ᠬᠥᠭᠰᠢᠨ ᠬᠥᠮᠦᠨ ᠦ᠌ ᠥᠭᠦᠯᠡᠯ- ᠳ· ᠨᠠᠴᠤᠭᠳᠣᠷᠵᠢХөгшин хүний өгүүлэл-Д.Нацагдорж
284 ᠳ· ᠨᠠᠴᠤᠭᠳᠣᠷᠵᠢ
ᠤᠯᠠᠭᠠᠨᠪᠠᠭᠠᠲᠤᠷ ᠬᠣᠲᠠᠨ ᠳ᠋ᠤ᠌ ᠴᠣᠬᠣᠮ ᠠᠯᠢ ᠬᠢᠷᠢ ᠪᠣᠯᠬᠤ ᠶ᠋ᠢ ᠮᠡᠳᠡᠬᠦ ᠦᠭᠡᠢ᠂ ᠲᠠᠪᠤᠳᠤᠭᠠᠷ ᠬᠣᠷᠢᠶᠠᠨ ᠳ᠋ᠤ᠌ ᠭᠡᠨᠡ᠃ ᠨᠢᠭᠡ ᠠᠭᠤᠳᠠᠮ ᠪᠥᠭᠡᠳ
ᠵᠦᠭᠡᠷ ᠪᠢᠰᠢ ᠪᠠᠩᠵᠠᠨ ᠬᠠᠰᠢᠶᠠ ᠪᠠᠢᠨᠠ᠃ ᠪᠠᠰᠠ ᠪᠣᠳᠣᠭ ᠢ᠋ᠶ᠋ᠠᠷ ᠪᠣᠳᠣᠵᠠᠢ᠃ ᠳᠣᠲᠣᠷᠠ ᠨᠢ ᠣᠯᠠᠨ ᠤᠷᠲᠤ ᠴᠠᠭᠠᠨ ᠪᠠᠢᠰᠢᠩ ᠦᠵᠡᠭᠳᠡᠨᠡ᠃
ᠵᠠᠷᠢᠮ ᠤ᠋ᠨ ᠴᠣᠩᠬᠣᠨ ᠳᠡᠭᠡᠷᠡ ᠰᠠᠢᠬᠠᠨ ᠴᠡᠴᠡᠭ ᠨᠠᠪᠴᠢ ᠲᠠᠯᠪᠢᠵᠠᠢ᠃
— ᠡᠨᠡ ᠶᠠᠮᠠᠷ ᠭᠠᠵᠠᠷ ᠪᠣᠢ? ᠭᠡᠵᠦ ᠡᠭᠦᠳᠡᠨ ᠳ᠋ᠡᠬᠢ ᠬᠥᠮᠦᠨ ᠡᠴᠡ ᠠᠰᠠᠭᠤᠪᠠᠯ
— ᠡᠷᠡᠭᠦᠯ ᠢ᠋ ᠬᠠᠮᠠᠭᠠᠯᠠᠬᠤ ᠭᠠᠵᠠᠷ ᠭᠡᠨᠡ᠃
— ᠶᠠᠭᠠᠬᠢᠳᠠᠭ ᠭᠠᠵᠠᠷ ᠪᠣᠢ? ᠭᠡᠪᠡᠯ
— ᠡᠪᠡᠳᠴᠢᠲᠡᠢ ᠬᠥᠮᠦᠨ ᠢ᠋ ᠡᠳᠡᠭᠡᠭᠡᠳᠡᠭ ᠭᠠᠵᠠᠷ ᠭᠡᠨᠡ᠃
— ᠶᠠᠭᠠᠬᠢᠵᠤ ᠡᠳᠡᠭᠡᠭᠡᠳᠡᠭ ᠭᠠᠵᠠᠷ ᠪᠣᠢ? ᠭᠡᠪᠡᠯ
— ᠡᠮᠨᠡᠭᠡᠳ ᠡᠳᠡᠭᠡᠭᠡᠳᠡᠭ ᠭᠠᠵᠠᠷ ᠭᠡᠨᠡ᠃
— ᠪᠢ ᠬᠠᠨᠢᠶᠠᠳᠤ ᠬᠦᠷᠦᠭᠡᠳ ᠭᠠᠭᠴᠠ ᠮᠠᠭᠤ ᠬᠠᠳᠠᠭ ᠲᠠᠢ᠂ ᠡᠮ ᠵᠠᠯᠠᠬᠤ ᠭᠡᠵᠦ ᠶᠠᠪᠤᠭᠠ ᠶᠤᠮᠰᠠᠨ᠃ ᠶᠠᠭᠤ ᠪᠠᠷᠢᠪᠠᠯ ᠵᠣᠬᠢᠬᠤ ᠪᠣᠢ? ᠭᠡᠪᠡᠯ
— ᠬᠠᠳᠠᠭ ᠪᠠᠢᠲᠤᠭᠠᠢ ᠰᠠᠮᠪᠠᠢ ᠴᠦ᠍ ᠬᠡᠷᠡᠭ ᠦᠭᠡᠢ᠂ ᠵᠦᠭᠡᠷ ᠡᠳᠡᠭᠡᠭᠡᠵᠦ ᠥᠭᠳᠡᠭ ᠭᠠᠵᠠᠷ ᠭᠡᠨᠡ᠃
— ᠲᠡᠭᠡᠪᠡᠯ ᠣᠷᠣᠵᠤ ᠡᠮ ᠵᠠᠯᠠᠵᠤ ᠪᠣᠯᠬᠤ ᠤᠤ? ᠭᠡᠪᠡᠯ
— ᠪᠣᠯᠬᠤ ᠦᠭᠡᠢ ᠶᠠᠭᠠᠬᠢᠬᠤ ᠪᠣᠢ ᠭᠡᠨᠡ᠃
— ᠡᠢᠮᠦ ᠭᠠᠵᠠᠷ ᠢ᠋ ᠴᠢᠨᠢ ᠶᠠᠮᠠᠷ ᠪᠤᠶᠠᠨ ᠲᠠᠢ ᠬᠥᠮᠦᠨ ᠪᠠᠢᠭᠤᠯᠤᠭᠰᠠᠨ ᠶᠤᠮ ᠪᠣᠢ? ᠭᠡᠪᠡᠯ
— ᠥᠷᠥᠰᠢᠶᠡᠯ ᠲᠡᠢ ᠵᠠᠰᠠᠭ ᠴᠢᠨᠢ
ᠪᠠᠢᠭᠤᠯᠤᠭᠰᠠᠨ ᠶᠤᠮ ᠭᠡᠨᠡ ᠂
1935 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠨᠠᠷᠠᠨᠲᠤᠶᠠᠭᠠ
ᠬᠢᠨᠠᠭᠴᠢ ᠪᠠᠭᠰᠢ᠄ ᠭᠠᠷᠮᠠ᠂ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ