ᠡᠭᠡᠰᠢᠭ ᠭᠡᠢᠭᠦᠯᠦᠭᠴᠢ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ - Эгшиг гийгүүлэгч –Ёндоны Билиг - Баатар
277ᠡᠭᠡᠰᠢᠭ ᠭᠡᠢᠭᠦᠯᠦᠭᠴᠢ
ᠭᠡᠨᠡᠲᠡᠢ ᠮᠤᠩᠬᠠᠭ ᠪᠢ ᠥᠪᠡᠷ ᠢ᠋ᠶ᠋ᠡᠨ ᠡᠬᠡᠰᠢᠭ
ᠭᠡᠷᠭᠡᠢ ᠲᠡᠷᠡ ᠬᠠᠢᠷᠠᠲᠤ ᠮᠢᠨᠢ ᠭᠡᠢᠭᠦᠯᠦᠭᠴᠢ
ᠪᠢᠳᠡ ᠬᠣᠶᠠᠷ ᠤ᠋ᠨ ᠬᠡᠦᠬᠡᠳ ᠠᠴᠢᠨᠠᠷ ᠮᠢᠨᠢ
ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠯᠡ ᠯᠠᠪᠲᠠᠢ ᠪᠠᠳᠠᠷᠠᠩᠭᠤᠢ
ᠮᠥᠩᠬᠡ ᠲᠡᠭᠷᠢ ᠶ᠋ᠢᠨ ᠴᠠᠭᠠᠨ ᠲᠣᠯᠣᠭᠠᠢ
ᠬᠣᠷᠢᠨ ᠰᠠᠶᠠ ᠬᠥᠬᠡ ᠲᠣᠯᠪᠣᠲᠠᠳ ᠮᠢᠨᠢ
ᠬᠠᠮᠤᠭ ᠢᠰᠡᠭᠡᠢ ᠲᠤᠭᠤᠷᠭᠠᠲᠠᠳ ᠮᠢᠨᠢ
ᠶᠠᠷᠢᠶᠠᠨ ᠦᠭᠡᠢ ᠪᠦᠭᠦᠳᠡ ᠪᠡᠷ ᠢ᠋ᠶ᠋ᠡᠨ ᠯᠡ
ᠮᠢᠷᠠᠯᠵᠠᠭᠰᠠᠨ ᠣᠳᠣᠳ ᠲᠠᠢ ᠣᠷᠴᠢᠯᠠᠩ ᠠ᠋
ᠢᠷᠠᠭᠤ ᠰᠠᠢᠬᠠᠨ ᠰᠠᠴᠤᠷᠠᠩᠭᠤᠢ ᠰᠠᠨᠰᠠᠷ ᠮᠢᠨᠢ
ᠢᠲᠡᠭᠡᠯ ᠢᠪᠡᠭᠡᠯ ᠦ᠋ᠨ ᠯᠤᠲᠤ ᠰᠠᠮᠪᠠᠷᠠ!
ᠠᠪᠤᠷᠭᠤ ᠠᠯᠲᠠᠨ ᠡᠨᠡ ᠰᠠᠮᠪᠠᠷᠠ ᠳ᠋ᠤ᠌
ᠠᠶᠤᠤᠯᠢᠬᠠᠢ ᠶ᠋ᠢᠨ ᠴᠢᠩᠭᠢᠰ ᠦᠰᠦᠭ ᠢ᠋ᠶ᠋ᠡᠨ
ᠠᠷᠠᠳ ᠮᠣᠩᠭᠣᠯ ᠤ᠋ᠨ ᠬᠡᠦᠬᠡᠳ ᠦ᠋ᠳ
ᠠ ᠠ᠋ ᠢ ᠠᠶᠠᠯᠠᠭᠤᠯᠤᠩᠬᠠᠨ ᠪᠢᠴᠢᠳᠡᠭ
ᠠᠶᠠ᠂ ᠡᠨᠡ ᠶᠠᠭᠤᠲᠠᠢ ᠨᠠᠮᠤᠭᠤᠬᠠᠨ
ᠠᠶᠠ᠂ ᠡᠨᠡ ᠶᠠᠭᠤᠲᠠᠢ ᠢᠷᠠᠭᠤᠬᠠᠨ
ᠠᠶᠠ᠂ ᠡᠨᠡ ᠶᠠᠭᠤᠲᠠᠢ ᠰᠣᠨᠣᠰᠬᠤᠯᠠᠩ
ᠠᠶᠠ᠂ ᠡᠨᠡ ᠶᠠᠭᠤᠲᠠᠢ ᠳᠠᠭᠤᠷᠢᠰᠬᠤᠯᠠᠩ
ᠠᠶᠠ᠂ ᠠᠶᠤᠩᠭᠠ ᠰᠢᠭ᠋ ᠯᠡ ᠨᠢᠵᠢᠭᠢᠨᠡᠬᠦᠢ
ᠠᠶᠠ᠂ ᠰᠣᠯᠣᠩᠭᠠ ᠰᠢᠭ᠋ ᠯᠡ ᠭᠡᠷᠡᠯᠲᠦᠬᠦᠢ
ᠠᠶᠠ᠂ ᠪᠤᠮᠠᠨ ᠭᠠᠯᠪᠠ ᠨᠢᠵᠢᠭᠢᠨᠡᠨ ᠪᠠᠳᠠᠷᠠ
ᠠᠢ ᠳᠠ ᠬᠥᠭᠡᠷᠦᠬᠦᠢ᠂ ᠮᠣᠩᠭᠣᠯ ᠤ᠋ᠨ ᠵᠠᠯᠠᠭᠤᠰ
ᠠᠶᠠ᠂ ᠶᠠᠭᠤᠲᠠᠢ ᠰᠡᠷᠭᠦᠯᠡᠩ ᠵᠢᠪᠬᠤᠯᠠᠩ
ᠠᠢ ᠳᠠ ᠮᠥᠨ᠂ ᠡᠨᠡ ᠠᠮᠢᠳᠤᠷᠠᠯ ᠲᠡᠮᠡᠴᠡᠯ
ᠠᠷᠤᠤᠬᠠᠨ ᠭᠣᠶᠣᠬᠠᠨ ᠶᠠᠭᠤᠲᠠᠢ ᠡᠷᠡᠯᠬᠡᠭ!
ᠶᠡᠷᠦᠨᠢ ᠯᠡ ᠵᠥᠪᠬᠡᠨ
ᠮᠠᠨ ᠤ᠋ ᠮᠣᠩᠭᠣᠯ ᠯᠠ
ᠶᠢᠷᠲᠢᠨᠴᠦ ᠳ᠋ᠦ᠍ ᠬᠣᠣᠰ ᠦᠭᠡᠢ
ᠮᠤᠨᠳᠠᠭ ᠦᠨᠳᠦᠰᠦᠲᠡᠨ ᠶᠦᠮ ᠳᠡ
ᠮᠣᠬᠣᠰᠢ ᠦᠭᠡᠢ ᠮᠥᠬᠥᠰᠢ ᠦᠭᠡᠢ
ᠮᠢᠲᠠᠷᠠᠰᠢ ᠦᠭᠡᠢ ᠡᠷᠬᠡᠰᠢᠶᠡᠭ᠍ᠳᠡᠰᠢ ᠦᠭᠡᠢ
ᠭᠠᠩᠳᠠᠰᠢ ᠦᠭᠡᠢ ᠪᠠᠭᠤᠷᠠᠰᠢ ᠦᠭᠡᠢ
ᠰᠢᠨᠲᠠᠷᠠᠰᠢ ᠦᠭᠡᠢ ᠳᠡᠢᠯᠦᠭᠳᠡᠰᠢ ᠦᠭᠡᠢ
ᠰᠢᠨᠡ ᠵᠠᠭᠤᠨ ᠰᠢᠨᠡ ᠮᠢᠩᠭᠠᠨ ᠤ᠋
ᠰᠢᠨᠡ ᠰᠡᠷᠭᠦᠨ ᠮᠠᠨᠳᠤᠯᠲᠠ
ᠶᠠᠭᠤᠲᠠᠢ ᠰᠠᠢᠬᠠᠨ ᠶᠠᠭᠤᠲᠠᠢ ᠴᠦ᠍
ᠶᠣᠰᠣᠲᠠᠢ ᠴᠦ᠍ ᠰᠠᠢᠬᠠᠨ ᠠ᠋
2024᠂ 06᠂ 11 03᠄ 31᠃ ᠦᠦᠷ᠃
ᠬᠥᠬᠡᠬᠣᠲᠠᠨᠠ ᠬᠢᠴᠢᠶᠡᠩᠭᠦᠢ ᠪᠦᠲᠦᠭᠡᠪᠡᠢ᠃