ᠤᠬᠠᠭᠠᠨᠲᠠᠢ ᠶᠠᠫᠤᠨᠴᠤᠳ ᠤᠨ ᠴᠡᠴᠡᠭ ᠦᠨ ᠠᠮᠢᠰᠬᠤᠭᠠ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Ухаантай япончуудын цэцгийн амьсгаа –Ёндоны Билиг - Баатар
251ᠤᠬᠠᠭᠠᠨᠲᠠᠢ ᠶᠠᠫᠤᠨᠴᠤᠳ ᠤᠨ ᠴᠡᠴᠡᠭ ᠦᠨ ᠠᠮᠢᠰᠬᠤᠭᠠ
ᠨᠠᠷᠮᠠᠢ ᠮᠣᠩᠭᠣᠯ ᠤ᠋ᠨ ᠵᠢᠭᠡ ᠭᠡᠵᠦ
ᠶᠢᠰᠦᠨ ᠵᠠᠭᠤᠨ ᠤ᠋ ᠲᠤᠷᠰᠢ ᠶᠠᠷᠢᠭᠠᠳ ᠯᠠ
ᠶᠡᠬᠡ ᠢᠲᠡᠭᠡᠯ ᠢᠪᠡᠭᠡᠯ ᠬᠠᠢᠷᠠᠯᠠᠭᠠᠳ ᠯᠠ
ᠥᠨᠥᠳᠥᠷ ᠲᠦ᠍ ᠳᠠᠪᠬᠢᠵᠤ ᠢᠷᠡᠭᠰᠡᠨ ᠪᠢᠯᠢᠤ?
ᠥᠨᠥᠳᠥᠷ ᠲᠡᠳᠡᠨᠦᠰ ᠮᠢᠨᠢ ᠮᠠᠰᠢ ᠬᠥᠭᠵᠢᠵᠡᠢ
ᠬᠥᠭᠡᠷᠦᠬᠦᠢ ᠴᠦ᠍ ᠳᠧ᠂ ᠬᠥᠭᠵᠢᠯᠭᠦᠢ ᠶᠠᠭᠠᠬᠢᠬᠤᠪ
ᠬᠥᠷᠥᠰᠥ ᠨᠤᠲᠤᠭ ᠨᠢ ᠵᠢᠵᠢᠭᠬᠡᠨ ᠴᠦ᠍ ᠭᠡᠰᠡᠨ
ᠬᠥᠮᠦᠰ ᠨᠢ ᠭᠦᠶᠦᠯᠭᠡ ᠬᠥᠩᠭᠡᠨ ᠤᠬᠠᠭᠠᠨᠲᠠᠢ
ᠬᠦᠴᠦᠷᠬᠡᠭ ᠪᠣᠯᠪᠠᠰᠤᠨ ᠭᠠᠯ ᠰᠡᠳᠬᠢᠬᠦᠢ ᠲᠡᠢ
ᠬᠡᠵᠢᠶᠡ ᠴᠦ᠍ ᠦᠯᠦ ᠤᠷᠪᠠᠬᠤ ᠴᠡᠭᠡᠷ ᠲᠡᠢ
ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠲᠠᠩᠭᠠᠷᠢᠭ ᠲᠠᠮᠢᠷ ᠲᠠᠢ
ᠬᠠᠭᠠᠨ ᠳ᠋ᠠᠭᠠᠨ ᠳᠡᠩᠳᠡᠭᠦᠦ ᠴᠢᠩ ᠵᠢᠷᠤᠮ ᠲᠠᠢ
ᠬᠠᠲᠠᠪᠴᠢᠨ ᠵᠠᠷᠤᠴᠢ ᠦᠭᠡᠢ ᠶᠦᠮ ᠴᠢᠨᠢ ᠠ᠋
ᠬᠠᠷᠢᠨ ᠨᠢᠭᠡ ᠠᠯᠳᠠᠭᠠ ᠭᠠᠷᠭᠠᠭᠰᠠᠨ ᠴᠦ᠍
ᠬᠠᠲᠠᠭᠤ ᠰᠠᠬᠢᠯᠭᠠ ᠪᠠᠷ ᠵᠠᠰᠠᠵᠤ ᠴᠢᠳᠠᠭᠰᠠᠨ
ᠰᠠᠴᠤᠷᠠᠩᠭᠤᠢ ᠬᠢᠴᠢᠶᠡᠩᠭᠦᠢ ᠪᠠᠳᠠᠷᠠᠩᠭᠤᠢ ᠶ᠋ᠢᠨ
ᠰᠠᠮᠤᠷᠠᠢ ᠵᠣᠷᠢᠭ ᠰᠠᠨᠠᠭᠠ ᠨᠢ ᠳᠡᠯᠭᠡᠷᠡᠩᠭᠦᠢ
ᠳᠠᠪᠰᠢᠩᠭᠤᠢ ᠤᠯᠤᠰ ᠤ᠋ᠳ ᠤ᠋ᠨ ᠳᠣᠲᠣᠷᠠ
ᠲᠣᠯᠣᠭᠠᠢ ᠶᠣᠷᠣᠳᠠᠭᠠᠳ ᠯᠠ ᠮᠠᠩᠯᠠᠢᠯᠠᠵᠠᠢ᠃
ᠬᠠᠮᠤᠭ ᠠᠷᠠᠳ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠨᠢᠭᠡᠨ ᠵᠦᠭ
ᠬᠠᠪᠤᠷ ᠤ᠋ᠨ ᠰᠠᠺᠦᠷᠠ ᠴᠡᠴᠡᠭ ᠢ᠋ᠶ᠋ᠡᠷ ᠠᠮᠢᠰᠬᠤᠵᠤ
ᠬᠠᠨ ᠲᠡᠭᠷᠢ ᠶ᠋ᠢᠨ ᠹᠦᠵᠢ ᠠᠭᠤᠯᠠ ᠪᠠᠨ ᠯᠠ
ᠬᠠᠷᠠᠩᠭᠤᠢ ᠶ᠋ᠢᠨ ᠳᠤᠮᠳᠠᠬᠢ ᠵᠤᠯᠠ ᠰᠢᠭ᠋ ᠲᠠᠬᠢᠵᠤ
ᠬᠠᠮᠢᠭᠠ ᠬᠣᠯᠠ ᠶ᠋ᠢᠨ ᠮᠥᠷᠥᠭᠡᠳᠦᠯ ᠢ᠋ᠶ᠋ᠡᠨ ᠯᠡ
ᠬᠠᠲᠤᠨ ᠪᠥᠮᠪᠥᠷᠴᠡᠭ ᠲᠦ᠍ ᠭᠠᠢᠭᠤᠢ ᠪᠦᠲᠦᠭᠡᠵᠦ
ᠢᠷᠡᠵᠦ ᠮᠡᠳᠡᠬᠦ ᠯᠤᠲᠤ ᠭᠠᠵᠠᠷ ᠬᠥᠳᠡᠯᠦᠯᠲᠡ ᠶ᠋ᠢ
ᠢᠷᠲᠡᠢ ᠠᠪᠢᠶᠠᠰ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠱᠠᠯ ᠬᠥᠩᠭᠡᠯᠡᠵᠦ
ᠶᠢᠷᠲᠢᠨᠴᠦ ᠲᠦᠮᠡᠨ ᠦ᠌ ᠣᠶᠤᠨ ᠢ᠋ ᠰᠢᠲᠦᠵᠦ
ᠶᠡᠬᠡᠮᠰᠦᠭ ᠡᠷᠬᠢᠮᠰᠦᠭ ᠭᠠᠪᠢᠶᠠ ᠪᠠᠢᠭᠤᠯᠵᠠᠢ
ᠬᠠᠪᠤᠷ ᠤ᠋ᠨ ᠠᠩᠬᠢᠯᠤᠮᠠ ᠪᠤᠮᠠᠨ ᠴᠡᠴᠡᠭ ᠢ᠋ᠶ᠋ᠡᠷ
ᠬᠠᠨᠤᠰᠢ ᠦᠭᠡᠢ ᠠᠮᠢᠰᠬᠤᠭᠠᠭᠰᠠᠨ ᠶᠢᠷᠲᠢᠨᠴᠦᠰ
ᠬᠠᠢᠷᠠᠲᠤ ᠳᠣᠲᠣᠨᠣ ᠠᠨᠳᠠ ᠪ᠂ ᠪᠣᠯᠣᠳ ᠤ᠋ᠨ
ᠬᠠᠯᠠᠭᠤᠨ ᠪᠦᠯᠢ ᠣᠷᠣᠩᠨᠠᠭᠰᠠᠨ ᠶᠠᠫᠣᠨ ᠠᠷᠠᠯ
ᠬᠠᠷᠢᠭᠤ ᠲᠠᠯᠠᠷᠬᠠᠯ ᠬᠠᠢᠬᠤ ᠡᠷᠢᠯ ᠲᠠᠢ ᠯᠠ ᠠᠢᠯ
ᠬᠠᠷᠢᠨ ᠨᠠᠮᠠ ᠶ᠋ᠢ ᠯᠡ ᠬᠦᠯᠢᠶᠡᠭᠰᠡᠨ ᠮᠡᠯᠮᠡᠢ
᠁ ᠶᠡᠷᠦ ᠪᠤᠰᠤ ᠶ᠋ᠢᠨ ᠶᠠᠫᠣᠨᠴᠤᠳ
᠁ ᠶᠢᠷᠲᠢᠨᠴᠦ ᠳ᠋ᠦ᠍ ᠬᠣᠣᠰ ᠦᠭᠡᠢ ᠨᠠᠷᠠᠨ
ᠵᠢᠭᠡ ᠨᠠᠷ ᠢ᠋ᠶ᠋ᠠᠨ ᠪᠢ ᠪᠠᠢᠩᠭᠤ ᠰᠠᠨᠠᠳᠠᠭ ᠠ᠋
ᠵᠡᠭᠡᠷᠡ ᠶ᠋ᠢᠨ ᠮᠢᠬᠠ ᠬᠠᠶᠠ ᠢᠳᠡᠳᠡᠭ᠃
2024᠂ 4᠂ 6᠃ ᠦᠳᠡᠰᠢ
ᠣᠷᠳᠣᠰ ᠬᠣᠲᠠᠨᠠ ᠪᠦᠲᠦᠭᠡᠪᠡᠢ᠃