ᠡᠵᠡᠷᠬᠡᠭ ᠲᠦᠷᠢᠮᠡᠬᠡᠢ ᠶ᠋ᠢᠨ ᠪᠠᠢᠯᠳᠤᠭᠠᠨ- ᠳ· ᠨᠠᠴᠤᠭᠳᠣᠷᠵᠢЭзэрхэг түрэмгийн байлдаан-Д.Нацагдорж
284 ᠳ· ᠨᠠᠴᠤᠭᠳᠣᠷᠵᠢ
ᠡᠨᠡᠲᠡᠭᠡ ᠠᠭᠤᠯᠠ ᠶ᠋ᠢᠨ ᠡᠩᠭᠡᠷ ᠲᠦ᠍ ᠪᠢ ᠦᠬᠡᠷ ᠫᠤᠤ ᠶ᠋ᠢᠨ ᠪᠢᠯᠳᠠᠨ ᠠ᠋ᠴᠠ ᠴᠣᠬᠢᠮᠠᠭᠴᠠ ᠲᠡᠷᠲᠡᠭᠡ ᠲᠠᠯᠠ ᠶ᠋ᠢᠨ ᠬᠠᠵᠠᠭᠤ ᠳ᠋ᠤ᠌ ᠴᠢᠨᠦ ᠴᠢᠰᠤ ᠶ᠋ᠢ ᠤᠷᠤᠰᠬᠠᠨᠠ᠃ ᠡᠨᠡ ᠬᠣᠶᠠᠷ ᠬᠡᠨ ᠪᠣᠢ ᠭᠡᠪᠡᠯ ᠬᠣᠶᠠᠭᠤᠯᠠ ᠪᠡᠶᠡ ᠶ᠋ᠢᠨ ᠬᠦᠴᠦ ᠶ᠋ᠢ ᠦᠨᠡᠯᠡᠭᠴᠢ ᠵᠠᠯᠠᠭᠤ ᠠᠷᠠᠳ ᠶᠤᠮ᠃ ᠬᠥᠨᠳᠡᠢ ᠲᠠᠯᠠ ᠳ᠋ᠤ᠌ ᠭᠠᠰᠠᠯᠬᠤ ᠳᠠᠭᠤ ᠲᠩᠷᠢ ᠳ᠋ᠦ᠍ ᠲᠤᠯᠤᠭᠠᠳ᠂ ᠥᠴᠦᠬᠡᠨ ᠲᠤᠭᠤᠯᠭᠠ ᠨᠤᠭᠤᠳ ᠬᠣᠭᠣᠰᠣᠨ ᠠᠭᠠᠷ ᠲᠤ᠌ ᠪᠥᠵᠢᠭᠯᠡᠬᠦ ᠶ᠋ᠢᠨ ᠦᠶᠡ ᠳ᠋ᠦ᠍ ᠬᠥᠷᠥᠩᠭᠡᠲᠡᠨ ᠪᠠᠶᠠᠴᠤᠳ ᠲᠠᠪᠠᠯᠢᠭ ᠠᠰᠠᠷ ᠤ᠋ᠨ ᠳᠡᠭᠡᠷᠡ ᠮᠣᠷᠢᠯᠠᠵᠤ ᠨᠠᠢᠷᠯᠠᠨ᠂ ᠴᠡᠴᠡᠭ ᠰᠠᠴᠤᠨ ᠨᠠᠭᠠᠳᠴᠤ᠂ ᠠᠷᠠᠳ ᠤ᠋ᠨ ᠴᠢᠰᠤ ᠪᠠᠷ ᠨᠡᠷᠡᠭᠰᠡᠨ ᠠᠷᠢᠬᠢ ᠶ᠋ᠢ ᠠᠮᠲᠠᠲᠠᠢᠬᠠᠨ ᠢ᠋ᠶ᠋ᠠᠷ ᠰᠢᠮᠡᠨ ᠬᠥᠯᠴᠥᠭᠦᠷᠡᠵᠦ ᠰᠡᠳᠬᠢᠯ ᠢ᠋ᠶ᠋ᠡᠨ ᠪᠠᠶᠠᠰᠤᠭᠤᠯᠤᠨᠠ᠃ ᠥᠰᠢᠶᠡ ᠴᠤ᠌ ᠦᠭᠡᠢ ᠠᠲᠠᠭᠠ ᠴᠤ᠌ ᠦᠭᠡᠢ᠂ ᠭᠡᠮ ᠴᠤ᠌ ᠦᠭᠡᠢ ᠬᠣᠣᠷ ᠴᠤ᠌ ᠦᠭᠡᠢ ᠣᠯᠠᠨ ᠠᠷᠠᠳ ᠤ᠋ᠨ ᠬᠡᠦᠬᠡᠳ ᠦ᠋ᠳ ᠬᠠᠷᠢᠯᠴᠠᠨ ᠲᠡᠮᠡᠴᠡᠯᠳᠦᠵᠦ᠂ ᠨᠢᠭᠡ ᠨᠢ ᠨᠥᠭᠦᠭᠡ ᠪᠡᠨ ᠫᠤᠤᠳᠠᠨ᠂ ᠨᠥᠭᠦᠭᠡ ᠨᠢ ᠨᠢᠭᠡ ᠶ᠋ᠢ ᠪᠡᠨ ᠵᠢᠳᠠᠯᠠᠬᠤ ᠶ᠋ᠢ ᠦᠵᠡᠪᠡᠯ ᠦᠨᠡᠬᠡᠷ ᠵᠢᠷᠦᠬᠡ ᠡᠪᠳᠦᠯ ᠲᠡᠢ᠃ ᠨᠢᠭᠡ ᠬᠡᠳᠦᠨ ᠡᠵᠡᠷᠬᠡᠭ ᠡᠲᠡᠭᠡᠳ ᠦ᠋ᠨ ᠮᠡᠬᠡᠯᠡᠯ ᠳ᠋ᠦ᠍ ᠬᠠᠭᠤᠷᠲᠠᠵᠤ ᠶᠠᠪᠤᠭᠠ ᠶ᠋ᠢ ᠶᠠᠭᠠᠬᠢᠨ ᠳᠠᠷᠤᠢ ᠮᠡᠳᠡᠵᠦ ᠭᠡᠮᠰᠢᠨᠡ᠃ ᠬᠡᠳᠦᠢᠨ ᠶᠠᠰᠤᠨ ᠠᠭᠤᠯᠠ ᠪᠣᠰᠴᠤ᠂ ᠴᠢᠰᠤᠨ ᠳᠠᠯᠠᠢ ᠤᠷᠤᠰᠤᠨ᠂ ᠵᠣᠪᠠᠯᠠᠩᠲᠤ ᠠᠮᠢᠰᠬᠤᠯ ᠶᠢᠷᠲᠢᠨᠴᠦ ᠶ᠋ᠢ ᠪᠦᠷᠬᠦᠭᠰᠡᠨ ᠦ᠌ ᠬᠣᠢᠨᠠ᠂ ᠲᠡᠳᠡᠨ ᠦ᠌ ᠪᠤᠯᠠᠰᠢ ᠶ᠋ᠢᠨ ᠳᠡᠭᠡᠷᠡᠬᠢ ᠬᠤᠪᠠᠬᠠᠢ ᠴᠠᠭᠠᠨ ᠮᠣᠳᠣ ᠨᠤᠭᠤᠳ ᠨᠢ ᠰᠠᠷᠠᠢᠨ ᠦᠵᠡᠭᠳᠡᠵᠦ᠂ ᠬᠥᠮᠦᠨ ᠦ᠌ ᠰᠡᠳᠬᠢᠯ ᠢ᠋ ᠰᠡᠷᠳ᠋ᠬᠢᠨ ᠤᠢᠳᠬᠠᠷᠯᠠᠭᠤᠯᠤᠭᠰᠠᠭᠠᠷ ᠪᠠᠢᠨᠠ᠃
ᠠᠶᠠ ᠬᠥᠷᠥᠩᠭᠡᠲᠡᠨ ᠡᠲᠡᠭᠡᠳ ᠦ᠋ᠨ ᠡᠭᠦᠰᠬᠡᠭᠰᠡᠨ ᠪᠠ ᠳᠠᠬᠢᠨ ᠡᠭᠦᠰᠬᠡᠬᠦ ᠶ᠋ᠢ ᠵᠠᠪᠳᠤᠨ ᠪᠠᠢᠭᠠ ᠬᠣᠣᠷᠲᠤ ᠪᠠᠢᠯᠳᠤᠭᠠᠨ ᠢ᠋ ᠬᠣᠷᠣᠰᠤᠨ ᠵᠠᠨᠤᠯᠲᠠᠶᠠ᠃
1931 ᠣᠨ ᠤ᠋1 ᠳ᠋ᠦ᠍ᠭᠡᠷ ᠰᠠᠷᠠ ᠶ᠋ᠢᠨ15
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠨᠡᠭᠦᠳᠡᠯ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ