ᠳᠣᠷᠣᠨᠠ ᠶᠢᠨ ᠲᠡᠭᠦᠯᠳᠡᠷ ᠱᠠᠩᠬᠠᠢ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Дорнын төгөлдөр шанхай –Ёндоны Билиг - Баатар
256ᠳᠣᠷᠣᠨᠠ ᠶᠢᠨ ᠲᠡᠭᠦᠯᠳᠡᠷ ᠱᠠᠩᠬᠠᠢ
ᠲᠡᠭᠦᠯᠳᠡᠷ ᠭᠠᠢᠬᠠᠮᠰᠢᠭ ᠰᠠᠴᠤᠷᠠᠩᠭᠤᠢ ᠬᠣᠲᠠ
ᠮᠣᠩᠭᠣᠯᠴᠤᠳ ᠤ᠋ᠨ ᠰᠢᠨᠠᠭᠠ ᠬᠡᠮᠡᠬᠦ ᠬᠣᠲᠠ
ᠮᠤᠨᠳᠠᠭ ᠪᠣᠯᠪᠠᠰᠤᠨ ᠭᠥᠭᠵᠢᠮᠯᠢᠭ ᠬᠥᠭᠵᠢᠯ ᠲᠡᠢ
᠁ ᠁
ᠮᠥᠬᠥᠰᠢ ᠦᠭᠡᠢ ᠮᠠᠯᠴᠢᠨ ᠤ᠋ ᠪᠤᠭᠤᠷᠤᠯ ᠬᠦᠦ
ᠮᠥᠩᠬᠡ ᠲᠡᠭᠷᠢ ᠶ᠋ᠢᠨ ᠲᠠᠩᠬᠠᠢ ᠨᠠᠢᠷᠠᠭᠴᠢ
ᠮᠥᠷᠥᠭᠡᠳᠦᠯ ᠲᠡᠮᠡᠴᠡᠯ ᠦ᠋ᠨ ᠭᠠᠯ ᠣᠨᠢᠨ ᠳ᠋ᠤ᠌
ᠮᠥᠨ ᠴᠦ᠍ ᠳᠡᠩᠳᠡᠭᠦᠦ ᠣᠷᠣᠢᠳᠠᠨ ᠪᠠᠢᠵᠤ
ᠮᠥᠯᠬᠥᠭᠡᠳ ᠪᠢᠰᠢ ᠳᠠᠪᠬᠢᠭᠠᠳ ᠥᠨᠥᠳᠥᠷ
ᠮᠥᠨᠳᠥᠷ ᠦᠭᠡᠢ ᠢᠨᠵᠠᠭᠠᠨ ᠵᠦᠰᠡ ᠲᠡᠢ
ᠮᠥᠩᠭᠥᠨ ᠪᠣᠷᠣᠯᠠᠭ ᠡᠭᠦᠯᠡᠰ ᠡᠭᠦᠷᠦᠨ ᠢᠷᠡᠪᠡᠢ
ᠰᠠᠢᠨ ᠪᠠᠢᠨᠠᠤ ᠶᠡᠬᠡ ᠰᠢᠨᠠᠭᠠᠨ ᠬᠣᠲᠠ ᠠ᠋
ᠰᠢᠨᠡ ᠰᠡᠷᠭᠦᠨ ᠮᠠᠨᠳᠤᠯᠲᠠ ᠪᠢᠯᠬᠠᠮᠠ ᠤᠤ
ᠠᠯᠮᠠᠰ ᠳ᠋ᠣᠯᠯᠠᠷ ᠵᠣᠭᠣᠰ ᠴᠠᠯᠭᠢᠭᠠᠳ ᠪᠠᠢᠭᠠ
ᠠᠷᠢᠭᠤᠨ ᠯᠤᠲᠤ ᠲᠠᠩᠰᠤᠭᠯᠠᠯ ᠲᠠᠨᠢ ᠬᠢᠷᠢ ᠪᠣᠢ
ᠡᠳᠦᠢ ᠪᠣᠯᠲᠠᠯᠠ ᠪᠠᠨ ᠣᠳᠣ ᠯᠠ ᠰᠠᠶᠢ
ᠡᠮᠦᠨᠡᠲᠦ ᠤᠮᠠᠷᠠᠲᠤ ᠳ᠋ᠤ᠌ ᠭᠡᠨᠡᠲᠡᠢ ᠠᠯᠳᠠᠷᠰᠢᠬᠤᠢ
ᠲᠠᠨ ᠤ᠋ ᠬᠥᠷᠥᠰᠥᠨ ᠳ᠋ᠦ᠍ ᠴᠢᠨᠢ ᠬᠥᠭᠡᠷᠦᠬᠦᠢ
ᠲᠣᠯᠣᠭᠠᠢ ᠭᠡᠳᠡᠢᠨ ᠠᠩᠬᠠ ᠯᠠ ᠤᠳᠠᠭᠠ
ᠲᠤᠢᠯᠪᠤᠷᠢᠲᠠᠢ ᠭᠣᠶᠣ ᠬᠡᠢᠷᠬᠡᠩᠬᠡᠨ ᠪᠠᠢᠵᠤ
ᠲᠣᠮᠣ ᠲᠣᠮᠣ ᠠᠯᠬᠤᠯᠠᠩᠬᠠᠨ ᠬᠥᠯ ᠲᠠᠯᠪᠢᠯᠠ
᠁ ᠠᠨᠠᠪᠠᠳ ᠳᠠᠯᠠᠢ ᠶ᠋ᠢᠨ ᠤᠰᠤ ᠶ᠋ᠢ
᠁ ᠠᠯᠲᠠᠨ ᠰᠢᠨᠠᠭᠠ ᠪᠠᠷ ᠢ᠋ᠶ᠋ᠠᠨ ᠶᠡᠭᠦᠯᠡᠨ
ᠪᠥᠮᠪᠥᠷᠴᠡᠭ ᠦ᠋ᠨ ᠪᠠᠶᠠᠯᠢᠭ ᠬᠥᠷᠥᠩᠭᠡ ᠶ᠋ᠢ
ᠪᠦᠬᠦᠯᠢ ᠬᠠᠬᠤᠯᠢ ᠪᠠᠷ ᠨᠢ ᠪᠠᠷᠤᠭ ᠪᠦᠭᠦᠳᠡ ᠶ᠋ᠢ
ᠬᠦᠷᠡᠯ ᠭᠠᠤᠯᠢ ᠮᠥᠩᠭᠥᠨ ᠲᠣᠭᠣᠭᠠᠨ ᠳ᠋ᠠᠭᠠᠨ
ᠬᠦᠨᠳᠦᠷᠡᠩᠬᠡᠨ ᠴᠢᠳᠬᠤᠩᠬᠠᠨ ᠠᠪᠤᠭᠰᠠᠨ ᠤᠤ
ᠠᠢ ᠳᠠ ᠬᠥᠭᠡᠷᠦᠬᠦᠢ᠂ ᠰᠢᠨᠠᠭᠠ ᠶᠤᠮ ᠴᠢᠨᠢ
ᠠᠰᠢᠭᠦᠢ ᠲᠡᠭᠡᠯᠭᠦᠢ ᠶᠠᠭᠠᠬᠢᠬᠤᠪ ᠳᠧ ᠠ᠋
ᠠᠭᠤᠤ ᠡᠪᠦᠭᠡ ᠴᠤᠭᠲᠤᠭᠡᠷᠡᠯ ᠠᠭᠰᠠᠨ ᠮᠢᠨᠢ
ᠠᠷᠠᠢᠬᠠᠨ ᠳᠡᠭᠡᠷᠡ ᠦᠶᠡ ᠳ᠋ᠤᠷ ᠡᠨᠳᠡ
ᠠᠳᠤᠭᠤ ᠮᠠᠯ ᠤ᠋ᠨ ᠢ᠋ᠶ᠋ᠠᠨ ᠨᠣᠣᠰᠣ ᠪᠠᠷ ᠯᠠ
ᠠᠶᠠᠭᠠ ᠲᠣᠷᠭᠠ ᠫᠤᠤ ᠠᠷᠠᠯᠵᠢᠶᠠᠯᠠᠵᠤ ᠯᠠ
ᠠᠷᠤ ᠭᠠᠵᠠᠷ ᠠ᠋ᠴᠠ ᠪᠠᠨ ᠢᠷᠡᠵᠦ ᠯᠠ ᠪᠠᠢᠵᠤ
ᠠᠬᠢᠭᠤᠬᠠᠨ ᠯᠠ ᠬᠥᠯᠵᠢᠭᠡᠳ ᠥᠩᠭᠡᠷᠡᠭᠰᠡᠨ
ᠠᠯᠲᠠᠨ ᠤᠷᠤᠭ ᠪᠣᠷᠵᠢᠭᠢᠨ ᠣᠪᠣᠭᠲᠠᠳ ᠤ᠋ᠨ
ᠠᠯᠢ ᠲᠡᠷᠢᠭᠦᠨ ᠳ᠋ᠦ᠍ ᠲᠣᠭᠠᠴᠠᠭᠳᠠᠬᠤ ᠪᠠᠷ ᠯᠠ
ᠭᠤᠴᠢᠭᠠᠳ ᠨᠠᠰᠤᠨ ᠤ᠋ ᠮᠡᠯᠮᠡᠢ ᠭᠡᠷᠡᠯᠲᠦᠭᠰᠡᠨ
ᠭᠤᠨᠠᠨ ᠭᠠᠩᠭᠠᠩ ᠡᠷᠡ ᠪᠠᠢᠭᠰᠠᠨ ᠭᠡᠳᠡᠭ
ᠳᠥᠴᠢᠨ ᠵᠢᠯ ᠦ᠋ᠨ ᠲᠡᠷᠲᠡᠭᠡ ᠠᠪᠤ ᠮᠢᠨᠢ
ᠳᠦᠩᠭᠢᠨᠡᠲᠡᠯᠡ ᠢᠨᠢᠶᠡᠨ ᠶᠠᠷᠢᠵᠤ ᠪᠠᠢᠯᠠ
ᠲᠤᠬᠠᠢ ᠶᠢᠨ ᠦᠶᠡ ᠡᠨᠳᠡ ᠡᠴᠡ ᠡᠭᠦᠷᠦᠭᠡᠳ
ᠲᠤᠯᠤᠨ ᠨᠠᠭᠤᠷ ᠲᠤ᠌ ᠬᠤᠳᠠᠯᠳᠤᠵᠤ ᠪᠠᠢᠭᠰᠠᠨ
ᠭᠠᠤᠯᠢᠨ ᠰᠢᠨᠠᠭᠠ ᠡᠳᠦᠭᠡ ᠮᠢᠨᠦ ᠭᠡᠷ ᠲᠦ᠍
ᠬᠠᠭᠠᠨ ᠠ᠋ᠴᠠ ᠢᠯᠡᠭᠦᠦ ᠬᠦᠨᠳᠦᠲᠡᠢ ᠪᠠᠢᠭᠠ
ᠠᠮᠲᠠᠯᠠᠭᠰᠠᠨ ᠬᠡᠷᠢᠶᠡ ᠠᠷᠪᠠ ᠳᠠᠬᠢᠳᠠᠭ
ᠠᠬᠢᠭᠠᠳ ᠬᠡᠳᠦ ᠢᠷᠡᠭᠰᠡᠨ ᠢ᠋ ᠨᠢ ᠣᠳᠣ
ᠠᠯᠢᠪ ᠬᠡᠨ ᠴᠦ᠍ ᠮᠡᠳᠡᠬᠦ ᠪᠡᠨ ᠪᠣᠯᠢᠭᠰᠠᠨ
ᠠᠪᠤ ᠮᠢᠨᠢ ᠴᠦ᠍ ᠬᠡᠯᠡᠬᠦ ᠡᠴᠡ ᠥᠩᠭᠡᠷᠡᠭᠰᠡᠨ
ᠬᠣᠷᠢᠨ ᠨᠢᠭᠡᠳᠦᠭᠡᠷ ᠵᠠᠭᠤᠨ ᠤ᠋ ᠡᠨᠡ ᠡᠳᠦᠷ
ᠬᠤᠯᠵᠢᠨ ᠠᠴᠢ ᠨᠢ ᠪᠢ ᠯᠡ ᠡᠨᠳᠡ ᠢᠷᠡᠯᠡ
ᠠᠷᠠᠯᠵᠢᠶᠠ ᠮᠠᠢᠮᠠᠢ ᠶ᠋ᠢᠨ ᠠᠯᠳᠠᠷᠲᠤ ᠲᠥᠪ
ᠠᠯᠮᠠᠰ ᠳ᠋ᠣᠯᠯᠠᠷ ᠢ᠋ᠶ᠋ᠠᠷ ᠪᠥᠭᠡᠯᠵᠢᠬᠦ ᠡᠨᠡ ᠨᠡᠢᠰᠯᠡᠯ
ᠠᠬᠢᠨ ᠳᠠᠬᠢᠨ ᠬᠡᠴᠦᠨᠡᠨ ᠠᠤᠭᠠ ᠬᠥᠭᠵᠢᠯ ᠢ᠋
ᠠᠷᠠᠳ ᠢᠷᠭᠡᠳ ᠲᠦ᠍ ᠬᠤᠷᠤᠢᠯᠠᠬᠤ ᠪᠣᠯ ᠠ᠋
ᠳᠣᠷᠣᠨᠠᠳᠠᠬᠢᠨ ᠤ᠋ ᠠᠮᠢᠰᠬᠤᠭᠠ ᠬᠢᠯᠠᠯᠵᠠᠬᠤᠢ
ᠳᠣᠷᠣᠨᠠ ᠶ᠋ᠢᠨ ᠭᠡᠷᠡᠯᠲᠦ ᠰᠤᠪᠤᠳ ᠠ᠋
ᠲᠡᠭᠷᠢ ᠣᠷᠴᠢᠯᠠᠩ ᠤ᠋ᠨ ᠤᠳᠤᠳ ᠢ᠋ ᠴᠦ᠍
ᠲᠡᠪᠡᠷᠢᠭᠡᠳ ᠪᠦᠪᠡᠢᠯᠡᠭᠰᠡᠨ ᠰᠢᠨᠤᠯ ᠲᠠ ᠤᠤ
ᠲᠡᠭᠡᠪᠡᠯ ᠪᠢ ᠬᠤᠷᠳᠤᠨ ᠨᠡᠢᠰᠯᠡᠯ ᠪᠡᠭᠡᠵᠢᠩ ᠳ᠋ᠦ᠍
ᠲᠡᠭᠦᠨ ᠲᠡᠢ ᠪᠡᠨ ᠵᠣᠯᠭᠠᠬᠤ ᠪᠠᠷ ᠶᠠᠪᠤᠯᠠ
ᠪᠠᠶᠠᠷᠲᠠᠢ᠂ ᠱᠠᠯ ᠷᠣᠮᠠᠨᠲ᠋ᠢᠭ ᠱᠠᠩᠬᠠᠢ ᠮᠢᠨᠢ
ᠠᠬᠢᠨ ᠠᠭᠤᠯᠵᠠᠬᠤ ᠶ᠋ᠢᠨ ᠢᠷᠦᠭᠡᠯ ᠲᠠᠯᠪᠢᠶᠠ
ᠪᠠᠶᠠᠷᠲᠠᠢ᠂ ᠨᠦᠰᠡᠷ ᠲᠣᠮᠣ ᠰᠢᠨᠠᠭᠠ ᠮᠢᠨᠢ
ᠪᠢ ᠠᠮᠲᠠ ᠶ᠋ᠢ ᠴᠢᠨᠢ ᠭᠠᠢᠭᠤᠢ ᠲᠠᠨᠢᠯᠠ
ᠰᠢᠨᠠᠭᠠᠨ ᠡᠰᠢ ᠶ᠋ᠢ ᠶᠠᠭᠠᠬᠢᠵᠤ ᠪᠠᠷᠢᠬᠤ ᠶ᠋ᠢ ᠴᠦ᠍
ᠰᠦᠨᠡᠰᠦᠨ ᠳ᠋ᠡᠭᠡᠨ ᠰᠢᠩᠭᠡᠲᠡᠯᠡ ᠮᠡᠳᠡᠯᠡ
᠁ ᠁ ᠁
2024᠂ 6᠂ 19᠃ 08᠄ 49᠃
ᠱᠠᠩᠬᠠᠢ ᠬᠣᠲᠠᠨᠠ ᠨᠣᠣᠷᠠᠭᠯᠠᠩᠬᠠᠨ
ᠨᠠᠨᠵᠢᠩ ᠬᠣᠲᠠᠨ ᠤ᠋ ᠳᠡᠷᠭᠡᠳᠡᠭᠦᠷ ᠲᠢᠭᠯᠡᠨ
ᠪᠡᠭᠡᠵᠢᠩ ᠬᠦᠷᠬᠦ ᠯᠤᠲᠤ ᠬᠤᠷᠳᠤ ᠲᠠᠢ
ᠭᠠᠯᠲᠤ ᠲᠡᠷᠭᠡᠨ ᠳᠡᠭᠡᠷᠡ ᠴᠡᠪᠡᠷ ᠣᠩᠭᠣᠳ ᠢᠶᠠᠷ
ᠬᠢᠴᠢᠶᠡᠩᠭᠦᠢ ᠬᠢᠷᠬᠠᠢ ᠰᠡᠳᠬᠢᠨ ᠪᠦᠲᠦᠭᠡᠪᠡᠢ᠃
ᠱᠠᠩᠬᠠᠢ ᠠᠴᠠ ᠪᠡᠭᠡᠵᠢᠩ ᠬᠦᠷᠬᠦ ᠯᠤᠲᠤ ᠭᠠᠯᠲᠤ
ᠳᠡᠩᠳᠡᠭᠦᠦ ᠨᠢᠰᠬᠦ ᠮᠡᠲᠦ ᠬᠤᠷᠳᠤᠨᠠ᠃