ᠬᠦᠯᠦᠭ ᠮᠢᠨᠢ ᠰᠢᠯᠦᠭ ᠯᠠ ᠶᠤᠮ ᠳ᠋ᠠ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Хүлэг минь шүлэг л юм даа –Ёндоны Билиг - Баатар
360ᠬᠥᠯᠥᠭ ᠮᠢᠨᠢ ᠰᠢᠯᠦᠭ ᠯᠠ ᠶᠤᠮ ᠳ᠋ᠠ
ᠬᠥᠮᠥᠨ ᠦ ᠨᠤᠲᠤᠭ ᠠᠢᠯ ᠤᠨ ᠪᠡᠯᠴᠢᠭᠡᠷ ᠲᠦ
ᠬᠥᠯᠥᠭ ᠮᠢᠨᠢ ᠰᠢᠯᠦᠭᠯᠡᠭᠡᠳ ᠭᠣᠷᠢ ᠦᠭᠡᠢ
ᠳᠠᠰᠤᠷᠬᠠᠢ᠂ ᠳᠡᠩᠳᠡᠭᠦᠦ ᠳᠠᠰᠤᠷᠬᠠᠢ ᠲᠥᠷᠥᠭᠰᠡᠨ
ᠲᠠᠨᠢᠯᠴᠠᠭᠠᠳᠤᠢ ᠥᠬᠢᠳ ᠨᠢ ᠮᠤᠨᠳᠠᠭ ᠪᠠᠢᠭᠰᠠᠨ
ᠰᠣᠴᠢᠮᠠᠭ ᠲᠦᠷᠭᠡᠨ ᠨᠠᠢᠵᠠᠯᠠᠭᠰᠠᠨ ᠤ ᠰᠢᠯᠲᠠᠭᠠᠨ
ᠰᠣᠬᠣᠷ ᠰᠥᠨᠢ ᠪᠡᠷ ᠱᠠᠯ ᠰᠣᠭᠲᠣᠭᠰᠠᠨ ᠤᠴᠢᠷ
ᠰᠣᠨᠢᠨ ᠭᠠᠢᠬᠠᠮᠰᠢᠭ ᠢ ᠨᠢ ᠰᠣᠨᠢᠷᠬᠠᠭᠰᠠᠨ ᠵᠣᠯ
ᠰᠣᠯᠢᠭᠠᠢ ᠵᠥᠪ ᠨᠠᠷᠭᠢᠯᠳᠤᠭᠰᠠᠨ ᠤ ᠦᠢᠯᠡ᠃
ᠢᠷᠠᠭᠤ ᠨᠠᠢᠷᠠᠭᠴᠢ ᠠᠨᠳᠠᠰ ᠲᠠᠢ ᠪᠠᠨ ᠯᠠ
ᠢᠷᠭᠤᠢ ᠶᠢᠨ ᠴᠣᠮᠣᠷᠯᠢᠭ ᠢ ᠳᠡᠯᠭᠡᠭᠰᠡᠨ ᠳ᠋ᠸ
ᠭᠣᠢᠳᠠ ᠴᠢᠭᠢᠭᠯᠢᠭ ᠴᠡᠴᠡᠭ ᠦᠨ ᠠᠮᠲᠠ
ᠭᠣᠯᠣᠮᠲᠠ ᠨᠤᠲᠤᠭ ᠢ ᠮᠢᠨᠢ ᠲᠠᠭ ᠮᠠᠷᠲᠠᠭᠤᠯᠵᠠᠢ
ᠥᠷᠥᠭᠡᠯ ᠦᠨ ᠠᠭᠠᠷ ᠰᠠᠯᠬᠢ ᠰᠡᠪᠡᠯᠵᠡᠭᠡᠳ ᠯᠠ
ᠥᠷᠥᠴᠡ ᠰᠡᠳᠬᠢᠯ ᠢ ᠠᠷᠢᠭᠤᠰᠬᠠᠬᠤ ᠰᠠᠢᠬᠠᠨ
ᠥᠪᠥᠷ ᠮᠣᠩᠭᠣᠯ ᠤᠨ ᠮᠢᠨᠢ ᠥᠷᠭᠡᠨ ᠨᠤᠲᠤᠭ
ᠥᠭᠡᠷᠡ ᠮᠤᠵᠢ ᠠᠴᠠ ᠨᠢᠭᠡ ᠯᠠ ᠣᠨᠳᠣᠣ
ᠭᠠᠵᠠᠷ ᠰᠢᠷᠣᠢ ᠨᠢ ᠡᠭᠡᠭᠡ ᠯᠠ ᠲᠣᠷᠭᠠ!
ᠭᠠᠩ ᠬᠠᠭᠤᠷᠠᠢ ᠴᠦ᠍ ᠰᠦᠨ ᠪᠣᠷᠣᠭᠠ ᠲᠠᠢ!
ᠭᠠᠳᠠᠭᠠᠳᠤ ᠲᠣᠲᠣᠭᠠᠳᠤ ᠪᠠᠷ ᠣᠯᠠᠨ ᠶᠠᠪᠤᠯᠠ
ᠭᠠᠭᠴᠠᠬᠠᠨ ᠨᠤᠲᠤᠭ ᠯᠠ ᠥᠯᠥᠭᠡᠢ ᠪᠠᠢᠯᠠ
ᠬᠥᠮᠥᠨ ᠦ ᠨᠤᠲᠤᠭ ᠯᠠ ᠭᠡᠬᠦ ᠡᠴᠡ ᠳ᠋ᠠ
ᠬᠥᠬᠡ ᠮᠣᠩᠭᠣᠯ ᠣᠷᠣᠨ ᠪᠦᠭᠦᠳᠡ ᠮᠢᠨᠦᠬᠢ
ᠰᠢᠯᠦᠭ ᠮᠢᠨᠢ ᠣᠩᠭᠣᠳ ᠮᠢᠨᠢ ᠣᠢ ᠮᠢᠨᠢ
ᠤᠷᠤᠰᠤᠮᠠ ᠵᠢᠷᠣᠭᠠ ᠪᠠᠢᠳᠠᠭ ᠤᠨ ᠰᠢᠯᠲᠠᠭ
ᠬᠥᠯᠥᠭ ᠮᠢᠨᠢ ᠦᠦᠷᠰᠡᠬᠦ ᠪᠡᠷ ᠢᠶᠡᠨ ᠪᠦᠷ
ᠤᠶᠠᠷᠠᠨ ᠤᠶᠠᠩᠭᠠᠯᠠᠭᠠᠳ ᠪᠠᠢᠭᠰᠠᠨ ᠤ ᠬᠢ᠃
ᠬᠥᠯᠥᠭ ᠰᠢᠯᠦᠭ ᠴᠣᠭ ᠬᠥᠷᠪᠡᠭᠡᠭᠰᠡᠨ ᠭᠠᠵᠠᠷ
ᠬᠥᠬᠡ ᠢᠷᠭᠤᠢ ᠨᠠᠢᠷᠠᠭ ᠢᠶᠠᠷ ᠮᠢᠰᠢᠶᠡᠳᠡᠭ
ᠬᠥᠨᠥᠭ ᠲᠠᠢ ᠠᠢᠷᠠᠭ ᠢᠷᠠᠭᠤ ᠡᠭᠡᠰᠢᠭᠯᠡᠳᠡᠭ
ᠬᠡᠦᠬᠡᠳ ᠭᠥᠯᠥᠭᠡ ᠬᠠᠮᠲᠤ ᠥᠰᠳᠡᠭ ᠳ᠋ᠸ
ᠬᠥᠭᠡᠷᠦᠬᠦᠢ ᠳ᠋ᠧ ᠭᠡᠬᠦ ᠭᠠᠭᠴᠠᠬᠠᠨ ᠯᠠ
ᠬᠥᠩᠭᠡᠨ ᠤᠩᠰᠢᠯᠭᠠ ᠲᠠᠷᠨᠢ ᠲᠠᠢ
ᠬᠥᠭᠰᠢᠳ ᠡᠪᠦᠭᠡᠳ ᠯᠠ ᠶᠣᠰᠣᠲᠠᠢ
ᠬᠥᠭᠡᠷᠦᠬᠦᠢ ᠰᠠᠢᠬᠠᠨ ᠴᠡᠩᠬᠡᠳᠡᠭ ᠳ᠋ᠸ ᠡ
ᠬᠥᠯᠥᠭ ᠮᠢᠨᠢ ᠰᠢᠯᠦᠭ ᠯᠠ ᠶᠤᠮ ᠳ᠋ᠸ
ᠰᠢᠯᠦᠭ ᠮᠢᠨᠢ ᠰᠠᠨᠰᠠᠷ ᠯᠠ ᠶᠤᠮ ᠳ᠋ᠸ
ᠰᠠᠨᠰᠠᠷ ᠮᠢᠨᠢ ᠬᠣᠨᠣᠭ ᠪᠤᠳᠠᠭᠠᠨ ᠤ ᠠᠶᠠᠭᠠ
ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠦ ᠰᠢᠨᠡ ᠵᠠᠶᠠᠭᠠ
ᠰᠣᠯᠣᠩᠭᠠᠨ ᠬᠥᠯᠥᠭ ᠪᠣᠯ ᠢᠷᠠᠭᠤ ᠨᠠᠢᠷᠠᠭ ᠶᠤᠮ
ᠰᠥᠨᠢ ᠶᠢᠨ ᠫᠠᠳ ᠬᠠᠷᠠᠩᠭᠤᠢ ᠳᠦ ᠰᠠᠴᠤᠷᠠᠳᠠᠭ
ᠰᠦᠨᠡᠰᠦᠨ ᠦ ᠴᠢᠯᠦᠭᠡᠲᠦ ᠬᠢᠵᠠᠭᠠᠷ ᠢ ᠲᠡᠯᠡᠳᠡᠭ
ᠰᠣᠯᠢᠶᠠᠷᠠᠬᠤ ᠲᠠᠢ ᠪᠠᠷᠤᠭ ᠳᠦᠰᠦᠭᠡᠲᠡᠢ ᠶᠤᠮ᠃
2024᠂ 4᠂ 7᠃ ᠦᠳᠡ ᠡᠮᠦᠨᠡ᠃
ᠤᠷᠳᠤᠰ ᠬᠣᠲᠠᠨᠠ ᠭᠢᠯᠠᠰ ᠪᠦᠲᠦᠭᠡᠪᠡᠢ᠃