ᠬᠠᠷᠭᠠᠨᠠХаргана
1130ᠬᠠᠷᠭᠠᠨᠠ
ᠬᠠᠷᠭᠠᠨᠠ ᠪᠣᠯ ᠤᠷᠲᠤ ᠨᠠᠰᠤᠲᠤ ᠪᠤᠲᠠᠯᠢᠭ ᠤᠷᠭᠤᠮᠠᠯ ᠶᠤᠮ᠃1—4m ᠤ᠋ᠨ ᠬᠣᠭᠣᠷᠣᠨᠳᠣ ᠥᠨᠳᠥᠷ ᠤᠷᠭᠤᠵᠤ᠂ ᠵᠢᠯ ᠪᠦᠷᠢ ᠶ᠋ᠢᠨ ᠬᠠᠪᠤᠷ ᠤ᠋ᠨ5—6 ᠰᠠᠷᠠ ᠶ᠋ᠢᠨ ᠦᠶᠡᠰ ᠢ᠋ᠶ᠋ᠡᠷ ᠴᠡᠴᠡᠭᠯᠡᠵᠦ᠂ ᠦᠷᠡ ᠰᠠᠭᠤᠨᠠ᠂ ᠴᠡᠴᠡᠭ ᠨᠢ ᠰᠢᠷᠠ ᠥᠩᠭᠡᠲᠡᠢ᠂ ᠡᠷᠪᠡᠬᠡᠢ ᠬᠡᠯᠪᠡᠷᠢᠲᠡᠢ᠃ ᠦᠷᠡ ᠨᠢ ᠲᠣᠭᠳᠣᠢ ᠲᠠᠢ᠂ ᠲᠣᠭᠳᠣᠢ ᠳᠣᠲᠣᠷᠠ ᠨᠢ3—5 ᠦᠷᠡ ᠶ᠋ᠢᠨ ᠮᠥᠬᠥᠯᠢᠭ ᠲᠡᠢ᠂ ᠬᠦᠷᠡᠩ ᠥᠩᠭᠡ ᠲᠡᠢ᠃ ᠥᠲᠥᠨ ᠬᠡᠯᠪᠡᠷᠢᠲᠡᠢ ᠨᠡᠢᠯᠡᠮᠡᠯ ᠨᠠᠪᠴᠢ ᠲᠠᠢ ᠂ ᠳᠡᠯᠪᠢ ᠨᠢ ᠵᠢᠵᠢᠭ ᠮᠥᠷᠲᠡᠭᠡᠨ ᠦᠵᠦᠭᠦᠷ ᠲᠦ᠍ ᠨᠢ ᠥᠷᠭᠡᠰᠦ ᠲᠡᠢ᠂ ᠮᠥᠴᠢᠷ ᠪᠦᠷᠢ ᠳ᠋ᠦ᠍6—8 ᠬᠣᠣᠰ ᠨᠠᠪᠴᠢ ᠲᠠᠢ᠂ ᠨᠠᠮᠤᠷ ᠤ᠋ᠨ ᠰᠡᠭᠦᠯᠴᠢ ᠪᠣᠯᠬᠤ ᠦᠶᠡᠰ ᠨᠠᠪᠴᠢ ᠨᠢ ᠵᠤᠯᠭᠠᠷᠠᠨᠠ᠃ ᠨᠢᠯᠬᠠ ᠰᠠᠯᠠᠭᠠ ᠳ᠋ᠤ᠌ ᠨᠢ ᠥᠷᠭᠡᠰᠦ ᠲᠡᠢ᠂ ᠪᠦᠳᠦᠭᠦᠨ ᠰᠠᠯᠠᠭᠠ᠂ ᠡᠰᠢ ᠳ᠋ᠦ᠍ ᠨᠢ ᠥᠷᠭᠡᠰᠦ ᠦᠭᠡᠢ᠃ ᠦᠨᠳᠦᠰᠦ ᠨᠢ ᠤᠷᠲᠤ ᠰᠠᠬᠤᠯᠠᠭ ᠤᠴᠢᠷ ᠠ᠋ᠴᠠ ᠭᠠᠩ ᠭᠠᠭᠰᠠᠷᠭᠠᠨ ᠳ᠋ᠤ᠌ ᠲᠡᠰᠪᠦᠷᠢᠲᠡᠢ᠂ ᠡᠯᠡᠰᠦ ᠮᠠᠩᠬᠠ ᠶ᠋ᠢ ᠲᠣᠭᠲᠠᠪᠤᠷᠢᠵᠢᠭᠤᠯᠬᠤ ᠳ᠋ᠤ᠌ ᠮᠠᠰᠢ ᠰᠠᠢᠨ ᠬᠡᠷᠡᠭᠴᠡᠭᠡ ᠲᠡᠢ ᠤᠷᠭᠤᠮᠠᠯ ᠶᠤᠮ᠃
ᠮᠠᠨ ᠤ᠋ ᠣᠷᠣᠨ ᠤ᠋ ᠠᠭᠤᠯᠠᠷᠬᠠᠭ ᠣᠷᠣᠨ᠂ ᠡᠯᠡᠰᠦᠷᠬᠡᠭ ᠭᠠᠵᠠᠷ᠂ ᠰᠢᠯᠢ ᠬᠥᠳᠡᠭᠡ ᠪᠡᠷ ᠨᠡᠢᠳᠡᠮ ᠤᠷᠭᠤᠨᠠ᠃ ᠪᠠᠰᠠ ᠨᠢᠩᠰᠢᠶᠠ᠂ ᠭᠠᠨᠰᠦ ᠪᠡᠷ ᠲᠠᠷᠬᠠᠵᠤ ᠪᠠᠢᠳᠠᠭ᠃
ᠬᠠᠷᠭᠠᠨᠠ ᠶ᠋ᠢᠨ ᠪᠦᠬᠦᠢᠯᠡ ᠬᠡᠰᠡᠭ ᠪᠦᠷ ᠡᠮ ᠳ᠋ᠦ᠍ ᠣᠷᠣᠨᠠ᠃ ᠭᠣᠣᠯᠴᠢᠯᠠᠨ ᠴᠢᠰᠤ ᠶ᠋ᠢ ᠠᠮᠢᠵᠢᠷᠠᠭᠤᠯᠬᠤ᠂ ᠴᠢᠰᠤ ᠶ᠋ᠢ ᠵᠣᠭᠰᠣᠭᠠᠬᠤ᠂ ᠡᠪᠡᠳᠬᠦ ᠶ᠋ᠢ ᠨᠠᠮᠳᠠᠭᠤᠯᠬᠤ᠂ ᠬᠣᠭᠣᠯᠠᠨ ᠤ᠋ ᠳᠤᠷᠠᠰᠢᠯ ᠢ᠋ ᠨᠡᠮᠡᠭᠳᠡᠭᠦᠯᠬᠦ ᠴᠢᠳᠠᠯ ᠲᠠᠢ᠃ ᠦᠷᠡ ᠨᠢ ᠰᠢᠷᠠ ᠰᠢᠭᠦᠰᠦᠲᠦ ᠶᠠᠷᠠ ᠶ᠋ᠢ ᠵᠠᠰᠠᠨᠠ᠃ ᠦᠨᠳᠦᠰᠦ ᠶ᠋ᠢ ᠨᠢ ᠴᠣᠭ ᠢ᠋ᠶ᠋ᠠᠷ ᠬᠠᠯᠠᠭᠠᠭᠠᠳ ᠭᠠᠷᠤᠭᠰᠠᠨ ᠰᠢᠭᠦᠰᠦ ᠪᠡᠷ ᠨᠢ ᠦᠬᠡᠷ ᠢᠯᠢᠳᠦ ᠶ᠋ᠢ ᠵᠠᠰᠠᠳᠠᠭ ᠭᠡᠵᠦ ᠨᠤᠲᠤᠭ ᠤ᠋ᠨ ᠮᠢᠨᠢ ᠲᠣᠮᠣᠭᠠᠲᠠᠨ ᠬᠡᠯᠡᠳᠡᠭ ᠪᠠᠢᠭᠰᠠᠨ ᠪᠢᠯᠡ!
ᠪᠤᠲᠠ ᠪᠤᠭ ᠮᠠᠯ ᠤ᠋ᠨ ᠣᠬᠢ ᠰᠠᠢᠨ ᠲᠡᠵᠢᠭᠡᠯ ᠪᠣᠯᠳᠠᠭ ᠪᠥᠭᠡᠳ ᠰᠦ ᠶ᠋ᠢ ᠥᠳᠬᠡᠷᠡᠭᠦᠯᠵᠦ ᠰᠦᠨ ᠦ᠌ ᠲᠣᠰᠣᠯᠢᠭ ᠢ᠋ ᠨᠡᠮᠡᠭᠳᠡᠭᠦᠯᠳᠡᠭ᠃ ᠬᠠᠷᠭᠠᠨᠠ ᠢᠳᠡᠭᠰᠡᠨ ᠮᠠᠯ ᠤ᠋ᠨ ᠮᠢᠬᠠ ᠠᠮᠲᠠᠯᠢᠭ ᠪᠠᠢᠳᠠᠭ᠃
ᠬᠢᠲᠠᠳ ᠨᠡᠷᠡ᠄锦鸡儿
ᠠᠩᠭ᠌ᠯᠢ ᠨᠡᠷᠡ᠄ Caragana sinica
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠲᠤᠶᠠᠭᠠ