ᠬᠡᠯᠡ ᠶᠠᠷᠢᠶᠠᠨ ᠤ᠋ ᠣᠷᠴᠢᠨ ᠢ᠋ᠶ᠋ᠠᠨ ᠴᠡᠪᠡᠷᠰᠢᠭᠦᠯᠦᠶᠡ-ᠳᠤᠯᠠᠭᠠᠨХэл ярины орчноо цэвэршүүлье-Дулаа
1033ᠬᠡᠯᠡ ᠶᠠᠷᠢᠶᠠᠨ ᠤ᠋ ᠣᠷᠴᠢᠨ ᠢ᠋ᠶ᠋ᠠᠨ ᠴᠡᠪᠡᠷᠰᠢᠭᠦᠯᠦᠶᠡ
ᠳᠤᠯᠠᠭᠠᠨ
ᠵᠠ᠂ ᠰᠠᠢᠨ ᠪᠠᠢᠴᠠᠭᠠᠨᠠ ᠤᠤ? ᠰᠠᠢᠬᠠᠨ ᠨᠠᠮᠤᠷᠵᠢᠵᠤ ᠪᠠᠢᠨᠠ ᠤᠤ? ᠪᠣᠷᠣᠭᠠᠨ ᠲᠠᠢ ᠦᠳᠡᠰᠢ ᠶ᠋ᠢᠨ ᠮᠡᠨᠳᠦ ᠶ᠋ᠢ ᠬᠦᠷᠭᠡᠵᠦ ᠪᠠᠢᠨᠠ!
ᠳᠠᠷᠬᠠᠨ ᠮᠤᠤᠮᠢᠩᠭᠠᠨ ᠤ᠋ ᠪᠣᠷᠣᠭᠴᠢᠨ ᠵᠢᠯᠠᠭᠠ ᠭᠡᠳᠡᠭ ᠭᠠᠵᠠᠷ ᠠ᠋ᠴᠠ ᠶᠠᠷᠢᠵᠤ ᠪᠠᠢᠨᠠ᠂ ᠡᠨᠳᠡ ᠨᠢᠭᠡ ᠵᠦᠢᠯ ᠢ᠋ ᠲᠣᠳᠣᠷᠬᠠᠢᠯᠠᠵᠤ᠂ ᠥᠪᠡᠷ ᠦ᠋ᠨ ᠦᠵᠡᠯ ᠪᠣᠳᠣᠯ ᠢ᠋ᠶ᠋ᠠᠨ ᠢᠯᠡᠷᠬᠡᠢᠯᠡᠬᠦ ᠭᠡᠰᠡᠨ ᠶᠦᠮ᠃ ᠣᠳᠣ ᠣᠨᠴᠠᠭᠠᠢᠯᠠᠨ ᠦᠭᠡ ᠬᠡᠯᠡᠨ ᠦ᠌ ᠲᠠᠯᠠ ᠳᠡᠭᠡᠷᠡ ᠶᠡᠷᠦᠩᠬᠡᠢ ᠳ᠋ᠦ᠍ ᠪᠡᠨ ᠣᠳᠣ ᠮᠣᠩᠭᠣᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠶᠠᠷᠢᠵᠤ ᠪᠠᠷᠢᠮᠲᠠᠯᠠᠵᠤ ᠪᠠᠢᠭᠠ ᠣᠳᠣ ᠪᠢᠳᠡ ᠮᠡᠲᠦ ᠶ᠋ᠢᠨ ᠬᠡᠰᠡᠭ ᠪᠦᠯᠦᠭ ᠬᠥᠮᠦᠰ ᠪᠠᠢᠳᠠᠭ᠃ ᠡᠭᠦᠨ ᠢ᠋ ᠪᠡᠨ ᠬᠥᠮᠦᠰ ᠶᠡᠬᠡ ᠱᠣᠭᠯᠠᠳᠠᠭ᠄《ᠴᠢ ᠯᠡ ᠨᠢᠭᠡ ᠮᠣᠩᠭᠣᠯ ᠪᠣᠯᠴᠢᠬᠠᠵᠠᠢ᠂ ᠣ᠁ ᠪᠢᠲᠡᠭᠡᠢ ᠨᠢᠭᠡ ᠮᠠᠶᠢᠭᠯᠠᠭᠠᠳ ᠪᠠᠢ!》 ᠭᠡᠵᠦ ᠲᠡᠭᠡᠭᠡᠳ ᠶᠡᠬᠡ ᠬᠡᠯᠡᠳᠡᠭ᠃ ᠣᠳᠣ ᠪᠢᠳᠡ ᠡᠨᠡ ᠤᠳᠠᠭᠠᠨ ᠤ᠋ ᠡᠨᠡ ᠬᠠᠯᠠᠮᠰᠢᠯ ᠠᠰᠠᠭᠤᠳᠠᠯ ᠳᠡᠭᠡᠷᠡ ᠣᠳᠣ ᠢᠩᠭᠢᠬᠦ ᠪᠡᠨ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠪᠣᠯᠢᠶᠠ!
ᠬᠥᠮᠦᠨ ᠪᠦᠬᠦᠨ ᠪᠠᠷᠢᠮᠲᠠᠯᠠᠶᠠ᠂ ᠨᠢᠭᠡ ᠦᠭᠡ ᠨᠢᠭᠡ ᠥᠭᠦᠯᠡᠪᠦᠷᠢ ᠡᠴᠡ ᠡᠬᠢᠯᠡᠵᠦ ᠣᠳᠣ ᠬᠤᠪᠢᠷᠠᠭᠠᠵᠠᠭᠠᠶᠠ᠃ ᠶᠠᠭᠠᠬᠢᠭᠠᠳ ᠭᠡᠪᠡᠯ ᠪᠢᠳᠡ ᠨᠠᠷ ᠤ᠋ᠨ ᠬᠡᠯᠡ ᠪᠠᠶᠠᠯᠢᠭ ᠲᠠᠩᠰᠤᠭ ᠭᠡᠵᠦ ᠶᠠᠷᠢᠳᠠᠭ᠃ ᠲᠡᠢᠮᠦ ᠡᠴᠡ ᠪᠣᠯ ᠲᠠᠩᠰᠤᠭ ᠢ᠋ ᠨᠢ ᠪᠢᠳᠡ ᠦᠵᠡᠭᠦᠯᠬᠦ ᠬᠡᠷᠡᠭᠲᠡᠢ! ᠠ᠂ ᠵᠥᠪᠬᠡᠨ ᠨᠣᠮ ᠳᠡᠭᠡᠷᠡ ᠲᠠᠩᠰᠤᠭ ᠪᠠᠢᠭᠰᠠᠨ᠂ ᠲᠡᠦᠬᠡᠨ ᠳ᠋ᠦ᠍ ᠲᠠᠩᠰᠤᠭ ᠪᠠᠢᠭᠰᠠᠨ ᠭᠡᠵᠦ ᠪᠣᠯᠬᠤ ᠦᠭᠡᠢ᠂ ᠦᠶᠡ ᠶ᠋ᠢᠨ ᠦᠶᠡ ᠳ᠋ᠦ᠍ ᠲᠠᠩᠰᠤᠭ ᠪᠠᠢᠵᠤ ᠰᠠᠶᠢ ᠡᠨᠡ ᠬᠡᠯᠡ ᠲᠠᠩᠰᠤᠭ ᠪᠠᠢᠵᠤ ᠴᠢᠳᠠᠬᠤ ᠪᠣᠯᠤᠨᠠ᠃ ᠣᠳᠣ ᠨᠢᠭᠡ ᠨᠢ ᠭᠠᠵᠠᠷ ᠣᠷᠣᠨ ᠤ᠋ ᠠᠶᠠᠯᠭᠠ ᠶᠡᠬᠡ ᠣᠯᠠᠨ ᠪᠠᠢᠳᠠᠭ᠃ ᠲᠡᠭᠡᠭᠡᠳ ᠪᠡᠶᠡ ᠪᠡᠶᠡ ᠪᠡᠨ ᠱᠣᠭᠯᠠᠬᠤ ᠦᠭᠡᠢ᠂ ᠪᠡᠶᠡ ᠪᠡᠶᠡ ᠳ᠋ᠦ᠍ ᠪᠡᠨ ᠤᠷᠮᠠ ᠥᠭᠭᠦᠨᠡ᠃ ᠡᠨᠡ ᠳᠣᠲᠣᠷᠠ ᠣᠨᠴᠠᠭᠠᠢᠯᠠᠨ ᠮᠠᠨ ᠤ᠋ ᠬᠣᠷᠴᠢᠨ ᠮᠣᠩᠭᠣᠯᠴᠤᠳ ᠲᠤ ᠪᠠᠨ ᠪᠢᠳᠡ ᠣᠳᠣ ᠤᠷᠮᠠ ᠥᠭᠬᠦ ᠬᠡᠷᠡᠭᠲᠡᠢ᠃ ᠬᠣᠷᠴᠢᠨ ᠤ᠋ ᠮᠣᠩᠭᠣᠯᠴᠤᠳ ᠮᠠᠨᠢ ᠴᠤ᠌ ᠭᠡᠰᠡᠨ ᠪᠡᠶᠡ ᠳ᠋ᠦ᠍ ᠪᠡᠨ ᠢᠲᠡᠭᠡᠯ ᠲᠡᠢ᠂ ᠨᠤᠲᠤᠭ ᠣᠷᠣᠨ ᠤ᠋ ᠪᠠᠨ ᠠᠶᠠᠯᠭᠠ ᠲᠠᠢ ᠪᠠᠷ ᠢ᠋ᠶ᠋ᠠᠨ ᠮᠣᠩᠭᠣᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠶᠠᠷᠢᠵᠤ ᠪᠠᠷᠢᠮᠲᠠᠯᠠᠶᠠ᠂ ᠢᠩᠭᠢᠪᠡᠯ ᠪᠢᠳᠡ ᠰᠠᠶᠢ ᠣᠯᠠᠭᠤᠯᠠ ᠪᠠᠨ ᠪᠣᠯᠵᠤ ᠴᠢᠳᠠᠨᠠ᠃
ᠰᠠᠢᠨ ᠤᠤ ᠭᠡᠵᠦ ᠲᠠᠨ ᠲᠠᠢ ᠮᠠᠨᠳᠤᠯᠠᠶᠠ᠂
ᠰᠠᠢᠨ ᠭᠡᠰᠡᠨ ᠬᠠᠷᠢᠭᠤ ᠶ᠋ᠢ ᠲᠠᠨᠢ ᠰᠣᠨᠣᠰᠤᠶᠠ᠂
ᠢᠩᠭᠢᠵᠦ ᠠᠭᠤᠯᠵᠠᠭᠰᠠᠨ ᠬᠣᠶᠠᠷ ᠬᠥᠮᠦᠨ ᠢ᠋᠂
ᠡᠨᠡ ᠳᠡᠯᠡᠬᠡᠢ ᠮᠣᠩᠭᠣᠯ ᠭᠡᠳᠡᠭ ᠶᠦᠮ᠂
ᠢᠩᠭᠢᠵᠦ ᠬᠡᠯᠡᠭᠰᠡᠨ ᠬᠣᠶᠠᠷᠬᠠᠨ ᠦᠭᠡ ᠶ᠋ᠢ ᠴᠦ᠍᠂
ᠡᠨᠡ ᠳᠡᠯᠡᠬᠡᠢ ᠮᠣᠩᠭᠣᠯ ᠭᠡᠳᠡᠭ ᠶᠦᠮ ᠠ᠋᠃
ᠶᠡᠷᠦ ᠨᠢ ᠡᠬᠡ ᠬᠡᠯᠡᠨ ᠦ᠌ ᠲᠠᠯᠠ ᠳ᠋ᠤ᠌ ᠪᠢᠳᠡᠨ ᠦ᠌ ᠬᠢᠵᠦ ᠴᠢᠳᠠᠬᠤ ᠠᠵᠢᠯ ᠮᠠᠨᠢ ᠶᠠᠭᠤ ᠪᠠᠢᠨᠠ ᠪᠣᠢ ᠭᠡᠬᠦ ᠪᠡᠷ ᠣᠳᠣ ᠠ᠋ᠴᠠ ᠪᠠᠨ ᠡᠬᠢᠯᠡᠵᠦ᠂ ᠰᠠᠨᠠᠭᠰᠠᠨ ᠴᠠᠭ ᠠ᠋ᠴᠠ ᠪᠠᠨ ᠡᠬᠢᠯᠡᠭᠡᠳ ᠬᠥᠮᠦᠨ ᠪᠦᠬᠦᠨ ᠡᠬᠡ ᠪᠣᠯᠤᠭᠰᠠᠨ ᠮᠣᠩᠭᠣᠯ ᠬᠡᠯᠡ ᠪᠡᠷ ᠢ᠋ᠶ᠋ᠡᠨ ᠬᠣᠯᠢᠴᠠ ᠦᠭᠡᠢ ᠶᠠᠷᠢᠬᠤ᠂ ᠡᠭᠦᠨ ᠦ᠌ ᠰᠠᠭᠤᠷᠢᠨ ᠳᠡᠭᠡᠷᠡ ᠪᠤᠰᠤᠳ ᠬᠡᠯᠡ ᠶ᠋ᠢ ᠪᠠᠰᠠ ᠬᠣᠯᠢᠴᠠ ᠦᠭᠡᠢ ᠰᠠᠢᠬᠠᠨ ᠶᠠᠷᠢᠬᠤ᠂ ᠰᠤᠷᠬᠤ ᠶᠡᠬᠡ ᠴᠢᠬᠤᠯᠠ ᠪᠠᠢᠨᠠ᠃
ᠰᠤᠷᠬᠤ ᠪᠠᠷ ᠵᠡᠪᠰᠡᠭᠯᠡᠭᠰᠡᠨ ᠨᠢᠭᠡ ᠦᠨᠳᠦᠰᠦᠲᠡᠨ ᠦ᠌ ᠢᠷᠡᠭᠡᠳᠦᠢ ᠮᠠᠰᠢ ᠴᠢᠬᠤᠯᠠ ᠪᠠᠢᠭᠠ᠂ ᠢᠩᠭᠢᠭᠡᠳ ᠮᠢᠩᠭᠠᠨ ᠰᠤᠷᠤᠭᠴᠢ ᠲᠠᠢ ᠰᠤᠷᠭᠠᠭᠤᠯᠢ ᠭᠡᠬᠦ ᠳ᠋ᠦ᠍ ᠠᠢᠯ ᠪᠣᠯᠭᠠᠨ ᠮᠣᠩᠭᠣᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠶᠠᠷᠢᠭᠠᠳ᠂ ᠮᠢᠩᠭᠠᠨ ᠠᠢᠯ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠮᠣᠩᠭᠣᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠶᠠᠷᠢᠬᠤ ᠶ᠋ᠢ ᠪᠠᠷᠢᠮᠲᠠᠯᠠᠵᠤ ᠢᠷᠡᠬᠦ ᠦᠶᠡ ᠳ᠋ᠦ᠍ ᠮᠢᠩᠭᠠᠨ ᠰᠤᠷᠤᠭᠴᠢ ᠲᠠᠢ ᠰᠤᠷᠭᠠᠭᠤᠯᠢ ᠬᠡᠯᠡ ᠶᠠᠷᠢᠶᠠᠨ ᠤ᠋ ᠣᠷᠴᠢᠨ ᠴᠡᠪᠡᠷᠰᠢᠬᠦ ᠪᠣᠯᠤᠨᠠ᠃
ᠡᠭᠦᠨ ᠳ᠋ᠦ᠍ ᠪᠣᠯ ᠬᠥᠮᠦᠨ ᠪᠦᠬᠦᠨ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠪᠢᠳᠡ ᠬᠢᠵᠦ ᠴᠢᠳᠠᠬᠤ ᠠᠵᠢᠯ ᠢ᠋ᠶ᠋ᠠᠨ ᠬᠢᠵᠡᠭᠡᠶᠡ᠂ ᠬᠠᠤᠯᠢ ᠵᠦᠢ᠂ ᠡᠷᠬᠡ ᠵᠦᠢ ᠶ᠋ᠢᠨ ᠬᠦᠷᠢᠶᠡ ᠬᠡᠪᠴᠢᠶᠡᠨ ᠳ᠋ᠦ᠍ ᠥᠪᠡᠷ ᠦ᠋ᠨ ᠡᠷᠬᠡ ᠠᠰᠢᠭ ᠢ᠋ᠶ᠋ᠠᠨ ᠬᠠᠮᠠᠭᠠᠯᠠᠶᠠ᠂ ᠥᠪᠡᠷ ᠦ᠋ᠨ ᠪᠡᠶᠡ ᠡᠴᠡ ᠪᠡᠨ ᠡᠬᠢᠯᠡᠶᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠮᠥᠩᠬᠡ ᠭᠠᠯ
ᠦᠰᠦᠭ ᠬᠠᠳᠠᠭᠴᠢ᠄ ᠮᠥᠩᠬᠡ ᠭᠠᠯ
ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ᠂ ᠬᠦᠳᠡᠷᠪᠣᠯᠤᠳ