ᠡᠯᠪᠡᠭ ᠡᠪᠡᠰᠦЭлбэг өвс
362
ᠡᠯᠪᠡᠭ ᠡᠪᠡᠰᠦ
ᠦᠶᠡᠲᠦ ᠤᠷᠭᠤᠮᠠᠯ ᠦ᠋ᠨ ᠢᠵᠠᠭᠤᠷ
ᠣᠯᠠᠨ ᠨᠠᠰᠤᠲᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ᠂ ᠬᠥᠨᠳᠡᠯᠡᠨ ᠤᠷᠭᠤᠬᠤ ᠦᠨᠳᠦᠰᠦᠯᠢᠭ ᠡᠰᠢ ᠲᠡᠢ᠃ ᠰᠦᠷᠡᠯ ᠨᠢ90—150cm ᠦᠨᠳᠦᠷ ᠰᠢᠯᠤᠭᠤᠨ ᠤᠷᠭᠤᠨᠠ᠂ ᠶᠡᠷᠦ ᠳ᠋ᠡᠭᠡᠨ ᠰᠠᠯᠠᠭᠠᠯᠠᠨᠠ᠃ ᠨᠠᠪᠴᠢᠨ ᠤ ᠳᠤᠭᠲᠤᠢ ᠨᠢ ᠦᠰᠦ ᠦᠭᠡᠢ᠂ ᠶᠡᠷᠦ ᠳ᠋ᠡᠭᠡᠨ ᠦᠶᠡ ᠶ᠋ᠢᠨ ᠬᠣᠭᠣᠷᠣᠨᠳᠣᠬᠢ ᠵᠠᠢ ᠠ᠋ᠴᠠ ᠣᠬᠣᠷ; ᠨᠠᠪᠴᠢᠨ ᠤ ᠬᠡᠯᠡ ᠤᠷᠲᠤᠯᠵᠢᠨ ᠲᠣᠭᠣᠷᠢᠭ᠂6—10mm ᠤᠷᠲᠤ; ᠨᠠᠪᠴᠢ ᠨᠢ ᠲᠡᠭᠰᠢᠬᠡᠨ ᠬᠠᠪᠲᠠᠭᠠᠢ᠂ ᠪᠦᠰᠡ ᠬᠡᠯᠪᠡᠷᠢ ᠲᠡᠢ᠂ ᠪᠠᠬᠠᠨ ᠰᠢᠷᠦᠭᠦᠨ᠂ ᠳᠠᠰᠢᠭᠤᠯᠵᠦ ᠳᠡᠭᠡᠭᠰᠢ ᠪᠤᠶᠤ ᠰᠡᠷᠪᠡᠶ᠋ᠢᠵᠦ ᠤᠷᠭᠤᠬᠤ ᠪᠥᠭᠡᠳ ᠣᠯᠠᠨ ᠵᠢᠵᠢᠭ ᠰᠠᠯᠠᠭᠠ ᠪᠣᠯᠤᠨ ᠵᠢᠵᠢᠭ ᠲᠦᠷᠦᠭᠦᠦ ᠲᠡᠢ; ᠵᠢᠵᠢᠭ ᠲᠦᠷᠦᠭᠦᠦ ᠨᠢ ᠰᠢᠷᠠᠪᠲᠤᠷ ᠨᠣᠭᠤᠭᠠᠨ ᠪᠤᠶᠤ ᠪᠣᠷᠣᠪᠲᠤᠷ᠂3.5—5mm ᠤᠷᠲᠤ; ᠬᠠᠯᠢᠰᠤ ᠨᠢ ᠬᠠᠪᠲᠠᠭᠠᠢ ᠲᠡᠪᠡᠨᠡ ᠬᠡᠯᠪᠡᠷᠢ ᠲᠡᠢ᠂ ᠱᠣᠪᠣᠭᠣᠷ ᠦᠵᠦᠭᠦᠷ ᠲᠡᠢ᠂ ᠲᠣᠷᠭᠠᠨ ᠬᠠᠯᠢᠰᠤᠯᠢᠭ ᠬᠥᠪᠡᠭᠡ ᠲᠡᠢ᠂ ᠪᠠᠬᠠᠨ ᠰᠢᠷᠦᠭᠦᠨ ᠪᠤᠶᠤ ᠭᠣᠣᠯ ᠰᠤᠳᠠᠯ ᠳ᠋ᠤ ᠨᠢ ᠦᠰᠦ ᠲᠡᠢ; ᠭᠠᠳᠠᠷ ᠬᠡᠪᠡᠭ ᠨᠢ ᠲᠣᠷᠭᠠᠨ ᠬᠠᠯᠢᠰᠤᠯᠢᠭ᠂3mm ᠤᠷᠲᠤ᠂ ᠣᠷᠣᠢ ᠶ᠋ᠢᠨ ᠬᠣᠶᠠᠷ ᠵᠢᠵᠢᠭ ᠢᠯᠳᠡᠰᠦ ᠨᠢ0.5—0.7mm ᠤᠷᠲᠤ᠂ ᠰᠤᠷ ᠨᠢ ᠨᠠᠷᠢᠨ ᠮᠥᠷᠳᠡᠭᠡᠨ ᠰᠢᠯᠤᠭᠤᠨ᠂2—2.5mm ᠤᠷᠲᠤ᠂ ᠭᠠᠳᠠᠷ ᠬᠡᠪᠡᠭ ᠦ᠋ᠨ ᠠᠷᠤ ᠶ᠋ᠢᠨ ᠳᠤᠮᠳᠠ ᠬᠡᠰᠡᠭ ᠡᠴᠡ ᠤᠷᠭᠤᠨᠠ᠃ ᠰᠠᠭᠤᠷᠢ ᠲᠠᠪᠠᠭ ᠦ᠋ᠨ ᠰᠢᠷᠬᠡᠭ ᠮᠡᠲᠦ ᠦᠰᠦ ᠨᠢ ᠭᠠᠳᠠᠷ ᠬᠡᠪᠡᠭ ᠲᠡᠢ ᠪᠡᠨ ᠪᠠᠷᠤᠭ ᠢᠵᠢᠯ; ᠲᠣᠲᠣᠷ ᠬᠡᠪᠡᠭ ᠨᠢ ᠭᠠᠳᠠᠷ ᠬᠡᠪᠡᠭ ᠦ᠋ᠨ—1/2—2/3 ᠴᠢᠨᠡᠭᠡ ᠤᠷᠲᠤ; ᠲᠣᠭᠣᠰᠤᠪᠴᠢ ᠨᠢ2mm ᠬᠢᠷᠢ ᠤᠷᠲᠤ; ᠵᠢᠵᠢᠭ ᠲᠦᠷᠦᠭᠦᠦ ᠶ᠋ᠢᠨ ᠰᠤᠨᠵᠤ ᠤᠷᠲᠤᠳᠤᠭᠰᠠᠨ ᠲᠡᠩᠬᠡᠯᠢᠭ ᠨᠢ0.5mm ᠤᠷᠲᠤ ᠪᠠ ᠳᠡᠭᠡᠷᠡ ᠨᠢ2.5mm ᠤᠷᠲᠤ ᠦᠰᠦ ᠤᠷᠭᠤᠭᠰᠠᠨ ᠶᠤᠮ᠃
ᠠᠭᠤᠯᠠ ᠶ᠋ᠢᠨ ᠵᠠᠪᠠ ᠴᠢᠬᠡᠭ ᠲᠡᠢ ᠭᠠᠵᠠᠷ ᠤᠷᠭᠤᠨᠠ᠃
ᠮᠠᠨ ᠤ ᠤᠯᠤᠰ ᠦ᠋ᠨ ᠥᠪᠥᠷ ᠮᠣᠩᠭᠣᠯ᠂ ᠾᠧᠪᠧᠢ᠂ ᠱᠠᠨ ᠱᠢ᠂ ᠱᠠᠨᠰᠢ ᠬᠢᠭᠡᠳ ᠵᠡᠭᠦᠨ ᠬᠣᠶ᠋ᠢᠲᠤ ᠣᠷᠣᠨ ᠳ᠋ᠤ ᠤᠷᠭᠤᠳᠠᠭ᠃
ᠲᠦᠷᠦᠭᠦᠳᠦᠬᠦ ᠡᠴᠡ ᠡᠮᠦᠨᠡ ᠬᠠᠳᠤᠵᠤ ᠠᠪᠴᠤ ᠪᠣᠷᠳᠣᠭᠠ ᠪᠣᠯᠭᠠᠪᠠᠯ ᠴᠢᠨᠠᠷ ᠰᠠᠶ᠋ᠢᠨ ᠪᠥᠭᠡᠳ ᠵᠥᠭᠡᠯᠡᠨ ᠠᠯᠢᠰᠤ ᠪᠣᠯᠵᠤ ᠪᠣᠯᠤᠨᠠ᠃ ᠦᠭᠡᠢ ᠪᠣᠯ ᠬᠠᠲᠠᠭᠤᠷᠠᠭᠠᠳ ᠴᠢᠨᠠᠷ ᠨᠢ ᠪᠠᠭᠤᠷᠠᠨᠠ᠃
ᠬᠢᠲᠠᠳ ᠨᠡᠷᠡ᠄大叶章
ᠠᠩᠭ᠌ᠯᠢ ᠨᠡᠷᠡ᠄Deyeuxia Langsdorffii(Link) Kunth
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠲᠤᠶᠠᠭᠠ