ᠲᠤᠶᠠᠭᠠ ᠦᠵᠡᠭᠳᠡᠪᠡ- ᠳ· ᠨᠠᠴᠤᠭᠳᠣᠷᠵᠢТуяа үзэгдэв-Д.Нацагдорж
283 ᠳ· ᠨᠠᠴᠤᠭᠳᠣᠷᠵᠢ
ᠨᠠᠢ᠍ᠮᠠᠨ ᠰᠠᠷᠠ ᠶ᠋ᠢᠨ ᠠᠷᠪᠠᠨ ᠲᠠᠪᠤᠨ ᠤ᠋ ᠲᠤᠶᠠᠭᠠ ᠮᠥᠩᠭᠥᠨ ᠠᠶᠠᠭᠠ ᠶ᠋ᠢᠨ ᠠᠳᠠᠯᠢ ᠭᠡᠷᠡᠯᠲᠦᠨ ᠢᠨᠢᠶᠡᠮᠰᠦᠭᠯᠡᠬᠦ ᠳ᠋ᠦ᠍᠂ ᠨᠠᠩᠭᠢᠶᠠᠳ ᠤᠭᠰᠠᠭᠠᠨ ᠤ᠋ ᠠᠷᠠᠳ ᠣᠯᠠᠨ ᠰᠢᠷᠡᠭᠡ ᠪᠤᠳᠠᠭᠠ ᠶ᠋ᠢ ᠵᠠᠰᠠᠵᠤ ᠪᠠᠶᠠᠷ ᠶᠣᠰᠣᠯᠠᠯ ᠢ᠋ ᠬᠢᠬᠦ ᠪᠥᠭᠡᠳ ᠤᠷᠢᠳᠤ ᠶ᠋ᠢᠨ ᠳᠣᠭᠰᠢᠨ ᠨᠡᠭᠦᠳᠡᠯᠴᠢᠳ ᠦ᠋ᠨ ᠳᠣᠪᠲᠣᠯᠤᠯ ᠳᠠᠷᠤᠯᠠᠯ ᠠ᠋ᠴᠠ ᠭᠠᠷᠴᠤ ᠡᠷᠬᠡ ᠴᠢᠯᠥᠭᠡ ᠪᠡᠨ ᠣᠯᠤᠭᠰᠠᠨ ᠤ᠋ ᠳᠤᠷᠠᠳᠬᠠᠯ ᠢ᠋ ᠦᠢᠯᠡᠳᠦᠨᠡ᠃ ᠬᠠᠷᠭᠢᠰ ᠦᠨᠳᠦᠰᠦᠲᠡᠨ ᠦ᠌ ᠦᠵᠡᠯᠲᠡᠨ ᠦᠵᠡᠭᠡᠳ ᠬᠠᠷᠠ ᠬᠢᠲᠠᠳ ᠭᠡᠵᠦ ᠬᠠᠷᠢᠶᠠᠨ ᠵᠠᠩᠨᠠᠬᠤ ᠪᠣᠯᠪᠠᠴᠤ᠂ ᠣᠳᠣ ᠴᠠᠭ ᠤ᠋ᠨ ᠵᠠᠯᠠᠭᠤ ᠣᠶᠤᠲᠠᠨ ᠢᠨᠲ᠋ᠧᠷᠨᠠᠼᠢᠣᠨᠠᠯ ᠤ᠋ᠨ ᠦᠵᠡᠯ ᠢ᠋ ᠪᠠᠷᠢᠮᠲᠠᠯᠠᠵᠤ ᠲᠠᠯᠠᠷᠬᠠᠨ ᠦᠵᠡᠬᠦ ᠨᠢ ᠲᠣᠳᠣᠷᠬᠠᠢ ᠶᠤᠮ᠃ ᠡᠨᠡ ᠣᠷᠣᠢ ᠬᠡᠳᠦᠨ ᠤᠷᠠᠨ ᠵᠣᠬᠢᠶᠠᠯᠴᠢᠳ ᠴᠤᠭᠯᠠᠷᠠᠨ᠂ ᠤᠳᠬᠠ ᠤᠶᠠᠩᠭᠠ ᠶ᠋ᠢ ᠰᠢᠭᠦᠮᠵᠢᠯᠡᠨ ᠬᠡᠯᠡᠯᠴᠡᠬᠦ ᠳ᠋ᠦ᠍᠂ ᠶᠠᠪᠬᠢᠲᠠᠯᠠ ᠨᠠᠢ᠍ᠮᠠᠨ ᠰᠠᠷᠠ ᠶ᠋ᠢᠨ ᠠᠷᠪᠠᠨ ᠲᠠᠪᠤᠨ ᠲᠣᠬᠢᠶᠠᠯᠳᠤᠭᠰᠠᠨ ᠪᠥᠭᠡᠳ ᠲᠡᠷᠡ ᠬᠦ ᠲᠣᠯᠢ ᠰᠢᠭ᠋ ᠲᠤᠩᠭᠠᠯᠠᠭ ᠴᠠᠰᠤ ᠰᠢᠭ᠋ ᠴᠠᠭᠠᠨ ᠰᠠᠷᠠ ᠲᠥᠪ ᠲᠥᠭᠥᠷᠢᠭ ᠢ᠋ᠶ᠋ᠡᠷ ᠮᠠᠨ ᠤ᠋ ᠬᠠᠵᠠᠭᠤ ᠳ᠋ᠤ᠌ ᠬᠡᠷᠡᠯᠳᠦᠵᠦ ᠢᠳᠡᠷ ᠵᠠᠯᠠᠭᠤ ᠵᠣᠬᠢᠶᠠᠯᠴᠢᠳ ᠤ᠋ᠨ ᠣᠶᠤᠨ ᠤᠬᠠᠭᠠᠨ ᠳ᠋ᠤ᠌ ᠭᠡᠭᠡᠨ ᠲᠤᠶᠠᠭᠠ ᠪᠠᠨ ᠲᠤᠰᠬᠠᠨᠠ᠃
1930 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠶᠤᠨᠪᠠᠲᠤ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ