ᠠᠯᠲᠠᠨ ᠭᠤᠷᠭᠤᠤᠯᠳᠠᠢ ᠪᠠ ᠵᠠᠯᠢᠲᠤ ᠦᠨᠡᠭᠡАлтан гургалдай ба зальт үнэг
600ᠠᠯᠲᠠᠨ ᠭᠤᠤᠷᠭᠤᠯᠳᠠᠢ ᠪᠠ ᠵᠠᠯᠢᠲᠤ ᠦᠨᠡᠭᠡ
ᠵᠤᠨ ᠤ᠋ ᠰᠠᠢᠬᠠᠨ ᠳᠡᠯᠭᠡᠷ ᠴᠠᠭ ᠲᠤ᠌ ᠠᠯᠲᠠᠨ ᠭᠤᠷᠭᠤᠤᠯᠳᠠᠢ ᠰᠢᠪᠠᠭᠤ ᠲᠠᠪᠤᠨ ᠥᠨᠳᠡᠭᠡ ᠭᠠᠷᠭᠠᠭᠠᠳ᠂
ᠲᠠᠪᠠᠲᠠᠢ ᠠᠮᠢᠳᠤᠷᠠᠵᠤ ᠪᠠᠢᠵᠠᠢ᠃ ᠭᠡᠲᠡᠯᠡ ᠨᠢᠭᠡ ᠡᠳᠦᠷ ᠭᠠᠢ ᠳᠠᠭᠠᠷᠢᠭᠰᠠᠨ ᠶᠤᠮ ᠰᠢᠭ᠋ ᠠᠷᠭᠠᠯ ᠰᠢᠷᠭᠠᠯ
ᠥᠩᠭᠡ ᠲᠡᠢ ᠵᠠᠯᠢᠲᠤ ᠦᠨᠡᠭᠡ ᠢᠷᠡᠭᠡᠳ᠄《ᠠᠯᠲᠠᠨ ᠭᠤᠷᠭᠤᠤᠯᠳᠠᠢ ᠭᠤᠸᠠᠢ᠂ ᠲᠠᠪᠤᠨ ᠥᠨᠳᠡᠭᠡᠨ ᠦ᠌ ᠪᠡᠨ
ᠨᠢᠭᠡ ᠶ᠋ᠢ ᠲᠠ ᠨᠠᠳᠠ ᠳ᠋ᠤ᠌ ᠥᠭᠭᠦᠭᠡᠴᠢ》ᠭᠡᠰᠡᠨ ᠳ᠋ᠦ᠍《ᠥᠭᠬᠦ ᠦᠭᠡᠢ》ᠭᠡᠮᠡᠨ ᠬᠠᠷᠠᠮᠯᠠᠵᠠᠢ ᠭᠡᠨᠡ᠃《ᠦ
ᠬᠦ ᠬᠦ᠂ ᠴᠢᠮᠠ ᠶ᠋ᠢ ᠥᠭᠬᠦ ᠦᠭᠡᠢ ᠪᠣᠯ ᠠᠯᠲᠠᠨ ᠤᠯᠢᠶᠠᠰᠤ ᠶ᠋ᠢ ᠴᠢᠨᠢ ᠬᠤᠭᠤ ᠮᠥᠷᠭᠥᠨᠡ᠂ ᠠᠷᠢᠭᠤᠨ
ᠬᠤᠳᠳᠤᠭ ᠢ᠋ ᠴᠢᠨᠢ ᠬᠣᠣ ᠰᠤᠷᠤᠨᠠ᠂ᠠᠷᠪᠠᠭᠠᠷ ᠳᠠᠯᠠᠪᠴᠢ ᠶ᠋ᠢ ᠴᠢᠨᠢ ᠬᠣᠣ ᠮᠠᠭᠠᠵᠢᠨᠠ᠂ᠠᠰᠬᠠᠲᠤ ᠳᠠᠪᠠᠭᠠ ᠶ᠋ᠢ
ᠴᠢᠨᠢ ᠰᠡᠳᠡ ᠲᠠᠭᠠᠷᠢᠨᠠ》ᠭᠡᠵᠦ ᠵᠠᠯᠢᠲᠤ ᠦᠨᠡᠭᠡ ᠬᠡᠯᠡᠭᠰᠡᠨ ᠳ᠋ᠦ᠍᠂ᠠᠯᠲᠠᠨ ᠭᠤᠷᠭᠤᠤᠯᠳᠠᠢ ᠠᠶᠤᠭᠠᠳ ᠲᠠᠪᠤᠨ
ᠥᠨᠳᠡᠭᠡᠨ ᠦ᠌ ᠪᠡᠨ ᠨᠢᠭᠡ ᠶ᠋ᠢ ᠥᠭᠭᠦᠭᠡᠳ ᠶᠠᠪᠤᠭᠤᠯᠵᠠᠢ᠃
ᠳᠠᠬᠢᠭᠠᠳ ᠮᠠᠷᠭᠠᠰᠢ ᠪᠣᠯᠬᠤ ᠳ᠋ᠤ᠌᠂ ᠠᠷᠭᠠᠯ ᠰᠢᠷᠭᠠᠯ ᠥᠩᠭᠡ ᠲᠡᠢ ᠵᠠᠯᠢᠲᠤ ᠦᠨᠡᠭᠡ ᠬᠦᠷᠴᠦ ᠢᠷᠡᠭᠡᠳ᠄《ᠠᠯᠲᠠᠨ ᠭᠤᠷᠭᠤᠤᠯᠳᠠᠢ ᠭᠤᠸᠠᠢ᠂ ᠲᠠ ᠨᠠᠳᠠ ᠳ᠋ᠤ᠌ ᠳᠥᠷᠪᠡᠨ ᠥᠨᠳᠡᠭᠡᠨ ᠦ᠌ ᠪᠡᠨ ᠨᠢᠭᠡ ᠶ᠋ᠢ ᠥᠭᠭᠦᠭᠡᠴᠢ》ᠭᠡᠬᠦ ᠳ᠋ᠦ᠍《ᠥᠭᠬᠦ ᠦᠭᠡᠢ》ᠭᠡᠵᠦ ᠡᠮᠦᠨᠡᠬᠢ ᠰᠢᠭ᠌ ᠵᠢᠨᠨ ᠬᠠᠷᠠᠮᠯᠠᠵᠠᠢ ᠭᠡᠨᠡ᠃《ᠦ ᠬᠦ᠂ ᠲᠡᠭᠡᠪᠡᠯ ᠠᠯᠲᠠᠨ ᠤᠯᠢᠶᠠᠰᠤ ᠶ᠋ᠢ ᠴᠢᠨᠢ ᠬᠤᠭᠤ ᠮᠥᠷᠭᠥᠨᠡ᠂ ᠠᠷᠢᠭᠤᠨ ᠬᠤᠳᠳᠤᠭ ᠢ᠋ ᠴᠢᠨᠢ ᠬᠣᠣ ᠰᠤᠷᠤᠨᠠ᠂ᠠᠷᠪᠠᠭᠠᠷ ᠳᠠᠯᠠᠪᠴᠢ ᠶ᠋ᠢ ᠴᠢᠨᠢ ᠬᠣᠣ ᠮᠠᠭᠠᠵᠢᠨᠠ᠂ ᠠᠰᠬᠠᠲᠤ ᠳᠠᠪᠠᠭᠠ ᠶ᠋ᠢ ᠴᠢᠨᠢ ᠰᠡᠳᠡ ᠲᠠᠭᠠᠷᠢᠨᠠ ᠳ᠋ᠠ》ᠭᠡᠵᠦ ᠵᠠᠯᠢᠲᠤ ᠦᠨᠡᠭᠡ ᠬᠡᠯᠡᠭᠰᠡᠨ ᠳ᠋ᠦ᠍ ᠠᠯᠲᠠᠨ ᠭᠤᠷᠭᠤᠤᠯᠳᠠᠢ ᠠᠶᠤᠭᠠᠳ ᠳᠥᠷᠪᠡᠨ ᠥᠨᠳᠡᠭᠡᠨ ᠦ᠌ ᠪᠡᠨ ᠨᠢᠭᠡ ᠶ᠋ᠢ ᠥᠭᠭᠦᠭᠡᠳ ᠶᠠᠪᠤᠭᠤᠯᠵᠠᠢ᠃ ᠠᠷᠭᠠᠯ ᠰᠢᠷᠭᠠᠯ ᠥᠩᠭᠡ ᠲᠡᠢ ᠵᠠᠯᠢᠲᠤ ᠦᠨᠡᠭᠡ ᠢᠷᠡᠵᠦ ᠢᠩᠭᠢᠵᠦ ᠬᠡᠯᠡᠭᠰᠡᠭᠡᠷ ᠪᠠᠢᠭᠠᠳ ᠥᠨᠳᠡᠭᠡᠨ ᠦ᠌ ᠬᠢᠨᠢ ᠳᠥᠷᠪᠡ ᠶ᠋ᠢ ᠠᠪᠴᠢᠬᠠᠵᠠᠢ ᠭᠡᠨᠡ᠃ ᠭᠠᠭᠴᠠᠬᠠᠨ ᠥᠨᠳᠡᠭᠡ ᠲᠡᠢ ᠬᠤᠴᠤᠷᠤᠭᠰᠠᠨ ᠠᠯᠲᠠᠨ ᠭᠤᠷᠭᠤᠤᠯᠳᠠᠢ ᠰᠢᠪᠠᠭᠤ ᠭᠠᠢᠬᠠᠰᠢ ᠲᠠᠰᠤᠷᠠᠨ ᠤᠬᠢᠯᠠᠵᠤ ᠂ᠭᠤᠨᠢᠭ ᠪᠣᠯᠤᠭᠰᠠᠭᠠᠷ ᠰᠠᠭᠤᠬᠤ ᠲᠠᠢ ᠲᠠᠭᠠᠷᠠᠭᠰᠠᠨ ᠨᠢᠭᠡᠨ ᠣᠭᠣᠲᠣᠨᠠ᠄《ᠭᠤᠷᠭᠤᠤᠯᠳᠠᠢ ᠭᠤᠸᠠᠢ ᠲᠠ ᠶᠠᠭᠤᠨ ᠳ᠋ᠤ᠌ ᠤᠬᠢᠯᠠᠵᠤ ᠪᠠᠢᠨᠠ᠂ ᠨᠠᠳᠠ ᠳ᠋ᠤ᠌ ᠬᠡᠯᠡᠭᠡᠴᠢ》ᠭᠡᠪᠡ᠃ ᠶᠠᠭᠠᠬᠢᠬᠤ ᠪᠠᠨ ᠮᠡᠳᠡᠬᠦ ᠦᠭᠡᠢ ᠪᠣᠯᠤᠭᠰᠠᠨ ᠠᠯᠲᠠᠨ ᠭᠤᠷᠭᠤᠤᠯᠳᠠᠢ ᠡᠢᠨ ᠬᠡᠯᠡᠵᠡᠢ ᠭᠡᠨᠡ᠃
《ᠠᠢᠯᠴᠢᠯᠠᠨ ᠢᠷᠡᠭᠰᠡᠨ ᠵᠤᠨ ᠴᠠᠭ ᠲᠤ᠌ ᠠᠯᠲᠠᠨ ᠭᠤᠷᠭᠤᠤᠯᠳᠠᠢ ᠪᠢ ᠲᠠᠪᠤᠨ ᠥᠨᠳᠡᠭᠡ ᠭᠠᠷᠭᠠᠭᠠᠳ ᠲᠠᠪᠠᠲᠠᠢ ᠰᠠᠢᠬᠠᠨ ᠠᠮᠢᠳᠤᠷᠠᠵᠤ ᠪᠠᠢᠯᠠ᠂ ᠭᠡᠲᠡᠯᠡ ᠨᠢᠭᠡ ᠡᠳᠦᠷ ᠭᠠᠢ ᠳᠠᠭᠠᠷᠢᠭᠰᠠᠨ ᠶᠤᠮ ᠰᠢᠭ᠋ ᠠᠷᠭᠠᠯ ᠰᠢᠷᠭᠠᠯ ᠥᠩᠭᠡ ᠲᠡᠢ ᠠᠯᠲᠠᠨ ᠦᠨᠡᠭᠡ ᠢᠷᠡᠭᠡᠳ ᠲᠠᠪᠤᠨ ᠥᠨᠳᠡᠭᠡᠨ ᠦ᠌ ᠪᠡᠨ ᠨᠢᠭᠡ ᠶ᠋ᠢ ᠲᠠ ᠨᠠᠳᠠ ᠳ᠋ᠤ᠌ ᠥᠭᠭᠦᠭᠡᠴᠢ ᠭᠡᠰᠡᠨ ᠶᠤᠮ ᠠ᠋᠂ ᠥᠭᠬᠦ ᠦᠭᠡᠢ ᠭᠡᠵᠦ ᠬᠡᠯᠡᠭᠰᠡᠨ ᠪᠣᠯᠪᠠᠴᠤ ᠴᠢᠮᠠ ᠶ᠋ᠢ ᠥᠭᠬᠦ ᠦᠭᠡᠢ ᠪᠣᠯ ᠠᠯᠲᠠᠨ ᠤᠯᠢᠶᠠᠰᠤ ᠶ᠋ᠢ ᠴᠢᠨᠢ ᠬᠤᠭᠤ ᠮᠥᠷᠭᠥᠨᠡ᠂ ᠠᠷᠢᠭᠤᠨ ᠬᠤᠳᠳᠤᠭ ᠢ᠋ ᠴᠢᠨᠢ ᠬᠣᠣ ᠰᠤᠷᠤᠨᠠ᠂ᠠᠷᠪᠠᠭᠠᠷ ᠳᠠᠯᠠᠪᠴᠢ ᠶ᠋ᠢ ᠴᠢᠨᠢ ᠬᠣᠣ ᠮᠠᠭᠠᠵᠢᠨᠠ᠂ ᠠᠰᠬᠠᠲᠤ ᠳᠠᠪᠠᠭᠠ ᠶ᠋ᠢ ᠴᠢᠨᠢ ᠰᠡᠳᠡ ᠲᠠᠭᠠᠷᠢᠨᠠ ᠭᠡᠵᠦ ᠰᠦᠷᠳᠡᠭᠦᠯᠦᠭᠡᠳ ᠪᠠᠢᠬᠤ ᠪᠠᠷ ᠨᠢ ᠠᠶᠤᠭᠠᠳ ᠥᠨᠳᠡᠭᠡ ᠪᠡᠨ ᠪᠢ ᠥᠭᠭᠦᠭᠰᠡᠭᠡᠷ ᠠᠳᠠᠭ ᠰᠡᠭᠦᠯ ᠳ᠋ᠦ᠍ ᠨᠢ ᠨᠢᠭᠡ ᠥᠨᠳᠡᠭᠡ ᠲᠡᠢ ᠬᠤᠴᠤᠷᠤᠭᠠᠳ ᠠᠷᠭᠠ ᠪᠠᠨ ᠣᠯᠬᠤ ᠦᠭᠡᠢ ᠤᠬᠢᠯᠠᠵᠤ ᠪᠠᠢᠨᠠ ᠳ᠋ᠠ》᠃
ᠣᠭᠣᠲᠣᠨᠠ ᠡᠭᠦᠨ ᠢ᠋ ᠰᠣᠨᠣᠰᠤᠭᠠᠳ᠄《ᠬᠦ ᠬᠦ᠂ ᠣᠳᠣ ᠢᠷᠡᠬᠦ ᠳ᠋ᠦ᠍ ᠨᠢ ᠲᠠ ᠢᠩᠭᠢᠵᠦ ᠬᠡᠯᠡ᠂ᠠᠯᠲᠠᠨ ᠤᠯᠢᠶᠠᠰᠤ ᠶ᠋ᠢ ᠮᠢᠨᠢ ᠬᠤᠭᠤ ᠮᠥᠷᠭᠥᠬᠦ ᠡᠪᠡᠷ᠂ ᠠᠷᠢᠭᠤᠨ ᠬᠤᠳᠳᠤᠭ ᠢ᠋ ᠮᠢᠨᠢ ᠬᠣᠣ ᠰᠣᠷᠣᠬᠤ ᠬᠣᠳᠣᠭᠣᠳᠣ ᠂ᠠᠷᠪᠠᠭᠠᠷ ᠳᠠᠯᠠᠪᠴᠢ ᠶ᠋ᠢ ᠮᠢᠨᠢ ᠬᠣᠣ ᠮᠠᠭᠠᠵᠢᠬᠤ ᠬᠢᠮᠤᠰᠤ᠂ ᠠᠰᠬᠠᠲᠤ ᠳᠠᠪᠠᠭᠠ ᠶ᠋ᠢ ᠮᠢᠨᠢ ᠰᠡᠳᠡ ᠳᠠᠭᠠᠷᠢᠬᠤ ᠬᠥᠯ ᠲᠡᠢ ᠪᠣᠯᠤᠭᠠᠳ ᠴᠢ ᠢᠩᠭᠢᠵᠦ ᠶᠠᠷᠢᠭᠠᠷᠠᠢ ᠭᠡᠵᠦ ᠬᠡᠯᠡᠭᠡᠷᠡᠢ》ᠭᠡᠵᠦ ᠦᠭᠡ ᠵᠢᠭᠠᠵᠤ ᠥᠭᠭᠦᠭᠡᠳ ᠶᠠᠪᠤᠵᠠᠢ ᠭᠡᠨᠡ᠃
ᠮᠠᠷᠭᠠᠰᠢ ᠥᠷᠯᠥᠭᠡ ᠨᠢ ᠦᠨᠡᠭᠡ ᠶ᠋ᠢ ᠢᠷᠡᠵᠦ ᠥᠨᠳᠡᠭᠡ ᠶ᠋ᠢ ᠨᠢ ᠨᠡᠬᠡᠬᠦ ᠳ᠋ᠦ᠍ ᠥᠨᠥᠬᠢ ᠭᠤᠷᠭᠤᠤᠯᠳᠠᠢ ᠣᠭᠣᠲᠣᠨᠠ ᠶ᠋ᠢᠨ ᠵᠢᠭᠠᠵᠤ ᠥᠭᠭᠦᠭᠰᠡᠨ ᠦᠭᠡ ᠶ᠋ᠢ ᠬᠡᠯᠡᠭᠰᠡᠨ ᠳ᠋ᠦ᠍ ᠠᠷᠭᠠᠲᠤ ᠦᠨᠡᠭᠡ ᠶ᠋ᠢᠨ ᠠᠭᠤᠷ ᠨᠢ ᠬᠥᠳᠡᠯᠵᠦ ᠠᠯᠲᠠᠨ ᠤᠯᠢᠶᠠᠰᠤ ᠶ᠋ᠢ ᠨᠢ ᠮᠥᠷᠭᠥᠬᠦ ᠭᠡᠳ ᠲᠠᠷᠢᠬᠢ ᠪᠠᠨ ᠬᠠᠭᠠᠯᠬᠤ ᠳᠥᠭᠥᠵᠡᠢ᠃ ᠠᠷᠢᠭᠤᠨ ᠬᠤᠳᠳᠤᠭ ᠢ᠋ ᠰᠣᠷᠣᠬᠤ ᠭᠡᠳ ᠬᠣᠳᠣᠭᠣᠳᠣ ᠪᠠᠨ ᠬᠠᠭᠠᠯᠬᠤ ᠰᠢᠬᠠᠵᠠᠢ᠃ ᠠᠷᠪᠠᠭᠠᠷ ᠳᠠᠯᠠᠪᠴᠢ ᠶ᠋ᠢ ᠨᠢ ᠮᠠᠭᠠᠵᠢᠬᠤ ᠭᠡᠳ ᠬᠢᠮᠤᠰᠤ ᠪᠠᠨ ᠪᠤᠯᠭᠤᠯᠬᠤ ᠳᠥᠭᠥᠵᠡᠢ᠂ ᠠᠰᠬᠠᠲᠤ ᠳᠠᠪᠠᠭᠠ ᠶ᠋ᠢ ᠨᠢ ᠰᠡᠳᠡ ᠳᠠᠭᠠᠷᠢᠬᠤ ᠭᠡᠳ ᠬᠥᠯ ᠵᠢᠨᠨ ᠬᠤᠭᠤᠯᠴᠢᠬᠠᠬᠤ ᠰᠢᠬᠠᠵᠠᠢ ᠭᠡᠨᠡ᠃ ᠡᠨᠡ ᠪᠦᠭᠦᠳᠡ ᠶ᠋ᠢ ᠡᠰᠡ ᠳᠡᠢᠯᠦᠭᠡᠳ ᠡᠴᠦᠰ ᠲᠦ᠍ ᠨᠢ ᠦᠨᠡᠭᠡ ᠠᠰᠠᠭᠤᠵᠠᠢ ᠭᠡᠨᠡ᠃《ᠲᠠᠨ ᠳ᠋ᠤ᠌ ᠢᠩᠭᠢᠵᠦ ᠬᠡᠯᠡ ᠭᠡᠵᠦ ᠬᠡᠨ ᠵᠢᠭᠠᠵᠤ ᠥᠭᠪᠡ ?》᠃《ᠬᠡᠨ ᠴᠦ᠍ ᠵᠢᠭᠠᠵᠤ ᠥᠭᠭᠦᠭᠡ ᠦᠭᠡᠢ》ᠭᠡᠵᠦ ᠬᠡᠨᠡᠭ ᠦᠭᠡᠢ ᠭᠤᠷᠭᠤᠤᠯᠳᠠᠢ ᠬᠠᠷᠢᠭᠤᠯᠪᠠ᠃
《ᠠ ᠲᠡᠢᠮᠦ ᠊ᠤᠤ ? ᠲᠦᠯᠡᠩᠬᠡᠢ ᠪᠣᠷᠣ ᠣᠭᠣᠲᠣᠨᠠ ᠲᠡᠭᠡᠵᠦ ᠬᠡᠯᠡᠭᠰᠡᠨ ᠪᠠᠢᠬᠤ ᠭᠡᠵᠦ ᠪᠢ ᠲᠠᠭᠠᠮᠠᠭᠯᠠᠵᠤ ᠪᠠᠢᠨᠠ᠂ ᠲᠡᠭᠦᠨ ᠢ᠋ ᠣᠴᠢᠵᠤ ᠢᠳᠡᠨᠡ》ᠭᠡᠳ ᠵᠠᠯᠢᠲᠤ ᠦᠨᠡᠭᠡ ᠰᠡᠭᠦᠯ ᠵᠢᠨᠨ ᠰᠢᠷᠪᠠᠭᠤᠯᠤᠨ ᠭᠦᠶᠦᠵᠡᠢ ᠃ᠠᠯᠲᠠᠨ ᠭᠤᠷᠭᠤᠤᠯᠳᠠᠢ ᠠᠷᠤ ᠠ᠋ᠴᠠ ᠨᠢ ᠳᠠᠭᠠᠵᠠᠢ ᠭᠡᠨᠡ᠃
ᠣᠭᠣᠲᠣᠨᠠ ᠶ᠋ᠢᠨ ᠭᠠᠳᠠᠭᠠ ᠦᠨᠡᠭᠡ ᠣᠴᠢᠭᠠᠳ ᠳᠠᠭᠤᠳᠠᠭᠰᠠᠨ ᠳ᠋ᠤ᠌᠄《ᠬᠦᠯᠢᠶᠡᠵᠦ ᠪᠠᠢ᠂ ᠪᠢ ᠭᠠᠯ ᠵᠢᠨᠨ ᠲᠦᠯᠡᠵᠦ ᠪᠠᠢᠨᠠ》ᠭᠡᠵᠦ ᠣᠭᠣᠲᠣᠨᠠ ᠬᠠᠷᠢᠭᠤᠯᠵᠠᠢ᠃ ᠳᠠᠬᠢᠭᠠᠳ ᠳᠠᠭᠤᠳᠠᠭᠰᠠᠨ ᠳ᠋ᠤ᠌᠄《ᠪᠠᠢᠵᠠ᠂ ᠴᠠᠢ ᠪᠠᠨ ᠴᠢᠨᠠᠵᠤ ᠪᠠᠢᠨᠠ》ᠭᠡᠵᠡᠢ ᠭᠡᠨᠡ᠃ ᠠᠷᠭᠠᠲᠤ ᠦᠨᠡᠭᠡ ᠢᠩᠭᠢᠵᠦ ᠬᠡᠯᠡᠵᠡᠢ᠄《ᠦ᠂ ᠣᠭᠣᠲᠣᠨᠠ ᠶ᠋ᠢᠨ ᠳᠤᠤᠭᠠᠷᠬᠤ ᠶᠠᠮᠠᠷ ᠰᠠᠢᠬᠠᠨ ᠶᠤᠮ ᠪᠣᠢ ! ᠣᠯᠠᠨ ᠠᠮᠢᠲᠠᠳ ᠢᠷᠡᠭᠡᠳ ᠰᠣᠨᠣᠰᠤᠭᠠᠳ ᠵᠣᠭᠰᠣᠵᠤ ᠪᠠᠢᠨᠠ ᠂ ᠪᠤᠲᠠᠨ ᠳᠡᠭᠡᠷᠡ ᠪᠡᠨ ᠭᠠᠷᠴᠤ ᠢᠷᠡᠭᠡᠳ ᠪᠤᠪᠠᠷ ᠪᠤᠪᠠᠷ ᠭᠡᠪᠡᠯ ᠠᠮᠢᠲᠠᠳ ᠣᠯᠠᠨ ᠵᠢᠨᠷ ᠵᠢᠨᠨ ᠰᠣᠨᠢᠷᠬᠠᠵᠤ᠂ ᠴᠢᠮᠠ ᠳ᠋ᠤ᠌ ᠪᠠᠶᠠᠷ ᠬᠦᠷᠭᠡᠨᠡ ᠳᠡ》ᠭᠡᠰᠡᠨ ᠳ᠋ᠦ᠍ ᠣᠭᠣᠲᠣᠨᠠ ᠡᠭᠦᠨ ᠢ᠋ ᠰᠣᠨᠣᠰᠤᠭᠠᠳ ᠪᠤᠲᠠᠨ ᠳᠡᠭᠡᠷᠡ ᠪᠡᠨ ᠭᠠᠷᠲᠠᠯᠠ᠂ ᠤᠲᠤᠵᠤ ᠪᠠᠢᠭᠰᠠᠨ ᠦᠨᠡᠭᠡ ᠲᠡᠭᠦᠨ ᠢ᠋ ᠪᠠᠷᠢᠭᠠᠳ ᠠᠮᠠᠨ ᠳ᠋ᠤ᠌ ᠪᠠᠨ ᠬᠢᠴᠢᠬᠡᠪᠡ᠃
ᠠᠯᠲᠠᠨ ᠭᠤᠷᠭᠤᠤᠯᠳᠠᠢ ᠳᠠᠭᠤ ᠦᠭᠡᠢ ᠪᠠᠢᠭᠰᠠᠨ ᠵᠢᠨᠨ᠄《ᠠᠩᠭᠠᠷ ᠠᠩᠭᠠᠷ ᠭᠡᠵᠦ ᠢᠳᠡᠪᠡᠯ ᠠᠮᠲᠠᠲᠠᠢ ᠪᠠᠢᠳᠠᠭ ᠰᠠᠨ᠂ ᠥᠮᠥᠷ ᠥᠮᠥᠷ ᠭᠡᠵᠦ ᠢᠳᠡᠬᠦ ᠴᠢᠨᠢ ᠦᠮᠡᠬᠡᠢ ᠪᠣᠯᠳᠠᠭ ᠶᠤᠮ ᠭᠡᠰᠡᠨ》ᠭᠡᠵᠦ ᠬᠡᠯᠡᠭᠰᠡᠨ ᠳ᠋ᠦ᠍᠂ᠵᠠᠯᠢᠲᠤ ᠰᠢᠷᠠ ᠦᠨᠡᠭᠡ ᠠᠩᠭᠠᠷ ᠠᠩᠭᠠᠷ ᠭᠡᠵᠦ ᠪᠠᠢᠭᠠᠳ ᠠᠮᠠᠨ ᠠ᠋ᠴᠠ ᠪᠠᠨ ᠣᠭᠣᠲᠣᠨᠠ ᠪᠠᠨ ᠭᠠᠷᠭᠠᠭᠠᠳ ᠠᠯᠳᠠᠴᠢᠬᠠᠵᠠᠢ᠃
ᠵᠠᠯᠢᠲᠤ ᠰᠢᠷᠭᠠᠯ ᠦᠨᠡᠭᠡ ᠣᠭᠣᠲᠣᠨᠠ ᠶ᠋ᠢᠨ ᠬᠣᠢᠨᠠ ᠠ᠋ᠴᠠ ᠬᠥᠭᠡᠭᠡᠭᠰᠡᠨ ᠳ᠋ᠦ᠍᠂ ᠣᠭᠣᠲᠣᠨᠠ ᠮᠥᠰᠥᠨ ᠳᠡᠭᠡᠭᠦᠷ ᠭᠠᠷᠬᠤ ᠳ᠋ᠤ᠌ ᠪᠠᠨ ᠬᠠᠮᠠᠷ ᠵᠢᠨᠷ ᠵᠢᠨᠨ ᠰᠦᠬᠡᠯᠡᠨ ᠤᠨᠠᠴᠢᠬᠠᠵᠠᠢ ᠭᠡᠨᠡ᠃ ᠲᠡᠭᠡᠲᠡᠯᠡ ᠮᠥᠰᠥᠨ ᠳᠡᠭᠡᠷᠡ ᠬᠠᠮᠠᠷ ᠠ᠋ᠴᠠ ᠨᠢ ᠦᠯᠦ ᠢᠯᠠᠬᠤ ᠴᠢᠰᠤ ᠲᠤᠰᠤᠴᠢᠬᠠᠪᠠ᠃《ᠦᠨᠡᠭᠡ ᠭᠤᠸᠠᠢ ᠦᠨᠡᠭᠡ ᠭᠤᠸᠠᠢ ᠳᠣᠯᠢᠶᠠᠭᠠᠷᠠᠢ》ᠭᠡᠵᠦ ᠠᠯᠲᠠᠨ ᠭᠤᠷᠭᠤᠤᠯᠳᠠᠢ ᠬᠡᠯᠡᠭᠰᠡᠨ ᠳ᠋ᠦ᠍᠂ ᠦᠨᠡᠭᠡ ᠳᠣᠯᠢᠶᠠᠭᠠᠳ ᠣᠷᠬᠢᠲᠠᠯᠠ᠂ ᠬᠡᠯᠡ ᠨᠢ ᠮᠥᠰᠥᠨ ᠳ᠋ᠦ᠍ ᠨᠠᠭᠠᠯᠳᠤᠴᠢᠬᠠᠵᠠᠢ᠃
ᠣᠭᠣᠲᠣᠨᠠ ᠭᠤᠷᠭᠤᠤᠯᠳᠠᠢ ᠬᠣᠶᠠᠷ ᠣᠷᠣᠨ ᠪᠠᠢᠷᠢᠨ ᠳ᠋ᠤ᠌ ᠪᠠᠨ ᠣᠴᠢᠵᠤ᠂ᠠᠮᠤᠷ ᠵᠢᠮᠦᠷ ᠲᠤᠬᠠᠯᠠᠬᠤ ᠳ᠋ᠤ᠌᠂ ᠣᠷᠣ ᠭᠠᠭᠴᠠᠭᠠᠷ ᠵᠢᠨᠨ ᠵᠣᠪᠠᠭᠰᠠᠨ ᠦᠨᠡᠭᠡ ᠤᠷᠢᠯᠠᠭᠰᠠᠭᠠᠷ ᠬᠣᠴᠣᠷᠴᠠᠢ ᠭᠡᠨᠡ᠃