦᠷᠪᠢᠰᠦᠯ᠂ ᠬᠠᠮᠠᠷ ᠠ᠋ᠴᠠ ᠴᠢᠰᠤ ᠭᠠᠷᠬᠤ᠂ ᠰᠢᠷᠭᠤᠯᠵᠢᠨ ᠬᠠᠲᠠᠭᠢ ᠶ᠋ᠢ ᠵᠠᠰᠠᠨᠠ᠃ ᠦᠷᠡ ᠨᠢ ᠠᠷᠠᠰᠤᠨ ᠡᠪᠡᠳᠴᠢᠨ᠂ ᠬᠣᠳᠣᠭᠣᠳᠣᠨ ᠤ᠋ ᠴᠠᠩᠬᠠ᠂ ᠬᠣᠣᠷᠠ ᠬᠠᠷᠰᠢᠯᠳᠤᠭᠰᠠᠨ᠂ ᠡᠷᠭᠢᠭᠰᠡᠨ ᠰᠢᠷᠬᠠ᠂ ᠲᠦᠯᠡᠭᠳᠡᠭᠰᠡᠨ ᠰᠢᠷᠬᠠ ᠳ᠋ᠤ᠌ ᠬᠡᠷᠡᠭᠯᠡᠨᠡ᠃
ᠵᠤᠨ ᠤ᠋ ᠤᠯᠠᠷᠢᠯ ᠳ᠋ᠤ᠌ ᠡᠯᠡ ᠲᠥᠷᠥᠯ ᠦ᠋ᠨ ᠮᠠᠯ ᠶᠡᠷᠦᠩᠬᠡᠢ ᠳ᠋ᠡᠭᠡᠨ ᠢᠳᠡᠳᠡᠭ ᠦᠭᠡᠢ᠂ᠢᠳᠡᠪᠡᠯ ᠪᠠᠭᠠᠰᠤ ᠠᠯᠳᠠᠵᠤ ᠬᠦᠴᠦ ᠲᠠᠷᠭᠤ ᠠᠪᠬᠤ ᠶ᠋ᠢ ᠨᠥᠯᠥᠭᠡᠯᠡᠳᠡᠭ᠂ ᠬᠠᠷᠢᠨ ᠡᠪᠦᠯ ᠬᠠᠪᠤᠷ ᠤ᠋ᠨ ᠭᠠᠴᠢᠭ ᠵᠤᠳ ᠢ᠋ ᠲᠤᠭᠤᠯᠬᠤ ᠳ᠋ᠤ᠌ ᠰᠠᠢᠨ ᠲᠡᠵᠢᠭᠡᠯᠲᠦ᠂ ᠨᠥᠭᠡᠴᠡ ᠡᠪᠡᠰᠦ ᠪᠣᠯᠳᠠᠭ ᠶᠤᠮ᠃
ᠬᠢᠲᠠᠳ ᠨᠡᠷᠡ᠄马兰花，鸢尾花
ᠠᠩᠭ᠌ᠯᠢ ᠨᠡᠷᠡ᠄Iris
ᠡᠮᠬᠢᠳᠬᠡᠨ ᠨᠠᠢᠷᠠᠭᠤᠯᠤᠭᠰᠠᠨ ᠨᠢ᠄ ᠲᠤᠶᠠᠭᠠ ᠴᠡᠪᠡᠷᠴᠡᠴᠡᠭ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠲᠤᠶᠠᠭᠠ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ᠂ ᠫᠣ᠂ ᠴᠠᠭᠠᠨ