ᠡᠪᠦᠯ ᠤ᠋ᠨ ᠰᠥᠨᠢ- ᠳ· ᠨᠠᠴᠤᠭᠳᠣᠷᠵᠢӨвлийн шөнө-Д.Нацагдорж
448 ᠳ· ᠨᠠᠴᠤᠭᠳᠣᠷᠵᠢ
ᠲᠡᠰᠬᠢᠮᠡ ᠬᠦᠢᠲᠡᠨ ᠡᠪᠦᠯ ᠦ᠋ᠨ ᠰᠥᠨᠢ᠂ ᠲᠩᠷᠢ ᠶ᠋ᠢᠨ ᠣᠳᠣ ᠣᠴᠢ ᠰᠢᠭ᠋ ᠭᠢᠯᠠᠯᠵᠠᠭᠠᠳ ᠠᠭᠤᠯᠠ ᠨᠢᠷᠤᠭᠤ ᠶ᠋ᠢ ᠪᠦᠷᠬᠦᠭᠰᠡᠨ ᠬᠤᠩᠭᠠᠷ ᠴᠠᠰᠤᠨ ᠤ᠋ ᠬᠠᠰ ᠤ᠋ᠨ ᠥᠩᠭᠡ ᠲᠡᠭᠦᠨ ᠦ᠌ ᠭᠡᠷᠡᠯ ᠳ᠋ᠦ᠍ ᠠᠯᠮᠠᠰ ᠤ᠋ᠨ ᠠᠳᠠᠯᠢ ᠭᠢᠯᠲᠦᠭᠡᠨᠡᠨᠡ᠃ ᠬᠦᠢᠲᠡᠨ ᠵᠢᠪᠠᠷ ᠡᠮᠦᠨᠡ ᠡᠴᠡ ᠦᠯᠢᠶᠡᠭᠡᠳ ᠭᠣᠣᠯ ᠤ᠋ᠨ ᠮᠥᠰᠥ ᠳᠡᠰ ᠨᠢᠰ ᠬᠠᠭᠠᠷᠠᠨᠠ᠃ ᠬᠥᠨᠳᠡᠢ ᠲᠠᠯᠠ ᠮᠡᠯᠴᠡᠢᠨ ᠴᠡᠯᠡᠢᠭᠡᠳ᠂ ᠬᠠᠶᠠ ᠨᠢᠭᠡ ᠠᠭᠤᠯᠠ ᠶ᠋ᠢᠨ ᠣᠷᠣᠢ ᠡᠷᠪᠡᠢᠨ ᠰᠡᠷᠪᠡᠢᠨ ᠦᠵᠡᠭᠳᠡᠨᠡ᠃ ᠬᠠᠭᠤᠴᠢᠨ ᠰᠠᠷᠠ ᠰᠥᠨᠢ ᠳᠤᠮᠳᠠ ᠶ᠋ᠢᠨ ᠦᠶᠡ ᠳ᠋ᠦ᠍ ᠴᠤᠬᠤᠢᠬᠤ ᠳ᠋ᠤ᠌᠂ ᠭᠡᠷ ᠦ᠋ᠨ ᠨᠣᠬᠠᠢ ᠲᠡᠭᠦᠨ ᠢ᠋ ᠰᠢᠷᠳᠡᠨ ᠳᠡᠮᠡᠢ ᠯᠡ ᠬᠤᠴᠠᠨᠠ᠃ ᠬᠥᠳᠡᠭᠡᠨ ᠦ᠌ ᠠᠢᠯ ᠤ᠋ᠨ ᠭᠠᠳᠠᠭᠤᠷ ᠨᠢᠭᠡ ᠴᠣ ᠦᠢᠮᠡᠭᠡᠨ ᠦᠭᠡᠢ᠂ ᠦᠬᠡᠷ ᠬᠣᠨᠢ ᠬᠠᠶᠠ ᠨᠢᠭᠡ ᠬᠡᠪᠢᠵᠦ ᠬᠡᠪᠲᠡᠨᠡ᠃ ᠡᠢᠮᠦ ᠨᠢᠭᠡ ᠰᠥᠨᠢ ᠶ᠋ᠢᠨ ᠭᠦᠨ ᠳ᠋ᠦ᠍᠂ ᠬᠣᠯᠠ ᠠ᠋ᠴᠠ ᠬᠡᠳᠦᠨ ᠮᠣᠷᠢᠨ ᠤ᠋ ᠲᠤᠭᠤᠷᠠᠢ ᠳᠦᠴᠢᠭᠡᠨᠡᠨ᠂ ᠬᠣᠶᠠᠷ ᠬᠥᠮᠦᠨ ᠭᠠᠳᠠᠨᠠ ᠢᠷᠡᠵᠦ ᠮᠣᠷᠢ ᠶ᠋ᠢ ᠲᠤᠱᠠᠨ ᠣᠷᠣᠪᠠ᠃ ᠤᠳᠠᠯ ᠦᠭᠡᠢ ᠡᠬᠡᠨᠡᠷ ᡀᠮᠠ ᠪᠣᠰᠴᠤ ᠡᠷᠦᠬᠡ ᠲᠡᠳᠡᠨ ᠭᠠᠯ ᠲᠦᠯᠡᠵᠦ ᠴᠠᠢ ᠬᠠᠯᠠᠭᠠᠨᠠ᠃ ᠬᠠᠷᠠᠩᠭᠤᠢ ᠰᠥᠨᠢ ᠶ᠋ᠢᠨ ᠳᠤᠮᠳᠠ ᠪᠣᠷᠣ ᠭᠡᠷ ᠦ᠋ᠨ ᠲᠣᠭᠣᠨᠣ ᠪᠠᠷ ᠤᠲᠤᠭᠠ ᠰᠠᠪᠰᠠᠵᠤ᠂ ᠤᠯᠠᠭᠠᠨ ᠣᠴᠢ ᠬᠠᠶᠠᠯᠠᠬᠤ ᠶ᠋ᠢ ᠲᠡᠷᠲᠡᠭᠡ ᠡᠴᠡ ᠦᠵᠡᠬᠦ ᠳ᠋ᠦ᠍ ᠦᠨᠡᠬᠡᠷ ᠰᠣᠨᠢᠷᠬᠠᠯ ᠲᠠᠢ᠂ ᠳᠠᠷᠤᠢ ᠦᠷ ᠦ᠋ᠨ ᠴᠣᠯᠮᠣᠨ ᠴᠣᠮᠴᠣᠢᠨ ᠭᠠᠷᠴᠤ ᠢᠷᠡᠬᠦ ᠳ᠋ᠦ᠍᠂ ᠠᠳᠤᠭᠤ ᠮᠠᠨᠠᠭᠰᠠᠨ ᠬᠣᠶᠠᠷ ᠬᠠᠷᠠ ᠬᠥᠮᠦᠨ ᠮᠣᠷᠳᠠᠨ᠂ ᠤᠷᠭᠠ ᠴᠢᠷᠦᠨ ᠳᠠᠪᠬᠢᠵᠤ ᠣᠳᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠰᠤᠳᠤᠯᠲᠤ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ