ᠰᠢᠪᠠᠭᠤᠨ ᠲᠠᠷᠢᠶᠠШувуун тариа
500
ᠰᠢᠪᠠᠭᠤᠨ ᠲᠠᠷᠢᠶᠠ
ᠦᠶᠡᠲᠦ ᠤᠷᠭᠤᠮᠠᠯ ᠤ᠋ᠨ ᠢᠵᠠᠭᠤᠷ
ᠨᠢᠭᠡ ᠨᠠᠰᠤᠲᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ᠂ ᠨᠡᠯᠢᠶᠡᠳ ᠪᠦᠳᠦᠭᠦᠨ ᠮᠥᠷᠲᠡᠭᠡᠨ ᠪᠥᠬᠡ ᠰᠠᠬᠠᠯ ᠲᠠᠢ᠃ ᠰᠦᠷᠡᠯ ᠨᠢ60—120cm ᠥᠨᠳᠥᠷ ᠰᠢᠯᠤᠭᠤᠨ ᠤᠷᠭᠤᠨᠠ᠂ ᠭᠢᠯᠦᠭᠡᠷ᠂ ᠶᠡᠷᠦ ᠳ᠋ᠡᠭᠡᠨ ᠰᠠᠯᠠᠭᠠᠯᠠᠨᠠ᠂5—10mm ᠪᠦᠳᠦᠭᠦᠨ᠃ ᠨᠠᠪᠴᠢᠨ ᠤ᠋ ᠲᠣᠭᠳᠣᠢ ᠨᠢ ᠭᠢᠯᠦᠭᠡᠷ; ᠨᠠᠪᠴᠢᠨ ᠤ᠋ ᠬᠡᠯᠡ ᠨᠢ ᠣᠬᠣᠷ᠂ ᠨᠢᠭ ᠤᠷᠭᠤᠭᠰᠠᠨ1—2mm ᠤᠷᠲᠤ ᠴᠡᠯᠮᠡᠨ ᠦᠰᠦ ᠲᠡᠢ; ᠨᠠᠪᠴᠢ ᠨᠢ ᠲᠡᠭᠰᠢᠬᠡᠨ ᠬᠠᠪᠲᠠᠭᠠᠢ ᠪᠤᠶᠤ ᠬᠤᠮᠢᠷᠠᠭᠰᠠᠨ ᠮᠡᠲᠦ ᠨᠤᠭᠤᠷᠠᠨᠠ᠃30—60cm ᠤᠷᠲᠤ᠂3—5mm ᠥᠷᠭᠡᠨ᠂ ᠠᠷᠤ ᠨᠢ ᠭᠢᠯᠦᠭᠡᠷ᠂ ᠳᠡᠭᠡᠳᠦ ᠲᠠᠯᠠ ᠨᠢ ᠰᠢᠷᠦᠭᠦᠨ ᠪᠤᠶᠤ ᠦᠰᠦ ᠲᠡᠢ᠃ ᠲᠦᠷᠦᠭᠦᠦ ᠬᠡᠯᠪᠡᠷᠢᠲᠦ ᠪᠠᠭ ᠴᠡᠴᠡᠭ ᠨᠢ2—9᠂ ᠡᠰᠢᠨ ᠦ᠌ ᠣᠷᠣᠢ ᠳ᠋ᠤ᠌ ᠬᠤᠷᠤᠭᠤ ᠮᠡᠲᠦ ᠰᠡᠷᠪᠡᠢᠨ ᠪᠠᠢᠷᠢᠯᠠᠨᠠ᠂ ᠪᠦᠳᠦᠭᠦᠨ᠂4—9cm ᠪᠣᠯᠪᠠᠰᠤᠷᠠᠪᠠᠯ ᠳᠣᠲᠣᠭᠰᠢ ᠮᠤᠷᠤᠢᠵᠤ ᠲᠠᠬᠢᠶᠠᠨ ᠤ᠋ ᠰᠠᠪᠠᠷ ᠰᠢᠭ᠋ ᠪᠣᠯᠳᠠᠭ; ᠵᠢᠵᠢᠭ ᠲᠦᠷᠦᠭᠦᠦ ᠨᠢ7—9mm ᠤᠷᠲᠤ᠂5—6 ᠴᠡᠴᠡᠭ ᠲᠡᠢ; ᠬᠠᠯᠢᠰᠤ ᠨᠢ ᠭᠦᠷᠡᠢᠭᠰᠡᠨ ᠨᠢᠷᠤᠭᠤ ᠲᠠᠢ ᠪᠥᠭᠡᠳ ᠨᠢᠷᠤᠭᠤᠨ ᠳᠡᠭᠡᠷᠡᠬᠢ ᠳᠠᠯᠠᠪᠴᠢ ᠨᠢ ᠰᠢᠷᠦᠭᠦᠨ; ᠨᠢᠭᠡᠳᠦᠭᠡᠷ ᠬᠠᠯᠢᠰᠤ ᠨᠢ ᠭᠤᠷᠪᠠᠨmm ᠤᠷᠲᠤ᠂ ᠬᠣᠶᠠᠳᠤᠭᠠᠷ ᠬᠠᠯᠢᠰᠤ ᠨᠢ4mm ᠬᠢᠷᠢ ᠤᠷᠲᠤ; ᠭᠠᠳᠠᠷ ᠬᠡᠪᠡᠭ ᠨᠢ ᠪᠠᠰᠠ ᠢᠪᠴᠤᠬᠠᠨ ᠳᠠᠯᠠᠪᠴᠢ ᠪᠦᠬᠦᠢ ᠨᠢᠷᠤᠭᠤ ᠲᠠᠢ᠂ ᠨᠢᠭᠡᠳᠦᠭᠡᠷ ᠭᠠᠳᠠᠷ ᠬᠡᠪᠡᠭ ᠨᠢ4mm ᠤᠷᠲᠤ᠂ ᠳᠣᠲᠣᠷ ᠬᠡᠪᠡᠭ ᠨᠢ ᠭᠠᠳᠠᠷ ᠬᠡᠪᠡᠭ ᠡᠴᠡ ᠨᠢ ᠣᠬᠣᠷ; ᠵᠢᠵᠢᠭ ᠲᠦᠷᠦᠭᠦᠦ ᠨᠢ ᠬᠠᠯᠢᠰᠤ ᠶ᠋ᠢᠨ ᠳᠡᠭᠡᠳᠦ ᠬᠡᠰᠡᠭ ᠢ᠋ᠶ᠋ᠡᠷ ᠤᠨᠠᠨᠠ᠃ ᠡᠷᠡ ᠲᠣᠭᠣᠷᠴᠣᠭ ᠨᠢ ᠭᠤᠷᠪᠠ᠂1mm ᠤᠷᠲᠤ ᠲᠣᠭᠣᠰᠣᠪᠴᠢ ᠲᠠᠢ᠃ ᠦᠷᠡ ᠨᠢ ᠪᠥᠮᠪᠦᠭᠡᠨ ᠬᠡᠯᠪᠡᠷᠢ ᠲᠡᠢ᠂1.5mm ᠣᠷᠴᠢᠮ ᠤᠷᠲᠤ᠂ ᠬᠠᠷᠠᠪᠲᠤᠷ ᠬᠦᠷᠡᠩ᠂ ᠭᠠᠳᠠᠷᠭᠤ ᠳ᠋ᠤ᠌ ᠨᠢ ᠢᠯᠡ ᠪᠤᠰᠤ ᠠᠲᠤᠷᠢᠶᠠ ᠲᠠᠢ᠃
ᠮᠠᠨ ᠤ᠋ ᠤᠯᠤᠰ ᠤ᠋ᠨ ᠬᠥᠬᠡᠮᠥᠷᠡᠨ ᠡᠴᠡ ᠡᠮᠦᠨᠡᠳᠤᠬᠢ ᠡᠯᠡ ᠮᠣᠵᠢ ᠣᠷᠣᠨ ᠳ᠋ᠤ᠌ ᠣᠯᠠᠨ ᠲᠠᠷᠢᠵᠤ ᠪᠣᠢ᠃
ᠦᠷᠡ ᠶ᠋ᠢ ᠨᠢ ᠢᠳᠡᠨᠡ᠂ ᠠᠷᠢᠬᠢ ᠨᠡᠷᠡᠨᠡ᠂ ᠰᠢᠬᠢᠷ ᠬᠢᠵᠦ ᠪᠣᠯᠤᠨᠠ᠃ ᠡᠰᠢ᠂ ᠨᠠᠪᠴᠢ ᠪᠠᠷ ᠢ᠋ᠶ᠋ᠠᠨ ᠪᠣᠷᠣᠭᠠᠨ ᠤ᠋ ᠨᠥᠮᠥᠷᠭᠡ ᠂ ᠡᠪᠡᠰᠦᠨ ᠱᠠᠬᠠᠢ᠂ ᠰᠠᠭᠰᠤ᠂ ᠡᠪᠡᠰᠦᠨ ᠮᠠᠯᠠᠭᠠᠢ ᠵᠡᠷᠭᠡ ᠶ᠋ᠢ ᠪᠦᠷ ᠬᠦᠷᠦᠵᠦ ᠪᠣᠯᠤᠨᠠ᠃
ᠬᠢᠲᠠᠳ ᠨᠡᠷᠡ᠄䅟子
ᠠᠩᠭ᠌ᠯᠢ ᠨᠡᠷᠡ᠄ELeusine coracana(L) Gaertn
ᠦᠰᠦᠭ ᠠᠮᠢᠯᠠᠭᠤᠯᠠᠤᠭᠴᠢ᠄ ᠲᠤᠶᠠᠭᠠ
ᠬᠢᠨᠠᠭᠴᠢ᠄ ᠫᠣ· ᠴᠠᠭᠠᠨ