ᠡᠪᠦᠯ ᠦ᠋ᠨ ᠬᠦᠢᠲᠡᠨ᠂ ᠢᠨᠠᠭ ᠤ᠋ᠨ ᠬᠠᠯᠠᠭᠤᠨ- ᠳ· ᠨᠠᠴᠤᠭᠳᠣᠷᠵᠢӨвлийн хүйтэн, янагийн халуун-Д.Нацагдорж
397 ᠳ· ᠨᠠᠴᠤᠭᠳᠣᠷᠵᠢ
ᠥᠨᠳᠥᠷ ᠠᠭᠤᠯᠠ ᠶ᠋ᠢ ᠴᠠᠭᠠᠨ ᠴᠠᠰᠤ ᠬᠤᠴᠢᠭᠠᠳ᠂ ᠰᠥᠨᠢ ᠶ᠋ᠢᠨ ᠬᠦᠢᠲᠡᠨ ᠳᠡᠰ ᠨᠢᠰ ᠭᠡᠵᠦ᠂ ᠣᠷᠣᠢ ᠳᠡᠭᠡᠷᠡ ᠣᠳᠣᠳ ᠭᠢᠯᠠᠯᠵᠠᠨᠠ᠃ ᠵᠢᠬᠡᠭᠦᠨ ᠰᠢᠮᠠᠷᠭᠠ ᠨᠢᠭᠡ ᠦᠶᠡ ᠬᠠᠶᠠᠯᠠᠵᠤ᠂ ᠨᠢᠭᠡ ᠦᠶᠡ ᠲᠠᠲᠠᠷᠠᠨᠠ᠃ ᠢᠳᠡᠷ᠂ ᠨᠢᠭᠡ ᠵᠡᠷᠭᠡ ᠡᠭᠦᠨ ᠢ᠋ ᠪᠣᠳᠣᠵᠤ᠂ ᠨᠢᠭᠡ ᠵᠡᠷᠭᠡ ᠲᠡᠭᠦᠨ ᠢ᠋ ᠰᠠᠨᠠᠵᠤ ᠬᠠᠷᠠᠩᠭᠤᠢ ᠭᠤᠳᠤᠮᠵᠢ ᠪᠠᠷ ᠴᠢᠪ ᠴᠢᠭ ᠠᠯᠬᠤᠯᠠᠨᠠ᠃ ᠥᠨᠳᠥᠷ ᠭᠠᠵᠠᠷ ᠤ᠋ᠨ ᠬᠦᠢᠲᠡᠨ᠂ ᠰᠥᠨᠢ ᠶ᠋ᠢᠨ ᠵᠢᠪᠠᠷ ᠲᠠᠢ ᠨᠡᠢᠯᠡᠬᠦ ᠳ᠋ᠦ᠍ ᠲᠡᠷᠡ ᠵᠠᠯᠠᠭᠤ ᠵᠣᠷᠢᠮᠠᠭ ᠠᠯᠬᠤᠯᠠᠨ ᠰᠢᠭᠤᠳ ᠨᠢᠭᠡ ᠵᠦᠭ ᠲᠦ᠍ ᠶᠠᠪᠤᠬᠤ ᠨᠢ ᠶᠠᠭᠤᠨ ᠳ᠋ᠤ᠌ ᠶᠠᠭᠠᠷᠠᠨᠠ ᠪᠣᠢ? ᠲᠡᠰᠬᠢᠮᠡ ᠬᠦᠢᠲᠡᠨ ᠪᠦᠬᠦ ᠪᠡᠶᠡ ᠶ᠋ᠢ ᠬᠠᠭᠠᠷᠢᠵᠤ᠂ ᠶᠠᠰᠬᠢᠮᠡ ᠪᠠᠢᠳᠠᠯ ᠬᠠᠮᠤᠭ ᠰᠡᠳᠬᠢᠯ ᠢ᠋ ᠵᠢᠪᠡᠭᠦᠴᠡᠭᠦᠯᠦᠨᠡ᠃
ᠲᠡᠷᠲᠡᠭᠡ ᠬᠠᠰᠢᠶᠠᠨ ᠤ᠋ ᠵᠠᠪᠰᠠᠷ ᠢ᠋ᠶ᠋ᠠᠷ ᠪᠠᠢᠰᠢᠩ ᠤ᠋ᠨ ᠴᠣᠩᠬᠣᠨ ᠤ᠋ ᠪᠦᠳᠡᠭᠢ ᠭᠡᠷᠡᠯ ᠰᠦᠮᠡᠢᠨ ᠦᠵᠡᠭᠳᠡᠬᠦ ᠨᠢ ᠬᠡᠨ ᠬᠥᠮᠦᠨ ᠦ᠌ ᠰᠣᠨᠢᠷᠬᠠᠯ ᠳ᠋ᠤ᠌ ᠲᠡᠷᠡ ᠪᠦᠷᠢ ᠲᠤᠰᠬᠤ ᠦᠭᠡᠢ ᠪᠣᠯᠪᠠᠴᠤ ᠲᠡᠭᠦᠨ ᠦ᠌ ᠳᠣᠲᠣᠷᠠ ᠳᠤᠯᠠᠭᠠᠨ ᠬᠥᠨᠵᠢᠯᠡ ᠳᠡᠯᠭᠡᠵᠦ ᠪᠠᠢᠭᠠ ᠶ᠋ᠢ ᠬᠠᠷᠢᠨ ᠭᠠᠭᠴᠠᠬᠠᠨ ᠡᠨᠡ ᠵᠠᠯᠠᠭᠤ ᠯᠠ ᠮᠡᠳᠡᠨᠡ᠃ ᠬᠦᠢᠲᠡᠨ ᠴᠦ ᠶ᠋ᠢ ᠬᠤᠷᠤᠭᠤᠨ ᠤ᠋ ᠦᠵᠦᠭᠦᠷ ᠢ᠋ᠶ᠋ᠡᠷ ᠲᠣᠭᠰᠢᠬᠤ ᠳ᠋ᠤ᠌᠂ ᠬᠡᠳᠦᠢ ᠪᠡᠷ ᠴᠢᠮ ᠴᠢᠮ ᠬᠠᠭᠠᠷᠢᠪᠠᠴᠤ᠂ ᠭᠡᠷ ᠦ᠋ᠨ ᠳᠣᠲᠣᠷᠠ ᠣᠷᠣᠭᠰᠠᠨ ᠤ᠋ ᠬᠣᠢᠨᠠ ᠬᠠᠯᠠᠭᠤᠨ ᠭᠠᠷ ᠢ᠋ ᠪᠠᠷᠢᠬᠤ ᠳ᠋ᠤ᠌ ᠰᠠᠶᠢ ᠪᠠᠬᠠᠲᠠᠢ᠃ ᠪᠠᠢᠰᠢᠩ ᠤ᠋ᠨ ᠳᠣᠲᠣᠷᠠ ᠵᠤᠯᠠ ᠪᠠ ᠳ᠋ᠧᠩ ᠦᠭᠡᠢ ᠭᠠᠭᠴᠠ ᠬᠦ᠌ ᠵᠤᠤᠬᠠᠨ ᠤ᠋ ᠳᠣᠲᠣᠷᠠᠬᠢ ᠨᠣᠷᠮᠠ ᠶ᠋ᠢᠨ ᠭᠡᠷᠡᠯ ᠰᠦᠮᠡᠯᠵᠡᠨ ᠲᠤᠶᠠᠭᠠᠷᠠᠵᠤ᠂ ᠦᠵᠡᠰᠬᠦᠯᠡᠩ ᠲᠡᠢ ᠥᠬᠢᠨ ᠦ᠌ ᠨᠢᠭᠤᠷ ᠳᠡᠭᠡᠷᠡ ᠲᠤᠰᠬᠤ ᠪᠥᠭᠡᠳ ᠡᠨᠡ ᠦᠶᠡ ᠭᠡᠷ ᠦ᠋ᠨ ᠳᠣᠲᠣᠷᠠᠬᠢ ᠲᠠᠭᠠᠯᠠᠮᠵᠢᠲᠠᠢ ᠪᠠᠢᠳᠠᠯ ᠤᠯᠠᠮ ᠴᠤ ᠴᠢᠮᠡᠭ ᠲᠡᠢ ᠪᠣᠯᠤᠨᠠ᠃
1931 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠰᠤᠳᠤᠯᠲᠤ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ