ᠭᠦᠨ ᠤᠬᠠᠭᠠᠨ ᠤ ᠭᠤᠸᠠ ᠰᠠᠢᠬᠠᠨ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Гүн ухааны гоо сайхан –Ёндоны Билиг - Баатар
281ᠭᠦᠨ ᠤᠬᠠᠭᠠᠨ ᠤ ᠭᠤᠸᠠ ᠰᠠᠢᠬᠠᠨ
ᠭᠤᠸᠠ ᠰᠠᠢᠬᠠᠨ ᠨᠠᠭᠠᠰᠢ ᠪᠠᠨ
ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠦ᠌ ᠭᠤᠸᠠ ᠰᠠᠢᠬᠠᠨ
ᠬᠡᠵᠢᠶᠡᠳᠡ ᠭᠦᠨ ᠲᠠᠢᠰᠢ ᠪᠠᠨ
ᠭᠥᠷᠥᠰᠢ ᠦᠭᠡᠢ ᠲᠡᠭᠷᠢ ᠶ᠋ᠢᠨ ᠬᠠᠶᠠᠭᠠ
ᠬᠥᠮᠦᠨ ᠦ᠌ ᠤᠬᠠᠭᠠᠨ ᠥᠭᠡᠳᠡ ᠪᠡᠨ
ᠬᠦᠷᠴᠦ ᠴᠢᠳᠠᠳᠠᠭ ᠯᠠ ᠠᠤᠭᠠ ᠵᠣᠷᠢᠭ
ᠬᠥᠬᠡ ᠮᠣᠩᠭᠣᠯ ᠳᠡᠭᠡᠭᠰᠢ ᠪᠡᠨ
ᠪᠢ ᠲᠠᠩᠳᠠ ᠪᠠᠨ ᠭᠦᠨ ᠤᠬᠠᠭᠠᠨ ᠢ᠋ᠶ᠋ᠠᠷ ᠯᠠ
ᠭᠦᠨᠵᠡᠭᠡᠢ ᠰᠠᠢᠨ ᠠᠮᠢᠰᠬᠤᠳᠠᠭ ᠶᠤᠮ
ᠪᠢᠨᠳᠠᠷᠢᠶᠠᠨ ᠴᠡᠩᠬᠡᠷ ᠣᠭᠲᠠᠷᠭᠤᠢ ᠨᠠᠮᠠ ᠶ᠋ᠢ
ᠭᠦᠢᠴᠡᠳ ᠡᠷᠴᠢᠮ ᠢ᠋ᠶ᠋ᠡᠷ ᠠᠷᠢᠭᠤᠰᠬᠠᠳᠠᠭ
ᠪᠢᠯᠢᠭ ᠠᠪᠢᠶᠠᠰ ᠮᠢᠨᠢ ᠪᠠᠢᠩᠭᠤ ᠳ᠋ᠠᠭᠠᠨ ᠯᠠ
ᠰᠠᠨᠰᠠᠷᠯᠢᠭ ᠢᠷᠠᠭᠤ ᠨᠠᠢᠷᠠᠭ ᠤ᠋ᠨ ᠬᠢ ᠶᠦᠮ
ᠪᠠᠴᠢᠮᠳᠠᠭᠤ ᠮᠣᠩᠬᠠᠭᠯᠠᠯ ᠤ᠋ᠨ ᠬᠠᠷᠠᠩᠭᠤᠢ ᠶ᠋ᠢ ᠪᠢ
ᠪᠢᠯᠡᠭᠦᠦ ᠵᠤᠯᠠ ᠪᠠᠷ ᠯᠠ ᠴᠠᠪᠴᠢᠳᠠᠭ ᠠ᠋
᠁ ᠁
ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠦ᠌ ᠲᠡᠦᠬᠡ ᠪᠣᠯ ᠶᠡᠷᠦᠨᠢ
ᠵᠢᠷᠭᠠᠬᠤ ᠶ᠋ᠢᠨ ᠲᠥᠯᠥᠭᠡ ᠵᠣᠪᠠᠭᠰᠠᠨ ᠲᠡᠦᠬᠡ
ᠪᠢ ᠠᠯᠢ ᠡᠷᠲᠡ ᠬᠡᠯᠡᠭᠰᠡᠨ ᠰᠢᠦ
ᠪᠢᠲᠡᠭᠡᠢ ᠨᠠᠮᠠ ᠶ᠋ᠢ ᠳᠣᠷᠣᠮᠵᠢᠯᠠ!
ᠠᠯᠬᠤᠭᠰᠠᠨ ᠮᠥᠷ ᠪᠦᠬᠦᠨ ᠢ᠋ᠶ᠋ᠡᠨ ᠬᠠᠷᠠ ᠠ᠋
ᠠᠳᠤᠭᠤᠰᠤᠨ ᠮᠥᠷ ᠭᠠᠷᠬᠤ ᠠ᠋ᠴᠠ ᠬᠢᠴᠢᠶᠡ!
ᠠᠯᠢᠪᠠ ᠶᠠᠭᠤᠮᠠᠰ ᠮᠡᠯᠮᠡᠢ ᠰᠦᠨᠡᠰᠦ ᠲᠡᠢ ᠰᠢᠦ
ᠠᠯᠢ ᠶ᠋ᠢ ᠨᠢ ᠴᠦ᠍ ᠠᠪᠤ ᠡᠵᠢ ᠮᠡᠲᠦ ᠬᠦᠨᠳᠦᠯᠡ
ᠨᠠᠷᠠ ᠰᠠᠷᠠ ᠰᠣᠯᠣᠩᠭᠠ ᠶ᠋ᠢ ᠴᠦ᠍ ᠬᠦᠨᠳᠦᠯᠡ
ᠨᠠᠪᠴᠢ ᠴᠡᠴᠡᠭ ᠰᠢᠷᠭᠤᠯᠵᠢ ᠶ᠋ᠢ ᠴᠦ᠍ ᠬᠦᠨᠳᠦᠯᠡ
ᠨᠠᠰᠤᠨ ᠤ᠋ ᠡᠴᠦᠰ ᠰᠢᠷᠣᠢ ᠶ᠋ᠢ ᠪᠦᠷ ᠬᠦᠨᠳᠦᠯᠡ
ᠨᠠᠢᠭᠤᠭᠰᠠᠨ ᠡᠪᠡᠰᠦᠨ ᠦ᠌ ᠲᠣᠯᠣᠭᠠᠢ ᠬᠦᠨᠳᠦ !
ᠦᠬᠦᠯ ᠪᠣᠯ ᠲᠦᠯᠪᠤᠷᠢᠲᠠᠢ ᠭᠤᠸᠠ ᠰᠠᠢᠬᠠᠨ
ᠦᠬᠦᠯ ᠮᠥᠩᠬᠡᠷᠡᠬᠦ ᠳᠠᠪᠠᠭᠠᠨ ᠳ᠋ᠤ᠌ ᠭᠠᠷᠴᠤ ᠰᠤᠷ
ᠦᠬᠦᠬᠦ ᠬᠣᠷᠣᠮᠬᠠᠨ ᠳ᠋ᠤ᠌ ᠠᠮᠢ ᠡᠬᠢᠯᠡᠳᠡᠭ !!
ᠲᠥᠷᠥᠬᠦ ᠬᠣᠷᠣᠮᠬᠠᠨ ᠳ᠋ᠤ᠌ ᠦᠬᠦᠯ ᠡᠬᠢᠯᠡᠳᠡᠭ !
ᠲᠥᠭᠡᠯᠡᠵᠦ ᠲᠠᠯᠪᠢᠭᠰᠠᠨ ᠪᠡᠶᠡ ᠪᠤᠶᠤ —
ᠲᠣᠭᠠᠯᠠᠵᠤ ᠲᠠᠯᠪᠢᠭᠰᠠᠨ ᠨᠠᠰᠤ ᠢᠬᠢᠷᠡ ᠰᠢᠦ᠃
ᠠᠮᠢ ᠦᠬᠦᠯ᠂ ᠵᠣᠭᠣᠰᠤᠨ ᠤ᠋ ᠠᠷᠤ ᠥᠪᠥᠷ
ᠠᠯᠠᠭᠠᠨ ᠳ᠋ᠤ᠌ ᠲᠤᠰᠤᠭᠰᠠᠨ ᠲᠣᠰᠣ ᠨᠡᠪᠴᠢᠳᠡᠭ
ᠠᠲᠠᠭᠠᠲᠠᠳ ᠴᠢᠨᠢ ᠬᠠᠨᠢ ᠪᠣᠯᠵᠤ ᠴᠦ᠍ ᠮᠠᠭᠠᠳ
ᠠᠨᠳᠠᠰ ᠴᠢᠨᠢ ᠴᠦ᠍ ᠮᠠᠩᠭᠤᠰ ᠪᠠᠢᠵᠤ ᠮᠡᠳᠡᠨᠡ
ᠭᠦᠨ ᠤᠬᠠᠭᠠᠨ ᠤ᠋ ᠢᠨᠵᠠᠭᠠᠨ ᠵᠦᠰᠡᠨ ᠳ᠋ᠦ᠍
ᠭᠡᠭᠦᠦ ᠶ᠋ᠢᠨ ᠴᠡᠬᠡ ᠶ᠋ᠢ ᠦᠷᠬᠦᠢ ᠵᠠᠯᠭᠢᠯᠠ ᠠ᠋
ᠬᠡᠴᠡᠭᠦᠦ ᠦᠭᠡ ᠲᠡᠢ ᠵᠥᠪ ᠲᠠᠩᠭᠠᠷᠢᠭ ᠲᠤ᠌
ᠬᠡᠷᠴᠡᠭᠡᠢ ᠤᠳᠬᠠ ᠪᠠᠢᠳᠠᠭ ᠦᠭᠡᠢ ᠶᠦᠮ!
ᠭᠦᠨ ᠤᠬᠠᠭᠠᠨ ᠤ᠋ ᠮᠣᠳᠣᠳ ᠱᠤᠤᠭᠢᠨᠠᠮ ᠁
ᠭᠦᠨ ᠤᠬᠠᠭᠠᠨ ᠦᠭᠡᠢ ᠦᠨᠳᠦᠰᠦᠲᠡᠨ ᠁
ᠰᠥᠨᠥᠨᠡᠮ ᠠ᠋ ᠮᠥᠬᠥᠨᠡᠮ ᠠ᠋ ᠤᠷᠤᠭᠤᠳᠠᠨᠠᠮ
ᠰᠥᠨᠢ ᠶ᠋ᠢᠨ ᠬᠠᠷᠠᠩᠭᠤᠢ ᠤᠯᠠᠮ ᠥᠳᠬᠡᠷᠡᠨᠡᠮ
ᠠᠪᠤ ᠠ᠋ ᠲᠠᠨ ᠤ᠋ ᠲᠡᠨᠡᠭ ᠬᠥᠪᠡᠭᠦᠨ ᠴᠢᠨᠢ
ᠠᠯᠲᠠᠨ ᠭᠠᠳᠠᠰᠤᠨ ᠳ᠋ᠤ᠌ ᠮᠣᠷᠢᠳ ᠤᠶᠠᠨᠠᠮ᠃
2024᠂ 4᠂ 6᠃
ᠫᠠᠳ ᠬᠠᠷᠠᠩᠭᠤᠢ ᠰᠥᠨᠢ ᠪᠡᠷ ᠃
ᠣᠷᠳᠣᠰ ᠬᠣᠲᠠᠨᠠ ᠪᠦᠲᠦᠭᠡᠪᠡᠢ᠃