ᠣᠳᠠᠴᠢ ᠪᠤᠷᠬᠠᠨ ᠤ ᠬᠡᠰᠢᠭ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ - Удач бурхны хишиг –Ёндоны Билиг - Баатар
275ᠣᠳᠠᠴᠢ ᠪᠤᠷᠬᠠᠨ ᠤ ᠬᠡᠰᠢᠭ
ᠪᠢᠯᠢᠭ ᠦ᠋ᠨ ᠲᠠᠪᠤᠨ ᠰᠠᠷᠠ ᠶ᠋ᠢᠨ ᠲᠠᠪᠤᠨ
ᠪᠢᠯᠢᠭᠦᠨ ᠭᠡᠭᠡᠨ ᠣᠲᠠᠴᠢ ᠪᠤᠷᠬᠠᠨ ᠮᠠᠨᠳᠤᠯᠠᠪᠠᠢ
ᠡᠨᠡᠬᠦ ᠠᠤᠭᠠ ᠥᠯᠵᠡᠢᠲᠦ ᠡᠳᠦᠷ
ᠤᠰᠤ ᠪᠣᠯᠭᠠᠨ ᠷᠠᠰᠢᠶᠠᠨ ᠤᠮᠳᠠ ᠪᠣᠯᠳᠠᠭ
ᠡᠪᠡᠰᠦ ᠪᠣᠯᠭᠠᠨ ᠡᠮ ᠣᠷᠬᠣᠳᠠᠢ ᠪᠣᠯᠳᠠᠭ
ᠤᠴᠢᠷ ᠤ᠋ᠨ ᠨᠢᠭᠤᠴᠠᠬᠠᠢ ᠤᠴᠢᠷᠲᠠᠢ ᠪᠥᠯᠥᠭᠡ
ᠠᠷᠠᠳ ᠢᠷᠭᠡᠳ ᠡᠷᠲᠡᠯᠡᠩᠭᠡᠨ ᠪᠣᠰᠴᠤ
ᠤᠰᠤ ᠭᠣᠷᠣᠬᠠ ᠶ᠋ᠢᠨ ᠳᠡᠭᠡᠵᠢ ᠶ᠋ᠢ ᠠᠮᠰᠠᠨ
ᠠᠭᠤᠯᠠ ᠬᠠᠢᠷᠬᠠᠨ ᠤ᠋ ᠣᠷᠭᠢᠯ ᠳ᠋ᠤ᠌ ᠠᠪᠠᠷᠢᠨ
ᠠᠯᠢᠪᠠ ᠰᠠᠢᠨ ᠰᠠᠢᠬᠠᠨ ᠢ᠋ᠶ᠋ᠠᠨ ᠳᠠᠭᠠᠳᠬᠠᠨ
ᠤᠬᠠᠭᠠᠨ ᠰᠠᠷᠠᠭᠤᠯ ᠪᠡᠶᠡ ᠡᠷᠡᠭᠦᠯ ᠢ᠋ ᠡᠷᠬᠢᠮᠯᠡᠨ
ᠤᠷᠲᠤ ᠨᠠᠰᠤᠯᠠᠨ ᠤᠳᠠᠭᠠᠨ ᠵᠢᠷᠭᠠᠮᠤᠢ ᠶᠠ
ᠡᠯᠡ ᠪᠦᠭᠦᠳᠡ ᠠᠨᠤ ᠣᠲᠠᠴᠢ ᠪᠤᠷᠬᠠᠨ ᠤ᠋
ᠡᠩᠬᠡ ᠠᠮᠤᠭᠤᠯᠠᠩ ᠮᠥᠩᠬᠡ ᠬᠡᠰᠢᠭ ᠪᠤᠶᠤ
ᠣᠭᠲᠠᠷᠭᠤᠢ ᠳᠡᠯᠡᠬᠡᠢ ᠶ᠋ᠢᠨ ᠠᠭᠠᠷ ᠠᠮᠢᠰᠬᠤᠭᠠ
ᠠᠳᠠᠪᠰᠢ ᠭᠠᠢᠬᠠᠮᠰᠢᠭ᠌ᠲᠠᠢ ᠠᠷᠢᠭᠤᠨ ᠲᠤᠨᠤᠮᠠᠯ
ᠠᠮᠢᠲᠠᠨ ᠵᠢᠷᠭᠤᠭᠠᠨ ᠵᠦᠢᠯ ᠦ᠋ᠨ ᠲᠠᠯᠠᠷᠬᠠᠯ ᠠᠨᠤ
ᠠᠰᠢᠳᠠ ᠪᠠᠳᠠᠷᠠᠩᠭᠤᠢ ᠭᠡᠷᠡᠯᠲᠦ ᠨᠠᠷᠠᠨ ᠮᠡᠲᠦ
ᠮᠢᠩᠭᠠ ᠮᠢᠠᠩᠭᠠᠨ ᠭᠠᠯᠪᠠ ᠮᠥᠩᠬᠡᠷᠡᠬᠦ ᠶ᠋ᠢᠨ
ᠮᠠᠭᠠᠳ ᠦᠨᠡᠨ ᠦ᠌ ᠲᠤᠢᠯ ᠳ᠋ᠤᠷ ᠱᠤᠩᠪᠠᠮᠤᠢ
ᠮᠠᠨ ᠤ᠋ ᠮᠣᠩᠭᠣᠯ ᠤ᠋ᠨ ᠦᠷᠡ ᠬᠣᠢᠴᠢᠰ ᠤ᠋ᠨ
ᠢᠷᠡᠭᠡᠳᠦᠢ ᠰᠣᠨᠣᠰᠬᠤᠯᠠᠩ ᠳᠠᠭᠤᠷᠢᠰᠬᠤᠯᠠᠩ
ᠣᠷᠴᠢᠯᠠᠩ ᠤ᠋ᠨ ᠴᠠᠭᠠᠨᠠᠬᠢ ᠣᠷᠴᠢᠯᠠᠩ ᠤ᠋ᠨ
ᠴᠠᠪ ᠴᠡᠩᠬᠡᠷ ᠨᠠᠷᠠᠨ ᠯᠤᠭᠠ ᠮᠥᠴᠢᠭᠡᠷᠬᠡᠮᠦᠢ
2024᠂ 06᠂ 10᠃ 23᠄ 44 ᠦᠳᠡᠰᠢ᠃
ᠬᠥᠬᠡ ᠯᠤᠤ ᠵᠢᠯ ᠦ᠋ᠨ ᠪᠢᠯᠢᠭ ᠦ᠋ᠨ ᠤᠯᠠᠷᠢᠯ ᠤ᠋ᠨ
ᠲᠠᠪᠤᠨ ᠰᠠᠷᠠ ᠶ᠋ᠢᠨ ᠲᠠᠪᠤᠨ ᠬᠥᠬᠡᠬᠣᠲᠠᠨᠠ ᠪᠦᠲᠦᠭᠡᠪᠡᠢ᠃