ᠠᠨᠴᠠᠷ - ᠠ᠊· ᠰ· ᠫᠦ᠋ᠱᠺᠢᠨАнчар-А·С·Пүшкин
322 ᠠ᠊· ᠰ· ᠫᠦ᠋ᠱᠺᠢᠨ
ᠬᠠᠲᠠᠩᠭᠢ ᠬᠠᠬᠢ ᠭᠣᠪᠢ ᠶ᠋ᠢᠨ ᠴᠦᠯ ᠳ᠋ᠦ᠍
ᠬᠠᠭᠠᠷᠢᠩᠬᠢ ᠨᠤᠷᠮᠠᠨ ᠬᠥᠷᠥᠰᠥᠨ ᠳᠡᠭᠡᠷᠡ
ᠬᠠᠷᠭᠢᠰ ᠬᠠᠷᠠᠭᠤᠯ ᠮᠡᠲᠦ ᠠᠨᠴᠠᠷ
ᠬᠣᠷᠸᠠ ᠳ᠋ᠤ᠌ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠰᠢᠭ᠋ ᠵᠣᠭᠰᠣᠨᠠ᠃
ᠭᠣᠪᠢ ᠶ᠋ᠢᠨ ᠠᠩᠭᠠᠮᠠᠯ ᠲᠦᠮᠡᠨ ᠪᠣᠳᠠᠰ
ᠬᠢᠯᠢᠩᠲᠦ ᠡᠳᠦᠷ ᠲᠡᠭᠦᠨ ᠢ᠋ ᠲᠥᠷᠥᠭᠦᠯᠵᠡᠢ᠃
ᠮᠥᠴᠢᠷ ᠦ᠋ᠨ ᠦᠬᠦᠩᠭᠢ ᠨᠣᠭᠣᠭᠠᠨ ᠬᠢᠭᠡᠳ
ᠦᠨᠳᠦᠰᠦ ᠶ᠋ᠢ ᠬᠣᠣᠷᠠ ᠪᠠᠷ ᠤᠮᠳᠠᠯᠠᠵᠠᠢ᠃
ᠤᠢᠰᠤᠨ ᠠ᠋ᠴᠠ ᠨᠢ ᠬᠣᠣᠷᠠ ᠳᠤᠰᠤᠯᠠᠵᠤ
ᠦᠳᠡ ᠶ᠋ᠢᠨ ᠴᠠᠭ ᠬᠠᠯᠠᠭᠤᠨ ᠳ᠋ᠤ᠌ ᠬᠠᠢᠯᠤᠨᠠ᠃
ᠦᠳᠡᠰᠢ ᠶ᠋ᠢᠨ ᠬᠢᠷᠢ ᠰᠠᠶᠢ ᠴᠠᠷᠴᠠᠵᠤ
ᠥᠳᠬᠡᠨ ᠲᠤᠩᠭᠠᠯᠠᠭ ᠳᠠᠪᠠᠷᠬᠠᠢ ᠪᠣᠯᠤᠨᠠ᠃
ᠲᠡᠷᠡ ᠵᠦᠭ ᠰᠢᠪᠠᠭᠤ ᠡᠰᠡ ᠨᠢᠰᠦᠨ
ᠪᠠᠷᠰ ᠦᠯᠦ ᠬᠠᠪᠢᠳᠠᠬᠤ ᠪᠢᠯᠡ᠃
ᠬᠠᠷᠠ ᠰᠠᠯᠬᠢ ᠦᠬᠦᠯ ᠦ᠋ᠨ ᠮᠣᠳᠣ ᠶ᠋ᠢ ᠳᠠᠭᠠᠷᠢᠨ
ᠬᠣᠣᠷᠠ ᠰᠢᠩᠭᠡᠭᠡᠵᠦ ᠵᠠᠢᠯᠠᠨ ᠣᠳᠤᠨᠠ᠃
ᠡᠭᠦᠯᠡ ᠨᠡᠭᠦᠳᠡᠯᠯᠡᠨ ᠲᠡᠨᠦᠭᠦᠴᠢᠯᠡᠭᠰᠡᠭᠡᠷ
ᠰᠢᠷᠢᠯᠳᠦᠮᠡᠯ ᠨᠠᠪᠴᠢ ᠶ᠋ᠢ ᠰᠦᠷᠴᠢᠬᠦ ᠪᠣᠯ
ᠪᠦᠬᠦ ᠮᠥᠴᠢᠷ ᠡᠴᠡ ᠳᠠᠷᠤᠢ ᠬᠣᠣᠷᠠᠳᠠᠵᠤ
ᠪᠤᠴᠠᠯᠤᠮᠠᠯ ᠡᠯᠡᠰᠦᠨ ᠳ᠋ᠦ᠍ ᠪᠣᠷᠣᠭᠠᠨ ᠳᠤᠰᠤᠯᠠᠨᠠ᠃
ᠭᠡᠲᠡᠯᠡ ᠬᠥᠮᠦᠨ᠂ ᠬᠥᠮᠦᠨ ᠢ᠋ᠶ᠋ᠡᠨ
ᠡᠵᠡᠷᠬᠡᠭ ᠬᠠᠷᠠ ᠠᠨᠴᠠᠷ ᠳᠠᠰᠢ ᠢᠯᠡᠭᠡᠯᠡ᠃
ᠬᠢᠴᠢᠶᠡᠩᠭᠦᠢᠯᠡᠵᠦ ᠲᠡᠷᠡ ᠵᠠᠮ ᠭᠦᠶᠦᠯᠭᠡᠨ
ᠢᠷᠡᠬᠦ ᠥᠷᠯᠥᠭᠡ ᠬᠣᠣᠷᠠ ᠶ᠋ᠢᠨ ᠬᠠᠮᠲᠤ ᠡᠭᠡᠯᠡ᠃
ᠦᠬᠦᠯ ᠦ᠋ᠨ ᠥᠨᠥᠬᠢ ᠳᠠᠪᠠᠷᠬᠠᠢ ᠶ᠋ᠢ ᠨᠢ
ᠥᠯᠥᠰᠥᠮᠡᠯ ᠨᠠᠪᠴᠢᠲᠤ ᠲᠡᠭᠦᠨ ᠲᠡᠢ ᠠᠪᠴᠢᠷᠠᠯᠠ᠃
ᠵᠡᠪᠡᠬᠡᠢ ᠮᠠᠩᠨᠠᠢ ᠤᠷᠤᠭᠤ ᠨᠢ
ᠵᠢᠬᠡᠭᠦᠨ ᠬᠥᠯᠥᠰᠥ ᠴᠢᠳᠬᠤᠨᠠ᠃
ᠠᠷᠠᠢᠬᠠᠨ ᠠᠪᠴᠢᠷᠠᠮᠠᠭᠴᠨ ᠠᠯᠵᠢᠶᠠᠨ
ᠠᠮᠪᠠᠷᠭᠠᠲᠤ ᠳᠤᠷᠤᠰᠤᠨ ᠳᠡᠭᠡᠷᠡ ᠬᠡᠪᠲᠡᠭᠡᠳ᠂
ᠢᠯᠠᠭᠳᠠᠰᠢ ᠦᠭᠡᠢ ᠡᠵᠡᠨ ᠦ᠌ ᠥᠯᠮᠡᠢ ᠳ᠋ᠦ᠍
ᠶᠠᠳᠠᠭᠤ ᠪᠣᠭᠣᠯ ᠨᠠᠰᠤ ᠨᠥᠭᠴᠢᠯᠡ᠃
ᠬᠠᠷᠢᠨ ᠨᠣᠶᠠᠨ ᠲᠡᠷᠡ ᠬᠣᠣᠷᠠ ᠶ᠋ᠢ
ᠲᠣᠭᠣᠯᠭᠠᠪᠤᠷᠢᠲᠤ ᠰᠤᠮᠤᠨ ᠳ᠋ᠠᠭᠠᠨ ᠰᠢᠩᠭᠡᠭᠡᠯᠡ᠃
ᠬᠠᠷᠢ ᠶ᠋ᠢᠨ ᠭᠠᠵᠠᠷ ᠤᠯᠤᠰ ᠣᠷᠣᠨ ᠳ᠋ᠤ᠌
ᠲᠡᠭᠦᠨ ᠢ᠋ ᠢᠯᠡᠭᠡᠵᠦ ᠬᠥᠨᠥᠭᠡᠯ ᠢ᠋ ᠬᠦᠷᠭᠡᠯᠡ᠃
(1) ᠠᠨᠵᠠᠷ— ᠶᠡᠸᠡ ᠠᠷᠠᠯ ᠳ᠋ᠤ᠌ ᠤᠷᠭᠤᠳᠠᠭ ᠬᠣᠣᠷᠠᠲᠠᠢ ᠮᠣᠳᠣᠨ ᠤ᠋ ᠨᠡᠷᠡ᠃
ᠣᠷᠴᠢᠭᠤᠯᠤᠭᠰᠠᠨ ᠰᠢᠯᠦᠭ ᠦ᠋ᠳ
ᠳ· ᠨᠠᠴᠤᠭᠳᠣᠷᠵᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠨᠠᠷᠠᠨᠲᠤᠶᠠᠭᠠ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ