ᠰᠠᠶᠠ ᠵᠢᠸᠠ ᠸᠠᠩᠰᠠᠮᠪᠠᠷᠤᠤ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Сая жаваа вансамбаруу –Ёндоны Билиг - Баатар
286ᠰᠠᠶᠠ ᠵᠢᠸᠠ ᠸᠠᠩᠰᠠᠮᠪᠠᠷᠤᠤ
ᠰᠠᠨᠰᠠᠷ ᠭᠠᠷᠬᠠᠰ ᠢ᠋ ᠠᠷᠭᠠᠳᠠᠨ ᠦᠨᠦᠰᠦᠩᠬᠡᠨ
ᠰᠠᠢᠬᠠᠨ ᠢᠷᠦᠭᠡᠯᠲᠦ ᠬᠥᠮᠦᠰ ᠢ᠋ ᠢᠪᠡᠭᠡᠩᠬᠡᠨ
ᠰᠠᠷᠠᠨ ᠤ᠋ ᠭᠡᠷᠡᠯ ᠰᠠᠴᠤᠷᠠᠭ ᠢ᠋ ᠱᠠᠯ ᠰᠦᠯᠡᠩᠭᠡᠨ
ᠴᠠᠰᠤᠲᠤ ᠥᠨᠳᠥᠷᠯᠢᠭ ᠦ᠋ᠨ ᠵᠤᠯᠠᠢ ᠲᠡᠪᠡᠷᠢᠨ
ᠴᠠᠭᠠᠨ ᠯᠢᠩᠬᠤᠸᠠ ᠥᠩᠭᠡ ᠶ᠋ᠢ ᠳᠠᠷᠤᠨ
ᠴᠠᠭᠯᠠᠰᠢ ᠦᠭᠡᠢ ᠬᠠᠢᠷᠠ ᠶ᠋ᠢ ᠲᠤᠩᠬᠠᠭᠯᠠᠨ
ᠣᠳᠬᠠᠨ ᠲᠡᠭᠷᠢ ᠶ᠋ᠢᠨ ᠣᠷᠭᠢᠯ ᠨᠠᠯ ᠳᠡᠯᠭᠡᠷᠡᠨᠡᠮ
ᠮᠢᠩᠭᠠ ᠮᠢᠩᠭᠠᠨ ᠳᠤᠷᠠᠯᠠᠯ ᠳᠠᠭᠠᠵᠤ ᠰᠠᠴᠤᠷᠠᠨᠠᠮ
ᠮᠢᠨᠦ ᠬᠠᠢᠷᠠᠲᠠᠢ ᠬᠠᠨᠢ ᠭᠤᠸᠠ ᠳᠤᠸᠠᠯᠠᠨᠠᠮ ᠪᠤᠶᠤ
ᠮᠠᠷᠲᠠᠭᠳᠠᠰᠢ ᠦᠭᠡᠢ ᠮᠥᠴᠡ ᠬᠠᠯᠭᠢᠯᠠᠨᠠᠮ ᠪᠤᠶᠤ
ᠤᠳᠬᠠ ᠲᠡᠭᠦᠯᠳᠡᠷ ᠣᠷᠴᠢᠯᠠᠩ ᠬᠠᠢᠯᠠᠨᠠᠮ ᠪᠤᠶᠤ
ᠸᠠᠩᠰᠠᠮᠪᠤᠷᠤᠤ ᠥᠨᠢᠳᠡ ᠬᠣᠣᠰ ᠢ᠋ᠶ᠋ᠠᠷ ᠢᠷᠡᠨᠡᠮ
ᠸ᠂ ᠢᠨᠵᠠᠨᠨᠠᠰᠢ ᠢᠵᠠᠭᠤᠷ ᠲᠤ᠌ ᠰᠢᠯᠦᠭᠯᠡᠭᠰᠡᠨ
ᠶᠡᠬᠡ ᠨᠠᠴᠤᠭᠳᠣᠷᠵᠢ ᠮᠡᠯᠮᠡᠢ ᠲᠤᠨᠤᠷᠠᠭᠰᠠᠨ
ᠢᠬᠢᠷᠡ ᠸᠠᠩᠰᠠᠮᠪᠤᠷᠤᠤ ᠶ᠋ᠢ ᠬᠡᠨ ᠬᠠᠷᠠᠨᠠᠮ ᠪᠣᠢ
ᠠᠯᠲᠠᠨ ᠵᠠᠶᠠᠭᠠ ᠲᠠᠢ ᠨᠢᠭᠡ ᠨᠢ ᠦᠵᠡᠨᠡᠮ
ᠠᠯᠠᠭ ᠵᠢᠷᠦᠬᠡᠨ ᠳ᠋ᠦ᠍ ᠨᠢ ᠨᠠᠷᠠ ᠡᠷᠬᠡᠯᠡᠨᠡᠮ ᠪᠤᠶᠤ
ᠠᠢ ᠳᠠ ᠬᠥᠭᠡᠷᠦᠬᠦᠢ᠂ ᠠᠮᠠᠷᠠᠭ ᠤ᠋ᠨ ᠰᠠᠨᠠᠭᠠ
ᠠᠰᠬᠠᠷᠠᠭᠰᠠᠨ ᠴᠠᠭ ᠤ᠋ᠨ ᠬᠤᠷᠠ ᠪᠠᠢᠪᠠᠤ ᠳᠠ
ᠠᠯᠢ ᠁ ᠡᠰᠡᠪᠡᠯ ᠁ ᠠᠷᠢᠶᠠᠪᠠᠯᠤ ᠪᠤᠷᠬᠠᠨ
ᠠᠷᠠᠢ ᠡᠷᠲᠡ ᠮᠡᠯᠮᠡᠷᠡᠭᠦᠯᠦᠭᠰᠡᠨ ᠰᠢᠭᠦᠳᠡᠷᠢ ᠤᠤ
2024. 4. 12 ᠰᠥᠨᠢ ᠪᠡᠷ ᠃
ᠬᠥᠬᠡᠬᠣᠲᠠᠨᠠ ᠪᠦᠲᠦᠭᠡᠪᠡᠢ᠃