ᠤᠰᠤᠨ ᠬᠣᠨᠣᠭУсан хоног
395
ᠤᠰᠤᠨ ᠬᠣᠨᠣᠭ
ᠦᠶᠡᠲᠦ ᠤᠷᠭᠤᠮᠠᠯ ᠤ᠋ᠨ ᠢᠵᠠᠭᠤᠷ
ᠨᠢᠭᠡ ᠨᠠᠰᠤᠲᠤ ᠡᠪᠡᠰᠦᠯᠡᠭ ᠤᠷᠭᠤᠮᠠᠯ᠃ ᠰᠦᠷᠡᠯ ᠨᠢ ᠣᠵᠣᠭᠣᠢ ᠠ᠋ᠴᠠ ᠲᠠᠰᠢᠭᠤᠯᠠᠵᠤ ᠤᠷᠭᠤᠨᠠ᠂ ᠦᠰᠦ ᠦᠭᠡᠢ᠂ ᠭᠢᠯᠦᠭᠡᠷ᠂50—130cm ᠥᠨᠳᠥᠷ ᠨᠠᠪᠴᠢᠨ ᠤ᠋ ᠲᠣᠭᠳᠣᠢ ᠡᠰᠢ ᠪᠡᠨ ᠰᠤᠯᠠᠬᠠᠨ ᠪᠠᠭᠯᠠᠨᠠ᠂ ᠭᠢᠯᠦᠭᠡᠷ; ᠨᠠᠪᠴᠢᠨ ᠤ᠋ ᠬᠡᠯᠡ ᠦᠭᠡᠢ; ᠨᠠᠪᠴᠢ ᠨᠢ ᠪᠦᠰᠡ ᠬᠡᠯᠪᠡᠷᠢ ᠲᠡᠢ᠂10—35cm ᠤᠷᠲᠤ᠂5—20mm ᠥᠷᠭᠡᠨ᠂ ᠦᠰᠦ ᠦᠭᠡᠢ᠂ ᠰᠢᠷᠦᠭᠦᠨ ᠬᠥᠪᠡᠭᠡ ᠲᠡᠢ᠃ ᠱᠣᠷᠣᠯᠵᠢᠨ ᠪᠠᠭ ᠴᠡᠴᠡᠭ ᠨᠢ9—18cm ᠤᠷᠲᠤ᠂ ᠰᠠᠷᠪᠠᠭᠠᠷ᠂ ᠰᠢᠯᠤᠭᠤᠨ᠂ ᠭᠣᠣᠯ ᠲᠡᠩᠭᠡᠯᠢᠭ ᠨᠢ ᠢᠷᠮᠡᠭ ᠲᠡᠢ᠂ ᠰᠢᠷᠦᠭᠦᠨ ᠢᠬᠴᠤ ᠪᠠᠢᠷᠢᠯᠠᠭᠰᠠᠨ ᠣᠯᠠᠨ ᠴᠠᠴᠤᠭ ᠬᠡᠯᠪᠡᠷᠢᠲᠦ ᠪᠠᠭ ᠴᠡᠴᠡᠭ ᠢ᠋ᠶ᠋ᠡᠷ ᠪᠦᠷᠢᠯᠳᠦᠨᠡ; ᠵᠢᠵᠢᠭ ᠲᠦᠷᠦᠭᠦᠦ ᠨᠢ3mm ᠣᠷᠴᠢᠮ ᠤᠷᠲᠤ᠂ ᠮᠠᠰᠢ ᠣᠬᠣᠷ ᠪᠠᠷᠢᠭᠤᠯ ᠲᠠᠢ ᠪᠤᠶᠤ ᠪᠠᠷᠤᠭ ᠪᠠᠷᠢᠭᠤᠯ ᠦᠭᠡᠢ᠂ ᠰᠢᠷᠦᠭᠦᠨ ᠪᠤᠶᠤ ᠥᠷᠭᠡᠰᠦ ᠮᠡᠲᠦ ᠦᠰᠦ ᠲᠡᠢ ᠪᠥᠭᠡᠳ ᠪᠠᠭ ᠴᠡᠴᠡᠭ ᠦ᠋ᠨ ᠲᠡᠩᠭᠡᠯᠢᠭ ᠦ᠋ᠨ ᠨᠢᠭᠡ ᠲᠠᠯᠠ ᠳ᠋ᠤ᠌ ᠢᠬᠴᠤ ᠪᠠᠢᠷᠢᠯᠠᠨᠠ; ᠨᠢᠭᠡᠳᠦᠭᠡᠷ ᠬᠠᠯᠢᠰᠤ ᠨᠢ ᠭᠤᠷᠪᠠᠯᠵᠢᠨ᠂ ᠵᠢᠵᠢᠭ ᠲᠦᠷᠦᠭᠦᠦ ᠶ᠋ᠢᠨ ᠬᠠᠭᠠᠰ ᠴᠢᠨᠡᠭᠡ ᠤᠷᠲᠤ᠂ ᠱᠣᠪᠬᠣ ᠦᠵᠦᠭᠦᠷ ᠲᠡᠢ᠂ ᠬᠠᠲᠠᠭᠤ ᠦᠰᠦ ᠲᠡᠢ; ᠬᠣᠶᠠᠳᠤᠭᠠᠷ ᠬᠠᠯᠢᠰᠤ ᠨᠢ ᠱᠤᠪᠲᠤᠭᠠᠷ ᠦᠵᠦᠭᠦᠷ ᠲᠡᠢ᠂ ᠰᠤᠳᠠᠯ ᠳ᠋ᠤᠨᠢ ᠥᠷᠭᠡᠰᠦ ᠦᠰᠦ ᠲᠡᠢ᠂ ᠰᠤᠳᠠᠯ ᠤ᠋ᠨ ᠬᠣᠭᠣᠷᠣᠨᠳᠣ ᠨᠢ ᠣᠬᠣᠷ ᠬᠠᠲᠠᠭᠤ ᠦᠰᠦ ᠲᠡᠢ; ᠭᠠᠳᠠᠷ ᠬᠡᠪᠡᠭ ᠨᠢ ᠰᠢᠷᠦᠭᠦᠨ ᠦᠰᠦ ᠲᠡᠢ᠂ ᠦᠵᠦᠭᠦᠷ ᠲᠤᠨᠢ ᠪᠦᠳᠦᠭᠦᠨ ᠰᠤᠷ ᠲᠠᠢ;᠃ ᠰᠤᠷ ᠨᠢ5—30mm ᠤᠷᠲᠤ ᠪᠥᠭᠡᠳ ᠰᠢᠷᠦᠭᠦᠨ; ᠠᠮᠤ ᠵᠢᠮᠢᠰ ᠨᠢ ᠵᠤᠤᠪᠠᠩ᠂4mm ᠣᠷᠴᠢᠮ ᠤᠷᠲᠤ᠂ ᠭᠢᠯᠠᠭᠠᠷ᠂ ᠣᠷᠣᠢ ᠳ᠋ᠤᠨᠢ ᠵᠢᠵᠢᠭ ᠦᠵᠦᠭᠦᠷ ᠪᠣᠢ᠃
ᠴᠢᠭᠢᠭᠲᠡᠢ ᠬᠣᠲᠣᠭᠣᠷ᠂ ᠭᠦᠢᠬᠡᠨ ᠤᠰᠤ ᠲᠠᠢ ᠨᠠᠮᠤᠭ ᠭᠠᠵᠠᠷ ᠲᠤ᠌ ᠤᠷᠭᠤᠨᠠ᠃
ᠮᠠᠨ ᠤ᠋ ᠤᠯᠤᠰ ᠤ᠋ᠨ ᠡᠯᠡ ᠮᠣᠵᠢ ᠣᠷᠣᠨ ᠳ᠋ᠤ᠌ ᠪᠦᠷ ᠤᠷᠭᠤᠳᠠᠭ᠃
ᠦᠷᠡ ᠳ᠋ᠦ᠍ᠨᠢ ᠴᠠᠷᠳᠠᠭᠤᠯ ᠲᠠᠢ ᠲᠤᠯᠠ ᠲᠠᠯᠠᠭᠳᠠᠵᠤ ᠢᠳᠡᠵᠦ ᠪᠣᠯᠤᠨᠠ᠂ ᠪᠠᠰᠠ ᠠᠷᠢᠬᠢ ᠨᠡᠷᠡᠵᠦ ᠪᠣᠯᠳᠠᠭ᠃ ᠡᠰᠢ ᠨᠠᠪᠴᠢ ᠨᠢ ᠰᠠᠢᠨ ᠪᠣᠷᠳᠣᠭᠠ ᠮᠥᠨ᠃ ᠭᠠᠩᠰᠠᠭ ᠤᠰᠤᠨ ᠬᠣᠨᠣᠭ(早稗oar.Hispidula (Retz.) Honda) ᠤᠰᠤᠨ ᠬᠣᠨᠣᠭ ᠲᠠᠢ ᠭᠣᠣᠯᠳᠠᠭᠤ ᠢᠯᠭᠠᠭᠠ ᠲᠠᠢ ᠭᠠᠵᠠᠷ᠄ ᠱᠣᠷᠣᠯᠵᠢᠨ ᠬᠡᠯᠪᠡᠷᠢᠲᠦ ᠪᠠᠭ ᠴᠡᠴᠡᠭ ᠨᠢ ᠨᠠᠷᠢᠬᠠᠨ᠂ ᠤᠨᠵᠢᠢᠵᠤ ᠤᠷᠭᠤᠨᠠ᠂ ᠰᠠᠯᠠᠭᠠ ᠨᠤᠭᠤᠳ ᠨᠢ ᠵᠢᠵᠢᠭ ᠰᠠᠯᠠᠭᠠ ᠭᠠᠷᠬᠤ ᠦᠭᠡᠢ; ᠵᠢᠵᠢᠭ ᠲᠦᠷᠦᠭᠦᠦ ᠨᠢ4—5mm ᠤᠷᠲᠤ᠃ ᠬᠡᠭᠡᠷᠡ ᠲᠠᠯᠠ ᠲᠠᠷᠢᠶᠠᠨ ᠭᠠᠵᠠᠷ ᠲᠤ᠌ ᠤᠷᠭᠤᠨᠠ᠃
ᠬᠢᠲᠠᠳ ᠨᠡᠷᠡ᠄稗（水稗）
ᠠᠩᠭ᠌ᠯᠢ ᠨᠡᠷᠡ᠄Echinochloa crusgalli(L.)Beauv
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣ· ᠰᠡᠴᠡᠨᠲᠤ
ᠬᠢᠨᠠᠭᠴᠢ᠄ ᠫᠤ· ᠴᠠᠭᠠᠨ