ᠬᠡᠯᠡ ᠪᠡᠨ ᠮᠠᠷᠲᠠᠵᠤ ᠪᠣᠯᠬᠤ ᠦᠭᠡᠢ -ᠪᠣᠭᠳᠠ ᠴᠢᠩᠭᠢᠰ ᠦ᠋ᠨ ᠭᠡᠷᠢᠶᠡᠰ -ᠲᠡᠭᠦᠰᠵᠢᠪᠬᠤᠯᠠᠩ Хэлээ мартаж болохгүй-Төгсжавхлан
2771ᠬᠡᠯᠡ ᠪᠡᠨ ᠮᠠᠷᠲᠠᠵᠤ ᠪᠣᠯᠬᠤ ᠦᠭᠡᠢ
᠂1᠂
ᠬᠡᠯᠡ ᠪᠡᠨ ᠮᠠᠷᠲᠠᠭᠰᠠᠳ ᠢ᠋
ᠬᠡᠳᠦᠨ ᠦᠶᠡ ᠪᠡᠷ ᠨᠢ ᠴᠠᠪᠴᠢ
ᠬᠡᠷᠪᠡ ᠦᠷᠡ ᠬᠣᠢᠴᠢᠰ ᠲᠤ ᠪᠠᠨ ᠦᠯᠦ ᠰᠤᠷᠭᠠᠪᠠᠰᠤ
ᠬᠡᠵᠢᠶᠡᠳᠡ ᠲᠡᠳᠡᠨ ᠢ᠋ ᠪᠤᠤ ᠠᠭᠤᠴᠢᠯᠠ
ᠬᠡᠵᠢᠶᠡ ᠡᠭᠦᠷᠢᠳᠡ ᠲᠥᠷᠥᠯ ᠪᠤᠤ ᠣᠯᠭᠣ
ᠠᠯᠢ ᠨᠢᠭᠡ ᠡᠳᠦᠷ ᠠᠬᠢᠭᠠᠳ ᠪᠢ ᠢᠷᠡᠨᠡ
ᠠᠶᠤᠮᠰᠢᠭ ᠦᠭᠡᠢ ᠬᠡᠨ ᠮᠢᠨᠦ ᠵᠠᠷᠯᠢᠭ ᠠ᠋ᠴᠠ ᠵᠥᠷᠢᠴᠡᠪᠡᠯ
ᠠᠢᠯ ᠠᠢᠮᠠᠭ ᠦᠭᠡᠢ ᠪᠦᠬᠦᠨ ᠢ᠋
ᠠᠷᠠᠰᠤᠨ ᠳ᠋ᠤ᠌ ᠪᠣᠭᠣᠵᠤ ᠰᠢᠳᠬᠡᠮᠦᠢ
ᠪᠣᠭᠳᠠ ᠴᠢᠩᠭᠢᠰ ᠦ᠋ᠨ ᠭᠡᠷᠢᠶᠡᠰ
᠂ 2᠂
ᠲᠥᠷᠥᠯᠬᠢ ᠦᠭᠡ ᠬᠡᠯᠡ ᠪᠠᠢᠭᠠᠳ ᠬᠡᠯᠡᠵᠦ ᠦᠯᠦ ᠴᠢᠳᠠᠪᠠᠰᠤ
ᠬᠥᠮᠦᠨ ᠪᠣᠯᠵᠤ ᠲᠥᠷᠥᠭᠡᠳ ᠡᠵᠢ ᠪᠡᠨ ᠦᠯᠦ ᠲᠠᠨᠢᠬᠤ ᠮᠡᠲᠦ
ᠲᠥᠷᠥᠯᠬᠢ ᠦᠰᠦᠭ ᠪᠢᠴᠢᠭ ᠢ᠋ᠶ᠋ᠡᠨ ᠦᠯᠦ ᠲᠠᠨᠢᠪᠠᠰᠤ
ᠠᠪᠤ ᠪᠠᠨ ᠦᠯᠦ ᠲᠠᠨᠢᠬᠤ ᠥᠨᠥᠴᠢᠨ ᠬᠥᠪᠡᠭᠦᠨ ᠮᠡᠲᠦ
ᠥᠪᠡᠷ ᠦ᠋ᠨ ᠪᠢᠴᠢᠭ ᠬᠡᠯᠡ ᠪᠡᠨ ᠡᠰᠡ ᠮᠡᠳᠡᠪᠡᠰᠦ
ᠤᠷᠪᠠᠵᠤ ᠭᠠᠷᠤᠭᠰᠠᠨ ᠵᠠᠯᠢᠬᠠᠢ ᠬᠤᠯᠠᠭᠠᠢ ᠮᠡᠲᠦ
ᠠᠭᠸᠠᠩᠳᠠᠨᠳᠠᠷ
᠂ 3᠂
ᠴᠢᠬᠢᠨ ᠦ᠌ ᠴᠢᠮᠡᠭ ᠪᠣᠯᠤᠭᠰᠠᠨ
ᠠᠶᠠᠯᠭᠤ ᠰᠠᠢᠬᠠᠨ ᠮᠣᠩᠭᠣᠯ ᠬᠡᠯᠡ
ᠴᠢᠩ ᠵᠣᠷᠢᠭᠲᠤ ᠡᠪᠦᠭᠡᠳ ᠦ᠋ᠨ ᠮᠢᠨᠢ
ᠥᠪ ᠶᠡᠬᠡ ᠡᠷᠳᠡᠨᠢ
ᠰᠣᠨᠣᠰᠬᠤ ᠪᠦᠷᠢ ᠢᠷᠠᠭᠤ ᠠᠶᠠᠯᠭᠤ ᠶ᠋ᠢ ᠨᠢ
ᠭᠠᠢᠬᠠᠨ ᠪᠡᠶᠡᠰᠴᠦ
ᠰᠣᠳᠣ ᠪᠢᠯᠢᠭᠲᠦ ᠲᠦᠮᠡᠨ ᠶᠦ᠍ᠭᠡᠨ
ᠪᠢᠰᠢᠷᠡᠨ ᠮᠠᠭᠲᠠᠮᠤ ᠪᠢ
ᠪᠢᠮᠪᠠ ᠶ᠋ᠢᠨ ᠷᠢᠨᠴᠢᠨ
᠂ 4 ᠂
ᠥᠰᠬᠦ ᠡᠴᠡ ᠰᠤᠷᠤᠭᠰᠠᠨ ᠦᠨᠳᠦᠰᠦᠨ ᠬᠡᠯᠡ
ᠮᠠᠷᠲᠠᠵᠤ ᠪᠣᠯᠣᠰᠢ ᠦᠭᠡᠢ ᠰᠣᠶᠣᠯ
ᠦᠬᠦᠲᠡᠯᠡ ᠣᠷᠣᠰᠢᠬᠤ ᠲᠥᠷᠥᠯᠬᠢ ᠨᠤᠲᠤᠭ
ᠰᠠᠯᠵᠤ ᠪᠣᠯᠣᠰᠢ ᠦᠭᠡᠢ ᠣᠷᠣᠨ
ᠮᠣᠩᠭᠣᠯ ᠭᠡᠳᠡᠭ ᠨᠢᠭᠡᠨ ᠨᠡᠷᠡ
ᠶᠢᠷᠲᠢᠨᠴᠦ ᠶ᠋ᠢᠨ ᠴᠢᠬᠢᠨᠡ ᠳᠠᠭᠤᠷᠢᠰᠬᠠᠯᠲᠠᠢ
ᠮᠣᠩᠭᠣᠯ ᠤ᠋ᠨ ᠲᠥᠯᠥᠭᠡ ᠭᠡᠳᠡᠭ ᠰᠠᠨᠠᠭᠠ
ᠪᠢᠳᠡᠨ ᠦ᠌ ᠵᠢᠷᠦᠬᠡᠨ ᠳ᠋ᠦ᠍ ᠬᠣᠯᠪᠣᠭᠠᠲᠠᠢ
ᠳ᠂ ᠨᠠᠴᠤᠭᠳᠣᠷᠵᠢ
᠂ 5 ᠂
ᠲᠥᠷᠥ ᠤᠯᠤᠰ ᠨᠢ ᠮᠥᠬᠥᠭᠡᠳ ᠪᠤᠰᠤᠳ ᠲᠤ ᠪᠣᠭᠣᠯᠴᠢᠯᠠᠭᠳᠠᠭᠰᠠᠨ ᠴᠤ ᠠᠷᠠᠳ ᠲᠦᠮᠡᠨ ᠨᠢ ᠬᠡᠷᠪᠡ ᠲᠥᠷᠥᠯᠬᠢ ᠦᠭᠡ ᠬᠡᠯᠡ ᠪᠡᠨ ᠮᠠᠷᠲᠠᠯ ᠦᠭᠡᠢ ᠪᠠᠲᠤ ᠴᠡᠭᠡᠵᠢᠯᠡᠵᠦ ᠪᠠᠢᠭᠰᠠᠨ ᠴᠠᠭ ᠲᠤ ᠱᠣᠷᠣᠩ ᠤ᠋ᠨ ᠡᠭᠦᠳᠡᠨ ᠦ᠌ ᠲᠦᠯᠬᠢᠭᠦᠷ ᠢ᠋ ᠠᠳᠬᠤᠵᠤ ᠪᠠᠢᠭᠠ ᠲᠠᠢ ᠠᠳᠠᠯᠢ ᠶᠤᠮ ᠰᠢᠦ
ᠠ᠊᠂ ᠳ᠋ᠠᠤᠲᠠᠢ
᠂ 6 ᠂
ᠦᠭᠡ ᠬᠡᠯᠡ ᠬᠡᠮᠡᠭᠴᠢ
ᠨᠢᠭᠡ ᠦᠨᠳᠦᠰᠦᠲᠡᠨ ᠦ᠌ ᠵᠢᠰᠦ
ᠬᠡᠯᠡ ᠪᠠᠯᠠᠷᠠᠪᠠᠯ ᠵᠢᠰᠦ ᠪᠠᠯᠠᠷᠠᠨᠠ
ᠬᠡᠯᠡ ᠪᠡᠨ ᠮᠠᠷᠲᠠᠪᠠᠯ ᠬᠠᠷᠢᠯᠴᠠᠨ
ᠣᠭᠲᠣ ᠲᠠᠨᠢᠬᠤ ᠦᠭᠡᠢ ᠪᠣᠯᠤᠨᠠ
ᠭᠠ᠊᠂ ᠰᠢᠷᠠᠪᠵᠠᠮᠰᠤ
᠂ 7 ᠂
ᠶᠠᠭᠠᠬᠢᠵᠤ ᠭᠤᠶᠤᠵᠤ ᠭᠠᠩᠭᠠᠯᠠᠯᠠ ᠭᠡᠳ
ᠶᠠᠰᠤ ᠤᠭᠰᠠᠭᠠ ᠪᠠᠨ ᠳᠠᠯᠳᠠᠷᠠᠲᠠᠯᠠ ᠪᠢᠲᠡᠭᠡᠢ ᠭᠣᠶᠣ
ᠶᠠᠮᠠᠷ ᠶᠡᠬᠡ ᠮᠡᠳᠡᠯᠭᠡ ᠶᠠᠮᠠᠷ ᠣᠯᠠᠨ ᠬᠡᠯᠡ ᠰᠤᠷᠤᠯᠠ ᠭᠡᠳ
ᠢᠷᠠᠭᠤ ᠰᠠᠢᠬᠠᠨ ᠮᠣᠩᠭᠣᠯ ᠬᠡᠯᠡ ᠪᠡᠨ ᠮᠠᠷᠲᠠᠵᠤ ᠪᠣᠯᠬᠤ ᠦᠭᠡᠢ
ᠠᠽᠢ ᠶ᠋ᠢᠨ ᠴᠡᠭᠡᠵᠢᠨ ᠳᠡᠭᠡᠷᠡ ᠰᠡᠯᠡᠮᠡ ᠪᠡᠷ ᠢ᠋ᠶ᠋ᠡᠨ
ᠮᠣᠩᠭᠣᠯ ᠭᠡᠳᠡᠭ ᠨᠡᠷᠡ ᠶ᠋ᠢ ᠰᠡᠢᠯᠦᠭᠰᠡᠨ
ᠲᠠᠯᠠ ᠰᠢᠭ᠋ ᠰᠡᠳᠬᠢᠯ ᠲᠡᠢ ᠠᠭᠤᠯᠠ ᠰᠢᠭ᠋ ᠬᠥᠮᠦᠰ ᠦ᠋ᠨ
ᠲᠠᠰᠤᠷᠬᠠᠢ ᠭᠡᠳᠡᠭ ᠢ᠋ᠶ᠋ᠡᠨ ᠮᠠᠷᠲᠠᠵᠤ ᠪᠣᠯᠬᠤ ᠦᠭᠡᠢ
ᠷ᠂ ᠴᠣᠢᠨᠣᠮ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠨᠡᠭᠦᠳᠡᠯ
ᠬᠢᠨᠠᠭᠴᠢ᠄ ᠭᠠᠷᠮᠠ᠂ ᠣᠳᠬᠠᠨᠰᠣᠠ