ᠲᠥᠪᠡᠳ ᠮᠣᠩᠭᠣᠯ ᠤᠨ ᠳᠠᠭᠢᠨᠢ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Түвд монголын дагина –Ёндоны Билиг - Баатар
282ᠲᠥᠪᠡᠳ ᠮᠣᠩᠭᠣᠯ ᠤᠨ ᠳᠠᠭᠢᠨᠢ
ᠰᠠᠶᠠ ᠵᠢᠸᠠ ᠵᠢᠯ ᠦ᠋ᠨ
ᠬᠤᠪᠢ ᠪᠠᠷᠢᠯᠳᠤᠯᠭᠠ ᠪᠠᠷ
ᠰᠠᠨᠰᠠᠷ ᠣᠷᠴᠢᠯᠠᠩ ᠠ᠋ᠴᠠ
ᠵᠢᠷᠦᠬᠡ ᠰᠦᠨᠡᠰᠦᠨ ᠳ᠋ᠦ᠍ ᠮᠢᠨᠢ
ᠰᠠᠭᠠᠯᠢ ᠰᠠᠴᠤᠯᠢ ᠶ᠋ᠢᠨ
ᠠᠷᠢᠭᠤᠨ ᠢᠷᠠᠭᠤᠬᠠᠨ ᠰᠦᠨ ᠮᠡᠲᠦ
ᠰᠠᠴᠤᠷᠠᠩᠭᠤᠢ ᠨᠢᠭᠦᠯᠡᠰᠦᠩᠭᠦᠢ ᠭᠣᠶᠣᠬᠠᠨ
ᠪᠠᠳᠠᠷᠠᠩᠭᠤᠢ ᠪᠠᠳᠮᠠᠷᠠᠭᠠᠳ
ᠰᠠᠯᠤᠰᠢ ᠦᠭᠡᠢ ᠬᠠᠭᠠᠴᠠᠰᠢ ᠦᠭᠡᠢ
ᠰᠠᠯᠬᠢ ᠠᠭᠠᠷ ᠰᠢᠭ᠋ ᠰᠡᠪᠡᠯᠵᠡᠩᠭᠡᠨ
ᠰᠠᠨᠠᠭᠠᠨ ᠤ᠋ ᠶᠢᠷᠲᠢᠨᠴᠦ ᠶ᠋ᠢ ᠮᠢᠨᠢ
ᠡᠵᠡᠮᠳᠡᠩᠬᠡᠨ ᠭᠠᠩᠭᠠᠯᠠᠭᠰᠠᠨ ᠥᠬᠢᠨ
ᠮᠥᠩᠬᠡ ᠴᠠᠰᠤᠲᠤ ᠶ᠋ᠢᠨ ᠲᠥᠪᠡᠳ ᠡᠴᠢᠭᠡ
ᠶᠡᠬᠡ ᠥᠨᠳᠥᠷᠯᠢᠭ ᠦ᠋ᠨ ᠮᠣᠩᠭᠣᠯ ᠡᠬᠡ
ᠮᠥᠬᠥᠰᠢ ᠦᠭᠡᠢ ᠬᠣᠣᠰ ᠡᠨᠡ ᠯᠡ
ᠯᠤᠲᠤ ᠬᠠᠢᠷᠠ ᠠ᠋ᠴᠠ ᠲᠥᠷᠥᠭᠰᠡᠨ ᠳᠠᠭᠢᠨᠢ
ᠰᠠᠩᠵᠠᠢᠵᠤᠮᠠ ᠭᠡᠭᠡᠨ ᠬᠡᠦᠬᠡᠨ ᠴᠢ ᠮᠢᠨᠢ
ᠰᠠᠢᠬᠠᠨ ᠨᠣᠭᠣᠭᠠᠨ ᠳ᠋ᠠᠷᠢ ᠡᠬᠡ ᠶ᠋ᠢᠨ
ᠰᠠᠷᠠᠭᠤᠯ ᠤᠬᠠᠭᠠᠨ ᠰᠠᠷᠠᠨ ᠭᠤᠸᠠ
ᠲᠥᠷᠬᠦ ᠶ᠋ᠢᠨ ᠬᠢᠨᠢ ᠪᠢᠯᠢᠭᠦᠨ ᠪᠦᠷᠢᠯᠸᠠ ᠤᠤ
ᠨᠠᠷᠠᠨ ᠪᠤᠮᠠᠨ ᠰᠠᠴᠤᠷᠠᠭ ᠬᠠᠴᠠᠷ ᠲᠤ᠌ ᠴᠢᠨᠢ
ᠬᠠᠯᠲᠤᠷᠢᠵᠤ ᠪᠦᠳᠦᠷᠢᠭᠡᠳ ᠭᠣᠷᠢ ᠦᠭᠡᠢ
ᠨᠠᠮᠰᠠᠷᠠᠢ ᠪᠤᠷᠬᠠᠨ ᠮᠢᠰᠢᠶᠡᠩᠭᠡᠨ ᠵᠢᠷᠭᠠᠵᠤ
ᠪᠤᠯᠪᠠᠷᠠᠢ ᠥᠯᠮᠡᠢ ᠶ᠋ᠢ ᠴᠢᠨᠢ ᠮᠢᠯᠢᠶᠠᠨᠠᠮ
ᠠᠶᠠ ᠡᠵᠢ ᠶ᠋ᠢᠨ ᠭᠠᠭᠴᠠ ᠠᠮᠢᠨ ᠭᠣᠣᠯ
ᠠᠶᠠ ᠠᠪᠤ ᠶ᠋ᠢᠨ ᠬᠠᠮᠤᠭ ᠲᠣᠮᠣ ᠦᠦᠷ
ᠠᠯᠲᠠᠨ ᠬᠣᠷᠸᠠ ᠶ᠋ᠢᠨ ᠵᠥᠭᠡᠯᠡᠨ ᠨᠢᠳᠦ
ᠠᠮᠢ ᠨᠠᠰᠤᠨ ᠤ᠋ ᠠᠯᠢᠶᠠᠬᠠᠨ ᠴᠠᠮᠬᠠᠭ ᠤᠤ
᠁ ᠁ ᠁
ᠵᠠᠶᠠᠭᠠ ᠲᠠᠪᠢᠯᠠᠩ ᠵᠢᠷᠤᠮ ᠤ᠋ᠨ ᠮᠢᠨᠢ
ᠡᠷᠬᠢᠮᠰᠦᠭ ᠭᠡᠭᠡᠯᠢᠭ ᠮᠤᠨᠳᠠᠭ ᠤᠬᠠᠭᠠᠨᠲᠠᠢ
ᠵᠠᠮ ᠤ᠋ᠨ ᠬᠦᠵᠦᠭᠦᠦ ᠤᠷᠲᠤ ᠲᠠᠷᠳᠠᠩᠬᠠᠨ
ᠥᠬᠢᠨ ᠴᠠᠭᠠᠨ ᠠᠯᠠᠭ ᠦᠷᠡ ᠮᠢᠨᠢ
ᠵᠠᠭᠤᠨ ᠵᠠᠭᠤᠨ ᠤ᠋ ᠭᠡᠷᠡᠯᠲᠦ ᠲᠡᠦᠬᠡᠨ ᠳ᠋ᠦ᠍
ᠳᠣᠮᠣᠭ ᠲᠤᠤᠯᠢ ᠰᠢᠭ᠋ ᠬᠠᠢᠯᠠᠭᠳᠠᠬᠤᠢ
ᠵᠠᠯᠭᠠᠮᠵᠢ ᠬᠣᠢᠴᠢ ᠶ᠋ᠢᠨ ᠰᠤᠳᠤᠷ ᠲᠤᠷ
ᠮᠥᠩᠭᠥᠨ ᠦᠰᠦᠭ ᠢ᠋ᠶ᠋ᠡᠷ ᠪᠢᠴᠢᠭᠳᠡᠬᠦᠢ
ᠬᠣᠷᠢᠨ ᠨᠢᠭᠡᠳᠦᠭᠡᠷ ᠡᠷᠢᠨ ᠦ᠌ ᠱᠠᠰᠲᠢᠷ ᠢ᠋
ᠢᠷᠠᠭᠤ ᠨᠠᠢᠷᠠᠭ ᠢ᠋ᠶ᠋ᠠᠷ ᠮᠢᠨᠢ ᠮᠥᠩᠬᠡᠯᠡᠬᠦᠢ
ᠬᠣᠨᠢᠴᠢᠨ ᠮᠠᠯᠴᠢᠨ ᠤ᠋ ᠵᠤᠯᠠᠢ ᠶ᠋ᠢᠨ ᠭᠡᠷᠡᠯ
ᠬᠣᠷᠢᠭᠯᠠᠭᠳᠠᠰᠢ ᠦᠭᠡᠢ ᠢᠷᠡᠭᠡᠳᠦᠢ
᠁ ᠁ ᠁
᠁ ᠁ ᠁
᠁ ᠮᠢᠨᠦ ᠵᠧ
2024᠂ 06᠂ 14᠃ 17᠄ 29᠃
ᠬᠥᠬᠡᠬᠣᠲᠠ ᠠ᠋ᠴᠠ ᠱᠠᠩᠬᠠᠢ ᠰᠢᠭᠤᠳ ᠬᠦᠷᠬᠦ
ᠭᠠᠯᠲᠤ ᠲᠡᠷᠭᠡᠨ ᠳᠡᠭᠡᠷᠡ ᠪᠦᠲᠦᠭᠡᠪᠡᠢ᠃